सोनी कंपनीने CES 2021 मध्ये जाहीर केलेला Airpeak S1 ड्रोन आता बाजारात आणत असल्याचं जाहीर केलं असून हा प्रोफेशनल ड्रोनची किंमत तब्बल $9000 म्हणजे जवळपास ₹६,५८,००० इतकी आहे! हा ड्रोन पूर्णपणे प्रोफेशनल व्हिडिओसाठी बनवण्यात आला असून यामध्ये कॅमेरा, गिंबल आणि ड्रोन अशा तिन्ही गोष्टी एकत्रित करण्यात आल्या आहेत.

सोनीचे अल्फा मालिकेतील मिररलेस कॅमेरे या ड्रोनला जोडून त्याद्वारे व्हिडिओ शूट करता येतात. हा ड्रोन कॅमेरा जोडलेला असताना १२ मिनिटे उडवता येईल तर कोणताही लोड नसताना २२ मिनिटे उडवता येऊ शकतो.

याचं खास वैशिष्ट्य म्हणजे याची Stability आणि जोराचा वारा असतानाही उडण्याची क्षमता. हा ड्रोन 0 ते 50MPH वेग केवळ ३.५ सेकंदात पकडू शकतो. तुलना करायची तर DJI चा Matrice 600 Pro ड्रोन जो $7000 किंमतीचा आहे याचा वेग 40MPH पर्यंत आहे.

• Optimized Design for Exceptional Performance
• Powerful Flight Performance
• Sensing Technology for Flight Stability
• Versatile Camera and Lens Compatibility
• Intuitive Control
• Automated Flight for Workflow Efficiency
• Dedicated Propulsion Device and Flight Controller
• Stable Flight in High Winds
• Retractable landing gear for unobstructed camera field of view

The post आता सोनी कंपनीचाही ड्रोन : Sony Airpeak S1 जाहीर! appeared first on MarathiTech - मराठीटेक.

ड्रोन निर्मिती क्षेत्रातील आघाडीची कंपनी DJI चा कमी वजनाचा नवा ड्रोन DJI Air 2S सादर झाला आहे. यामध्ये आता आधीच्या तुलनेत मोठा 1″ 20MP सेन्सर देण्यात आला आहे ज्यामुळे व्हिडिओ व फोटोची गुणवत्ता अधिक चांगली असणार आहे. शिवाय यामध्ये आता 5.6K रेजोल्यूशनमध्ये व्हिडिओ रेकॉर्ड करता येणार आहे.

• 1-Inch CMOS Sensor
• 5.4K Video
• MasterShots
• 12km 1080p Transmission
• Obstacle Sensing in 4 Directions

याचं वजन ६०० ग्रॅम्स पेक्षा कमी असून यामध्ये विविध ऑटोनोमस फंक्शन्सचा समावेश आहे. हा ड्रोन 12KM अंतरावरून FHD लाईव्ह व्हिडिओ दाखवू शकतो. 5.6K at 30fps आणि 4K at 60fps अशा रेजोल्यूशनमध्ये याचा कॅमेरा व्हिडिओ काढू शकेल जे या आकाराच्या ड्रोनसाठी नक्कीच मोठी गोष्ट आहे. यामध्ये चार दिशांनी आलेला अडथळा ओळखता येईल आणि त्यानुसार ड्रोन आपोआप त्याची दिशा बदलेल.

व्हिडिओ शूट करत असताना 8x पर्यंत झुम करता येणार आहे. MasterShot नावाच्या सुविधेद्वारे आपण सेट केलेल्या मार्गावर सेट केलेली कृती करत व्हिडिओ शूट करता येईल.

या ड्रोनची किंमत $999 म्हणजे जवळपास ७५००० रुपये असणार आहे. DJI ने अलीकडे बरेच कमी वजनाचे ड्रोन्स आणले असून आता यासाठी स्वतःचेच अनेक पर्याय उपलब्ध झाले आहेत.

The post DJI चा नवा ड्रोन Air 2S : आता 1″ सेन्सर आणि 5.6K व्हिडिओसह! appeared first on MarathiTech - मराठीटेक.

कॅननने आज दोन नवीन कॅमेरे सादर केले असून यामधील EOS 90D हा DSLR प्रकारचा असून EOS M6 II हा मिररलेस कॅमेरा आहे. दोन्ही कॅमेराच्या क्षमता जवळपास सारख्या असल्या तरी त्यांच्या एकूण आकार आणि कॅमेरा बॉडीमध्ये बराच फरक आहे.

कॅननच्या या दोन्ही कॅमेरामध्ये 32.5MP चे APSC इमेज सेन्सर असून DIGIC 8 इमेज प्रोसेसर आहे. शटर स्पीड 1/16000 पर्यंत, क्रॉप न करता 4K 30fps व्हिडिओ रेकॉर्डिंग, ड्युयल पिक्सल ऑटोफोकस, वायफाय, ब्लुटुथ आणि टाइप सी पोर्ट. दिसण्याच्या बाबतीत 90D नेहमीच्या DSLR कॅमेराप्रमाणे दिसतो तर M6 Mark II मिररलेस कॅमेरा प्रमाणे कॉम्पॅक्ट आहे.

या कॅमेरामध्ये त्यांच्या कामगिरीमध्ये थोडा फरक आहे, M6 Mark II 14 frames per second वेगात फोटो काढू शकतो सोबत AF & AE Tracking. तर 90D 10 Frames per second एव्हढया वेगात फोटो काढू शकतो. 90D चा डिस्प्ले पूर्ण फिरवता येतो तर M6 II चा फक्त वरखाली टिल्ट करता येतो. याशिवाय यांच्या किंमतीमध्ये सुद्धा फरक पहायला मिळतो. 90D ची किंमत $1199 (~₹८६०००) तर M6 II ची किंमत $849.99 (~₹६१०००) इतकी आहे. या किंमती केवळ कॅमेरा बॉडीसाठी आहेत. लेन्स स्वतंत्र खरेदी कराव्या लागतील किंवा किट लेन्स सुद्धा पर्याय आहेच.

यासोबत कॅननने त्यांच्या EOS R साठी दोन नव्या L Class लेन्स जाहीर केल्या आहेत. RF 15-35mm f/2.8 L IS USM जी ultrawide-to-wide zoom आहे तर RF 24-70mm f/2.8 L IS USM ही स्टँडर्ड झुम लेन्स आहे.

The post Canon 90D DSLR आणि EOS M6 II मिररलेस कॅमेरा सादर! appeared first on MarathiTech - मराठीटेक.

मायक्रोसॉफ्टने काही दिवसांपूर्वी RAW Image Extension उपलब्ध करून दिलं असून याद्वारे विंडोज् १० मध्ये कोणत्याही अतिरिक्त सॉफ्टवेअरशिवाय रॉ इमेजेस फोटोज/गॅलरी अॅपमध्ये पाहता येतील! यापूर्वी विविध कॅमेरा कंपनीसाठी वेगवेगळे सॉफ्टवेअर घ्यावे लागायचे किंवा अडोबीच्या टूल्सवर अवलंबून राहावं लागायचं. विंडोज १० मध्ये असलेल्या फोटोज अॅपमध्ये नेहमीच्या JPG, PNG फाइल्स प्रमाणे आता कॅननच्या crw, सोनीच्या arw, निकॉनच्या nef, अडोबीच्या dng फाइल्ससुद्धा सहज पाहता येतील!

हे एक्सटेन्शन वापरण्यासाठी आधी तुम्ही Windows 10 May 2019 अपडेट इंस्टॉल केलं असल्याची खात्री करा. त्यानंतर RAW Image Extension या लिंकवर जा आणि ते अॅप डाउनलोड करा. (किंवा तुम्ही मायक्रोसॉफ्ट स्टोअरवर जाऊन RAW Image Extension असं सर्च करू शकता.) यानंतर सर्व कोडेक्स इंस्टॉल होऊन तुम्हाला आता एक्सप्लोरर मध्ये सुद्धा रॉ इमेजेसचे प्रीव्यू दिसू लागतील. कुठल्याही RAW फोटोवर Right Click करा आणि Open With निवडून Photos वर क्लिक करा. इथून पुढे तुम्ही फोटोजमध्ये कोणत्याही कंपनीच्या रॉ फाइल्स उघडून पाहू शकाल.

RAW Format Images म्हणजे काय ?

RAW इमेज म्हणजे अशी इमेज जिच्यावर डिजिटल कॅमेराद्वारे फोटो काढल्यावर कोणतीही प्रक्रिया केलेली नसते. (शब्दशः अर्थ कच्च्या स्वरूपात) थेट सेन्सरद्वारे टिपलेला फोटो आहे असा त्या त्या कंपनीच्या खास raw फॉरमॅट मध्ये मेमरी कार्डवर साठवला जातो.

कोणत्याही कॅमेरामध्ये फोटो काढायला गेलात तर सुरुवातीला कॅमेरा ते फोटो JPG/PNG या फॉरमॅटमध्येच साठवत असतो. मात्र हे JPG/PNG फोटो कॅमेराद्वारे प्रक्रिया करून त्यामध्ये डेटा जोडून साठवलेले असतात. यांच्या डेटावर त्यानंतर फारसं नियंत्रण नसतं. मात्र जर रॉ फॉरमॅटमध्ये फोटो काढला तर त्या फोटोवर फोटो काढल्यानंतरसुद्धा आपल्याकडे पूर्ण नियंत्रण असतं. उदा. रंग, उजेड, सावल्या, प्रकाश अशा प्रत्येक गोष्टीवर आपण लाईटरूम सारखे सॉफ्टवेअर वापरून हव्या त्या प्रकारे इमेज डेव्हलप करू शकतो.

रॉ इमेजेस पाहण्यासाठी आता विंडोजने पर्याय दिलेला असला तरी आजवर Adobe Photoshop Lightroom, Capture One, Corel AfterShot Pro, Raw Studio, RawTherapee, darktable, इ. सॉफ्टवेअर्सचा वापर फोटो पाहण्यासाठी करायला लागायचा. आता हे सॉफ्टवेअर फोटो डेव्हलप करतानाच उपयोगी पडतील. आता तर कॅमेरासोबत फोन्समध्येही रॉ फॉरमॅटमध्ये फोटो काढता व पाहता येतात! फोनवर रॉ फोटो प्रोसेस करण्यासाठी Snapseed अॅप उत्तम पर्याय आहे.

RAW फॉरमॅटमध्ये फोटो काढण्याचे फायदे

• रंगांच्या अधिक छटा वापरायला येतात. JPEG मध्ये आपण 8bit रंग वापरतो तर RAW मध्ये 12/14 Bits
• फोटोची अधिक चांगली गुणवत्ता
• कॅमेराकडून गरज नसताना केलं जाणारं sharpening आणि noise reduction थांबवता येतं
• फोटोवर अधिक चांगलं नियंत्रण lightness, white balance, hue, saturation अशा गोष्टी प्रोसेस करता येतात
• इतर अनेक गोष्टी ज्यामुळे आपल्याला मूळ फोटोला नुकसान न करता हवे तसे बदल करून हव्या त्या स्वरूपाचं आउटपुट घेता येतं.

RAW फॉरमॅटमध्ये फोटो काढण्याचे तोटे

• RAW फॉरमॅटमध्ये फोटो काढताना फोटोची साईज JPEG च्या मानाने जास्त असते. एकेका फोटोलाच जवळपास २ ते ६ पट अधिक जागा लागू शकते.
• रॉ फॉरमॅटमध्ये प्रत्येक कंपनीने स्वतःच फाइल एक्सटेन्शन तयार केलं आहे त्यामुळे एक स्टँडर्ड नाहीये.
• स्टँडर्ड फाइल फॉरमॅट नसल्यामुळे प्रत्येक एक्सटेन्शनसाठी सॉफ्टवेअर सपोर्ट वेगवेगळा द्यावा लागतो.
• रॉ फोटो काढून ते प्रोसेस करून प्रत्यक्षात वापरण्यास बरंच जास्त वेळ जातो. JPEG फॉरमॅटमधील फोटो मात्र लगेच वापरण्यास तयार असतात.

search terms : what is raw photo image format in marathi pros and cons of raw Viewing Camera RAW Files Raw JPEG Difference

The post RAW फॉरमॅट इमेजेस पाहण्यासाठी विंडोज १० प्लगिन उपलब्ध! appeared first on MarathiTech - मराठीटेक.

हुवावेने त्यांचे नवे स्मार्टफोन्स P30 व P30 Pro आज सादर केले असून कॅमेराच्या बाबतीत या फोनमध्ये बर्‍याच नव्या गोष्टी पाहायला मिळतील. यामधील चार कॅमेरे फोनमधील फोटोग्राफीचं एकंदरीत रूप बदलण्यासाठी नवा प्रयत्न असल्याच सांगण्यात येत आहे.

हुवावे P30 Pro मध्ये मुख्य कॅमेरा 40MP असून हा सेन्सर RYYB प्रकारचा असेल यामुळे ISO 40% अधिक लाइटच्या रूपात पुढे नेता येईल. दुसरी लेन्स 20MP ultra wide angle आहे आणि तिसरा कॅमेरा 8MP टेलिफोटो लेन्स असून याच वैशिष्ट्य म्हणजे यात 5x optical व 50x hybrid zoom देण्यात आलं आहे. ज्यामुळे चंद्राचाही फोटो काढता येईल असा दावा हुवावेकडून करण्यात येत आहे. इतर सोयींसह हुवावेने या सुद्धा फोनमध्ये दुसर्‍या फोन्सना वायरशिवाय चार्ज करण्याची सोय दिलेली आहे!

Huawei P30 Pro Specs
डिस्प्ले : 6.47″ FHD+ 2340*1080 Wide Color Gamut(DCI-P3) OLED 422ppi
प्रोसेसर : HUAWEI Kirin 980 Octa-core
रॅम : 6GB/8GB
स्टोरेज : 128GB/256GB/512GB + nanoSD card
कॅमेरा : Leica Quad Cam : 40 MP (Wide Angle, f/1.6,OIS) + 20 MP (Ultra Wide Angle Lens, f/2.2 ) + 8 MP (Telephoto, f/3.4,OIS) HUAWEI Time-of-Flight(TOF)
फ्रंट कॅमेरा : 32 MP, f/2.0 Front Camera
बॅटरी : 4200 mAh HUAWEI SuperCharge（Max 40W）
ऑपरेटिंग सिस्टिम : EMUI 9.1 based on Android 9 Pie
इतर : Type-C USB 3.1 GEN1, Bluetooth 5.0, IP68
सेन्सर्स : Ambient Light, In-Screen Fingerprint, Gyroscope, Compass, Proximity Sensor, Gravity Sensor, Hall Sensor, Infrared Sensor, Colour Temperature Sensor
रंग : Amber Sunrise, Breathing Crystal, Pearl White, Aurora, Black
किंमत : Update भारतीय किंमत जाहीर
Huawei P30 Pro 8GB+128GB : ₹ ७१९९०
Huawei P30 Pro 8GB+256GB : €1,100 (~₹ ८६०००)
Huawei P30: €750 (~₹ ५९०००)
Huawei P30 Lite 4GB+128GB : ₹ १९९९०
Huawei P30 Lite 6GB+128GB : ₹ २२९९०

The post हुवावे P30 Pro सादर : 5x ऑप्टिकल व 50x हायब्रिड झुम! appeared first on MarathiTech - मराठीटेक.