रिलायन्स जियोने आज त्यांचा नवा फीचर फोन सादर केला असून यामध्ये 4G नेटवर्क, जियो पे द्वारे UPI, कॅमेरा, जियो सिनेमा, जियो सावन असे ॲप्स, FM Radio अशा सोयी दिलेल्या आहेत. या फोनसाठी त्यांनी Karbonn या एकेकाळी लोकप्रिय असलेल्या भारतीय फोन कंपनीसोबत भागीदारी केली आहे. हा फोन निळ्या आणि लाल रंगात मिळेल. लाल रंगाच्या फोनमागे कार्बनचं ब्रँडिंग आहे.

या फोनची किंमत ९९९ असून यासाठी खास कॉलिंग व डेटा प्लॅन्ससुद्धा आले आहेत. दोन्ही प्लॅन्समध्ये अमर्यादीत मोफत कॉल्स करता येतील! हा फोन ७ जुलै २०२३ पासून खरेदीसाठी दुकानांमध्ये उपलब्ध होईल.

1. दरमहा ₹१२३ : दररोज 0.5GB = 14GB डेटा (२८ दिवसांसाठी)
2. वार्षिक ₹१२३४ : दररोज 0.5GB = 168GB डेटा (३३६ दिवसांसाठी)

या वेळी त्यांनी त्यांचा Jio Bharat Platform आणत असल्याचंही जाहीर केलं असून यामध्ये आणखी स्मार्टफोन निर्माण करणाऱ्या कंपन्या सहभागी होऊ शकतात आणि त्यांचे Jio Bharat फोन्स सादर करू शकतात! सध्या कार्बन कंपनीचाच फोन या अंतर्गत मिळत आहे.

The post जियोचा नवा Bharat 4G फोन अवघ्या ९९९ रुपयात! appeared first on MarathiTech - मराठीटेक.

आजच्याच दिवशी म्हणजे ३ एप्रिल १९७३ मध्ये मोटोरोलामधील इंजिनियर मार्टिन कूपर यांनी जगातला पहिला सेलफोन (वायरलेस) कॉल केला होता. या जागतिक तंत्रज्ञान विश्व बदलणाऱ्या घटनेस आता ५० वर्षं पूर्ण झाली आहेत.

मार्टिन कूपर हे स्वतः अजूनही त्यांचं आयुष्य अभिमानाने जगत असून मोटोरोलाने त्यांचा छोटासा व्हिडिओ आज या खास दिनानिमित्त प्रकाशित केला आहे. यासोबत मोटोरोलाचा प्रवाससुद्धा त्यांनी मांडला आहे. या फोन कॉलनंतरच काही वर्षांत मोटोरोलाने बाजारात उपलब्ध असलेला जगातला पहिला फोन DynaTAC सादर करण्यात आला होता. मार्टिन कूपर यांना आता सेलफोनचे जनक म्हटलं जातं!

The post जगातल्या पहिल्या सेलफोन कॉलला पन्नास वर्षं पूर्ण! appeared first on MarathiTech - मराठीटेक.

अलीकडे वाढलेल्या स्मार्टफोन वापरासोबत काही अडचणीसुद्धा जोडून येतात. यापैकी सर्वात वाईट म्हणता येईल असा अनुभव म्हणजे फोन हरवणे आणि तो स्मार्ट असूनही त्याला शोधता न येणे! आपल्या आयुष्यात आपण आता बऱ्याच गोष्टींसाठी स्मार्टफोनवर अवलंबून असतो आणि अशावेळी जर फोन हरवला तर ती घटना नक्कीच अनेक दृष्टीने त्रासदायक असते. महत्वाचे कॉल्स, मेसेज मिळणं थांबतं, डेटा हरवतो, समजा तो हरवलेला फोन कुणाच्या हाती लागला तर तो डेटा त्यांना मिळण्याची शक्यता असते अशा बऱ्याच गोष्टी घडू शकतात ज्यामुळे काही दिवस का होईना हरवलेल्या फोनचे परिणाम जाणवत राहतात. आपल्या मित्रमंडळी किंवा नातेवाईकांपैकी कुणाचा तरी फोन नक्कीच हरवला असेल किंवा चोरीला गेला असेलच.

तर आता हे हरवलेले फोन शोधण्यासाठी सध्या उपलब्ध असलेल्या मार्गांपेक्षा वेगळा पर्याय सरकारतर्फे उपलब्ध करून देण्यात येत आहे. सेंट्रल इक्विपमेंट आयडेंटिटी रजिस्टर (CEIR) या सरकारी संस्थेतर्फे हा पर्याय उपलब्ध करून देण्यात येत असून याद्वारे आपण आपला हरवलेला स्मार्टफोन शोधू शकतो…!

CEIR सध्याच्या गूगलच्या फाइंड माय डिव्हाईससारख्या पर्यायांपेक्षा उत्तम का आहे ?

CEIR बद्दल काही महिन्यांपूर्वीच घोषणा करण्यात आली आहे. हा प्रकल्प हळूहळू विविध शहरात उपलब्ध करून दिला जात आहे. आता ही सेवा मुंबई (आता महाराष्ट्र राज्य) व दिल्ली या शहरात उपलब्ध झाली आहे. या शहरातील फोन यूजर्स त्यांचे हरवलेले किंवा चोरीला गेलेल फोन्स शोधू शकतील. इतके दिवस उपलब्ध असलेल्या पर्यायात गूगलचा सर्व अँड्रॉइड फोन्समध्ये पाहायला मिळणारा Find My Device हा पर्याय सर्वात उत्तम होता. मात्र या पर्यायाला काम करण्यासाठी हरवलेल्या फोनचं इंटरनेट सुरू राहणं गरजेचं होतं त्याशिवाय काहीही करता येत नव्हतं. मात्र CEIR च्या या नव्या पर्यायामुळे इंटरनेट किंवा कसल्याही लॉगिन शिवाय केवळ IMEI नंबरद्वारे फोन्स शोधता येतील. IMEI क्रमांक हा जगातल्या प्रत्येक स्मार्टफोनला स्वतंत्र असा कोड असतो. जर फोन ड्युयल सिम असेल तर दोन आयएमईआय क्रमांक पाहायला मिळतील. तर केवळ या क्रमांकाच्या आधारे फोन शोधता येईल अशी यंत्रणा CEIR मध्ये तयार करण्यात आलेली आहे.

CEIR च्या मदतीने असा शोधा तुमचा हरवलेला फोन

1. जर तुमचा फोन हरवला असेल तर प्रथम त्याची एक तक्रार जवळच्या पोलिस स्थानकात नोंदवा.
2. तुमच्या टेलिफोन ऑपरेटरकडून नवं सिम घ्या
3. त्यानंतर CEIR ची वेबसाइट (https://ceir.gov.in/Home/index.jsp) वर जा
4. इथे तुम्हाला तुमच्या फोनचा IMEI ब्लॉक करता येईल. जेणेकरून तुमचा फोन दुसऱ्या कुणाच्या हाती लागला तर त्यांना तो वापरता येणार नाही.
5. ब्लॉक करण्यासाठी तुम्हाला हरवलेल्या फोनची माहिती विचारली जाईल. यामध्ये फोन क्रमांक, कंपनी, हरवलेलं ठिकाण, तारीख, नाव, पत्ता, ओळखपत्र, purchase invoice, पोलिस तक्रारीची प्रत, इ.
6. त्यानंतर आलेला OTP टाका आणि फॉर्म सबमीट करा.
7. त्यानंतर तुम्हाला एक Request ID मिळेल जो तुम्हाला फोन ट्रॅक करण्याची प्रक्रिया कुठपर्यंत आली आहे हे पाहण्यास मदत करेल!

फोन सापडल्यावर तो वापरण्यासाठी ब्लॉक केलेला IMEI अनब्लॉक करावा लागेल. यासाठी पुन्हा एकदा CEIR च्या वेबसाइटवर जा आणि Unblock Found Mobile पर्याय निवडा. इथे तुम्हाला Request ID आणि मोबाइल क्रमांक टाकायचा आहे. इथेच तुम्हाला IMEI चा स्टेट्ससुद्धा समजेल!

Know Your Mobile (KYM) हा पर्याय सुद्धा उपलब्ध असून यामुळे तुम्ही नव्याने खरेदी केलेला फोन किंवा सेकंड हँड फोन यांच्या IMEI ची सत्यता तपासता येईल. जर तो IMEI चोरीच्या फोनचा असेल तर तुम्हाला ती खरेदी रद्द करता येईल.

Search Terms : Find your lost phone location track live block lost or stolen phone IMEI CEIR Central Equipment Identity Register

The post हरवलेला फोन शोधायचाय? : CEIR ची IMEI आधारित नवी सेवा! appeared first on MarathiTech - मराठीटेक.

 

रिलायन्सने बहुचर्चित 4G फीचर फोन मुंबई येथे वार्षिक कार्यक्रमात सादर केला आहे. हा मेड इन इंडिया फोन असणार असून फीचर फोन्सच्या विश्वात क्रांती घडवेल असं मुकेश अंबानी यांनी यावेळी सांगितलं. या नव्या 4G फोनद्वारे भारतातील सर्व गावे, शहरे 4G इंटरनेटद्वारे जोडण्याचा संकल्प बोलून दाखवला.

या JioPhone (जिओफोन) ची किंमत चक्क शून्य रुपये असेल असं जाहीर करून सर्वांनाच आश्चर्याचा धक्का दिला. यासाठी १५०० रुपये सुरक्षा डिपॉजिट मात्र द्यावं लागेल. हे डिपॉजिट तीन वर्षांनी जिओला फोन परत देऊन मिळवता येईल! याचा अर्थ हा फोन मोफतच मिळाल्यासारखा आहे! दरम्यान या फोनसाठी खास प्लॅन्ससुद्धा सादर केले गेले असून मुख्य प्लॅन ज्यामध्ये दर महिना केवळ ₹१५३ रुपयांमध्ये अमर्यादित फोन कॉल्स, इंटरनेट व एसएमएस मिळतील! (दररोज 500MB हाय स्पीड डेटाची FUP)
या मुख्य प्लॅन व्यतिरिक्त दोन छोटे पॅक (Sachet) जे ₹५३ रुपयात एक आठवडा आणि ₹२३ रुपयात दोन दिवस अशा वैधतेमध्ये (Validity) उपलब्ध असतील.

ह्या फोनसाठी २४ ऑगस्ट २०१७ पासून बुकिंग सुरू होईल! (चाचणी/टेस्टिंगसाठी १५ ऑगस्टपासून उपलब्ध)
 यानंतर सप्टेंबर पासून ज्यांनी बुकिंग केलं आहे त्यांना फोन मिळायला सुरूवात होईल. बुकिंग MyJio अॅप द्वारे किंवा जिओ केंद्राला भेट देऊन करता येईल.

फोनमधील सुविधा :

• अल्फान्युमरिक किबोर्ड
• 2.4 इंची QVGA डिस्प्ले
• 4G VoLTE नेटवर्क
• ओएस : KAI OS
• SD मेमरी कार्ड स्लॉट 
• टॉर्च लाइट, २२ भारतीय भाषांना सपोर्ट 
• वायरलेस एफएम रेडियो
• Processor (CPU): 1.2GHz Dual Core
• Chipset: SPRD 9820A/QC8905
• Graphics (GPU): Mali-400 @ 512MHz
• रॅम : 512MB स्टोरेज : 4GB
• बॅटरी 2000mAh 
• कॅमेरा : 2MP , Front 0.3MP
• सोबत Jio Apps (Jio Music, Jio TV and Jio Cinema)
• हेडफोन जॅक, माइक, स्पीकर
• वॉइस कमांड (आवाजाद्वारे नियंत्रण)
• इंटरनेटवर शोध/सर्च 
• लवकरच NFC सपोर्ट सुद्धा दिला जाईल ज्यामुळे पैसे देताना/Payment मोबाइलचाच वापर करता येईल!
  यामध्ये जिओफोनला बँक अकाउंट, जनधन खातं, UPI, डेबिट/क्रेडिट कार्ड जोडता येतील!  
• कोणत्याही टीव्हीला जोडून कार्यक्रम/चित्रपट पाहता येतील! अगदी जुन्या CRT टीव्हीला सुद्धा!
  मिरर नावाची हि सोय फोनमधील व्हिडीओ टीव्हीवर दाखवतो! (यासाठी अतिरिक्त ₹३०९ चा पॅक)    
• सुरक्षेसाठी 5 अंक बटन दाबून धरल्यास आपण सेट केलेल्या नंबरला आपोआप SMS जातो
  त्यात आपली लोकेशनसुद्धा समजते, जेणेकरून ती व्यक्ती मदतीला येऊ शकेल!
• इतर : सिंगल सिम, VoLTE, Wi-Fi, NFC, Bluetooth 4.1, GPS, Wireless FM Radio, 720p Video Player

जिओने यावेळी त्यांनी 100 Million (दहा करोड) ग्राहकांचा टप्पा ओलांडला असल्याचं सुद्धा जाहीर केलं! जिओचे ग्राहक सध्या 125 करोड GB डाटा वापरत आहेत असंसुद्धा अंबानींनी सांगितलं! या फोनविषयी तांत्रिक माहिती सांगण्यात आलेली नाहीये. या फोनची किंमत आणि यामधील सोयी पाहून ग्राहकांचा मोठा प्रतिसाद लाभेल हे नक्की !

जिओफोन बुक कसा करायचा ? 

JioPhone PreBooking

ऑनलाइन पद्धत –

1. jio.com या वेबसाइट वर जा 
2. २४ ऑगस्ट रोजी संध्याकाळी ५.३० वाजता ह्या फोनची बुकिंग सुरू होईल
3. यासाठी नोंदणी करताना तुमचा मोबाइल क्रमांक, पिनकोड, ५०० रु यांची गरज असेल.
4. ५०० रु ऑनलाइन द्यावे लागतील. (नेटबँकिंग/डेबिट कार्ड/क्रेडिट कार्ड/पेटीएम/यूपीआय) 
5. उर्वरित १००० रु फोन मिळाल्यावर द्यायचे आहेत.  
6. नोंदणीसाठी वेबसाइटप्रमाणेच तुम्ही MyJio अॅपचा सुद्धा वापर करू शकता. 

ऑफलाइन पद्धत –

1. तुमच्या जवळ असलेल्या रिलायन्स जिओ स्टोअरमध्ये जाऊन फोन क्रमांक व ५०० रु देऊन नोंदणी करता येईल. मात्र यासाठी मोठी गर्दी होण्याची शक्यता आहे त्यामुळं ऑनलाइन पद्धतच स्वीकारा.

incoming search terms Reliance Jio JioPhone 4G pre book mukesh ambani VoLTE jiotv price

The post रिलायन्स जिओफोन सादर : शून्य रुपयात फोन? फुकट कॉल्स, स्वस्तात इंटरनेट! appeared first on MarathiTech - मराठीटेक.

सॅमसंगच्या लाटेत वाहून जाणा-या नोकियासाठी तारणहार ठरलेल्या नोकिया आशा सीरिजमधील ‘आशा ५०१’ या हँडसेटमध्ये आता ‘व्हॉट्सअॅप’ वापरता येणार आहे. या नव्या अपडेटमुळे ‘स्वस्त आणि मस्त’ स्मार्टफोन म्हणून आपली ओळख निर्माण केलेल्या आशा ५०१ची मागणी आणखी वाढण्याची शक्यता आहे.

नोकिया आशा ५०१ बाजारात आल्यावर कित्येकांना या हँडसेटनं भुरळ पाडली. पाच हजार रुपयांत स्मार्टफोनची फीचर्स आणि ‘नोकिया का भरोसा’ मिळत असल्यानं अनेकजण या फोनवर फिदा झाले होते. परंतु, त्यात सगळ्यात ‘हिट’ इन्स्टंट मेसेजिंग अॅप, ‘व्हॉट्सअॅप’ नसल्यानं तरुणांची निराशा झाली होती. तरीही हा फोन दणक्यात चालला.

या मॉडेलनंतर नोकियानं आशा ५००, आशा ५०२ आणि आशा ५०३ ड्युएल-सिम फोन बाजारात आणले. त्यात व्हॉट्सअॅप आधीच इन्स्टॉल केलं गेलं होतं. पण, या फोनपेक्षाही आशा ५०१ मोबाइलप्रेमींना जास्त आवडला होता. ही लोकप्रियता लक्षात घेऊनच, या हँडसेटमध्ये ‘व्हॉट्सअॅप’ उपलब्ध करून द्यायचं नोकियानं ठरवलंय.

नोकिया आशा ५०१ वापरणा-यांना सॉफ्टवेअर अपडेट करून ‘व्हॉट्सअॅप’ डाउनलोड करता येणार आहे. त्याशिवाय, एका टचने फोटो फेसबुकवर शेअर करायचं फीचरही मोबाइलधारकांना मिळू शकणार आहे. फेसबुकवरच्या ‘कमेंट’ आणि ‘लाइक’ही त्यांना स्क्रिनवर पाहता येतील. या नव्या फीचरमुळे नोकियाच्या ‘आशा’ पुन्हा पल्लवित झाल्यात.

The post नोकिया आशा ५०१ वरही ‘व्हॉट्सअॅप’ appeared first on MarathiTech - मराठीटेक.