BSNL Archives - MarathiTech - मराठीटेक

हाइक अॅपची नवी सेवा : टोटल : मोबाइल डेटाशिवाय इंटरनेट अॅप्स!

Sooraj Bagal — Wed, 17 Jan 2018 14:25:00 +0000

हाइक मेसेंजर हा मेसेजिंगच्या जगात व्हॉटसअॅप, वुईचॅट, टेलीग्राम, व्हायबर, लाइन यांना उत्तम भारतीय पर्याय देतो. यामधील खास भारतीय यूजर्ससाठी दिलेली स्टीकर्सतर खास लोकप्रिय झाली होती! याच हाइकने आता टोटल (Total By Hike) ही सेवा सुरू केली आहे जी इंटरनेट डेटा नसतानासुद्धा इंटरनेट अॅप्स वापरण्याची सोय देणार आहेत! हाइक सीईओ केव्हिन मित्तल यांनी याबाबत आज घोषणा केली!

टोटल बाय हाइकबद्दल अधिकृत पोस्ट : Total By Hike

ही सर्व अॅप्स USSD वर आधारित आहेत (USSD आपण बॅलन्स तपासताना वापरत असतो). त्याप्रमाणे क्रमांक डायल करून आपण संदेश, रिचार्ज, क्रिकेट स्कोर, बातम्या, भविष्य, रेल्वेबद्दल माहिती जाणून घेऊ शकतो! या सेवेसाठी एयरटेल, बीएसएनएल यांनी सहभाग दर्शवला आहे.ही सेवा या ऑपरेटर्सवर मोफत उपलब्ध आहे!
ही सर्व अॅप्स १ एमबीपेक्षा कमी जागा घेतील! हाइक वॉलेट यूपीआयचा वापर करून व्यवहार करेल!

टोटल बाय हाइकचं काम कसं चालेल याविषयी खालील व्हिडिओ पहा!

The post हाइक अॅपची नवी सेवा : टोटल : मोबाइल डेटाशिवाय इंटरनेट अॅप्स! appeared first on MarathiTech - मराठीटेक.

बीएसएनएलच्या नव्या इंटरनेट ऑफर्स : 333 रुपयात 270 जीबी डाटा!!!

Sooraj Bagal — Mon, 24 Apr 2017 07:27:00 +0000

बीएसएनएल या सरकारी टेलिकॉम कंपनीने प्रिपेड ग्राहकांसाठी नवे इंटरनेट डेटा प्लॅन्स सादर केले असून सध्याच्या इतर टेलिकॉम कंपन्यापेक्षा खूपच स्वस्त आहेत!

१. Triple Ace प्लॅन नुसार 333 रुपयांच्या रिचार्जवर ग्राहकांना दर दिवशी 3GB 3G स्पीड इंटरनेट मिळेल. त्यावर 3GB डाटा संपल्यावर 80 kbps स्पीडने अमर्याद Unlimited डेटा वापर करता येईल. पुन्हा दुसऱ्या दिवशी 3GB हायस्पीड डाटा असा एकूण 270GB हायस्पीड डेटा तोसुद्धा ९० दिवसांच्या वैधते(Validity)वर मिळणार आहे! म्हणजे ९० दिवस रोज 3GB इंटरनेट 3G स्पीडमध्ये! इंटरनेटचा भरपूर वापर करणार्‍याना या प्लॅनचा मोठाच फायदा होईल. या प्लॅन मध्ये व्हॉइस कॉलसाठी काही फायदे नाहीत.

२. दुसऱ्या प्लॅनमध्ये 339 रुपयांच्या रिचार्जवर BSNL ते BSNL अमर्याद व्हॉइस कॉलिंग, BSNL ते इतरांसाठी दरदिवशी २५ मिनिटे मोफत आणि यासोबत दरदिवशी 3GB डेटा (दरदिवशी 3GB डाटा संपल्यावर 80 kbps स्पीडने अमर्याद डेटा). मात्र या प्लॅनची वैधता २८ दिवसच आहे.

३. Dil Khol Ke Bol प्लॅन : तिसर्‍या ऑफरनुसार 349 रुपयांच्या रीचार्जवर अमर्याद Local + STD व्हॉइस कॉल्स सर्वच नेटवर्कवर सोबत 2GB मर्यादित डेटा 3G स्पीडमध्ये मिळेल. 2GB डाटा संपल्यावर 80 kbps स्पीडने अमर्याद. या प्लॅनची वैधता/Validity ९० दिवस असेल. हा प्लॅन व्हॉइस कॉल्स मोठ्या प्रमाणावर करणार असाल तर उपयोगी आहे.

४. Nehle Pe Dahla प्लॅन : या प्लॅन नुसार 395 रुपयांच्या रिचार्जवर 2GB डेटा दर दिवशी मोफत मिळेल सोबत ३००० मिनिटे BSNLते BSNL च्या नेटवर्कवर मोफत आणि इतर नेटवर्कसाठी १८०० मिनिटे मोफत. मोफत कॉल्स संपल्यावर २०पैसे/मिनिट दराने कॉल्स. या प्लॅनची वैधता/Validity ७१ दिवस आहे.

एक सूचना : या वरील सर्व प्लॅन्सचा ऑनलाइन रिचार्ज (Paytm/FreeCharge) करणार असाल तर फोन क्रमांक टाकून झाल्यावर STV हाच पर्याय निवडा. (Topup निवडू नका).

हा लेख आपल्या मित्रांसोबत नक्की शेअर करा.

The post बीएसएनएलच्या नव्या इंटरनेट ऑफर्स : 333 रुपयात 270 जीबी डाटा!!! appeared first on MarathiTech - मराठीटेक.

डिजिटल इंडिया वीक उपक्रमास सुरुवात

Sooraj Bagal — Wed, 01 Jul 2015 12:30:00 +0000

मा.पंतप्रधान नरेंद्र मोदींनी जनतेला तंत्रज्ञाच्या माध्यमातून सरकारशी जोडले जाण्याच्या हेतूने डिजिटल इंडिया नावच्या उपक्रमाची आज सुरवात केली. या माध्यमाने देशातील जनता सरकारी सेवांचा व सुविधांचा घरबसल्या इंटरनेटचा वापर करून लाभ घेऊ शकतील. मुख्य ध्येयांपैकी एक म्हणजे सर्व पंचायतींना ब्रॉडब्रॅंड सुविधा उपलब्ध करून देणं, सर्व शाळा कॉलेजेस मध्ये वायफाय सुविधा पुरवणं तसेच शहरातील महत्वाच्या ठिकाणी वायफाय हॉटस्पॉट देखील २०१९ अखेरपर्यंत उपलब्ध होतील.

डिजिटल इंडिया अंतर्गत काही महत्वाच्या घोषणा :

डिजिटल लॉकर : कागदपत्रांची उठाठेव कमी व्हावी म्हणून ऑनलाइन साठवता येणारी डॉक्युमेंट्स
MyGov.in : सरकार व जनतेमधील संवाद वाढण्याच्या हेतूने नवी वेबसाइट
स्वच्छ भारत मोहिमेच मोबाइल App
आधार वापरुन E-Sign फ्रेमवर्कचा वापर : कागदपत्रे ऑनलाइन साइन करत येणार.
E-हॉस्पिटल: ऑनलाइन नोंदणी, फी भरणा, डॉक्टर अपॉईंटमेंट ऑनलाइन करण्याची सोय
ऑनलाइन शिष्यवृत्ती योजना
भारतनेट मोहिमेद्वारे २५०००० ग्रामपंचायती ऑप्टिकल फायबर इंटरनेटने जोडले जाणार
बीएसएनएलतर्फे वायफाय हॉटस्पॉटची उभारणी

The post डिजिटल इंडिया वीक उपक्रमास सुरुवात appeared first on MarathiTech - मराठीटेक.

फेसबूक लवकरच मोबाइलवर इंटरनेटविना

Sooraj Bagal — Mon, 09 Jun 2014 11:57:00 +0000

एकेकाळी तरुणाईला वेड लावणारे फेसबूक आता लवकरच मोबाइलवर इंटरनेटविना उपलब्ध होणार आहे. बीएसएनएलने आपल्या युझर्ससाठी विनाइंटरनेट आणि डेटा कनेक्टिव्हीटीशिवाय मोबाइववर फेसबुकची सुविधा दिली आहे. बीएसएनएल युझर्संना ही सुविधा हवी असल्यास ३ दिवसासाठी ४ रुपये, एका आठवड्यासाठी १० रुपये आणि महिन्याभरासाठी २० रुपये मोजावे लागतील.

सरकारी क्षेत्र असणारी टेलिकॉम कंपनी बीएसएनएलने या सुविधेसाठी युटोपिया मोबाइल (U2opia Mobile) यांच्याशी हातमिळवणी केली आहे. ही सुविधा बीएसएनएलच्या पूर्व आणि दक्षिण झोनला लागलीच मिळाली आहे. तर, पश्चिम आणि उत्तर झोनसाठी देखील ही सुविधा लवकरच मिळणार असल्याचे बीएसएनएलकडून सांगण्यात आले आहे.

या सुविधेमुळे युएसएसडी तंत्रज्ञानाच्या आधारे युझर फेसबूकवर आपलं अकाउंट लॉग इन करु शकतात, स्टेटस, मेसेज वाचू अथवा लिहू शकतात. तसेच फ्रेंड रिक्वेस्टही पाठविता येणार आहे.

जवळपास सर्वच मोबाइल युझर युएसएसडी तंत्रज्ञानाचा वापर करतात. जर आपण आपल्या मोबाइलवर * आणि # यांच्यामध्ये काही नंबर टाकून प्री-पेड बॅलन्स पाहिला तर आपणही युएसएसडी तंत्रज्ञानाचा वापर केला आहे.

The post फेसबूक लवकरच मोबाइलवर इंटरनेटविना appeared first on MarathiTech - मराठीटेक.