ही कंपनी आता फोन्स बनवत नाही हे दर्शवण्यासाठी नव्या लोगोची निर्मिती! जुनी नोकिया कंपनी आता नेटवर्क आणि क्लाऊड क्षेत्रात उत्पादने आणि सेवा पुरवते.

काही दिवसांपूर्वी मोबाइल वर्ल्ड कॉंग्रेस (MWC) मध्ये त्यांनी हा नवा बदल जाहीर केला आहे. नोकिया हा एकेकाळी सर्वात यशस्वी फोन ब्रॅंड होता मात्र काळानुरूप स्वतःमध्ये बदल न केल्याने त्यांना त्यांचा फोन बनवणारा विभाग विकुन टाकावा लागला. २०१४ मध्ये मायक्रोसॉफ्टने नोकियाचा फोन बिझनेस विकत घेतला. मात्र त्यांनासुद्धा तो चालवता आला नाही.

२०१६ मध्ये हा नोकिया नावाचा ब्रॅंड HMD Global या कंपनीने विकत घेतला आणि नोकिया मोबाइल या नावाने अँड्रॉइड स्मार्टफोन्स बाजारात आणले.

मात्र अजूनही लोकांना मूळ नोकिया कंपनी फोन कंपनी आहे असं वाटत असल्याचं नोकियाच्या प्रमुखांनी सांगितलं असून यामुळेच हा लोगो बदल करण्यात आला आहे. सध्या ही कंपनी जगभरात नेटवर्क, 5G, डेटा सेंटर, सेक्युरिटी, सॉफ्टवेअर सेवा पुरवत आहे.

The post नोकियाचा कंपनीचा नवा लोगो appeared first on MarathiTech - मराठीटेक.

स्मार्टफोन्स आणि अलीकडेच स्मार्ट टीव्ही सादर केल्यानंतर नोकीयाने आता भारतात त्यांचा पहिला लॅपटॉप आणला आहे. Nokia PureBook X14 हा त्यांचा पहिला लॅपटॉप असणार आहे. हा फ्लिपकार्टसोबत भागीदारी करून उपलब्ध करण्यात आला आहे. लॅपटॉपमध्ये इंटेलचा प्रोसेसर, डॉल्बी ऑडिओ सपोर्ट, विंडोज हॅलो सपोर्टेड IR कॅमेरा, लाइटवेट डिझाईन देण्यात आलं आहे.

नोकिया स्मार्टफोन्ससाठी ज्याप्रमाणे HMD Global ने लायसन्स घेतलं आहे तसंच टीव्ही आणि लॅपटॉपसाठी फ्लिपकार्टने भारतात लायसन्स घेतलं आहे. याची किंमत ५९९९० अशी ठेवण्यात आली आहे.

डिस्प्ले : 14″ Full HD LED backlit with IPS panel
प्रोसेसर : 10th Generation Intel® Core™ i5-10210U
GPU : Intel Integrated UHD 620 graphics
रॅम : 8GB DDR4
स्टोरेज : 512GB SSD NVMe
बॅटरी : 4440mAh 65W adapter
ऑपरेटिंग सिस्टिम : Windows 10 Home 64
Ports : USB 3.1×2 , USB 2.0 x1 , USB type C 3.1 x1 , HDMI x 1 , RJ45 x 1 , Audio out/Mic in x 1
इतर : Windows Hello certified HD IR camera, Wireless LAN – IEEE 802.11a/b/g/n/acBluetooth 5.1 (Intel 9462), Dolby Vision & Dolby Atmos
रंग : Matte black
किंमत : ₹५९,९९० हा लॅपटॉप फ्लिपकार्टवर १८ डिसेंबरपासून प्रि ऑर्डरसाठी उपलब्ध होत आहे.

Buy Nokia PureBook X14 on Flipkart : http://fkrt.it/U9dDq8uuuN

The post नोकीयाचा आता लॅपटॉपसुद्धा : Nokia X14 भारतात सादर! appeared first on MarathiTech - मराठीटेक.

नोकियाने आज चार नवे फोन भारतात सादर केले असून यामधील दोन स्मार्टफोन्स आहेत तर दोन फीचर फोन्स आहेत. Nokia 5.3 हा मध्यम किंमतीत तर Nokia C3 हा कमी किंमतीच्या स्मार्टफोन्समध्ये उपलब्ध असेल. Nokia 125 आणि Nokia 150 हे दोन्ही फीचर म्हणजे बेसिक फोन्स आहेत.

Nokia 5.3 : नोकीयाने बऱ्याच दिवसात नवा स्मार्टफोन आणला नव्हता. आज आलेल्या या फोनमध्ये 6.55″ HD+ डिस्प्ले असून Snapdragon 665 प्रोसेसर आहे. या फोनला 4GB+64GB व 6GB+64GB असे दोन पर्याय आहेत. कॅमेरासाठी यात पाठीमागे चार कॅमेरा सेन्सर असून 13MP + 2MP depth + 5MP ultrawide + 2MP Macro असा सेटप आहे. फ्रंट कॅमेरा 8MP आहे. यामध्ये 4000mAh ची बॅटरी असून फास्ट चार्जिंग देण्यात आलेलं नाही. हा फोन सादर होत असतानाच इतर फोन्सच्या तुलनेत काहीसा मागे पडला आहे. नोकियाला मिळणारा अँड्रॉइडचा सपोर्ट ही यांची एक जमेची बाजू आहे.

हा फोन १ सप्टेंबरपासून उपलब्ध होत असून याची किंमत १३९९९ व १५४९९ अशी आहे

Nokia C3 : हा एक बजेट स्मार्टफोन असून याची किंमत ७४९९ (2GB) आणि ८९९९ (3GB) अशी आहे. हा फोन १७ सप्टेंबरपासून उपलब्ध होणार आहे. यामध्ये 5.99 इंची HD+ डिस्प्ले, 3040mAh बॅटरी, 8MP कॅमेरा आणि 5MP फ्रंट कॅमेरा मिळेल.

Nokia 150 व Nokia 125 : Nokia 150 ची किंमत ₹2,299 आहे तर Nokia 150 ची ₹1,999. दोन्ही फोन खरेदीसाठी उपलब्ध आहेत.

The post नोकीयाचे नवे फोन्स Nokia 5.3, C3, 150, 125 भारतात सादर! appeared first on MarathiTech - मराठीटेक.

नोकीया या फोन ब्रॅंडची मालकी घेतल्यापासून HMD Global ने बऱ्याच जुन्या लोकप्रिय फोन्सना नव्या रूपात सादर केलं आहे. आता त्यांनी एकेकाळी बऱ्याच गाजलेल्या Nokia 5310 XperssMusic फोनला नव्याने पुन्हा बाजारात उपलब्ध करून दिलं आहे! हा फोन ऑगस्ट २००७ मध्ये सादर करण्यात आला होता. नवा Nokia 5310 बाहेरच्या देशात मार्चमध्येच सादर झाला होता मात्र भारतात येण्यास याला जून महिना उजडावा लागला! हा फोन ड्युयल सिम असून यामध्ये एका चार्जवर तब्बल २२ दिवस चालणारी बॅटरी देण्यात आली आहे!

Nokia 5310 हा एक फीचर फोन असून यामध्ये MP3 प्लेयर आणि वापरलेस एफएम रेडियो देण्यात आला आहे. यामध्ये स्वतंत्र म्युझिक बटणे असून ड्युयल स्पीकर्ससुद्धा आहेत! मागे एक कॅमेरा आणि फ्लॅश आहे.

हा फोन ३३९९ या किंमतीत भारतात आला असून आजच्या काळात फीचर फोन्स असूनही इतकी जास्त किंमत ठेवणं अनेकांना पटलेलं नाही. हा फोन खरेदी करणारा वर्ग प्रामुख्याने नोकीयाची जुनी आठवण म्हणून घेणारा किंवा वयोवृद्ध व्यक्ती किंवा ज्यांना स्मार्ट फीचर्सची गरज नाही किंवा इंटरनेटच्या विश्वापासून दूर ठेवणारा फोन हवा आहे असाच असेल. हा फोन ब्लॅक रेड आणि व्हाइट रेड या रंगात उपलब्ध आहे. हा फोन अॅमेझॉनवर २३ जूनपासून तर ऑफलाइन दुकानांमध्ये २२ जुलै पासून मिळेल!

डिस्प्ले : 2.4-inch QVGA (240×320 pixels) display
प्रोसेसर : MediaTek MT6260A
रॅम : 8MB
स्टोरेज : 16MB + expandable up to 32GB
कॅमेरा : VGA camera with Flash
बॅटरी : 4440mAh 55W SuperFlash Fast Charge कॅप्सुलसारख डिझाईन
ऑपरेटिंग सिस्टिम : Series 30+
इतर : Bluetooth v3.0, Micro-USB port, and a 3.5mm headphone jack
रंग : Black Red, White Red
किंमत : ₹ ३३९९

The post Nokia 5310 सादर : नोकीयाच्या आणखी एका फोनचं पुनरागमन! appeared first on MarathiTech - मराठीटेक.

HMD Global मार्फत जोमाने सुरुवात केलेली मात्र गेले काही महीने जराशी निवांत झालेली नोकीया कंपनी आता पुन्हा नव्या तयारीने स्मार्टफोन बाजारात येताना दिसत आहे. काल त्यांनी चार नवे मॉडेल्स सादर केले असून यामध्ये एक 5G फोनसुद्धा आहे. सोबत Nokia 5310 हा एकेकाळी प्रचंड लोकप्रिय असलेला फोन आता नव्या रूपात सादर झाला आहे. XpressMusic नावाच्या मालिकेत हा फोन खूप गाजला होता. खास संगीत शौकीनांसाठी यांमध्ये विशेष बटणे देण्यात आली होती. नोकीयाने आता तेच डिझाईन थोडाफार बदल करून नव्याने सादर केलं आहे!

नोकिया त्यांच्या प्रत्येक नव्या स्मार्टफोन लॉंचवेळी त्यांच्या पूर्वीच्या गाजलेल्या फीचर फोनची नवी आवृत्ती सादर करत असल्याचं दिसून येत आहे. नवे फोन्स लोकांना देखील जुन्या आठवणी जाग्या करणाऱ्या असल्यामुळे आवडलेले दिसत आहेत. नव्या नोकिया 5310 मध्ये Dual front-facing speakers असून EUR 39 (~३२००)

नोकियाचा पहिला 5G फोन Nokia 8.3 5G सादर करण्यात आला असून यामध्ये चार कॅमेरा सेटप आहे. 64MP मुख्य कॅमेरा, 12MP अल्ट्रा वाइड अॅंगल, 2MP मॅक्रो आणि 2MP डेप्थ सेन्सर आहे. यासाठी नवं गोलाकार डिझाईन पहायला मिळेल. 24MP फ्रंट कॅमेरा असेल. याचा फिंगरप्रिंट स्कॅनर उजव्या बाजूला आहे. यामध्ये 4500mAh बॅटरी देण्यात आली आणि सोबत 18W फास्ट चार्जिंगसुद्धा आहे. याचा डिस्प्ले 6.81-inch Full HD+ 120Hz आहे! Snapdragon 765G प्रोसेसरचा यामध्ये समावेश आहे. याची किंमत EUR 599 (~४९०००) अर्थात भारतात उपलब्ध होताना ही किंमत वेगळी असेल.

Nokia 5.3 हा मध्यम किंमतीचा फोन सादर करण्यात आला असून यामध्येही चार कॅमेरा सेटप आहे. 13MP मुख्य कॅमेरा, 5MP अल्ट्रा वाइड अॅंगल, 2MP मॅक्रो आणि 2MP डेप्थ सेन्सर आहे. यासाठी नवं गोलाकार डिझाईन पहायला मिळेल. 8MP फ्रंट कॅमेरा असेल. याचा फिंगरप्रिंट स्कॅनर मागच्या बाजूला आहे. यामध्ये 4000mAh बॅटरी देण्यात आली आणि सोबत 10W फास्ट चार्जिंगसुद्धा आहे. याचा डिस्प्ले 6.55-inch HD+ आहे! Snapdragon 665 प्रोसेसरचा यामध्ये समावेश आहे. याची किंमत EUR 189 (~१५५००) अर्थात भारतात उपलब्ध होताना ही किंमत वेगळी असेल.

Nokia 1.3 हा कमी किंमतीचा फोन सादर करण्यात आला असून 8MP मुख्य कॅमेरा मिळेल. सिंगल कॅमेरा सेटप असून 5MP फ्रंट कॅमेरा असेल. याचा फिंगरप्रिंट स्कॅनर मागच्या बाजूला आहे. यामध्ये 3000mAh बॅटरी देण्यात आली आणि सोबत 5W चार्जिंग आहे. यामध्ये Android 10 (Go Edition) ऑपरेटिंग सिस्टम आहे. याचा डिस्प्ले 5.7-inch HD+आहे! Snapdragon 215 प्रोसेसरचा यामध्ये समावेश आहे. याची किंमत EUR 95 (~७८००) अर्थात भारतात उपलब्ध होताना ही किंमत वेगळी असेल.

Search Terms : Nokia 5310 XpressMusic is back, Nokia launched its first 5G phone as Nokia 8.3 5g alongwith Nokia 5.3 and Nokia 1.3

The post नोकीयाचे नवे स्मार्टफोन Nokia 8.3 5G, 5.3, 1.3 व 5310 सादर! appeared first on MarathiTech - मराठीटेक.