ॲपल आज जगातली पहिली ३ ट्रिलियन डॉलर्स मार्केट कॅपिटल असलेली कंपनी बनली आहे. रुपयांमध्ये सांगायचं तर तब्बल ~ २२२ लाख कोटी रुपये भागभांडवल! ॲपलची यावेळी मायक्रोसॉफ्टसोबत स्पर्धा होती! मात्र शेवटी ॲपलने पुन्हा एकदा बाजी मारत हा बहुमान पटकावला आहे!

ऑगस्ट २०१८ मध्ये पहिली १ ट्रिलियन डॉलर्स मार्केट कॅपिटल असलेली कंपनी बनली होती. त्यानंतर दोन वर्षांनी २ ट्रिलियन डॉलर्स आणि आता जानेवारी २०२२ मध्ये 3 ट्रिलियन डॉलर्स भागभांडवल असलेली कंपनी बनली आहे! अर्थात मार्केट स्थितीनुसार त्या शेयरचीही किंमत काही वेळातच खाली आली आणि त्यांचं सध्याचं मार्केट कॅप 2.9 ट्रिलियन डॉलर्सवर आहे.
९ जानेवारीला ॲपलच्या स्टीव्ह जॉब्स यांनी आयफोनचं अनावरण करून १५ वर्षे पूर्ण होणार आहेत.

मोठ्या प्रमाणात विक्री होणाऱ्या आयफोन्स, मॅकबुक्स, आयमॅक, वॉच, आयपॅड अशा उपकरणांसोबत ॲपल टीव्ही, ॲपल म्युझिक अशा सेवांमुळे त्यांचं उत्पन्न अनेक पटींनी वाढलं आहे! चीन या जगातल्या सर्वात मोठ्या स्मार्टफोन मार्केटमध्येही ॲपल पहिल्या स्थानी आहे. ॲपलला एकूण उत्पन्नापैकी जवळपास ५२ टक्के उत्पन्न केवळ आयफोन्सच्या विक्रीमधून प्राप्त होत आहे!

अनेकांनी यावर ॲपल उपकरणे पुसण्याचं कापड आणून त्याची किंमत फक्त १,९०० रुपये ठेवून त्यांचं हे कॅपिटल मोठं करत आहे अशा आशयाने त्यांच्या उपकरणांच्या वाढलेल्या किंमतीवर भाष्य केलं आहे! येत्या काळात ॲपल स्वतःची इलेक्ट्रिक कारसुद्धा सादर करणार असल्याची चर्चा नेहमी सुरू असते. शिवाय लवकरच VR हेडसेटसुद्धा आणणार असल्याची शक्यता आहे.

जगात सर्वात जास्त मार्केट कॅप असलेल्या कंपन्या

1. ॲपल : 2.9 ट्रिलियन डॉलर्स
2. मायक्रोसॉफ्ट : 2.5 ट्रिलियन डॉलर्स
3. अल्फाबेट (गूगल) : 1.9 ट्रिलियन डॉलर्स
4. ॲमेझॉन : 1.6 ट्रिलियन डॉलर्स
5. टेस्ला : 1 ट्रिलियन डॉलर्स

स्थापनेनंतर ४२ वर्षात ॲपलने १ ट्रिलियनचा टप्पा गाठला होता आणि त्यानंतर ४ वर्षात हा नवा टप्पा गाठला असून याआधी तब्बल ११७ वर्षांपूर्वी १९०१ मध्ये यूएस स्टीलने 1 बिलियन डॉलर्सचा टप्पा ओलांडला होता. पेट्रो चायनानेसुद्धा एका दिवसासाठी 1 ट्रिलियनचा टप्पा ओलांडला होता. तसेच जर आधीच्या ऑइल कंपन्यांचे सध्याच्या चलनामध्ये रूपांतर केल्यास या जुन्या कंपन्या कित्येक पटीने पुढे असतील मात्र या कंपन्या आता शक्यतो विभाजित झालेल्या आहेत.

ॲपलची मार्केटमधील सद्यस्थिती जाणून घेण्यासाठी लिंक : Apple (AAPL) Current Share Stats

search terms : Apple first company to cross $3 trillion market cap US nasdaq

The post ॲपल बनली आहे 3 ट्रिलियन डॉलर्स भागभांडवल असलेली जगातली पहिली कंपनी! appeared first on MarathiTech - मराठीटेक.

मायक्रोसॉफ्टने 1 ट्रिलियन डॉलर्स भागभांडवलाचा हा टप्पा काल काही क्षणांसाठी ओलांडला. हा टप्पा ओलांडणारी मायक्रोसॉफ्ट जगातली तिसरी कंपनी ठरली आहे! याआधी अॅपल व अॅमेझॉन यांनी हा मोठा पल्ला गाठला होता! ह्या क्षणी हा लेख लिहीत असताना मायक्रोसॉफ्ट जगातली सर्वाधिक भागभांडवल (मार्केट कॅपिटल) असलेली कंपनी आहे!

१ ट्रिलियन डॉलर्स रुपयांमध्ये सांगायचे तर ~६९ लाख कोटी रुपये भागभांडवल! अॅपल व अॅमेझॉनने हा टप्पा आधीच गाठलेला असला तरी त्यांचं सध्याचं मार्केट कॅपिटल खाली आलं आहे. हा लेख लिहीत असताना अॅपलचं 964 बिलियन डॉलर्स, अॅमेझॉनचं 946 बिलियन डॉलर्स तर मायक्रोसॉफ्टचं 994 बिलियन डॉलर्स इतकं मार्केट कॅपिटल आहे. मात्र हे काही दिवसातच अॅपल व अॅमेझॉनचं यांचे क्वार्टरली रिझल्ट्स जाहीर केल्यावर पुन्हा एकदा वर जाऊ शकतील!

CNBC च्या गणितानुसार जर तुम्ही २००९ मध्ये मायक्रोसॉफ्टमध्ये 1000 डॉलर्स गुंतवले असते तर त्याची किंमत आज 8000 डॉलर्स इतकी म्हणजे 700% अधिक झाली असती!

सध्याचे सीईओ सत्या नाडेला यांनी मायक्रोसॉफ्टमधील सूत्रे स्विकारल्यापासून मायक्रोसॉफ्टने वेगाने भरारी घेतली आहे. नेहमीचं सॉफ्टवेअर कंपनी म्हणून ओळख न राहता क्लाऊड कम्प्यूटिंगमध्येही ते सध्या आघाडीवर आहेत! येणार्‍या काळात वाढत जाणारी क्लाऊड कम्प्यूटिंगची गरज पाहता मायक्रोसॉफ्टने आधीच योग्य दिशेने पाऊल टाकलं आहे असं म्हटल्यास हरकत नाही. सर्फेस मालिकेतील हार्डवेअर प्रोडक्टससुद्धा चांगली कामगिरी करताना दिसत आहेत. अलीकडे मायक्रोसॉफ्टने नेहमीची क्षेत्र सोडून इतर ठिकाणीही बरीच गुंतवणूक केलेली पाहायला मिळत आहे. यासोबत आधीची मानसिकता बदलत आता इतर कंपन्यांसोबत काम करण्याची दाखवलेली तयारी त्यांना नक्कीच फायदेशीर ठरत असल्याच दिसून येत आहे!

मायक्रोसॉफ्टची सुरुवात बिल गेट्स यांनी ४ एप्रिल १९७५ मध्ये केली होती. बिल गेट्स व मायक्रोसॉफ्टचा सुरुवातीचा प्रवास आमच्या या लेखामध्ये वाचू शकाल.

search terms : Microsoft third company to cross $1 trillion market cap US nasdaq after Apple and Amazon

The post मायक्रोसॉफ्ट बनली आहे 1 ट्रिलियन डॉलर्स भागभांडवल असलेली कंपनी! appeared first on MarathiTech - मराठीटेक.

अॅपल काही क्षणांपूर्वीच जगातली पहिली ट्रिलियन डॉलर्स मार्केट कॅपिटल असलेली कंपनी बनली आहे. रुपयांमध्ये सांगायचं तर तब्बल ~ ६८ लाख कोटी रुपये भागभांडवल! अॅपलसोबत अल्फाबेट(गूगल), अमॅझॉन, मायक्रोसॉफ्ट, फेसबुक या कंपन्यांमध्ये स्पर्धा होती! मात्र शेवटी अॅपलने बाजी मारत हा मान पटकावला आहे!

आयमॅक, आयपॅड, मॅकबुक, आयपॉड, आयफोन, अॅपल वॉच अशी उपकरणे आणि त्यांच्यासाठी लागणारं सॉफ्टवेअर बनवणाऱ्या अॅपल कंपनीची स्थापना स्टीव्ह जॉब्ज आणि स्टीव्ह वॉझ्निअॅक यांनी १९७६ मध्ये केली होती. आजच अॅपलच्या शेअर्सनी $207.05 चा टप्पा ओलांडून ही किमया साधली आहे. काल उत्तम आर्थिक निकाल जाहीर झाल्यावर लगेच हा टप्पा ओलांडला गेला! २०११ नंतर सीईओ स्टीव्ह जॉब्जची जागा घेतलेल्या टीम कुक यांच्या नेतृत्वात अॅपलने तब्बल २०००% वाढ नोंदवली गेली आहे! 

Steve Jobs and Steve Wozniak

स्थापनेनंतर ४२ वर्षात अॅपलने हा टप्पा गाठला असून याआधी तब्बल ११७ वर्षांपूर्वी १९०१ मध्ये यूएस स्टीलने 1 बिलियन डॉलर्सचा टप्पा ओलांडला होता.  पेट्रो चायनानेसुद्धा एका दिवसासाठी 1 ट्रिलियनचा टप्पा ओलांडला होता. तसेच जर आधीच्या ऑइल कंपन्यांचे सध्याच्या चलनामध्ये रूपांतर केल्यास या जुन्या कंपन्या कित्येक पटीने पुढे असतील मात्र या कंपन्या आता शक्यतो विभाजित झालेल्या आहेत. दरम्यान आमच्यासाठी झालेली वाढ जगभर सर्वत्रच मजबूत होती असं मत अॅपलचे आर्थिक प्रमुख लुका मास्त्री यांनी व्यक्त केलं! शेअर्समध्ये कालपासून झालेली वाढ आर्थिक निकाल जाहीर केल्यामुळे झाली असून वॉल स्ट्रीटमधील तज्ज्ञांच्या अंदाजापेक्षासुद्धा अधिक चांगली कामगिरी नोंदवली आहे! गेल्या काही दिवसात झालेली वाढ आयफोन टेनच्या विक्रीमध्ये झालेली वाढ आणि त्यामुळे झालेला नफा यांचा परिणाम असल्याचं दिसून येतं. Apple (AAPL) Current Share Stats

अॅपलच्या या भागभांडवलाची इतक्यात तरी बरोबरी करणं शक्य होणार नाही मात्र येत्या काळात अमॅझॉन हा टप्पा गाठू शकेल मात्र तोपर्यंत अॅपलसुद्धा थोडी का होईना पुढे निघून गेलेली असेल! वॉल स्ट्रीटच्या नव्या अंदाजानुसार शेअर्सची किंमत $212 होईल त्यामुळे अॅपलचं मार्केट कॅपिटल 1.05 ट्रिलियन डॉलर्सवर पोहचेल!

search terms : Apple first company to cross $1 trillion market cap US nasdaq

The post अॅपल बनली आहे 1 ट्रिलियन डॉलर्स भागभांडवल असलेली जगातली पहिली कंपनी! appeared first on MarathiTech - मराठीटेक.