नेटमार्केटशेयरने जाहीर केलेल्या माहितीनुसार मोझिलाच्या फायरफॉक्सला मागे टाकत मायक्रोसॉफ्टचा एज ब्राऊजर आता यूजर्सच्या संख्येत दुसऱ्या स्थानी आला आहे! पहिल्या स्थानी गूगलचा क्रोम ब्राऊजर कायम आहे. या संस्थेने ऑपरेटिंग सिस्टम आणि ब्राऊजर्सविषयीची मार्च २०२० साठीची माहिती नुकतीच जाहीर केली आहे.

वेब ब्राऊजर्समध्ये गूगल क्रोमने आपलं स्थान कायम ठेवलं असून त्यामध्ये लवकर काही बदल होईल अशी चिन्हं नाहीत. ६८.५ हिस्सा क्रोमकडे आहे! मायक्रोसॉफ्टने अलीकडेच क्रोमियमची जोड दिलेला एज ब्राऊजर सादर केला होता. यामुळे काही अंशी एजचा वापर वाढला आहे आणि त्यांनी आता चक्क फायरफॉक्सला मागे टाकलं आहे. एजचा हिस्सा आता ७.५९ टक्के असून फायरफॉक्सचा ७.१९ तर इंटरनेट एक्सप्लोररचा ५.८७ इतका आहे!

New Microsoft Edge Browser Download Link : https://www.microsoft.com/en-us/edge

सध्या बाजारात उपलब्ध ब्राऊजर्सपैकी फक्त फायरफॉक्स हा एकमेव ब्राऊजर असा आहे जजो क्रोमियम इंजिन वापरत नाही. क्रोमियमची एकाधिकारशाही होऊ नये म्हणून फायरफॉक्सने तग धरणं आपणा सर्वांसाठी गरजेचंच आहे. आता ओपेरा व सफारीचीसुद्धा फायरफॉक्सला स्पर्धा करावी लागत आहे.

डेस्कटॉप ऑपरेटिंग सिस्टममध्ये विंडोज १० आता ५७.३४ टक्के हिस्सा व्यापून आहे तर त्यानंतर विंडोज ७ २६.२३ टक्के, विंडोज ८.१ चा ३.६९ टक्के आणि macOS X चा २.६२ टक्के हिस्सा आहे!

आश्चर्याची गोष्ट म्हणे या महिन्यात चक्क विंडोज ७ चा वापर वाढलेला दिसून आला आहे! २५.२२ टक्क्यांवरून आता २६.२३ टक्क्यांवर पोहोचला आहे! हे घडण्याचं कारण लोक सध्या करोना/COVID-19 मुळे वर्क फ्रॉम होम साठी त्यांच्या जुन्या लॅपटॉप/कम्प्युटरचा वापर करू लागले आहेत असं सांगण्यात आलं आहे.

The post मायक्रोसॉफ्ट एज आता दुसऱ्या क्रमांकाचा लोकप्रिय ब्राऊजर! appeared first on MarathiTech - मराठीटेक.

उपयोगी अॅप्स मालिकेतील दुसऱ्या भागामध्ये आपण आणखी काही चांगले अॅप्स पाहणार आहोत. या मालिकेद्वारे आमचा प्रयत्न आहे की काही चांगले अॅप्स ज्यामध्ये काही नावाजलेले असतील तर काही भन्नाट अॅप्सची वाचकांना ओळख व्हावी. आम्ही दिलेल्या अॅप्सना तुमच्या विशिष्ट गरजेनुसार आणखी चांगले पर्याय सुद्धा उपलब्ध असू शकतात त्याचा सुद्धा आपण शोध घेऊ शकता. आपल्या प्रतिक्रियांसोबतच जर आपणास कोणते अॅप या लेखामध्ये सुचवायचे असेल तर आम्हाला अवश्य कळवा.

Settle Up – Group Expenses : अनेकदा ग्रुपमध्ये फिरायला जाताना असो की होस्टेलवर एकत्र राहताना, आपणास कोणी केव्हा आणि किती पैसे दिले वगैरेचे हिशोब ठेवावेच लागतात. यासाठीच Settle Up हे अॅप नक्कीच उपयोगी पडते. यामध्ये एकट्याने नोंदी ठेवता येतात किंवा सर्वांनी मिळून सुद्धा. जमा केलेल्या रकमेसोबतच तिथे कशासाठी खर्च केला आहे याची माहिती सुद्धा लिहिता येते. यामध्ये एक चांगली सुविधा असून जेव्हा शेवटचा हिशोब करण्याची वेळ येते त्यावेळेस आपणास डायरेक्ट कोणत्या मेंबरने किती रक्कम कोणाला द्यायची आहे याबद्दल समजते. या अॅपचे वेब व्हर्जन सुद्धा उपलब्ध असून सर्व डेटा ई-मेल करण्याची सुविधा तसेच CSV एक्स्पोर्ट (मायक्रोसॉफ्ट एक्सेलमध्ये पाहता येईल) ची सुविधा उपलब्ध आहे.

डाउनलोड लिंक – Settle Up – Group Expenses

Your Phone Companion : मोबाईलमध्ये फोटो काढल्यानंतर मोबाइलमधून डेस्कटॉपवर पाठवताना डेटा केबल जोडण्याच्या त्रासापासून सुटका करण्यासाठी हे अॅप नक्कीच उपयोगी पडते. सोबतच मोबाइलवर आलेले मेसेज सुद्धा यामधून वाचता येतात.  मायक्रोसॉफ्ट तर्फे हे उपलब्ध करून देण्यात आले असून येत्या काळात यामध्ये अनेक नवीन सुविधांची भर पडण्याची शक्यता आहे. सध्या लेटेस्ट २५ फोटोच यामधून इंटरनेटद्वारे शेअर करता येतात. यासाठी आपल्या डेस्कटॉपवर Your Phone अॅप असणे आवश्यक आहे. जर आपणाकडे विंडोज १० लेटेस्ट व्हर्जन असेल तर यामध्ये आधीपासूनच हे अॅप उपलब्ध आहे.

डाउनलोड लिंक –  मोबाईल / डेस्कटॉप

LastPass Password Manager : आपले खूप सारे अकाउंट व त्यांचे पासवर्ड लक्षात ठेवणे खूपच अवघड होऊन जाते अशामुळे एकसारखे पासवर्ड वापरले जातात व यामुळे एखादा पासवर्ड किंवा त्याबद्दलची कोणतीही माहिती वाईट व्यक्तींच्या हाती लागल्यास आपल्या ऑनलाईन सुरक्षिततेमध्ये धोके उद्भवू शकतात. यासाठीच लास्टपास हे अॅप उपयोगी पडते.  तुम्ही फक्त ‘पासवर्ड मॅनेजर’ चा मास्टर पासवर्ड हा  एकच पासवर्ड लक्षात ठेवायचा आणि बाकी सर्व पासवर्ड पासवर्ड मॅनेजर लक्षात ठेवेल. इथे तुम्ही फक्त पासवर्डच नाही तर आणखी ही माहिती साठवू शकता जसे नोट्स, डॉक्युमेंट, फॉर्म फिल्स आणि बरेच काही…ही Encrypted (सांकेतिक भाषेत) साठवलेली असल्याकारणाने  (Lastpass स्वतः सुद्धा तुमचा Encrypted पासवर्ड/डाटा पाहू शकत नाही) जरी Lastpass चा डाटा लीक झाला तरी त्याचा उपयोग करता येत नाही.

याबद्दल आमचा लेख पहा – पासवर्ड मॅनेजर्स…

डाउनलोड लिंक –  LastPass Password Manager

Firefox Rocket – Fast and Lightweight Web Browser : काही दिवसांपूर्वी फायरफॉक्सतर्फे हे अॅप सादर करण्यात आले असून UC Browser सारख्या अॅपद्वारे होणाऱ्या डेटा लीक तसेच येणाऱ्या नोटिफिकेशन्स, अॅपमधील नको असलेल्या न्युजपासून  सुटका मिळविण्यासाठी हे अॅप नक्कीच उपयोगी पडते. हे हलके असे अॅप असून वापरण्यास सुद्धा सोपे आहे. त्याचबरोबर डेटा सेव्ह, अॅड ट्रॅकिंग, ट्रॅकिंग प्रोटेक्शन, पेज ऑफलाईन सेव्ह करण्याची सोय, यांसारख्या सुविधांचा समावेश आहे.

डाउनलोड लिंक –  Firefox Rocket

The post उपयोगी अॅप्सची ओळख करून देणारी मालिका : अॅपमित्र #2 appeared first on MarathiTech - मराठीटेक.

The post फायरफॉक्सचीही मोबाइल ऑपरेटिंग सिस्टिम appeared first on MarathiTech - मराठीटेक.

फीचर फोनवरून स्मार्टफोनपर्यंत झालेला प्रवास हा गॅजेट प्रेमींसाठी सुखद राहिला. स्मार्टफोनच्याही पुढे आता तो सुरू झाला आहे. स्मार्टफोन लोकप्रिय ठरण्यासाठी महत्त्वाची कामगिरी बजावली गेली ती ऑपरेटिंग सिस्टीमकडून. पूर्वी लोकांना मायक्रोसॉफ्टची ‘ विंडोज ‘ आणि ‘ लिनक्स ‘ या ऑपरेटिंग सिस्टीम असतात हे माहीत होते. स्मार्टफोनच्या डेव्हलपमेंटमध्ये ऑपरेटिंग सिस्टीम महत्त्वाची आहे. अॅपल या कंपनीने ‘ आयफोन ‘ साठी आयओएस ही सिस्टीम डेव्हलप केली. यात असलेली संधी पाहून गुगल या इंटरनेटमधील सर्च इंजिन कंपनीने या क्षेत्रात उडी मारत अँड्रॉइड ही ओपन सोर्स मोबाइल ऑपरेटिंग सिस्टीम लाँच केली. ही सिस्टीम अन्य ऑपरेटिंग सिस्टीमच्या तुलनेत तशी नवीन असली , तरी कमी कालावधीत या सिस्टीमने गती पकडली. भारतात अँड्रॉइडवरील मोबाइल फोन अधिक खपतात. बहुतेक अॅप्लिकेशन डेव्हलपमेंट कंपन्यांनीदेखील या सिस्टीमवर रन होऊ शकेल , अशी अॅप डेव्हलमेंट केली आहे ; तर काही करीत आहेत. 


ऑपरेटिंग सिस्टिमधील संधी 
व्यवसायाच्या संधी खुणावत असल्याने फायरफॉक्स आणि उबंटू यांनीही या क्षेत्रात पुन्हा प्रवेश केला आहे. मोबाइल ऑपेरटिंगच्या बाजारपेठेत आघाडीवर अ-सलेल्या आयओएस आणि अँड्रॉइडला यामुळे स्पर्धा मिळण्याची शक्यता आहे. स्मार्टफोनने हा कम्प्युटरसारखे काम करावे , ही संकल्पना वापरून ‘ उबंटू ‘ आपले मार्केटिंग करीत आहे. त्यामुळे कम्प्युटरसारखाच अनुभव सर्व प्लॅटफॉर्मवर एकसारख्या पद्धतीने मिळण्यासाठी कंपनीचे प्रयत्न सुरू आहेत. ‘ मोझिला ‘ ने फायरफॉक्स ऑपरेटिंग सिस्टिमसाठी लो-एंड फोनना उद्दिष्ट ठेवले आहे. अर्थात , यात स्मार्टफोनचा विचार कंपनीने केलेला आहे. कम्प्युटरवर एखादी वेबसाइट पाहण्याचा अनुभव मिळतो , तसाच अनुभव स्मार्टफोन मिळावा यासाठी कंपनी प्रयत्न करीत आहे. 


‘ उबंटू ‘ ने अॅप्लिकेशन डेव्हलपर्सना मोबाइल प्लॅटफॉर्मसाठी अॅप डेव्हलप करण्याचे निमंत्रण दिले आहे. यासाठी वेबकिटचा वापर करण्यात येणार आहे. मोबाइल ऑपरेटिंग सिस्टीममध्ये दीर्घकालीन उद्दिष्ट घेऊन ‘ कॅनोकल ‘ ही कंपनी उतरत आहे. त्यामुळे ‘ उबंटू ‘ या सिस्टीमसाठी हळूहळू पावले टाकीत कंपनी उद्दिष्टाच्या दिशेने वाटचार करती आहे. 


‘ मोझिला ‘ च्या म्हणण्यानुसार अँड्रॉइड हा ओपन सोर्स प्लॅटफॉर्म नाही. मात्र , असा दावा गुगल कंपनीकडून केला जातो. बहुतेक डिझाइनचे निर्णय हे गुगल कंपनीने घेतलेले असतात आणि ते डेव्हलपर्सपुढे ठेवले जातात. त्यामुळेच’ मोझिला ‘ ची फायरफॉक्स ही ऑपरेटिंग सिस्टीम या सगळ्यांना एक पर्याय ठरेल. कंपनीने यासंबंधीचे पहिले प्रारूप नुकत्याच झालेल्या ‘ कन्झ्युमर इलेक्ट्रॉनिक शो ‘ मध्ये ‘ झेटीई ‘ या कंपनीच्या मोबाइलवर दाखविले. फायरफॉक्स ऑपरेटिंग सिस्टीम डेव्हलपमेंटच्या अखेरच्या टप्प्यात असून , पुढील काही आठवड्यांतच ती बाजारपेठेत उपलब्ध होईल. या दोन नव्या ऑपरेटिंग सिस्टिममुळे स्मार्टफोन युजरनी नवा आणि आणखी चांगला वेब अनुभव मिळण्याची अपेक्षा करायला हरकत नाही. 

The post अँड्रॉइडला दोन नवे पर्याय? फायरफॉक्स आणि उबंटू ऑपरेटिंग सिस्टीम appeared first on MarathiTech - मराठीटेक.