Mars Archives - MarathiTech - मराठीटेक

नासाचं पर्सिव्हिअरन्स मंगळावर : अनेक बाबतीत प्रथमच थेट मंगळावरून!

Sooraj Bagal — Sat, 20 Feb 2021 11:37:29 +0000

नासाच्या पर्सिव्हिअरन्स (Perseverance) रोव्हरने १८ तारखेला यशस्वी लॅंडींग करून छायाचित्रे पाठवण्यास सुरुवात केली आहे. यावेळी येत असलेले फोटो लँड करण्याच्या वेळेपासून मिळाले असून यापूर्वी कधीही अशा प्रकारे फोटो काढण्यात आले नव्हते अशी माहिती नासाने दिली आहे. २४ तासांनी हे फोटो जगासमोर प्रकाशित करण्यात आले आहेत.

पर्सिव्हिअरन्सला घेऊन ॲटलास रॉकेटनं अमेरिकेतल्या केप कॅनॅव्हरल, फ्लोरिडा येथील एयर फोर्स स्टेशनवरून गेल्यावर्षी जुलै महिन्यात उड्डाण केलं होतं. त्यानंतर ते १८ फेब्रुवारी २०२१ ला मंगळ ग्रहावर उतरलं आहे. हा रोव्हर शेकडो वर्षांपूर्वी ज्या ठिकाणी नदी असेल अशी शक्यता वर्तवली जाते अशा ठिकाणी उतरवण्यात आला असून तेथील गोष्टींचा अभ्यास करण्यासाठी ही मोहीम सुरू करण्यात आली होती. त्याकाळी असलेल्या जीवसृष्टीच्या शक्यतेची पडताळणी करण्यात हे महत्वाचं पाऊल ठरेल.

नासाने या रोव्हरवर तब्बल २५ कॅमेरा आणि २ मायक्रोफोन्स बसवले आहेत. या पूर्वीच्या नासाच्याच Curiosity रोव्हरपेक्षा अधिक चांगले कॅमेरा यावेळी बसवण्यात आले असून मंगळ ग्रहाचा पृष्ठभाग आता अधिक सुस्पष्टपणे पाहता येईल. Ingenuity नावाचं छोटं हेलिकॉप्टरसुद्धा यामध्ये जोडण्यात आलं आहे जे हवामान पाहून उडवण्याचा प्रयत्न करण्यात येणार आहे.

या मोहिमेचं नियंत्रण भारतीय वंशाच्या डॉ. स्वाती मोहन यांनी केलं. लँड होत असतानाची प्रक्रियासुद्धा त्यांनी जाहीर केली. संबंधित लाईव्हस्ट्रीम लिंक : https://youtu.be/gm0b_ijaYMQ

या रोव्हरने पाठवलेले अधिकृत फोटो पाहण्यासाठी https://twitter.com/NASAPersevere या लिंकवर जा

An open horizon, with so much to explore. Can’t wait to get going. #CountdownToMars pic.twitter.com/hAaxeVGs04
— NASA's Perseverance Mars Rover (@NASAPersevere) February 19, 2021

भारताचा मंगळावर रोव्हर लँड करण्याचा प्रयत्न अयशस्वी ठरला होता मात्र येत्या काही वर्षात भारत पुन्हा एकदा प्रयत्न करणार असून MOM-2 मोहीम मात्र केवळ orbital म्हणजे मंगळाभोवती फिरत राहण्याच्या दृष्टीने करण्यात येणार आहे. त्यानंतर पुढील गोष्टी ठरवण्यात येतील असं इस्रो प्रमुखांनी आज सांगितलं आहे. यशस्वी मोहिमेबद्दल त्यांनी नासाचं अभिनंदन केलं आहे.

The post नासाचं पर्सिव्हिअरन्स मंगळावर : अनेक बाबतीत प्रथमच थेट मंगळावरून! appeared first on MarathiTech - मराठीटेक.

मंगळावरचा आवाज ऐका : नासाच्या इनसाईटने पाठवला मंगळावरील आवाज!

Sooraj Bagal — Mon, 10 Dec 2018 11:09:00 +0000

२६ नोव्हेंबरला मंगळवार पोहोचलेल्या नासाच्या इनसाईटमधील सेस्मोमीटर जो तेथील भूकंपनांची नोंद करेल त्याद्वारे मंगळावरील वार्‍यामुळे झालेले सोलार पॅनलचे कंपन व त्याचा आवाज ऐकता येतोय!

इनसाईट मंगळावर वाहणाऱ्या वाऱ्यामुळे होत असलेल्या सोलर पॅनेल्सच्या कंपनाला टिपत होता. यामध्ये असलेला सेस्मोमीटर हे काम करतोय जो सध्या इनसाईटमध्ये समाविष्ट आहे पण लवकरच मंगळावर उतरवण्यात येणार आहे! ज्यामुळे मंगळावरील भूकंपने (vibrations) समजू शकतील.

व्हिडिओ लिंक youtu.be/ZK5bOZx2xXs

nasa insight in marathi mars sound

The post मंगळावरचा आवाज ऐका : नासाच्या इनसाईटने पाठवला मंगळावरील आवाज! appeared first on MarathiTech - मराठीटेक.

इस्रोच्या हायसिसचं पीएसएलव्हीद्वारे प्रक्षेपण! इतर : नासा इनसाईट मंगळावर पोहोचलं!

Sooraj Bagal — Thu, 29 Nov 2018 11:24:00 +0000

इंडियन स्पेस रिसर्च ऑर्गनायझेशन (इस्रो)ने आज PSLV-C43 रॉकेटद्वारे Hyperspectral Imaging Satellite (HysIS) या उपग्रहाच श्रीहरिकोटा येथून प्रक्षेपण केलं. या मोहिमेचे कालावधी ५ वर्षं असेल. हायसिससोबत इतर ३० उपग्रहसुद्धा सोडण्यात आले आहेत. यामधील एक मायक्रो तर उर्वरित नॅनो प्रकारचे आहेत आणि हे आठ देशांच्या वतीने अवकाशात झेपावले आहेत.

Update #11#ISROMissions #PSLVC43

Another view of Indian satellite #HysIS separation.

[Updates to continue.] pic.twitter.com/9BAssorMgv

— ISRO (@isro) November 29, 2018

हायसिस हा भारताचा पहिलाच hyperspectral imaging satellite आहे. यामध्ये digital imaging आणि spectroscopy यांचा जोडणी केलेली असते. पृथ्वीच्या पृष्ठभागाचा अभ्यास करणं सोपं होईल. ज्यामुळे कृषी क्षेत्रात चांगली मदत होईल. जमिनीवरील पाण्याचा अभ्यास, पर्यावरण अभ्यास, प्रदूषण शोध अशा गोष्टी करता येतील.

यासोबत नासाने काही महिन्यापूर्वी (५ मे २०१८) पाठवलेलं इनसाईट मंगळावर पोहोचलं असून तिथून मंगळाच्या पृष्ठभागाचे फोटो पाठवण्यास सुरुवात केली आहे. या मोहिमेचं आणखी एक वैशिष्टय म्हणजे यावर आपली नवे पाठवण्याचं आवाहन नासाने केलं होत ज्यात १ लाख भारतीयांनी नवे पाठवली होती अशी जगभरातील नावे एकत्र करून एका चिपमध्ये साठवून ती इनसाईटमध्ये जोडली गेली आहे. यामुळे या सर्वांची नवे मंगळावर पोहोचली आहेत. इनसाईट हा पहिलाच प्रकल्प असेल ज्यामध्ये रोबोटिक हाताचा वापर केला असेल जो मंगळावर वस्तू ठेवण्यासाठी वापरला जाईल! तसेच यावेळी कॅमेरामध्ये RAW इमेजेस कॅप्चर करण्याची सोय करण्यात आली आहे!

नासाच्या इनसाईटने पाठवलेल पहिलं छायाचित्र!

The post इस्रोच्या हायसिसचं पीएसएलव्हीद्वारे प्रक्षेपण! इतर : नासा इनसाईट मंगळावर पोहोचलं! appeared first on MarathiTech - मराठीटेक.

अज्ञात गुगल फीचर्स

Sooraj Bagal — Thu, 13 Jun 2013 21:00:00 +0000

इंटरनेटचा सातत्याने वापर करणाऱ्यांना ‘ गुगल ‘ शिवाय इंटरनेट हा पर्यायच आता सहन होत नाही. पण जीमेल , सर्च, गुगल प्लस , अँड्रॉइड , मॅप याव्यतिरिक्तही गुगलचे काही फीचर्स आहेत. त्यांच्याविषयी थोडसं…

गुगल मार्स – जगभरातील अवकाश संस्थांनी मंगळावरील मोहिमांची आखणी सुरू केलेली असतानाच , ‘ गुगल ‘ ने मंगळाच्या पृष्ठभागाचा थ्रीडी नकाशा इंटरनेटवर आणला. मंगळाच्या आतापर्यंतच्या नकाशांपैकी ‘ गुगल ‘ चे नकाशे सर्वाधिक अत्याधुनिक असल्याचा त्यांचा दावा आहे. ‘ नासा ‘च्या मदतीने हे फीचर सुरू करण्यात आले होते.

गुगल स्कॉलर – इंटरनेटवरून साहित्याचा शोध घेणाऱ्यांसाठी ‘ गुगल ‘ ने हा पर्याय उपलब्ध करून दिला आहे. सध्या या ठिकाणी इंग्रजी साहित्य उपलब्ध असून , लवकरच हिंदीसह पोर्तुगीज , चिनी , जर्मन अशा अनेक भाषांमधील साहित्य उपलब्ध होणार आहे. शिवाय , आवडीच्या क्षेत्रातील अपडेटही या ठिकाणी उपलब्ध आहेत.

आर्ट प्रोजेक्ट – यामध्ये जगातील अप्रतिम अशा कलाकृती पाहता येतात. एकप्रकारे जगातील १५० नामवंत संग्रहालयांची ही ऑनलाइन सहलच ठरते.

इनपुट टूल्स – एखादा संदेश आपल्याला हव्या त्या भाषेत आणि स्टाइलमध्ये पोहोचविण्यासाठी या फिचरचा उपयोग होतो. या फीचरमध्ये नुकताच हिंदी भाषेचाही समावेश करण्यात आला आहे.

थिंक इनसाइट – मार्केटच्या शोधामध्ये असणाऱ्या व्यावसायिकांसाठी हे उपयुक्त फीचर आहे. यामध्ये एखाद्या क्षेत्रातील ग्राहकांचे बदलते कल , मार्केटचे अंतरंग , त्याविषयीचा अभ्यास आणि संशोधन यांची माहिती मिळते.

मॉडरेटर – एखादी मीटिंग किंवा प्रेझेंटेशनची तयारी करण्यासाठी हे फीचर उपयुक्त आहे. या मीटिंगमध्ये कोणत्या संभाव्य प्रश्नांची विचारणा होऊ शकते , चर्चा कशी होऊ शकते यावर या फीचरमध्ये चर्चा होते. मात्र , याचा वापर करण्यासाठी , यूझरकडून वेगवेगळ्या टॉपिकविषयी फीडबॅक मागितले जातात.

एनक्रिप्टेड – ‘ गुगल ‘ आणि यूझरच्या कम्प्युटरमधील कम्युनिकेशनसाठी हे फीचर आहे. एकदम सुरक्षित आणि खासगी सर्चसाठी हे फीचर उपयुक्त आहे.

स्कीमर – एखादी नवी गोष्ट शोधणे आणि ती परस्परांमध्ये शेअर करण्यासाठी याचा उपयोग होतो. अगदी ‘ गुगल प्लस ‘ मध्येही ‘ स्क्रीमिंग ‘ असे चिन्ह दिसते , त्यातून ते यूझर या फीचरशी जोडले गेल्याचे दिसून येतात. अगदी एखादा सिनेमा आवडला , एखादा प्रसंग सर्वांना सांगावासा वाटला , त्यांच्यासाठी हे फीचर महत्त्वाचे आहे.

Related Keywords :
Google
Google Mars Moderator schemer think insight scholar

The post अज्ञात गुगल फीचर्स appeared first on MarathiTech - मराठीटेक.