DJI या ड्रोन क्षेत्रातील आघाडीच्या कंपनीने काल त्यांचा नवा ड्रोन सादर केला असून हा प्रामुख्याने सिनेमॅटोग्राफर्सना समोर ठेऊन तयार करण्यात आला आहे. यामध्ये आता चक्क 8K Full Frame सेन्सर (Zenmuse X9-8K Air Gimbal Camera sensor) दिला आहे. हा ड्रोन ProRes फॉरमॅटमध्ये 8K 75fps व्हिडिओ रेकॉर्ड करू शकतो!

• 161-degree FOV with a 1/1.8-inch night vision sensor and 1080p 60fps.
• Can record up to 8K 25fps in CinemaDNG
• Can record 8K 75fps in Apple ProRes RAW
• New propulsion system with speeds of 94km/h
• Transmission range : 15km with Single controller
• Transmission range : 12km in Dual-control (pilot + gimbal control) mode.
• 1080p 60fps live feed with a latency of 90ms over 12km

यासोबत नवा DJI RC Plus controller असून यामध्ये ७ इंची 1200-nit डिस्प्ले आणि 3.3 तासांची बॅटरी लाईफ आहे. ड्रोनमध्ये TB61 dual batteries सपोर्ट असून याद्वारे हा ड्रोन 28 मिनिटे उडवता येईल!

या ड्रोनची किंमत सुद्धा यामधील सुविधांसारखीच अफाट म्हणजेच $16499 (~₹१३,५०,०००) इतकी आहे . याच्यामध्ये DJI Inspire 3 ड्रोन, Zenmuse X9-8K Air Gimbal कॅमेरा, RC Plus remote controller, 6x TB51 Intelligent बॅटरी, Charging Hub, PROSSD 1TB, Trolley Case, 3x Foldable Quick-Release Propellers (Pair), Lens Carrying Box, RC Plus Strap, इ. गोष्टी मिळतील. याच्या कॅमेरासाठी स्वतंत्र लेन्स सुद्धा जोडता येतात!

सध्या भारतात ड्रोन आयातीवर बंदी आहे. त्यामुळे हा ड्रोन अधिकृतरित्या मिळणार नाही. काही दुकानांमध्ये हा इतर देशांच्या तुलनेत नंतर आणि अधिकच्या किंमतीत मिळू शकतो!

The post DJI चा नवा Inspire 3 ड्रोन : 8K फुलफ्रेम सेन्सरसह! appeared first on MarathiTech - मराठीटेक.

नागरी विमान मंत्रालयाने आज नवी ड्रोन नियमावली २०२१ सादर केली असून ही यापूर्वीच्या Unmanned Aircraft Systems नियमावलीची जागा घेईल असं सांगण्यात आलं आहे. १५ जुलैला भारत सरकारने एक ड्रोन नियमावली जाहीर केली होती आणि संबंधित क्षेत्रातील व्यक्तीकडून ५ ऑगस्टपर्यंत प्रतिक्रिया/सूचना मागवल्या होत्या. ड्रोन्सच्या वापरामधील अडथळे कमी केल्याबद्दल या नियमावलीचं स्वागत सुद्धा करण्यात आलं होतं.

नव्या नियमावलीमधील काही बदल

• नव्या नियमानुसार Unique Identification Number शिवाय ड्रोन उडवण्याची परवानगी नाही.
• हा नंबर मिळवण्यासाठी डिजिटल स्काय प्लॅटफॉर्मचा वापर करावा लागेल हा एक ऑनलाइन प्लॅटफॉर्म असेल जिथे यासंबंधीत सर्व गोष्टी एकाच जागी करता येतील.
• मायक्रो ड्रोन्स, नॅनो ड्रोन्स आणि संशोधनासाठी करण्यात येणाऱ्या वापरावेळी पायलट परवानगीची गरज नाही.
• ड्रोन वापरण्यासाठी लागणाऱ्या २५ फॉर्म्स/परवानगीची संख्या आता ५ वर आणण्यात आली आहे
• ग्रीन झोनमध्ये ४०० फुटांपर्यंत आणि विमानतळाच्या परिघापासून ८ ते १२ किमी अंतरावर २०० फुटांपर्यंत उड्डाणासाठी परवानगी लागणार नाही.
• certificate of conformance, certificate of maintenance, import clearance, acceptance of existing drones, operator permits, authorization of R&D organization and student remote pilot licence सारख्या गोष्टींची बरीच बंधने कमी करण्यात आली आहेत.
• (अधिक माहितीसाठी कृपया अधिकृत प्रेस नोटचा संदर्भ घ्या)

The post भारतात ड्रोन्ससाठी नवी ड्रोन नियमावली २०२१ जाहीर! appeared first on MarathiTech - मराठीटेक.

सोनी कंपनीने CES 2021 मध्ये जाहीर केलेला Airpeak S1 ड्रोन आता बाजारात आणत असल्याचं जाहीर केलं असून हा प्रोफेशनल ड्रोनची किंमत तब्बल $9000 म्हणजे जवळपास ₹६,५८,००० इतकी आहे! हा ड्रोन पूर्णपणे प्रोफेशनल व्हिडिओसाठी बनवण्यात आला असून यामध्ये कॅमेरा, गिंबल आणि ड्रोन अशा तिन्ही गोष्टी एकत्रित करण्यात आल्या आहेत.

सोनीचे अल्फा मालिकेतील मिररलेस कॅमेरे या ड्रोनला जोडून त्याद्वारे व्हिडिओ शूट करता येतात. हा ड्रोन कॅमेरा जोडलेला असताना १२ मिनिटे उडवता येईल तर कोणताही लोड नसताना २२ मिनिटे उडवता येऊ शकतो.

याचं खास वैशिष्ट्य म्हणजे याची Stability आणि जोराचा वारा असतानाही उडण्याची क्षमता. हा ड्रोन 0 ते 50MPH वेग केवळ ३.५ सेकंदात पकडू शकतो. तुलना करायची तर DJI चा Matrice 600 Pro ड्रोन जो $7000 किंमतीचा आहे याचा वेग 40MPH पर्यंत आहे.

• Optimized Design for Exceptional Performance
• Powerful Flight Performance
• Sensing Technology for Flight Stability
• Versatile Camera and Lens Compatibility
• Intuitive Control
• Automated Flight for Workflow Efficiency
• Dedicated Propulsion Device and Flight Controller
• Stable Flight in High Winds
• Retractable landing gear for unobstructed camera field of view

The post आता सोनी कंपनीचाही ड्रोन : Sony Airpeak S1 जाहीर! appeared first on MarathiTech - मराठीटेक.

ड्रोन निर्मिती क्षेत्रातील आघाडीची कंपनी DJI चा कमी वजनाचा नवा ड्रोन DJI Air 2S सादर झाला आहे. यामध्ये आता आधीच्या तुलनेत मोठा 1″ 20MP सेन्सर देण्यात आला आहे ज्यामुळे व्हिडिओ व फोटोची गुणवत्ता अधिक चांगली असणार आहे. शिवाय यामध्ये आता 5.6K रेजोल्यूशनमध्ये व्हिडिओ रेकॉर्ड करता येणार आहे.

• 1-Inch CMOS Sensor
• 5.4K Video
• MasterShots
• 12km 1080p Transmission
• Obstacle Sensing in 4 Directions

याचं वजन ६०० ग्रॅम्स पेक्षा कमी असून यामध्ये विविध ऑटोनोमस फंक्शन्सचा समावेश आहे. हा ड्रोन 12KM अंतरावरून FHD लाईव्ह व्हिडिओ दाखवू शकतो. 5.6K at 30fps आणि 4K at 60fps अशा रेजोल्यूशनमध्ये याचा कॅमेरा व्हिडिओ काढू शकेल जे या आकाराच्या ड्रोनसाठी नक्कीच मोठी गोष्ट आहे. यामध्ये चार दिशांनी आलेला अडथळा ओळखता येईल आणि त्यानुसार ड्रोन आपोआप त्याची दिशा बदलेल.

व्हिडिओ शूट करत असताना 8x पर्यंत झुम करता येणार आहे. MasterShot नावाच्या सुविधेद्वारे आपण सेट केलेल्या मार्गावर सेट केलेली कृती करत व्हिडिओ शूट करता येईल.

या ड्रोनची किंमत $999 म्हणजे जवळपास ७५००० रुपये असणार आहे. DJI ने अलीकडे बरेच कमी वजनाचे ड्रोन्स आणले असून आता यासाठी स्वतःचेच अनेक पर्याय उपलब्ध झाले आहेत.

The post DJI चा नवा ड्रोन Air 2S : आता 1″ सेन्सर आणि 5.6K व्हिडिओसह! appeared first on MarathiTech - मराठीटेक.

डीजेआय (DJI) या प्रसिद्ध ड्रोन निर्मिती करणाऱ्या कंपनीने नवा ड्रोन आणला असून या DJI FPV ड्रोनमध्ये आपल्याला फर्स्ट पर्सन व्ह्यू म्हणजे आपण स्वतः ड्रोनमध्ये बसून ड्रोन चालवत आहात असा व्ह्यू पाहत ड्रोन उडवता येईल! यामध्ये ड्रोनची कॅमेरा फीड DJI गॉगलच्या डिस्प्लेमध्ये लाईव्ह दिसेल. ड्रोन विश्वात हे नक्कीच अधिक सुंदर अनुभव देणारं उपकरण असणार आहे.

FPV ड्रोन बनवणारी DJI पहिली कंपनी नसली तरी ते अनेक लोकांना सहज वापरता येईल अशा स्वरूपात बाजारात उपलब्ध करून देण्याची क्रिया प्रथम DJI कडूनच होणार आहे. या ड्रोनसोबत आपल्याला FPV Goggles V2 (head-mount display), FPV Remote Controller 2 आणि एक Motion Controller घेता येईल. FPV Goggles मध्ये डिस्प्ले दिलेला आहे जो ड्रोन पाहत असलेले दृश्य आपल्याला लाईव्ह दाखवेल. Remote Controller नेहमीप्रमाणे ड्रोन नियंत्रित करेल तर नवा मोशन कंट्रोलर आपण जसा फिरवू त्या प्रमाणे ड्रोन उडवेल! या मोशन कंट्रोलरचा वापर हौशी ड्रोन यूजर्स नक्कीच नावीन्यपूर्ण प्रकारे केला जाईल. खाली दिलेल्या व्हिडिओमध्ये तुम्ही याचा वापर कशा प्रकारे केला जातो ते पाहू शकता.

ड्रोनचा कॅमेरा 1/2.3 इंची 12MP सेन्सर असलेला आहे. यामध्ये 150 अंशाचा फील्ड ऑफ व्ह्यू, 1-axis गिंबल दिलेलं आहे. याद्वारे 4K 60FPS, 1080 120FPS रेजोल्यूशनमध्ये व्हिडिओ रेकॉर्ड करता येईल. FPV गॉगलची रेंज 10KM आहे.

DJI FPV Combo ची किंमत $1299 (~₹९५०००) इतकी आहे. या कॉम्बोमध्ये मोशन कंट्रोलर दिलेला नाही. तो स्वतंत्र घ्यावा लागेल आणि त्याची किंमत $199 (~₹१४५००)
याची भारतीय किंमअद्याप जाहीर करण्यात आलेली नाही.

The post DJI चा FPV ड्रोन सादर : आता मोशन कंट्रोलर, नव्या गॉगल्ससह! appeared first on MarathiTech - मराठीटेक.