कन्झ्युमर इलेक्ट्रॉनिक्स शो (CES) हा इलेक्ट्रॉनिक्स, तंत्रज्ञान जगातला सर्वात मोठा कार्यक्रम ९ जानेवारी ते १२ जानेवारी २०२४ दरम्यान पार पडला! सीईएस कार्यक्रम लास वेगासमध्ये भरला असून नेहमीप्रमाणे सर्व मोठ्या कंपन्यांमध्ये आपापली उत्पादने सादर करण्यासाठी जोरात स्पर्धा दिसून आली…यावेळी अपेक्षेप्रमाणे सर्व गोष्टीत AI जोडण्यास सुरुवात झाली आहे असं दिसून आलं. हा बराच मोठा कार्यक्रम असल्याने यामधील प्रत्येक गोष्टीबाबत सांगता येणार नाही मात्र काही प्रमुख चर्चा झालेली उपकरणांची माहिती खाली देत आहोत.

LG (एलजी) : एलजी खऱ्या अर्थाने CES 2024 गाजवलं असं म्हणता येईल. त्यांनी LG Signature OLED T नावाचा पारदर्शक डिस्प्ले असलेला टीव्ही सादर केला आहे. होय या टीव्हीमध्ये टीव्ही सुरू असतानाच काचे प्रमाणे टीव्हीच्या मागेसुद्धा पाहता येतं! हा ७७ इंची OLED टीव्ही असून हा नॉर्मल टीव्हीप्रमाणेसुद्धा वापरता येतो. या टीव्हीला यंदाच्या कार्यक्रमात Best Of CES 2024 असल्याचा मान मिळाला आहे! यासोबत UltraGear OLED मॉनिटर्स, एक कन्सेप्ट कार ज्यामध्ये LG Mobolity अंतर्गत त्यांच्या कार्समध्ये जोडता येणाऱ्या सोयी दाखवल्या आहेत. LG Dukebox हे ३० इंची पारदर्शक डिस्प्ले असलेलं गाणी ऐकण्यासाठी उपकरण आणि CineBeam Qube नावाचा छोटा प्रॉजेक्टरसुद्धा त्यांनी इथे सादर केला आहे!
व्हिडिओ : https://youtu.be/2BZy3OJeAbs

Samsung (सॅमसंग) : सॅमसंगनेसुद्धा Transparent डिस्प्लेचं तंत्रज्ञान सादर केलं आहे. यासोबत त्यांचे Neo QLED टीव्ही, Flex Fip नावाचा दुमडता येणारा कन्सेप्ट फोन. Rollable OLED डिस्प्ले, Ballie नावाचा AI robot आणि Samsung Music Frame नावाचं स्पीकर उपकरण सादर केलं आहे. यावेळी त्यांनी AI for All या घोषवाक्याखाली त्यांचा कार्यक्रम आयोजित केला होता. त्यांची स्मार्ट होम उपकरणे आणि आता लवकरच येणार Galaxy S24 सिरिज स्मार्टफोनमध्येही Galaxy AI चा समावेश असेल.

Sony (सोनी) : गेल्यावर्षी सादर झालेल्या Afeela कन्सेप्ट कारमधील नव्या सोयी यावेळी सोनीने प्रदर्शित केल्या असून यासाठी त्यांनी चक्क Playstation 5 चा कंट्रोलर वापरुन ही कार स्टेजवर चालवून दाखवली! या कारमध्ये तब्बल ४५ कॅमेरा आणि सेन्सर आहेत! शिवाय या कारमध्येच PS5 गेम्स खेळता येतात. प्रत्यक्ष उपलब्ध होणाऱ्या कारमध्ये मात्र या सर्व सोयी कदाचित नसतील.
ही कार २०२५ मध्ये बुकिंग सुरू होऊन २०२६ मध्ये उपलब्ध होईल. यासोबत नवा XR हेडसेट, कंटेंट क्रिएटर्ससाठी आभासी स्टुडिओ आणि त्यासंबंधीत टुल्सबद्दल माहिती दिली.
व्हिडिओ : https://youtu.be/GtdWs8WkWds?t=1780

Rabbit : या कंपनीने Rabbit R1 नावाचं हे छोटं AI आधारित उपकरण आणलं असून त्यांच्या म्हणण्यानुसार हे उपकरण तुमच्या फोनची जागा घेऊ शकतं. यामध्ये पर्सनल असिस्टंट सारख्या सोयी असून आपण बोलून विचारलेल्या प्रश्नांची उत्तरे देणं, सांगितलेल्या वेळी कॅब मागवणं, हॉटेलचं बुकिंग करणं, गाणी वाजवणं अशा गोष्टी करू शकतं. याच्या लॉंचनंतर अनेकांनी असं मत व्यक्त केलं की हे सर्व आपण आपल्या फोनमध्येही करू शकतो. यावर त्यांचं उत्तर असं आहे की यामधील ओएस अत्यंत वेगाने या सर्व क्रिया करू शकते आणि फोनमधील AI apps ना या वेगात या क्रिया करणं शक्य नाही. यासाठी त्यांनी Large Action Model चा वापर केला असून याची किंमत 200 डॉलर्स असणार आहे. विशेष म्हणजे याचं बुकिंग सुरू झालं आहे आणि दोन दिवसात २०००० जणांनी यासाठी नोंदणी केली आहे!
व्हिडिओ https://youtu.be/vp52L6UlmJY

Volkswagen : कंपनीने त्यांच्या कारमध्ये पूर्वी असलेल्या व्हॉईस असिस्टंटला आता ChatGPT ची जोड देत असल्याचं जाहीर केलं आहे. यामुळे तुम्ही कार चालवत असतानाच कोणत्याही प्रकारचे प्रश्न विचारून माहिती घेऊ शकता!

Asus एसुस : एसुसने बरेच नवे लॅपटॉप्स जाहीर केले असून यामधील खास म्हणजे Zenbook Duo. या लॅपटॉपमध्ये दोन १४ इंची 3k रेजोल्यूशन आणि 16:10 aspect ratio असलेले oled डिस्प्ले आहेत! आणि विशेष म्हणजे आपल्याला हव्या त्या प्रकारे त्यांची मांडणी करता येते! याची किंमत $1499 पासून सुरू होते. याच कार्यक्रमात एसुसने त्यांच्या गेमिंग फोन मालिकेतील ASUS ROG Phone 8 आणि 8 Pro सादर केले आहेत.

Lenovo लेनेवो : या कंपनीने ThinkBook Plus Gen 5 Hybrid हा 2 in 1 लॅपटॉप आणला असून यामध्ये Windows 11 आणि Android या दोन्ही ओएस उपलब्ध आहेत.

Hyundai हयुंडाई : कंपनीने Supernal S-A2 या उडणाऱ्या इलेक्ट्रिक एयर टॅक्सीबद्दल माहिती दिली असून २०२८ पर्यंत ही प्रत्यक्षात उपलब्ध होईल.

DJI : DJI Flycart 30 हा एक वस्तु डिलिव्हरी करणार ड्रोन असून ३० किलो पर्यंतच्या जड वस्तू या ड्रोनमार्फत १६ किमी अंतरावर पाठवता येतात! सांगितलेल्या ठिकाणी गेल्यावर ड्रोनला जोडलेली वस्तू आपोआप खाली ठेऊन मग ड्रोनची दोरी detach होऊन परत ड्रोन मध्ये जाते आणि ड्रोन मूळ ठिकाणी परततो.
व्हिडिओ https://youtu.be/Hhp11I-vGHA

The post CES 2024 मधील घडामोडी : सर्वात मोठा टेक्नॉलॉजी मेळा appeared first on MarathiTech - मराठीटेक.

कन्झ्युमर इलेक्ट्रॉनिक्स शो (CES) हा इलेक्ट्रॉनिक्स, तंत्रज्ञान जगातला सर्वात मोठा कार्यक्रम ५ जानेवारी ते ८ जानेवारी दरम्यान पार पडला! तब्बल दोन वर्षांनी यावेळी ऑफलाइन कार्यक्रम पार पडला असून या वर्षीचा सीईएस कार्यक्रम लास वेगासमध्ये भरला असून नेहमीप्रमाणे सर्व मोठ्या कंपन्यांमध्ये आपापली उत्पादने सादर करण्यासाठी जोरात स्पर्धा दिसून येत आहे…

यावेळी १७३ देशांमधील ३२०० हून अधिक कंपन्या किंवा व्यक्तींनी त्यांची उत्पादने/संशोधन प्रदर्शित केलं आहे. या लेखामध्ये पुढे काही ठराविक कंपन्या आणि त्यांची विशेष उत्पादने यांची माहिती दिली आहे. सर्वच वस्तूंची माहिती देणं शक्य नसल्याने जी उत्पादने चर्चेत होती त्यांचाच उल्लेख इथे केला आहे.

सॅमसंग (Samsung) : सॅमसंगने नेहमीप्रमाणे आणखी मोठे टीव्ही, NEO QLED चं नवं 8K तंत्रज्ञान, दुमडता आणि सरकवून बाजूला वाढवता येणारे डिस्प्ले, Odyssey OLED नावाचा Curved डिस्प्ले असलेला मॉनिटर, 2000nits ब्राइटनेस असलेला स्मार्टफोन डिस्प्ले गेल्यावर्षी आलेल्या Freestyle प्रॉजेक्टरची नवी आवृत्ती अशी बरीच उत्पादने सादर केली आहेत. स्मार्ट थिंग्ज अंतर्गत स्मार्ट होमसाठी BeSpoke फॅमिली हब टचस्क्रीन फ्रीज, त्यामध्ये पूर्ण फ्रीजला आपल्या आवडीचं डिझाईन सेट करता येण्याचा पर्याय यासोबत स्मार्ट वॉशिंग मशीन ज्यामध्ये अनेक सेन्सर्स जोडलेले असून आपोआप कपडे धुवून देण्याचं काम ही मशीन करेल.

सोनी (Sony) : सोनीने यावेळी त्यांची होंडा कंपनीसोबत भागीदारी जाहीर करता त्यांचा Afeela ब्रॅंड जाहीर केला असून यामधील प्रोटोटाइप इलेक्ट्रिक कारसुद्धा त्यांनी प्रदर्शित केली आहे. ही कार २०२६ पर्यंत विक्रीसाठी उपलब्ध होऊ शकते. ४० हून अधिक सेन्सर्स, कॅमेरा, रडार, अल्ट्रासॉनिक आणि लायडारचा समावेश करून सोनीच्या AI, VR व AR चा वापर केलेली एक अद्वितीय कार असेल.

सोनीच्या प्लेस्टेशन विभागात Project Leonardo नावाने एक उपकरण येणार असून याद्वारे अपंगत्व असलेल्या लोकांनाही गेम्स खेळता येतील आणि तेसुद्धा सोप्या पद्धतीने!

लेनेवो (Lenovo) : लेनेवोने Yoga Book 9i नावाचा ड्युयल डिस्प्ले लॅपटॉप आणला असून दोन 13.3″ 2.8K OLED डिस्प्ले एकावर एक जोडलेले आहेत. यासोबत दुसऱ्या ThinkBook Plus नावाच्या लॅपटॉपला असलेला OLED डिस्प्ले चक्क गोल फिरवता (Twist) येतो! लेनेवोने यावेळी ThinkPhone हा फोनसुद्धा सादर केला असून हा एक बिझनेस फोन असेल याला पीसीला जोडून स्वतंत्र कॉम्प्युटरप्रमाणेही वापरता येईल.

BMW : बीएमडब्ल्यूने त्यांची कन्सेप्ट कार प्रदर्शित केली. BMW i VISION DEE ह्या कारला आपण आवडीनुसार कधीही डिझाईन रंग सर्वकाही बदलू शकता. गेल्यावर्षी आलेला अशाच कारममध्ये फक्त ब्लॅक अँड व्हाइटचा पर्याय होता मात्र यावेळी हे तंत्रज्ञान आणखी विकसित करून तब्बल ३२ रंग यामध्ये निवडता येतील तेसुद्धा एकाचवेळी! यामुळे अवघ्या काही सेकंदात कारचं बाहेरील रूप पूर्णपणे बदलता येतं! यासाठी त्यांनी e ink डिस्प्लेचा वापर केला आहे.

एसुस (Asus) : एसुसने यावेळी पुन्हा एकदा प्रोआर्ट सिरीज लॅपटॉप्समध्ये OLED डिस्प्लेचं नवं तंत्रज्ञान जोडून लॅपटॉप आणले असून यावेळी एक 3D लॅपटॉपसुद्धा सादर केला ज्याचा 3D इफेक्ट पाहण्यासाठी गॉगल्सची गरज नाही. या इफेक्टमुळे आपण स्क्रीनवर पाहत असलेली वस्तु स्क्रीनच्या बाहेर येऊन फिरत आहे असं वाटतं!

HTC : HTC ने त्यांच्या प्रसिद्ध Vive VR हेडसेटमध्ये HTC Vive XR Elite मॉडेल आणलं असून यामध्ये AR, VR, and Mixed Reality (MR) तिन्ही प्रकारचा वापर करता येऊ शकतो! याची किंमत $1099 इतकी असेल.

L’Oréal Hapta : शारीरिक अपंगत्व असलेल्या व्यक्तींसाठी लॉरियाल या फॅशन ब्रॅंडने लिपस्टिक Applicator आणला असून याच्या ग्रीपमुळे ज्यांना हाताची मर्यादित स्वरूपात हालचाल करावी लागते त्यांना लिपस्टिक लावणं एकदम सोपं होईल असं त्यांचं म्हणणं आहे! ही ग्रीप गिंबल प्रमाणे काम करेल!

Unisteller : या कंपनीचा नवा टेलिस्कोप आपण याच्या App मध्ये हवा तो ग्रह, तारा सिलेक्ट केला की एका क्लिकवर त्या दिशेने स्वतःला फिरवून ठेवतो! याला Eyepiece दिलेला नाही त्यामुळे तुम्हाला स्मार्टफोनमध्येच टेलिस्कोपचं लाईव्ह दृश्य दिसेल. अवकाशातील ५००० हून गोष्टी याद्वारे पाहता येतील! शिवाय यामधील खास फीचर्समुळे लाइट पोल्युशनमधूनही हा टेलिस्कोप व्यवस्थित पाहू शकतो!

Dispace TV : या ब्रॅंडने बॅटरी असलेले टीव्ही आणले असून आपण हे उचलून कुठेही ठेवून वापरू शकता. विद्युत प्रवाह नसतानासुद्धा बॅटरीवर हा टीव्ही रोज ६ तास वापरुन जवळपास एक महिना चालेल असंही त्यांनी सांगितलं आहे! याचं वजन ९ किलोपेक्षा कमी असून हा 55″ डिस्प्ले आहे जो एका बाजूला एक असा ४ टीव्ही जोडून पूर्ण एक मोठा ११० इंची किंवा १६ टीव्ही जोडून २२० इंची डिस्प्लेसुद्धा बनवता येतो! याची बॅटरी काढून नवीन बॅटरी लगेचच बदलता येते.

German Bionic Apogee : याचा वापर करून कोणताही मनुष्य त्याचा पाठीवरचं वजन नेहमीच्या तुलनेत जवळपास ३० किलो अधिक वजन त्रास न होता उचलू शकतो! शिवाय यामध्ये जोडलेल्या AI मुळे आपण झेपेल इतकं वजन उचलत आहोत का याचीही माहिती मिळेल. हा सूट अंगावर घातल्यावर त्रास न होता वजन उचलण्याची क्षमता वाढते कारण त्या वस्तुचं वजन हा सूट त्यामधील तंत्रज्ञानामुळे स्वतः वाटून घेतो.

The post CES 2023 मधील घडामोडी : सर्वात मोठा टेक्नॉलॉजी मेळा appeared first on MarathiTech - मराठीटेक.

एसुस भारतात सध्या तरी त्यांच्या झेनफोन्स ऐवजी ROG मालिकेतील गेमिंग फोन्सवरच लक्ष केंद्रित केलं आहे. आज त्यांनी यपूर्वीच आलेल्या ROG Phone 5 चे अधिक सुविधा असलेले नवे दोन फोन मॉडेल्स भारतात सादर केले आहेत. हे दोन्ही फोन्स बाहेर गेल्यावर्षीच जाहीर झाले होते.

या फोन्समध्ये Snapdragon 888+ हा गेल्यावर्षीचा सर्वोत्तम प्रोसेसर देण्यात आला आहे. 144Hz AMOLED डिस्प्ले, फोन गरम होऊ नये म्हणून AeroActive Cooler 5 सारख्या खास सोयी यामध्ये दिल्या आहेत. 5s Pro मॉडेलमध्ये मागच्या बाजूला दुसरा डिस्प्ले दिलेला असून यावर GIF लावू शकता, notifications पाहू शकता.

हे ROG सिरिजचे फोन फक्त आणि फक्त मोबाइल गेमर्ससाठीच तयार करण्यात आले असून हे फोन्स सामान्य वापर असणाऱ्या ग्राहकांनी घेण्यात काहीच अर्थ नाही. मात्र गेमर्ससाठी फोन्स पहायचे असतील तर नक्कीच हे सर्वोत्तम फोन्स असतील.

गेमर्सना पुढे ठेवूनच यामध्ये AeroActive Cooler 5, ultrasonic AirTrigger sensors, GameFX audio system, Armoury Crate App, Game Genie overlay, AudioWizard अशा बऱ्याच गोष्टींचा समावेश केलेला आहे.

Asus ROG 5s Pro Specs

डिस्प्ले : 6.78″ FHD+ AMOLED E4 Display 144Hz, 1200 nits peak brightness
दुसरा डिस्प्ले : Matrix p-AMOLED
प्रोसेसर : Snapdragon 888+
रॅम : 18GB LPDDR5
स्टोरेज : 512GB UFS 3.1
कॅमेरा : 64MP Triple Camera + 13MP Ultrawide + 5MP Macro
फ्रंट कॅमेरा : 24MP
बॅटरी : 6000mAh 65W
ऑपरेटिंग सिस्टिम : Android 11 ROG UI
इतर : NFC, Type C Port, in-display fingerprint sensor, ultrasonic sensors for AirTrigger 5 and grip press
नेटवर्क : 5G, 4G
रंग : Phantom Black
किंमत : 18GB+512GB ₹७९,९९९

Asus ROG 5s Specs

डिस्प्ले : 6.78″ FHD+ AMOLED E4 Display 144Hz, 1200 nits peak brightness
दुसरा डिस्प्ले : नाही
प्रोसेसर : Snapdragon 888+
रॅम : 8GB/12GB
स्टोरेज : 128GB/256GB
कॅमेरा : 64MP Triple Camera + 13MP Ultrawide + 5MP Macro
फ्रंट कॅमेरा : 24MP
बॅटरी : 6000mAh 65W
ऑपरेटिंग सिस्टिम : Android 11 ROG UI
इतर : NFC, Type C Port, in-display fingerprint sensor, ultrasonic sensors for AirTrigger 5 and grip press
नेटवर्क : 5G, 4G
रंग : Phantom Black आणि Storm White
किंमत :
8GB+128GB ₹४९,९९९
12GB+256GB ₹५७९९९

The post एसुसचे ROG Phone 5s आणि 5s Pro भारतात सादर : सर्वोत्तम गेमिंग फोन्स! appeared first on MarathiTech - मराठीटेक.

एसुसने पुन्हा एकदा खास गेमिंगसाठी तयार करण्यात आलेल्या ROG फोन मालिकेत नवा फोन आणून धमाका केला आहे. आता नव्या ROG Phone 5 मध्ये चक्क 18GB पर्यंत रॅम, 512GB UFS3.1 स्टोरेज, Qualcomm चा Snapdragon 888 हा पॉवरफुल प्रोसेसर, 144Hz sAMOLED डिस्प्ले, 5G, WiFi6, 6000mAh अशा भन्नाट सुविधा दिल्या आहेत. सध्यातरी गेमिंगबाबत यासोबत स्पर्धा करू शकेल असा फोन असणं शक्य नाही. या फोनची किंमत ४९९९९ पासून सुरू होत आहे. हा फोन १५ एप्रिलपासून फ्लिपकार्टवर खरेदी करता येईल.

गेमर्सना समोर ठेऊन सादर झालेला हा एसुस फोन अनेक बाबतीत सर्वात प्रथम म्हणता येईल अशा सुविधांनी सज्ज आहे. याचा प्रोसेसर Snapdragon 888 अँड्रॉइडसाठी सर्वोत्तम असून यामुळे वेगवान 5G, 8K व्हिडिओ रेकॉर्डिंग, परफेक्ट गेमिंग करता येईल. याचा 6.8″ sAMOLED डिस्प्ले 144Hz 1ms सह येत असून HDR10+, Delta E<1 कलर्स, 300Hz Touch Sampling Rate, Gorilla Glass Victus सपोर्ट मिळेल. गेमिंगसाठी Air Triggers 5, Motion Control, Dual USB C, 3.5mm Audio Jack अशा सोयी आहेत. 18GB रॅम असलेला हा जगातला पहिलाच फोन आहे.

डिस्प्ले : 6.8″ 144Hz sAMOLED Display HDR10+
प्रोसेसर : Qualcomm Snapdragon 888
GPU : Adreno 660
रॅम : 8GB/12GB/16GB/18GB LPDDR5
स्टोरेज : 128GB/256GB/512GB UFS 3.1
कॅमेरा : 64MP Triple Camera + 8MP Ultrawide + 5MP Macro Lens 8K@30fps, 4K@30/60/120fps,
फ्रंट कॅमेरा : 24MP
बॅटरी : 6000mAh Fast charging 65W, Reverse charging 10W, Power Delivery 3.0, Quick Charge 5
ऑपरेटिंग सिस्टिम : Android 11
इतर : Wi-Fi 802.11 a/b/g/n/ac/6e, dual-band, Bluetooth 5.2, A2DP, LE, aptX HD, aptX Adaptive
सेन्सर्स : Fingerprint (under display, optical), accelerometer, gyro, proximity, compass
रंग : Phantom Black, Storm White
किंमत : १५ एप्रिलपासून फ्लिपकार्टवर खरेदी करता येईल. http://fkrt.it/aUAvwzuuuN
ROG Phone 5 : 8GB/128GB- ₹49,999
ROG Phone 5 : 12GB/256GB- ₹57,999
ROG Phone 5 Pro: 16GB/256GB- ₹69,999
ROG Phone 5 Ultimate: 18GB/512GB- ₹79,999

The post एसुसचा भन्नाट ROG Phone 5 सादर : तब्बल 18GB रॅम, 512GB स्टोरेज! appeared first on MarathiTech - मराठीटेक.

एसुस झेनफोन मालिकेतील बहुप्रतिक्षित नवे स्मार्टफोन्स सादर झाले आहेत. या फोन्समध्ये Snapdragon 865 व 865+ प्रोसेसर असून आधीच्या मॉडेलमध्ये असणारा फ्लिप कॅमेरा यामध्येही असेलच. या बॅक कॅमेराच सेल्फी कॅमेरा म्हणून वापरता येणाऱ्या खास गोष्टीला त्यांनी आणखी उत्तम बनवलं आहे! दोन्ही फोन्समध्ये 90Hz refresh rate, 6.87″ डिस्प्ले, 64MP कॅमेरा, 5000mAh बॅटरी आणि साइड फिंगर प्रिंट स्कॅनर असेल. एसुसने 3.5 mm headphone jack मात्र काढून टाकला आहे. यांची किंमत अनुक्रमे $750 (~५५७००) व $950 (~७०५००) अशी आहे. यांची भारतीय किंमत अद्याप जाहीर करण्यात आलेली नाही.

Zenfone 7

डिस्प्ले : 6.67-inch 20:9 (2400 by 1080) 90 Hz / 1 ms AMOLED display
प्रोसेसर : Qualcomm Snapdragon 865
GPU : Adreno 650
रॅम : 6GB/8GB
स्टोरेज : 128GB UFS 3.1 + expandable slot Supports up to 2 TB
कॅमेरा : 64MP Quad Camera + 8MP Telephoto + 12MP ultrawide 8K UHD (7680×4320) video at 30 fps for main camera
फ्रंट कॅमेरा : मेन कॅमेराच सेल्फी कॅमेरा म्हणून वापरता येतो.
बॅटरी : 5000mAh 30W Flash Charge
ऑपरेटिंग सिस्टिम : Android 10, ZenUI 7
सेन्सर्स : Side fingerprint sensor (0.3 seconds unlock, supports 5 fingerprints), Face recognition, Accelerator sensor, E-Compass sensor, Proximity sensor, Ambient light sensor, Gyro sensor, Angle sensor, Hall sensor
रंग : Pastel White, Aurora Black

Zenfone 7 Pro

डिस्प्ले : 6.67-inch 20:9 (2400 by 1080) 90 Hz / 1 ms AMOLED display
प्रोसेसर : Qualcomm Snapdragon 865+
GPU : Adreno 650
रॅम : 8GB
स्टोरेज : 256GB UFS 3.1 + expandable slot Supports up to 2 TB
कॅमेरा : 64MP Quad Camera + 8MP Telephoto + 12MP ultrawide 8K UHD (7680×4320) video at 30 fps for main camera
फ्रंट कॅमेरा : मेन कॅमेराच सेल्फी कॅमेरा म्हणून वापरता येतो.
बॅटरी : 5000mAh 30W Flash Charge
ऑपरेटिंग सिस्टिम : Android 10, ZenUI 7
सेन्सर्स : Side fingerprint sensor (0.3 seconds unlock, supports 5 fingerprints), Face recognition, Accelerator sensor, E-Compass sensor, Proximity sensor, Ambient light sensor, Gyro sensor, Angle sensor, Hall sensor
रंग : Pastel White, Aurora Black

The post एसुसचे Zenfone 7 व Zenfone 7 Pro स्मार्टफोन्स सादर! appeared first on MarathiTech - मराठीटेक.