गूगल फॉर इंडिया हा कार्यक्रम गूगलचे भारतीय वापरकर्त्यांसाठी सुरु असलेले प्रयत्न अधोरेखित करण्यासाठी आयोजित केला जातो. Google For India मध्ये यंदाच्या पाचव्या वर्षीही बऱ्याच नव्या गोष्टी आणल्या असून मराठी भाषेतही अनेक सुविधा प्रथमच उपलब्ध करून देण्यात येत आहेत. गूगलने बेंगळुरूमध्ये AI Lab स्थापन केली असून कृत्रिम बुद्धिमत्ता वापरून अभ्यास करून त्याद्वारे देशातील दैनंदिन समस्या सोडवण्यासाठी पर्याय शोधण्याचं काम करणार आहे. लॅब सुरु करत असल्याचं जाहीर केलं आहे. आजच्या या लेखामध्ये काही विशेष उत्पादनांविषयी माहिती देण्यात आली आहे त्यांची ओळख करून घेऊया…

गूगल लेन्स (Google Lens) : या खास सुविधेद्वारे आपण आपल्या फोनच्या कॅमेराचा वापर करून बऱ्याच गोष्टी करू शकतो जसे की भाषांतर, वस्तु/प्रेक्षणीय स्थळे/फुले/पदार्थ ओळखणे. फोटो काढून त्यामधील टेक्स्ट स्कॅन करून त्याची माहिती सांगणे किंवा सर्च करणे, इ. तर आता ही गूगल लेन्स सुविधा मराठीत सुद्धा उपलब्ध होत असून यामुळे तुम्ही तुमचा फोन तुम्हाला माहीत नसलेल्या भाषेतला फलक/जाहिरातीकडे करून स्कॅन केल्यास तो मराठीत भाषांतर करून दाखवेल!

बोलो (Bolo) : हे अॅप लहान मुलांना भाषा शिकवण्यासाठी मदत करण्याच्या हेतूने बनवण्यात आलं असून याद्वारे वाचन, उच्चार सुधारणे हा उद्देश असेल. हिंदी व इंग्लिशमध्ये सादर झालेलं हे अॅप आता मराठीत सुद्धा उपलब्ध झालं आहे. सोबत बंगाली, तामिळ, तेलुगू, उर्दूमध्येसुद्धा हे उपलब्ध होत आहे. यामध्ये वेगवेगळ्या कथा, गोष्टींचा सुद्धा समावेश आहे! आजवर ८ लाख मुलांनी याचा लाभ घेतला आहे अशी माहिती गूगलने दिलीय!

गूगल असिस्टंट (Google Assistant) : या स्मार्ट व्हॉइस असिस्टंटमध्ये आता अनेक नव्या सोयी खास भारतीय यूजर्ससाठी जोडण्यात येत आहेत. गेल्या वर्षीच हा असिस्टंट मराठीत उपलब्ध झाला आहे. यावेळी असं जाहीर करण्यात आलं आहे कि भारतीय यूजर्समध्ये गूगल असिस्टंटचा वापर करण्याचं प्रमाण वाढत असून याचा सर्वाधिक वापर करण्यात हिंदी आता इंग्लिशनंतर जगातली दुसरी भाषा ठरली आहे.

आता गूगल असिस्टंटला वेगळी भाषा आणि फोनसाठी वेगळी भाषा निवडता येईल. सर्च करताना गूगल असिस्टंटला ओके गूगल स्पीक टू मी इन मराठी असं सांगा त्यापुढे असिस्टंट तुमच्याशी मराठीत बोलेल!

गूगल असिस्टंट आता इंटरनेटशिवायसुद्धा वापरता येणार असून ही सुविधा तूर्तास व्होडाफोन आयडिया ग्राहकांसाठीच आहे. यासाठी तुम्हाला 8009191000 या टोल फ्री क्रमांकावर संपर्क साधून प्रश्न विचारून गूगलकडून उत्तरे मिळवता येतील! क्रिकेट स्कोर विचारा, हवामान विचारा, अगदी काहीही…!

लवकरच गूगल असिस्टंटला बोलून आपल्याला डॉमिनोजचा पिझ्झा मागवता येईल, ओलाद्वारे कॅब बुक करता येईल!

गूगल सर्च डिस्कव्हर (Google Search Discover) : आपण गूगल सर्चमध्ये असताना डावीकडे स्वाईप केल्यावर आपल्याला आपण सर्च केलेल्या गोष्टींवर आधारित लेख पाहायला मिळतात. यासाठी गूगल Discover या सेवेचा वापर करतं आता ही मराठीतसुद्धा उपलब्ध होत आहे. यामुळे यापुढे तुम्हाला केवळ इंग्लिश कंटेंट ऐवजी मराठी बातम्या, लेख पाहायला मिळतील.

गूगल पे (Google Pay) : गूगल पे या गूगलच्ये पेमेंट सेवेमध्ये त्यांनी अनेक नव्या सोयी जाहीर केल्या आहेत. गेल्या वर्षभरात गूगल पेच्या यूजर्समध्ये तिप्पट वाढ झाली आहे. वार्षिक 110 बिलियन डॉलर्सचे व्यवहार आता या अॅपद्वारे पार पडत आहेत.

• Spot Platform : ही एक नवी सेवा गूगल पे उपलब्ध करून देत असून यामुळे ऑनलाईन व ऑफलाईन विक्रेते, दुकानदार, व्यावसायिक यांना त्यांच्या ग्राहकांना खरेदीसाठी सोपा पर्याय उपलब्ध करून देता येईल. UrbanClap, Goibibo, MakeMyTrip, RedBus, Eat.Fit व Oven Story हे सध्या या सेवेचा वापर करत आहेत. याद्वारे विक्रेत्यांना त्यांची उत्पादने सहजरित्या दाखवता येतील आणि विक्रीसुद्धा करता येईल यासाठी वेगळ्या अॅप/वेबसाइटची गरज उरणार नाही.
• Google Pay for Business : हे नवं अॅप खास विक्रेते/दुकानदार/व्यावसायिकांसाठी असून याद्वारे त्यांना त्यांच्या बिझनेससाठी पेमेंट पर्याय उपलब्ध करून देता येईल. पैसे स्वीकारणे त्यांची नोंद ठेवणं अधिक सोपं जाईल.
• Tokenized cards : यामुळे पैसे देताना आपल्या कार्ड नंबर ऐवजी एका डिजिटल टोकनचा वापर केला जाईल ज्यामुळे व्यवहार अधिक सुरक्षित व गोपनीय राहतील.
• Google Pay Jobs : गूगलने स्किल इंडिया अंतर्गत National Skills Development Corporation सोबत भागीदारी करून गूगल पे अॅपद्वारे नोकऱ्या उपलब्ध करून देण्याची सोय दिली आहे. यासाठी काही कंपन्यासोबत गूगल काम करणार असून आपण आपली माहिती देऊन आपल्याला योग्य अशा जॉबचा शोध गूगल पेमध्येच घेऊ शकू…!

search terms Google For India Google Assistant Now in Marathi Discover Google Pay India Small Businesses Google Pay Jobs Search Spot Platform Bolo Google Lens

The post गूगल फॉर इंडिया : गूगल लेन्स, असिस्टंट, बोलो अॅप आता मराठीत! appeared first on MarathiTech - मराठीटेक.

गूगलने त्यांचं स्वतःचं ऑनलाईन शॉपिंग पोर्टल गूगल शॉपिंग आता भारतात उपलब्ध केलं असून ही सेवा आता वापरू शकतो. यामध्ये स्वतः गूगल वस्तू विकणार नसून भारतातल्या ऑनलाईन शॉपिंग वेबसाइट्सवर उपलब्ध असलेले डिल्स आपल्याला एकाच ठिकाणी उपलब्ध करून देत आहेत. यात फ्लिपकार्ट, अॅमेझॉन, शॉपक्लुज, क्लब फॅक्टरी, स्नॅपडील यांच्यासोबत कमी प्रसिद्ध असे अनेक वेबसाइट पर्याय इथे उपलब्ध आहेत! यामुळे गूगल शॉपिंगची स्पर्धा असेल असं म्हणता येणार नाही तर उलट याच्यामुळे सर्व विक्रेत्यांना एका प्लॅटफॉर्मवर वस्तू उपलब्ध करून देता येतील! एका वस्तूच्या विविध साईट्सवरील किंमती एकाच जागी पाहता येत असल्यामुळे ग्राहकांना खरेदी करणं सोपं होईल!

गूगल शॉपिंग द्वारे आपण ऑफर्सनुसार फिल्टर करून आपल्याला आवडेल त्या साईटवरील वस्तू घेऊ शकतो!
या सेवेत गूगल प्रत्येकाच्या आवडीनुसार वस्तू व त्यांच्यावरील ऑफर्स सुचवेल म्हणूनच ही सेवा गूगल लेन्स व गूगल अॅपसोबत जोडण्यात आली आहे! विविध प्रकार, विविध वेबसाईट यांची तुलना करून खरेदी करता येईल!

गूगल शॉपिंग चार प्रकारे वापरता येईल!

• वेबसाईट : https://www.google.co.in/shopping
• गूगल लेन्सच्या स्टाईल सर्च द्वारे
• गूगल अॅपवर नव्या शॉपिंग टॅबद्वारे (प्रॉडक्ट सर्च केल्यावरच दिसणार)
• Progressive Web App (PWA) द्वारे

गूगल शॉपिंग विक्रेते आणि ग्राहक यांच्यामधील दुवा ठरेल जो या दोघांना एकमेकांशी जोडून देईल आणि उरलेला व्यवहार विक्रेत्याच्या वेबसाईटवर पूर्ण होईल! गूगलने यामध्ये स्थानिक दुकानांनासुद्धा संधी देणार असल्याचं सांगितलं आहे ज्यामुळे लहान व्याप्ती असलेल्या व्यापाऱ्यांनाही डिजिटल माध्यमावर विक्री सहज करता येईल! विक्रेत्याना गूगल शॉपिंगवर मोफत प्रवेश असेल!

गूगल लेन्समध्ये आपण एखाद्या वस्तूकडे आपला फोनचा कॅमेरा धरायचा, गूगल ती वस्तू ओळखून आपल्याला ती कोणत्या साईट्सवर मिळू शकेल अशी सर्व माहिती क्षणात उपलब्ध करून देईल! कपडे, इलेक्ट्रॉनिक्स, स्मार्टफोन्स, पुस्तके, घड्याळे, इ प्रकारची खरेदी गूगल शॉपिंग मार्फत करता येईल!

search terms google shopping now available in india will act as aggregator with support for google lens and app

The post आता गूगलची शॉपिंग वेबसाइट भारतात उपलब्ध! : अॅमेझॉन, फ्लिपकार्टशी स्पर्धा? appeared first on MarathiTech - मराठीटेक.

उपयोगी अॅप्स मालिकेमध्ये हा चौथा भाग असून यामध्ये आपण UTS, स्केच बुक, वॉली, व गूगल लेन्स हे अॅप्स पाहणार आहोत. आम्ही दिलेल्या अॅप्सना तुमच्या विशिष्ट गरजेनुसार आणखी चांगले पर्याय सुद्धा उपलब्ध असू शकतात त्याचा सुद्धा आपण शोध घेऊ शकता. आपल्या प्रतिक्रियांसोबतच जर आपणास कोणते अॅप या लेखामध्ये सुचवायचे असेल तर आम्हाला अवश्य कळवा.

SketchBook – draw and paint : ऑटोडेस्कतर्फे उपलब्ध असणारे स्केच बुक अॅप कलाकारांसाठी पर्वणीच आहे. हे अॅप प्ले स्टोअर त्याचबरोबर डेस्कटॉपवर  काही दिवसांपूर्वी मोफत उपलब्ध झाले असून आपणास फक्त मोफत वापरण्यासाठी अकाउंट तयार करावे लागणार आहे. यामध्ये खूपसारे पर्याय जसे की क्विक कंट्रोल, विविध पेन/पेन्सिल ऑप्शन, कलर, टूल्स त्याचबरोबर जवळपास १९० ब्रश पर्याय यामध्ये उपलब्ध आहेत. मोबाइलद्वारे स्कॅन करून त्यामध्ये विविध कलर वापरण्याचे पर्याय सुद्धा यामध्ये आहे. विविध प्रकारात एक्स्पोर्ट करण्याची सुविधा असल्याकारणाने jpg, PDF अशा अनेक स्वरूपात फाईल सेव्ह करता येते.

डाउनलोड लिंक – Android / Windows (PC & Laptop)

UTS Mobile Ticketing : लोकल किंवा रेल्वेच्या जनरल (अनारक्षित) तिकीट ने प्रवास करावा लागला तर प्लॅटफॉर्मवरील गर्दीमध्ये उभे राहून तिकीट काढण्यापेक्षा भारतीय रेल्वेतर्फे उपलब्ध असणाऱ्या UTS अॅपची नक्कीच मदत होते. यामध्ये प्लॅटफॉर्म तिकीट काढण्याची सुद्धा सुविधा उपलब्ध आहे. या अॅपद्वारे पेपरलेस आणि प्रिंट असे दोन पद्धतीचे तिकीट बुकिंग पर्याय उपलब्ध असुन जर आपण रेल्वे ट्रॅक तसेच स्टेशन पासून दूर असाल तर याचा वापर करू शकता परंतु ठराविक म्हणजेच जवळपास ५ किमी परिसरात असणे आवश्यक आहे. तिकीट चेकरला पाहून लगेच तिकीट काढता येऊ नये या उद्देशाने स्टेशनमध्ये असताना तसेच रेल्वे रुळाजवळ असाल तर पेपरलेस तिकीट काढता येत नाही. प्रिंट तिकीट हे आपण कुठूनही काढू शकता व रेल्वे स्टेशनवर उपलब्ध असणाऱ्या मशीनमध्ये आपला मोबाइल नंबर व तिकीट कोड टाकून प्रिंट करू शकता. तिकीट प्रिंट करणे आवश्यक असून न केल्यास विना तिकीट प्रवास करत असल्याचे समजले जाईल.

डाउनलोड लिंक –  UTS Mobile Ticketing

Walli : जर आपणास चांगले वॉलपेपर हवे असतील तर वॉली अॅप एक चांगला पर्याय आहे. यामधील वॉलपेपर हे आर्टिस्टने तयार केलेले असून त्यांच्यातर्फेच अपलोड केले जातात. आपण सुद्धा आर्टिस्ट म्हणून यामध्ये सहभागी होऊन आपले फोटो अपलोड करू शकता . यामध्ये अनेक सारे पर्याय उपलब्ध असून नेहमीपेक्षा हटके वॉलपेपर पाहायला मिळतात.  मोफत डाउनलोड करण्याची सुविधा यामध्ये उपलब्ध असून आपण आपल्या अकाउंटवर आवडणारे सेव्ह सुद्धा करता येतात.

डाउनलोड लिंक – Walli – 4K, HD Wallpapers & Backgrounds

Google Lens : गूगल लेन्स अॅप आपणास कॅमेराच्या मदतीने समोर असणाऱ्या अनेक गोष्टींबद्दल माहिती मिळविण्यास मदत करते. जसे की आपण एखाद्या परिसराबद्दल गूगल लेन्स द्वारे माहिती मिळवू शकता त्यामध्ये नाव, रेटिंग, कामकाजाची वेळ इत्यादी, बुक पाहिल्यास त्याबद्दलची माहिती, एखादा वनस्पती/फुल/प्राणी पाहिल्यास गूगल लेन्सचा वापर करून त्यांच्याबद्दल माहिती मिळवता येते. दुसऱ्या भाषेतील शब्द ट्रान्सलेट करण्याची सोय त्याचबरोबर तुमच्या कॅलेंडरमध्ये इव्हेंट जोडणे वगैरे. हे अॅप गूगलतर्फे मोफत उपलब्ध आहे.

डाउनलोड लिंक – Google Lens

The post उपयोगी अॅप्सची ओळख करून देणारी मालिका : अॅपमित्र #4 appeared first on MarathiTech - मराठीटेक.