काल Nvidia (एनव्हिडिया) या GPUs तयार करणाऱ्या तंत्रज्ञान क्षेत्रातील सध्याच्या आघाडीच्या कंपनीने आता चक्क मायक्रोसॉफ्ट आणि ॲपलला मागे टाकत जगातली सर्वाधिक भागभांडवल (मार्केट कॅपिटल) असलेली कंपनी बनण्याचा मान मिळवला आहे! सर्वत्र वाढत चाललेल्या AI च्या वापरामुळे Nvidia च्या GPUs आणि AI चिप्सची मागणी प्रचंड मोठ्या प्रमाणात वाढली आहे.

यामुळेच गेल्या काही महिन्यात या कंपनीच्या शेयर्सची सतत वाढ होत आहे! अवघ्या पाच वर्षात यांचा शेयर तब्बल ३५०० टक्क्यांनी वाढला आहे! काही दिवसांपूर्वीच आम्ही त्यांनी ॲपलला मागे टाकत दुसरं स्थान मिळवल्याची माहिती दिली होती आणि आता थेट मायक्रोसॉफ्टलासुद्धा मागे टाकत पहिलं स्थान मिळवलं आहे!

आता AI म्हणजेच कृत्रिम बुद्धिमत्तेचा वापर करणाऱ्या सेवा मोठ्या प्रमाणात वाढल्या असून त्यामुळेच मायक्रोसॉफ्ट, मेटा, गूगल, ॲमेझॉन, Oracle, Tesla सारख्या सर्व आघाडीच्या कंपन्या Nvidia च्या AI Chips वापरतात! यामुळेच ही कंपनी दिवसेंदिवस अधिकच मोठी होत चालली आहे.

आता या कंपनीने ३ ट्रिलियन डॉलर्सचा टप्पा गाठला आहे! आम्ही फेब्रुवारीमध्ये याबद्दल लेख प्रकाशित केला होता त्यावेळी कंपनीने गूगलच्या अल्फाबेटला मागे टाकत चौथ्या क्रमांकाची कंपनी बनण्याचा मान मिळवला होता आणि त्यांचं त्यावेळी १.८ ट्रिलियन डॉलर्स भागभांडवल होतं !

काल Nvidia ने मायक्रोसॉफ्ट आणि ॲपलला मागे टाकल्यावर या कंपनीचं मार्केट कॅपिटल आता 2,78,00,560 कोटी रुपये (डॉलर्समध्ये 3.335 Trillion USD) इतकं झालं आहे!

अर्थात या यादीतील काही नावे सारखीच वरखाली झालेली दिसत राहतील पण Nvidia ने AI च्या वाढीमुळे घेतलेली झेप नक्कीच कौतुकास्पद आहे!

The post Nvidia आता मायक्रोसॉफ्ट व ॲपलला मागे टाकत जगातली सर्वात मोठी कंपनी! appeared first on MarathiTech - मराठीटेक.

काल Nvidia (एनव्हिडिया) या GPUs तयार करणाऱ्या तंत्रज्ञान क्षेत्रातील सध्याच्या आघाडीच्या कंपनीने आता चक्क ॲपलला मागे टाकत जगातली सर्वाधिक भागभांडवल (मार्केट कॅपिटल) असलेली मायक्रोसॉफ्टनंतर दुसऱ्या क्रमांकाची कंपनी बनण्याचा मान मिळवला आहे! सर्वत्र वाढत चाललेल्या AI च्या वापरामुळे Nvidia च्या GPUs आणि AI चिप्सची मागणी प्रचंड मोठ्या प्रमाणात वाढली आहे.

यामुळेच गेल्या काही महिन्यात या कंपनीच्या शेयर्सची सतत वाढ होत आहे! अवघ्या पाच वर्षात यांचा शेयर तब्बल ३५०० टक्क्यांनी वाढला आहे!

आता AI म्हणजेच कृत्रिम बुद्धिमत्तेचा वापर करणाऱ्या सेवा मोठ्या प्रमाणात वाढल्या असून त्यामुळेच मायक्रोसॉफ्ट, मेटा, गूगल, ॲमेझॉन, Oracle, Tesla सारख्या सर्व आघाडीच्या कंपन्या Nvidia च्या AI Chips वापरतात! यामुळेच ही कंपनी दिवसेंदिवस अधिकच मोठी होत चालली आहे.

आता या कंपनीने ३ ट्रिलियन डॉलर्सचा टप्पा गाठला आहे! आम्ही फेब्रुवारीमध्ये याबद्दल लेख प्रकाशित केला होता त्यावेळी कंपनीने गूगलच्या अल्फाबेटला मागे टाकत चौथ्या क्रमांकाची कंपनी बनण्याचा मान मिळवला होता आणि त्यांचं त्यावेळी १.८ ट्रिलियन डॉलर्स भागभांडवल होतं !

काल Nvidia ने ॲपलला मागे टाकल्यावर या कंपनीचं मार्केट कॅपिटल आता 2,51,38,152 कोटी रुपये इतकं झालं आहे!

The post Nvidia आता ॲपलला मागे टाकत सर्वात मोठया कंपन्यांमध्ये दुसऱ्या क्रमांकावर! appeared first on MarathiTech - मराठीटेक.

काल Nvidia (एनव्हिडिया) या तंत्रज्ञान क्षेत्रातील सध्याच्या आघाडीच्या कंपनीने चक्क गूगलच्या अल्फाबेटला मागे टाकत जगातली सर्वाधिक भागभांडवल (मार्केट कॅपिटल) असलेली चौथ्या क्रमांकाची कंपनी बनण्याचा मान मिळवला आहे! सर्वत्र वाढत चाललेल्या AI च्या वापरामुळे Nvidia च्या GPUs आणि AI चिप्सची मागणी प्रचंड मोठ्या प्रमाणात वाढली आहे. यामुळेच गेल्या काही महिन्यात या कंपनीची सतत वाढ होत आहे!

आत्ताच्या काळात ॲमेझॉन आणि गूगलला मागे टाकत वरती जाणं म्हणजे किती कठीण गोष्ट Nvidia ने साधली आहे याची कल्पना येईल! आपण जे लॅपटॉप्स वापरतो त्यामध्ये प्रोसेसर इंटेल किंवा AMD चा असला तरी शक्यतो बऱ्याच लॅपटॉप्समध्ये आणि पीसीमध्ये Nvidia चंच ग्राफिक्स कार्ड (GPU) असतं. मध्यंतरी बिटकॉईनची किंमत बरीच वाढली त्यावेळी तर Nvidia चे ग्राफिक्स कार्ड मिळणं अवघड झालं होतं इतकी प्रचंड मागणी होती.

मात्र आता AI म्हणजेच कृत्रिम बुद्धिमत्तेचा वाढलेला वापर या कंपनीच्या पथ्यावर पडला असून त्यामुळेच मायक्रोसॉफ्ट, मेटा, गूगल, ॲमेझॉन, Oracle, Tesla सारख्या सर्व आघाडीच्या कंपन्या Nvidia च्या AI Chips वापरतात! यामुळेच ही कंपनी दिवसेंदिवस अधिकच मोठी होत चालली आहे. लवकरच ही कंपनी २ ट्रिलियन डॉलर्सचा टप्पा गाठू शकते!

त्यांचा शेयर एका वर्षात तब्बल २३१ टक्क्यांनी वाढला आहे! आत्ता या कंपनीचं मार्केट कॅपिटल ~1,50,56,200 कोटी रुपये आहे!

2,50,35,000

25,03,35,60,00,00,000

खालील इमेजमध्ये तुम्ही (हा लेख लिहीत असताना) जगातल्या सर्वात मोठ्या कंपन्या आणि पुढे त्यांचं मार्केट कॅपिटल पाहू शकता.

The post Nvidia जगातल्या सर्वात मोठया कंपन्यांमध्ये चौथ्या क्रमांकावर! appeared first on MarathiTech - मराठीटेक.

काही दिवसांपूर्वी मायक्रोसॉफ्टने ॲपलला दोन वर्षांच्या कालखंडानंतर प्रथमच मागे टाकत जगातील सर्वाधिक भागभांडवल असलेली कंपनी बनण्याचा मान मिळवला आहे. हा लेख लिहीत असताना मायक्रोसॉफ्टचं मार्केट कॅपिटल 2.901 ट्रिलियन डॉलर्स झालं असून ॲपलचं मार्केट कॅप 2.839 ट्रिलियन डॉलर्सवर घसरलं आहे. २०२१ नंतर प्रथमच मायक्रोसॉफ्टने ॲपलला मागे टाकण्यात यश मिळवलं आहे!

मायक्रोसॉफ्टने OpenAI चे तंत्रज्ञान त्याच्या सॉफ्टवेअर्समध्ये समाविष्ट करण्यास सुरुवात केली असून आता CoPilot Pro द्वारे त्यांनी त्यामधील सर्व सोयी त्यांच्या बिझनेस सॉफ्टवेयरमध्येही दिल्या आहेत यामुळेच क्लाउड-कॉम्प्युटिंग व्यवसायात सुधारणा घडवून आणण्यास मदत झाली आणि त्यांचं त्यामधून मिळणारं उत्पन्न आणखी वाढलं आहे. AI मधील आघाडीमुळं वेब सर्चवरील गूगलच्या वर्चस्वाला आव्हान देण्याची संधी देखील निर्माण केली आहे.

सत्या नाडेला यांच्या नेतृत्वात मायक्रोसॉफ्टला खऱ्या अर्थाने गतवैभव मिळालं आहे असं म्हणता येईल. क्लाऊड संबंधित सेवांवरच लक्ष केंद्रित केल्यामुळे आणि AI बाबतीत वेळीच पावले उचलल्यामुळे मायक्रोसॉफ्टला हा टप्पा गाठता आला आहे.

ॲपलच्या Vision Pro Mixed Reality हेडसेटची विक्री अमेरिकेत २ फेब्रुवारीपासून सुरू होईल, २००७ मधील आयफोन लॉंचनंतर ॲपलचे सर्वात मोठे उत्पादन लाँच म्हणता येईल. ॲपल 3 ट्रिलियन डॉलर्सचं भागभांडवल गाठणारी जगातली पहिली कंपनी ठरली होती आता या नव्या उत्पादनाला ग्राहकांच्या मिळणाऱ्या प्रतिसादानंतर पुन्हा ॲपल पहिल्या स्थानी जाईल की नाही ते कळेलच.

जगात सर्वात जास्त मार्केट कॅप असलेल्या कंपन्या

1. मायक्रोसॉफ्ट : 2.901 ट्रिलियन डॉलर्स
2. ॲपल : 2.839 ट्रिलियन डॉलर्स
3. अल्फाबेट (गूगल) : 1.793 ट्रिलियन डॉलर्स
4. ॲमेझॉन : 1.583 ट्रिलियन डॉलर्स
5. Nvidia : 1.393 ट्रिलियन डॉलर्स

The post मायक्रोसॉफ्ट ॲपलला मागे टाकत बनली सर्वाधिक मार्केट कॅप असलेली कंपनी! appeared first on MarathiTech - मराठीटेक.

ॲपल आज जगातली पहिली ३ ट्रिलियन डॉलर्स मार्केट कॅपिटल असलेली कंपनी बनली आहे. रुपयांमध्ये सांगायचं तर तब्बल ~ २२२ लाख कोटी रुपये भागभांडवल! ॲपलची यावेळी मायक्रोसॉफ्टसोबत स्पर्धा होती! मात्र शेवटी ॲपलने पुन्हा एकदा बाजी मारत हा बहुमान पटकावला आहे!

ऑगस्ट २०१८ मध्ये पहिली १ ट्रिलियन डॉलर्स मार्केट कॅपिटल असलेली कंपनी बनली होती. त्यानंतर दोन वर्षांनी २ ट्रिलियन डॉलर्स आणि आता जानेवारी २०२२ मध्ये 3 ट्रिलियन डॉलर्स भागभांडवल असलेली कंपनी बनली आहे! अर्थात मार्केट स्थितीनुसार त्या शेयरचीही किंमत काही वेळातच खाली आली आणि त्यांचं सध्याचं मार्केट कॅप 2.9 ट्रिलियन डॉलर्सवर आहे.
९ जानेवारीला ॲपलच्या स्टीव्ह जॉब्स यांनी आयफोनचं अनावरण करून १५ वर्षे पूर्ण होणार आहेत.

मोठ्या प्रमाणात विक्री होणाऱ्या आयफोन्स, मॅकबुक्स, आयमॅक, वॉच, आयपॅड अशा उपकरणांसोबत ॲपल टीव्ही, ॲपल म्युझिक अशा सेवांमुळे त्यांचं उत्पन्न अनेक पटींनी वाढलं आहे! चीन या जगातल्या सर्वात मोठ्या स्मार्टफोन मार्केटमध्येही ॲपल पहिल्या स्थानी आहे. ॲपलला एकूण उत्पन्नापैकी जवळपास ५२ टक्के उत्पन्न केवळ आयफोन्सच्या विक्रीमधून प्राप्त होत आहे!

अनेकांनी यावर ॲपल उपकरणे पुसण्याचं कापड आणून त्याची किंमत फक्त १,९०० रुपये ठेवून त्यांचं हे कॅपिटल मोठं करत आहे अशा आशयाने त्यांच्या उपकरणांच्या वाढलेल्या किंमतीवर भाष्य केलं आहे! येत्या काळात ॲपल स्वतःची इलेक्ट्रिक कारसुद्धा सादर करणार असल्याची चर्चा नेहमी सुरू असते. शिवाय लवकरच VR हेडसेटसुद्धा आणणार असल्याची शक्यता आहे.

जगात सर्वात जास्त मार्केट कॅप असलेल्या कंपन्या

1. ॲपल : 2.9 ट्रिलियन डॉलर्स
2. मायक्रोसॉफ्ट : 2.5 ट्रिलियन डॉलर्स
3. अल्फाबेट (गूगल) : 1.9 ट्रिलियन डॉलर्स
4. ॲमेझॉन : 1.6 ट्रिलियन डॉलर्स
5. टेस्ला : 1 ट्रिलियन डॉलर्स

स्थापनेनंतर ४२ वर्षात ॲपलने १ ट्रिलियनचा टप्पा गाठला होता आणि त्यानंतर ४ वर्षात हा नवा टप्पा गाठला असून याआधी तब्बल ११७ वर्षांपूर्वी १९०१ मध्ये यूएस स्टीलने 1 बिलियन डॉलर्सचा टप्पा ओलांडला होता. पेट्रो चायनानेसुद्धा एका दिवसासाठी 1 ट्रिलियनचा टप्पा ओलांडला होता. तसेच जर आधीच्या ऑइल कंपन्यांचे सध्याच्या चलनामध्ये रूपांतर केल्यास या जुन्या कंपन्या कित्येक पटीने पुढे असतील मात्र या कंपन्या आता शक्यतो विभाजित झालेल्या आहेत.

ॲपलची मार्केटमधील सद्यस्थिती जाणून घेण्यासाठी लिंक : Apple (AAPL) Current Share Stats

search terms : Apple first company to cross $3 trillion market cap US nasdaq

The post ॲपल बनली आहे 3 ट्रिलियन डॉलर्स भागभांडवल असलेली जगातली पहिली कंपनी! appeared first on MarathiTech - मराठीटेक.