गूगलने काही दिवसांपूर्वी त्यांच्या सर्चमध्ये नव्या सोयी जोडल्या आहेत ज्या शैक्षणिकदृष्ट्या उपयोगी पडणार आहेत. सध्याच्या काळात घरून शिकण्यास देण्यात येणारं प्राधान्य लक्षात घेता नव्या सोयी गोष्टी समजून घेण्यासाठी वापरता येतील. यामध्ये फिजिक्स, केमिस्ट्री, मॅथ्स अशा विषयांचा समावेश आहे. मॅथ प्रॉब्लेमसाठी स्टेप बाय स्टेप मदत, केमिस्ट्रीसाठी आभासी 3D AR मॉडल्स उपलब्ध करून देण्यात आले आहेत! L.E.A.R.N. अंतर्गत त्यांनी ५ मार्गानी आपण सर्च करून एखादी गोष्ट कशा प्रकारे समजावून घेऊ शकतो हे सांगितलं आहे.

२००० हून अधिक कन्सेप्टबद्दल सर्च केल्यावर ही नवी माहिती समोर दिसेल. उदा chemical bonds असं सर्च केलं की संबंधित लेख, उपयोगी उदाहरणे, व्हिडिओ तुमच्यासमोर येतील.

दहा लाख प्रॅक्टिस प्रॉब्लेम्स उपलब्ध. : उदा. chemical bond practice problems असं सर्च केल्यावर BBC Bitesize, Byjus, Careers360, Chegg, CK12, Education Quizzes, GradeUp, Great Minds, Kahoot!, OpenStax, Toppr, Vedantu यांच्यातर्फे उपलब्ध माहिती दिसेल जी थेट त्या त्या वेबसाईटवर घेऊन जाईल. सर्च केल्यावर तिथेच प्रॉब्लेम्स दिसतील आणि तुम्ही ते सर्च मध्येच सॉल्व करून उत्तरे तपासून पाहू शकाल!

AR चा वापर करून 3D मॉडल्स पाहता येतील : उदा. chemical bond सर्च केल्यावर View in 3D चा पर्याय दिसेल त्यावर क्लिक करताच chemical bond चं 3D मॉडेल तुमच्या घरी आलेलं दिसेल! chemistry, biology, physics and anatomy मधील जवळपास २०० कन्सेप्टयामध्ये समाविष्ट आहेत.

गूगलवर तुम्ही गणितामधील अडचण आलेले equations सुद्धा तपासून उत्तर मिळवण्यासाठी वापरू शकता. उदा. x^2-3x-4=0 असं सर्च केलं की ह्याचं उत्तर कसं येऊ शकतं हे सविस्तर स्टेप बाय स्टेप दाखवलं जाईल.

STEM प्रकारचे प्रश्नसुद्धा गूगलवर विचारता येतील जसे की “0.50 moles of NaCI are dissolved in 2.5 L of water, what is the molarity?” आणि मग यांची उत्तरेही मिळतील आणि संबंधित माहितीसाठी आणखी लेखांची लिंकसुद्धा दिसेल!

The post गूगल सर्चचा वापर करून शैक्षणिक विषय समजून घेणं आणखी सोपं! appeared first on MarathiTech - मराठीटेक.

सध्याच्या काळात अनेक शाळा, कॉलेजेसनी त्यांचे ऑनलाइन क्लास सुरू केले आहेत. यासाठी प्रामुख्याने वापरला जाणारा पर्याय म्हणजे गूगल मीट. शैक्षणिक सुविधांनी युक्त अशी गूगलची Google Classroom ही सेवासुद्धा अनेक शाळांनी वापरण्यास सुरुवात केली आहे. तर गूगलने काही दिवसांपूर्वी या गोष्टीचा आणखी चांगल्या प्रकारे वापर करता यावा यासाठी यामध्ये नव्या सोयींचा समावेश केला आहे. यामुळे विद्यार्थी आणि शिक्षक दोघांनाही वापरण्यास अधिक सोपं होईल.

Google Classroom : गूगल क्लासरूममध्ये आता मराठीसह दहा भाषांचा सपोर्ट जोडण्यात आला आहे. आता एकूण ५४ भाषांना गूगल तर्फे या सेवेत सपोर्ट आहे. यामुळे शिक्षकांना विद्यार्थ्यांना मराठीतसुद्धा सहज शिकवता आणि समजावता येईल. (https://classroom.google.com)
बरेच यूजर्स या माध्यमात नव्याने आले आहेत त्यांना सोपं जावं यासाठी सहज वापरता येणाऱ्या To Do List जोडण्यात आल्या आहेत. या विजेटसमुळे विद्यार्थ्याना करावयाच्या गोष्टींची यादी दिसेल तर शिक्षकांना तपासण्यासाठीच्या गोष्टींची यादी दिसेल! Assigned, Missing व Done असे विभाग असतील ज्यामध्ये दोघेही दिलेल्या, पूर्ण केलेल्या व अपूर्ण अशा गोष्टी पाहू शकतील.

गूगल क्लासरूम जॉइन करण्यासाठी देण्यात येणाऱ्या लिंक्स शेयर करणं आता आणखी सोपं करण्यात आलं असून या Invite लिंक्स आता व्हॉट्सअॅप व टेलिग्रामसुद्धा शेयर करता येतात!

Google Meet : गूगल मीटमध्येही अनेक नवे पर्याय येत आहेत. यामुळे admin असलेल्या व्यक्तींना सहभागी होणाऱ्यावर आणखी चांगल्या प्रकारे नियंत्रण ठेवता येईल. खालील सोयी सप्टेंबर महिन्यात उपलब्ध होत आहेत.

• एखाद्या सदस्याला दोन वेळा मनाई केली असेल किंवा काढून टाकलं असेल तर त्यांनी परत जॉइन होता येणार नाही.
• क्लास पूर्ण झाला की मीटिंग सर्वांसाठीच बंद होईल
• जॉइन रिक्वेस्ट आता एकाचवेळी अनेकांची यादी पाहून manage करता येईल (in Bulk)
• मीटिंगदरम्यान चॅट बंद करणे आणि कोण प्रेझेंट करू शकतो यासाठी पर्याय
• मॉडरेटर येइपर्यंत मीटिंग लॉक करणे
• 7×7 ग्रिडमध्ये ४९ विद्यार्थी पाहू शकाल.
• ऑनलाइन व्हाइटबोर्ड सुद्धा येत असून यावर एकावेळी अनेक विद्यार्थी काम करू शकतील.
• लवकरच Polls घेण्याचीही सोय जोडण्यात येणार आहे. यामुळे विद्यार्थ्यांपैकी कोणी कोणी उत्तरे दिली कुणी बरोबर उत्तरे दिली हे लगेच समजेल.
• Hand-raising ऑनलाइन वर्गाततही कोणत्या विद्यार्थ्याला शंका आहे हे समजेल.

अधिक माहिती : https://www.blog.google/outreach-initiatives/education/the-anywhere-school-meet-classroom-updates

The post गूगल क्लासरूम आणि मीटमध्ये नव्या सोयी : आता मराठी भाषेच्या सपोर्टसह! appeared first on MarathiTech - मराठीटेक.

गूगलने महाराष्ट्र सरकारच्या शिक्षण विभागासोबत भागीदारी करत असल्याचं जाहीर केलं असून याद्वारे त्यांच्या G Suite For Education आणि Google Classroom या सेवा महाराष्ट्रातील शाळांमध्ये मोफत उपलब्ध करून देण्यात येणार आहेत! या सेवा एक लाखांहून अधिक शाळांमध्ये जोडल्या जाणार असून यामधून २.३ कोटी विद्यार्थी आणि शिक्षकांना फायदा होणार आहे असं गूगलतर्फे सांगण्यात आलं. सध्याच्या COVID19 मुळे निर्माण झालेल्या परिस्थितीत ऑनलाइन शिक्षण हा शिकण्यासाठी उत्तम पर्याय आहे. गूगलच्या या सेवांमुळे शिक्षकांना शिकवणं आणि विद्यार्थ्यांना शिकणं नक्कीच सोपं होणार आहे.

शिक्षणमंत्री वर्षा गायकवाड यांनी यावेळी अशी माहिती दिली की गूगल क्लासरूमच्या ट्रेनिंगसाठी आम्ही ज्यावेळी Invitation Link पाठवल्या त्यावेळी अवघ्या दोन दिवसात तब्बल १.३४ लाख शिक्षकांनी यामध्ये साईन अप केलं होतं! यावरून या गूगल क्लासरूम माध्यमाद्वारे शिकवण्यास शिक्षक किती उत्सुक आहे हे दिसून येतं. आमच्या शिक्षकांनी डिजिटल शिक्षणासाठी बदल करण्यात पुढाकार घेतल्याचं लक्षात येईल.

गूगल क्लासरुमच्या माध्यमातून असे पाऊल टाकणारे महाराष्ट्र हे देशातील पहिले राज्य ठरले त्याचा मला अभिमान वाटतो असं महाराष्ट्राचे मुख्यमंत्री उद्धव ठाकरे यांनी सांगितलं आहे. शिक्षणमंत्री वर्षा गायकवाड आणि शिक्षण विभागातील कर्मचाऱ्यांचंही त्यांनी यावेळी अभिनंदन केलं आहे. यावेळी झालेल्या लाईव्हस्ट्रीममध्ये मुख्यमंत्री उद्धव ठाकरे, उपमुख्यमंत्री अजित पवार, शिक्षण मंत्री वर्षा गायकवाड, गूगल इंडियाचे प्रमुख संजय गुप्ता हे सहभागी झाले होते.

गूगलचे शिक्षण संबंधित टूल्स आता महाराष्ट्रातील विद्यार्थी आणि शिक्षक दोघांना मोफत उपलब्ध असतील. मराठी भाषेतून शिक्षणासाठीही यामध्ये पर्याय दिलेले आहेत. यासोबत गूगलने काल जाहीर केलेल्या माहितीनुसार Teach From Anywhere अंतर्गत The Anywhere School नावाचा ऑनलाइन कार्यक्रम ११ व १२ ऑगस्ट रोजी होणार आहे. जगभरातील विचारवंत यामध्ये सहभागी होऊन ऑनलाइन शिक्षणाबद्दल त्यांचं मत मांडतील.
लिंक : https://teachfromanywhere.google

The post गूगलची महाराष्ट्र सरकारसोबत भागीदारी : मोफत ऑनलाइन शिक्षण टूल्स मिळणार! appeared first on MarathiTech - मराठीटेक.

Edzam हे शैक्षणिक ॲप सुंदरम ग्रुपतर्फे डेव्हलप करण्यात आलं असून पहिली ते दहावीच्या बालभारतीच्या पाठ्यपुस्तकांवर आधारित आहे. Edzam ने दिलेल्या माहितीनुसार या ॲपमध्ये मराठी, इंग्रजी आणि सेमी इंग्रजी अशा तिन्ही माध्यमात पहिली ते दहावीचा अभ्यासक्रम उपलब्ध. आहे यामधील अभ्यासक्रम बालभारती निर्देशानुसार बनवलेला असून अनेक शाळांमध्ये वापरला जात आहे. ॲपमधील ऑडिओ, व्हिडिओ, ॲनिमेशन्स शालेय पाठ्यपुस्तकाला अनुसरून तयार करण्यात आली आहेत.

Edzam Download Link : https://bit.ly/Edzam

Promo Code TECHNOW अप्लाय करा आणि पूर्ण कोर्स ३० दिवस मोफत मिळवा !

सध्याच्या लॉकडाऊनच्या काळात विद्यार्थी त्यांचा वेळ अशा अॅप्सचा वापर करून अभ्यास करण्यासाठी करू शकतात. अॅनिमेशन व्हिडिओमुळे विषय लवकर समजतील. मिळालेला वेळ वाया न घालवता डिजिटल माध्यमांमध्ये शिकण्यासाठी हा एक उत्तम पर्याय आहे. तर तुम्ही तुमच्या घरी, शेजारी, नातेवाईक, परिचयातील व्यक्ती यांना हा व्हिडिओ शेयर करून या अॅपची माहिती नक्की द्या.

The post नवा व्हिडिओ : Edzam Digital Learning : पाठ्यपुस्तकांवर आधारित ॲप! appeared first on MarathiTech - मराठीटेक.

करोना व्हायरसमुळे सर्व ठिकाणे लॉकडाऊन स्थितीत आहेत. यामुळे विद्यार्थ्याना बाहेर जाऊन शिक्षण, खेळ अशा प्रकारच्या गोष्टी आणखी काही दिवस तरी करणे शक्य होणार नाहीये. अशा वेळी अॅमेझॉन, यूट्यूब या कंपन्यानी पुढाकार घेत खास लहान मुलांसाठी ऑनलाइन पर्याय उपलब्ध करून दिले आहेत. अॅमेझॉनने त्यांची प्राइम व्हिडिओ सेवा लहान मुलांना पूर्णपणे मोफत देण्यास सुरुवात केली आहे. यामध्ये किड्स अँड फॅमिली विभागातले चित्रपट, मालिका पाहता येतील. तर दुसरीकडे यूट्यूबने लहान मुलांच्या शैक्षणिक गोष्टींसाठी विविध पर्याय दिले आहेत. यामध्ये Learn@Home म्हणजेच घरबसल्या शिका हा नवा ऑनलाइन शैक्षणिक हब आणला आहे. अशा पर्यायांद्वारे या लॉकडाऊन/संचारबंदीच्या काळात लहानग्यांचं नक्कीच मनोरंजनासोबत विविध विषयांचा अभ्यास देखील होईल! हा लेख आपल्या घरी, नातेवाईक किंवा शेजाऱ्यांकडे असलेल्या लहान मुलांसाठी उपयोगी ठरू शकतो. कृपया हा लेख त्यांच्यासोबत नक्की शेयर करा.

यूट्यूबचं लर्न अॅट होम शैक्षणिक हब : https://learnathome.withyoutube.com

यूट्यूबने सादर केलेल्या Learn@Home द्वारे लहान मुले विविध विषयांची माहिती देणारे शैक्षणिक चॅनल्स, प्लेलिस्ट आणि सोबत आणखी माहिती एका जागी पाहू शकतील! या प्लॅटफॉर्मवर त्यांनी अनेक एज्युट्यूबर्स (शैक्षणिक माहिती देणारे यूट्यूब क्रिएटर्स) आणि संस्था जसे की खान अकॅडमी यांच्यासोबत भागीदारी केली आहे. खान अकॅडमी ही अशी संस्था आहे जी विद्यार्थ्यांसाठी सोप्या भाषेत गणित, विज्ञान, इतिहास, कला व इतर विषयांचे शैक्षणिक व्हिडिओ बनवते आणि ते जगभर सर्वांना मोफत उपलब्ध आहेत! अनेक शाळांनी तर शाळेतसुद्धा यांचे व्हिडिओ दाखवण्यास सुरुवात केली आहे.

या लर्न फ्रॉम होमसाठी त्यांनी तीन वयोगट तयार केले आहेत. प्रिस्कूलमध्ये जाणाऱ्यासाठी चॅनल, पाच वर्षाहून अधिक वय असणाऱ्यांसाठी चॅनल आणि १३ वर्षाहून अधिक वय असणाऱ्यांसाठी चॅनल. या वयोगटानुसार वेगवेगळे चॅनल्स दाखवले जातील आणि यामध्ये सुचवले जाणारे चॅनल्स/व्हिडिओ यांची निवड यूट्यूबने स्वतः केलेली आहे. John and Hank Green’s CrashCourse and SciShow, Discovery Education, mathman1024, Physics Girl, Mother Goose Club व Sesame Street हे यापैकी काही प्रमुख चॅनल्स… हा सर्व कंटेंट सध्यातरी फक्त इंग्लिशमध्येच उपलब्ध होणार आहे.

शिक्षकांनाही ऑनलाइन शिकवण्यासाठी काही पर्याय यूट्यूबमार्फत Teach From Home द्वारे उपलब्ध करून देण्यात आले आहेत!

http://g.co/teachfromhome या लिंकवर गेल्यास शिक्षकांना उपलब्ध करून देण्यात आलेल्या सोयी एका ठिकाणी पाहायला मिळतील. येथून तुम्ही विद्यार्थ्यांसोबत व्हिडिओ कॉल करू शकता, ऑनलाइवर्ग भरवू शकता, लाईव प्रश्नोत्तरे घेऊ शकता! याबद्दल अधिक माहीतीसाठी लिंक : https://bit.ly/39tb28J

दुसरीकडे अॅमेझॉनने मुलांसाठी मोफत मनोरंजन उपलब्ध करून दिलं आहे. मुलांसाठी योग्य अशी वर्गवारी केलेले चित्रपट, मालिका, अॅनिमेटेड व्हिडिओ अॅमेझॉन प्राइम व्हिडिओच्या सबस्क्रिप्शनशिवाय पाहता येतील! याबद्दल अॅमेझॉन इंडियाचे प्रमुख अमित अगरवाल यांनी माहिती दिली आहे. यामधील काही व्हिडिओ मराठीतसुद्धा उपलब्ध आहेत. उदा (Madagascar Escape 2 Africa). अॅमेझॉन प्राइम व्हिडिओ लिंक : https://www.primevideo.com/storefront/kids/

Search Terms : Browse Kids & Family content on Amazon Prime Video for FREE, YouTube starts Learn@Home educational hub for kids to learn different things while staying at home

The post लहान मुलांसाठी अॅमेझॉन प्राइम व्हिडिओ आणि यूट्यूब मोफत! appeared first on MarathiTech - मराठीटेक.