अनेक महिन्यांच्या प्रतिक्षेनंतर सोनीने त्यांचा Sony Alpha A7S III कॅमेरा आज सादर केला असून यामधील व्हिडिओ सुविधांमुळे हा कॅमेरा 4K व्हिडिओ रेकॉर्डिंगसाठी सर्वोत्तम कॅमेरापैकी एक आहे. α7S III हा व्हिडिओग्राफर्ससाठी सध्या उपलब्ध कॅमेरामध्ये बेस्ट पर्याय म्हणता येईल. यामध्ये ओव्हरहिटिंगचा प्रॉब्लेम नसल्यामुळे 4K रेकॉर्डिंग अनेक तास सलग करता येणार आहे!

यामध्ये बऱ्याच गोष्टी प्रथमच देण्यात आल्या असून अनेक वर्षं मागणी करण्यात येत असलेली बाजूला फिरवता येईल अशी स्क्रीन देण्यात आली असून नवं मेन्यू डिझाईनसुद्धा देण्यात आलं आहे. आता या कॅमेरामध्ये टचद्वारे नॅव्हिगेट करता येईल. यामध्ये नवी Bionz XR चिप देण्यात आलेली आहे आणि 12 Megapixel चा Exmor R सेन्सर आहे. जो आताच्या काळात कमी वाटत असला तरी व्हिडिओसाठी यामुळेच अनेक सुविधा देता येतात. तरीही आणखी मेगापिक्सल्सचा समावेश करायला हवा होता असं अनेकांचं मत आहे.

A7S III अलीकडेच आलेल्या कॅननच्या EOS R5 प्रमाणे 8K रेकॉर्डिंग करू शकत नाही. मात्र 4K मध्येच उपलब्ध सर्व सोयी जोडण्याचा प्रयत्न सोनीने केला आहे ज्या कॅनन R5 पेक्षाही चांगल्या आहेत असं अनेक रिव्यूअर्सचं मत आहे. किंमत कमी असल्यामुळे A7SIII पेक्षा EOS R6 सुद्धा चांगला पर्याय आहे असंही काही जणांनी सांगितलं आहे.

Sony Alpha 7S III अधिक माहितीसाठी लिंक : https://bit.ly/333wt0s

हा कॅमेरा 10bit 4:2:2 व्हिडिओ इंटर्नली रेकॉर्ड करू शकतो. FullHD रेजोल्यूशनमध्ये 240fps स्लो मो व्हिडिओ आणि 4K मध्ये 120fps स्लो मो रेकॉर्ड करता येईल! यामध्ये HDMI Port, Headphone Port, Mic Port, Type C Port, MicroUSB Port हा कॅमेरा ऑगस्ट मध्ये खरेदीसाठी उपलब्ध होत असून याची किंमत कॅमेरा बॉडीसाठी $3500 (~२६२०००) इतकी आहे. भारतीय किंमत नंतर जाहीर केली जाईल.

The post सोनीचा A7S III मिररलेस व्हिडिओ कॅमेरा सादर! फिरवता येणारी स्क्रीन, 4K 120fps! appeared first on MarathiTech - मराठीटेक.

निकॉनने त्यांच्या नवा मिररलेस कॅमेरा Nikon Z5 आज सादर केला असून हा 24.3MP फुल फ्रेम कॅमेरा असेल. बऱ्यापैकी Z6 प्रमाणेच सोयी असलेल्या या कॅमेरामध्ये ड्युयल UHS-II SD मेमरी कार्ड स्लॉट्स आहेत. Z मालिकेतला हा पहिलाच कॅमेरा आहे ज्याला दोन मेमरी कार्ड जोडता येतात. यामध्ये ISO 100-51200, Eye-Detection AF Animal-Detection AF, Quad-VGA EVF, USB power delivery, Weather sealing अशा सुविधा आहेत. निकॉन या कॅमेराला एंट्री लेव्हल फुल फ्रेम मिररलेस कॅमेरा म्हणत आहे! Z6, Z7 आणि Z50 नंतर आता हा Z5 कॅमेरा Z मालिकेत जोडला जाईल.

हा कॅमेरा 4K 30p व्हिडिओ रेकॉर्ड करु शकतो मात्र याला 1.7x crop factor असेल. यामध्ये burst rate सुद्धा कमी म्हणजे 4.5fps इतका आहे. Z6 प्रमाणे कॅमेरा डायलच्या बाजूला डिस्प्लेसुद्धा नाही. मुख्य LCD चं सुद्धा रेजोल्यूशन कमी करण्यात आलं आहे. बऱ्याच गोष्टी कमी करून स्वस्त Z6 उपलब्ध करून देण्यात आला आहे असं दिसत आहे. या कॅमेराला Type C पोर्ट देण्यात आलं असून याद्वारे प्रथमच यूएसबीद्वारे चार्जिंगसुद्धा देण्यात आलं आहे. या कॅमेराची किंमत $1,399.95 (~१,१०,०००) इतकी आहे.

यासाठी नवी किट लेन्स देण्यात आली असून ही सर्वात लहान Z mount लेन्स आहे. 24-50mm f/4-6.3 zoom लेन्स सह कॅमेराची किंमत $1,699.95 (~१,२८,०००) इतकी असेल.

The post निकॉन Z5 मिररलेस फुल फ्रेम कॅमेरा सादर appeared first on MarathiTech - मराठीटेक.

कॅनन या प्रसिद्ध कॅमेरा निर्माता कंपनीने त्यांच्या EOS R मिररलेस कॅमेरा मालिकेत आज EOS R5 व R6 हे दोन नवे कॅमेरे जोडले असून यापैकी EOS R5 हा कॅमेरा चक्क 8K म्हणजे फुल एचडीच्या आठपट रेजोल्यूशनमध्ये व्हिडिओ रेकॉर्डिंग करू शकतो! असं करू शकणारा हा जगातला पहिलाच इंटरचेंजेबल लेन्स कॅमेरा असल्याचं कॅननचं म्हणणं आहे! हा कॅननचा आजवरचा सर्वात शक्तिशाली मिररलेस कॅमेरा आहे. याची किंमत $3899 म्हणजे जवळपास ~२,९३,००० असणार आहे ती सुद्धा लेन्सशिवाय!

R5 मध्ये 45MP सेन्सर असून याची ISO रेंज 100-51200 इतकी आहे. याचं खास वैशिष्ट्य अर्थात यामध्ये असलेलं 8K व्हिडिओ रेकॉर्डिंग! हा कॅमेरा 8K RAW व्हिडिओ 29.97fps 4:2:2 10bit color मध्ये रेकॉर्ड करेल. सलग रेकॉर्ड केल्यास रूम टेंपरेचरमध्ये हा २० मिनिटे लांबी असलेला 8K व्हिडिओ रेकॉर्ड करू शकेल! शिवाय uncropped 4K DCI व्हिडिओ तोसुद्धा 59.94fps मध्ये रेकॉर्ड करू शकेल.

फोटोसाठी यामध्ये 45MP सेन्सर असून याद्वारे 12fps नी फोटो काढू शकेल. या मध्ये in-body image stabilization सुद्धा आहे. कॅननच्या म्हणण्यानुसार यामध्ये असलेली Dual Pixel ऑटोफोकस सिस्टम जवळपास १०० टक्के AF Area कव्हर करू शकेल! सोबत कुत्रा, मांजर आणि पक्षी यांच्यासाठीही eye tracking ची सोय आहे!

जर तुम्हाला 8K ची गरज वाटत नसेल तर EOS R6 हा R5 पेक्षा स्वस्त पर्याय योग्य ठरेल. R5 मध्ये 20.1MP सेन्सर असून हा कॅमेरा 4K/60fps आणि 1080p/120fps मध्ये व्हिडिओ रेकॉर्ड करू शकतो! याची किंमत $2499 (~१,८८,०००) लेन्सशिवाय असणार आहे.

दोन्ही कॅमेरा सध्याच्या मॉडेल्सपेक्षा बऱ्याच जास्त किंमतीचे असून कॅननने आता सोनीच्या समोर 4K ऐवजी थेट 8K मध्ये स्पर्धा निर्माण करणार असल्याचं दिसत आहे! सोनीचा सुद्धा नवा कॅमेरा लवकरच येत आहे मात्र त्यामध्ये 8K असण्याची शक्यता सध्यातरी वाटत नाही. त्यामुळे कॅनन तूर्तास कॅमेरा बाजारात एकमेव कंपनी असेल जिचा 8K रेकॉर्ड करणारा मिररलेस कॅमेरा उपलब्ध आहे!

Search Terms : Canon announces the EOS R5, an 8K-shooting pro mirrorless camera

The post कॅननचा 8K व्हिडिओ रेकॉर्डिंग असलेला शक्तिशाली EOS R5 कॅमेरा सादर! appeared first on MarathiTech - मराठीटेक.

कॅननने आज दोन नवीन कॅमेरे सादर केले असून यामधील EOS 90D हा DSLR प्रकारचा असून EOS M6 II हा मिररलेस कॅमेरा आहे. दोन्ही कॅमेराच्या क्षमता जवळपास सारख्या असल्या तरी त्यांच्या एकूण आकार आणि कॅमेरा बॉडीमध्ये बराच फरक आहे.

कॅननच्या या दोन्ही कॅमेरामध्ये 32.5MP चे APSC इमेज सेन्सर असून DIGIC 8 इमेज प्रोसेसर आहे. शटर स्पीड 1/16000 पर्यंत, क्रॉप न करता 4K 30fps व्हिडिओ रेकॉर्डिंग, ड्युयल पिक्सल ऑटोफोकस, वायफाय, ब्लुटुथ आणि टाइप सी पोर्ट. दिसण्याच्या बाबतीत 90D नेहमीच्या DSLR कॅमेराप्रमाणे दिसतो तर M6 Mark II मिररलेस कॅमेरा प्रमाणे कॉम्पॅक्ट आहे.

या कॅमेरामध्ये त्यांच्या कामगिरीमध्ये थोडा फरक आहे, M6 Mark II 14 frames per second वेगात फोटो काढू शकतो सोबत AF & AE Tracking. तर 90D 10 Frames per second एव्हढया वेगात फोटो काढू शकतो. 90D चा डिस्प्ले पूर्ण फिरवता येतो तर M6 II चा फक्त वरखाली टिल्ट करता येतो. याशिवाय यांच्या किंमतीमध्ये सुद्धा फरक पहायला मिळतो. 90D ची किंमत $1199 (~₹८६०००) तर M6 II ची किंमत $849.99 (~₹६१०००) इतकी आहे. या किंमती केवळ कॅमेरा बॉडीसाठी आहेत. लेन्स स्वतंत्र खरेदी कराव्या लागतील किंवा किट लेन्स सुद्धा पर्याय आहेच.

यासोबत कॅननने त्यांच्या EOS R साठी दोन नव्या L Class लेन्स जाहीर केल्या आहेत. RF 15-35mm f/2.8 L IS USM जी ultrawide-to-wide zoom आहे तर RF 24-70mm f/2.8 L IS USM ही स्टँडर्ड झुम लेन्स आहे.

The post Canon 90D DSLR आणि EOS M6 II मिररलेस कॅमेरा सादर! appeared first on MarathiTech - मराठीटेक.

सोनीने काही तासांपूर्वी पार पडलेल्या कार्यक्रमात त्यांचा नवा फुलफ्रेम मिररलेस कॅमेरा सादर केला असून हा कॅमेरा आजवरचा जगातला पहिलाच कॅमेरा आहे ज्यामध्ये तब्बल 61MP चा (होय ६१ मेगापिक्सल्सचा) फुलफ्रेम सेन्सर देण्यात आला आहे!शिवाय हा कॅमेरा Burst मोड मध्ये 10fps पर्यंत फोटो काढू शकेल आणि १५ स्टॉप्स पर्यंतची डायनॅमिक रेंज असेल!

यामध्ये असलेला BSI CMOS Sensor नव्याने बनवण्यात आलेला असून यामुळेच या कॅमेरामध्ये १५ स्टॉप पर्यंत डायनॅमिक रेंज साधता येईल! तसेच 61MP च्या फोटोनेही समाधान होणार नसेल तर नव्या sensor shift multi shot द्वारे १६ स्वतंत्र फोटो एकत्र करून कॅमेरामध्येच एक 240MP चा फोटो मिळतो! ज्यामध्ये तब्बल 963.2 million पिक्सेल डेटा साठवलेला असेल!

या कॅमेराच्या क्रॉप मोड (APSC) मध्ये जरी शूट करायच ठरवलं तरी तो 26MP रेजोल्यूशनमध्ये शूट करू शकतो! सोनीने याला सर्वाधिक रेजोल्यूशन असलेला APSC कॅप्चर म्हटलं आहे! ऑटोफोकसच्या बाबतीतसुद्धा हा कॅमेरा सर्वात पुढे निघाला आहे. तब्बल 567 phase detection ऑटो फोकस पॉईंट्स आहेत. फुलफ्रेम मोडमध्ये ७४% इमेज एरिया कव्हर करू शकेल! सोबत Eye AF, Animal Eye AF, Real Time Tracking सुद्धा आहेच.

Sony a7R IV Specs

• 35mm Full Frame 61MP Image Sensor
• 15 Stop Enhanced Dynamic Range
• 10 fps with continuous AF/AE Tracking
• 567 phase detection points
• Real Time Eye AF for still/Movie/Human/Animal
• Real Time Tracking AF
• 4K Movie Recording S-Log2/3 HLG
• 5 axis In Body Image Stabilization (IBIS)
• Faster Transfer Via USB Type C and WiFi
• किंमत : $3500 (~₹ २,४१,०००)

The post सोनी α7R IV जाहीर : 61MP फुलफ्रेम सेन्सर असलेला जगातला पहिला कॅमेरा! appeared first on MarathiTech - मराठीटेक.