गूगलने त्यांच्या लोकप्रिय मेलिंग सेवेचं नवं रूप कालपासून सर्वांसाठी उपलब्ध करून देण्यात सुरुवात केली आहे. मुख्य जीमेल (Gmail) साठी देण्यात आलेल्या नव्या डिझाईनसोबत गूगल वर्कस्पेसमधील मेलसोबत चॅट, स्पेसेस, मीट अशा सेवा आता एका क्लिकवर सहज वापरता येतील अशा उपलब्ध करून देण्यात आल्या आहेत.

गेल्या १८ वर्षात गूगलच्या जीमेलचं डिझाईन बरंच बदललं असून हे दर्शवणारा व्हिडिओसुद्धा त्यांनी अपलोड केला आहे. ज्याना नवं डिझाईन हवं आहे त्यांना ते दिसेल जर तुम्हाला जुनंच डिझाईन हवं असेल तर तसाही पर्याय देण्यात आला आहे.

या नव्या बदलांबद्दल आणखी माहिती हवी असल्यास गूगलचा https://blog.google/products/gmail/gmail-design-update लेख पहा.

The post जीमेल आता नव्या रूपात : नव्या डिझाईनसोबत वर्कस्पेस एका क्लिकवर! appeared first on MarathiTech - मराठीटेक.

गूगलने आज जाहीर केलेल्या माहितीनुसार त्यांच्या G Suite या सेवेचं नवं नाव आता गूगल वर्कस्पेस (Google Workspace) असं असणार आहे. यामधील जवळपास सर्व ऑफिस ॲप्सचा लोगो बदलून नव्याने डिझाईन करण्यात आला आहे. उदा. Gmail, Docs, Meet, Sheets आणि कॅलेंडर यांमध्ये नवे बदल करण्यात आले आहेत. या सेवा एकमेकांशी जोडलेल्या असून त्यांचा एकत्रित वापर करता येतो हे अधोरेखित करण्याच्या दृष्टीने हा बदल करण्यात आला असल्याचं सांगण्यात येत आहे.

गूगल वर्कस्पेस उपलब्ध करून देत असतानाच्या याच्या किंमती सुद्धा कमी करण्यात आल्या आहेत. आता Business Starter पॅक ₹१२५ दरमहा, Business Standard पॅक ६७२ दरमहा आणि Business Plus पॅकची ₹१२६० दरमहा अशी असणार आहे. या सर्व प्लॅन्समध्ये Gmail, Drive, Meet, Calendar, Chat, Docs, Sheets, Slides, Keep, Sites, Forms, Currents या सेवा मिळतील.

Google Workspace : https://workspace.google.com/

नव्या गूगल वर्कस्पेसबाबत माहिती देणारा व्हिडिओ : https://youtu.be/bE31y5HbukA

यामध्ये प्रमुख जाणवेल असा बदल म्हणजे जीमेल (Gmail) या लोकप्रिय ईमेल सेवेचा नवा लोगो. इतकी वर्षं खऱ्या पत्राच्या लिफाफ्याप्रमाणे असलेला हा लोगो आता गूगलच्या लोगोमधील रंग घेऊन तयार करण्यात आलेल्या M प्रमाणे दिसेल. यामुळे हा नवा लोगो Google Maps, Google Photos, Chrome यांच्या डिझाईन प्रमाणे दिसेल. इतर आयकॉन्सचा फार कोणी विचार करणार नाही मात्र जीमेलच्या लोगो बदलाबाबत आरडाओरड होणार हे नक्की!

Search Terms : Google rebrands G Suite as Google Workspace alongwith new logos for Gmail, Drive, Calendar

The post Gmail चा नवा लोगो : G Suite चं नवं नाव आहे Google Workspace! appeared first on MarathiTech - मराठीटेक.

व्हिडिओ कॉलिंगचं सध्याचं वाढलेलं मार्केट ताब्यात घेण्यासाठी कंपन्या रोज नव्या सुविधा जोडत आहेत. आता गूगलने त्यांच्या जीमेल सेवेच्या अँड्रॉइड आणि iOS ॲपमध्ये त्यांची व्हिडिओ कॉलिंग सेवा गूगल मीट (Google Meet) जोडून दिली आहे. यामुळे तुम्हाला थेट जीमेलमधूनच तुमच्या मित्रांशी किंवा सहकाऱ्यांशी ग्रुप व्हिडिओ कॉल सुरू करता येईल! यामुळे मीटिंग जॉईन करण्यासाठी स्वतंत्र गूगल मीट ॲप घ्यावं लागणार नाही.

जीमेलद्वारे एखाद्या मीटिंगचं invite आलं की लिंक वर क्लिक करून लगेच त्या मीटिंगमध्ये सहभाग होऊ शकाल! काही दिवसांपूर्वीच गूगलने ही सेवा जीमेलच्या डेस्कटॉप वेबसाइटवरसुद्धा जोडली आहे. गूगल मीट मोफत उपलब्ध करून दिल्यापासून याचा वापर करण्याचं प्रमाण वाढत आहे. गूगल यामध्ये अनेक नव्या सोयीसुद्धा जोडल्या आहेत. सर्व प्लॅटफॉर्मवर सहज उपलब्ध असणं याचं प्रमुख वैशिष्ट्य. मराठीटेकच्या यूट्यूब चॅनलवरही यासंबंधी व्हिडिओ प्रकाशित केला आहे तो नक्की पहा : https://youtu.be/B52aPV9flqk

यासोबत त्यांनी गूगल ड्युओ या ॲपच्या डेस्कटॉप वेबसाइटवरून ग्रुप कॉलमधील सहभागी होऊ शकणाऱ्या सदस्यांची संख्या आता ३२ केली आहे! फोनवर मात्र अजूनही ही मर्यादा १२ चीच ठेवण्यात आली आहे. मात्र येत्या काही आठवड्यात फोनवरील ॲपमध्येही ही मर्यादा ३२ पर्यंत वाढवली जाणार असल्याचं गूगलतर्फे सांगण्यात आलं आहे!

वेबसाइट लिंक : duo.google.com

Search Terms : Google meet now available inside Gmail Android and iOS Apps

The post गूगल मीट व्हिडिओ कॉलिंग आता जीमेल ॲपमध्येही उपलब्ध! appeared first on MarathiTech - मराठीटेक.

आजवर दुसऱ्या व्यक्तीकडून आलेले ईमेल तिसऱ्या व्यक्तीला पाठवायचे असतील तर एक एक सिलेक्ट करून फॉरवर्ड करावा लागायचा. यामुळे हे काम वारंवार करावं लागणाऱ्या व्यक्तींना निश्चितच त्रास व्हायचा. पाठवल्यावर त्या तिसऱ्या व्यक्तीकडेही ते मेल एकत्र जात नसल्यामुळे जर दुसऱ्या व्यक्तीचे ईमेल्स येता येता आणखी कुठला मेल मध्येच अल की गोंधळ झालाच. शिवाय दोघांचाही विनाकारण वेळ जायचा तो वेगळाच…मात्र यावर गूगलने त्यांच्या Gmail सेवेमध्ये नवा पर्याय दिला असून याद्वारे आपण आपल्या इनबॉक्समधील अनेक ईमेल सिलेक्ट करून अटॅचमेंट स्वरूपात पाठवू शकतो!

‘तुम्ही आता जीमेलमध्ये दुसऱ्या ईमेल्सना ईमेल जोडू शकता’ असं गूगलनेच म्हटलं आहे! ही सुविधा आपण ड्रॅग अँड ड्रॉप पद्धतीनेसुद्धा वापरू शकतो! नेहमीच्या फाइल्स प्रमाणे अनेक ईमेल सिलेक्ट करू शकतो. Forward as attachment असा पर्याय दिलेला दिसेल. एकावेळी किती ईमेल्स अटॅच करता येतील याबद्दल कोणतीही मर्यादा घालण्यात आलेली नाही. हे ईमेल्स .eml फॉरमॅटमध्ये अटॅच केले जातील. जे ईमेल स्वीकारणारा व्यक्ती पुन्हा स्वतंत्ररित्या पाहू शकेल.

ही सुविधा हळूहळू उपलब्ध करून दिली जात असून सर्वांसाठी पुढच्या वर्षीच्या सुरुवातीला मिळालेली दिसेल असं सांगण्यात येत आहे. G Suite सभासदांना ही सुविधा आत्ताच देण्यात आलेली आहे.

The post जीमेलवर ईमेलद्वारे ईमेल्स पाठवता येणार : ईमेल अटॅचमेंट्स उपलब्ध! appeared first on MarathiTech - मराठीटेक.

गूगलने गेल्या काही महिन्यात सर्व उत्पादनांमध्ये त्यांच्या खास मटेरियल डिझाईनची जोड देण्यास सुरुवात केली होती. Gmail वेबसाईटवर हे डिझाईन आणल्यानंतर आता जीमेल अॅप्सवर सुद्धा उपलब्ध करून देण्यात येत आहे!

जर तुम्ही जीमेल मोबाइल वेबसाइट वापरली असेल तर फारसा फरक जाणवणार नाही मात्र मोबाइल अॅपमध्ये एकूण रंगसंगतीमध्ये बर्‍यापैकी बदल होणार आहेत आणि पांढर्‍या रंगाचा वापर करून सपाट (फ्लॅट) रंग पहायला मिळतील. या नव्या रंगांमुळे विविध भाग पाहणं सोपं होईल असं गूगलला वाटतं!

गूगलच्या अँड्रॉइड ऑपरेटिंग सिस्टमच्या येत्या Android Q अपडेटमध्ये येणारा डार्क मोड सुद्धा या फारच पांढर्‍या दिसणार्‍या डिझाईनला जोडण्यात येईल अशी आशा आहे. येत्या काही आठवड्यात हे डिझाईन सर्व Android व iOS युजर्सना उपलब्ध करून देण्यात येईल. यासोबत इतर G Suite अॅप्समध्येही हे नवं डिझाईन जोडल जाईल…

The post जीमेल अॅपमध्ये मटेरियल डिझाईननुसार बदल! appeared first on MarathiTech - मराठीटेक.