पब्जी म्हणजेच Player Unknown’s Battlegrounds आता पीसी आणि गेमिंग कॉन्सोल्सवर मोफत उपलब्ध करून देण्यात आली आहे. ही गेम डिसेंबर २०१७ मध्ये सादर करण्यात आली होती. अल्पावधीतच एकावेळी जगात सर्वाधिक ऑनलाइन प्लेयर्स ही गेम खेळत असल्याचा विक्रम सुद्धा या गेमने केला होता. या गेममुळेच बॅटल रोयाल हा प्रकार प्रसिद्ध झाला होता आणि नंतर बऱ्याच गेम्समध्ये तो मोड पाहायला मिळू लागला.

पब्जी पीसीची लोकप्रियता पाहूनच नंतर पब्जी मोबाइल ही गेम मोबाइल यूजर्ससाठी २०१८ मध्ये सादर झाली होती. PUBG ची निर्मिती Krafton या साऊथ कोरियन कंपनीच्या PUBG Corporation अंतर्गत करण्यात आली होती. आता ही गेम F2P म्हणजे फ्री टू प्ले प्रकारची असेल.

सुरुवातीला बरीच प्रसिद्ध असलेली ही गेम नंतरच्या काळात Optimized नसल्यामुळे त्यामध्ये येणाऱ्या अडचणींमुळे मागे पडत गेली. शिवाय फोर्टनाइटने मोठी स्पर्धा उभी केली आणि त्यात फोर्टनाइट व इतर पर्याय गेमर्सना आधीपासूनच मोफत उपलब्ध होते.

आता ही PUBG मोफत उपलब्ध झाल्यामुळे PUBG ला पुन्हा एकदा काही प्रमाणात प्रतिसाद मिळू शकतो. ज्यांनी आधी पैसे देऊन ही गेम विकत घेतली आहे त्यांना मोफत Battlegrounds Plus, Battle-Hardened costume skin set, the Shackle and Shanks Legacy Pan and the Battle-Hardened Legacy nameplate मिळतील!

यासोबत Battlegrounds Plus नावाच प्रीमियम अकाऊंट पर्याय दिला जो $13 मध्ये मिळेल ज्यामध्ये 1,300 G-COIN, Survival Mastery XP + 100% boost, Career – Medal tab, Ranked Mode, Custom Match functionality आणि इतर बरेच नवीन इन गेम फीचर्स वापरता येतील.

PUBG on Steam : https://store.steampowered.com/app/578080/PUBG_BATTLEGROUNDS

The post PUBG आता पीसी आणि कॉन्सोल्सवर मोफत उपलब्ध! appeared first on MarathiTech - मराठीटेक.

PUBG Mobile च्या घवघवीत यशानंतर Krafton त्यांची नवी गेम PUBG NEW STATE आजपासून सर्वांना उपलब्ध करून दिली असून यामध्ये नवं बॅटल रॉयाल (Battel Royale) पाहायला मिळेल! आधीच्या पब्जी मोबाइल प्रमाणेच यामध्येही १०० जणांमध्ये लढत असेल मात्र यावेळी नवी वाहने, नवी शस्त्रं आणि प्रथमच ड्रोन्ससुद्धा देण्यात आले आहेत! ही गेम आज २०० देशांमध्ये उपलब्ध करून देण्यात आली आहे!

डेव्हलपर्सनी सांगितलेल्या माहितीनुसार यामध्ये आता Ultra Realistic ग्राफिक्स, Dynamic Gunplay, interactive gameplay आणि आधीच्या पब्जीच्या नंतरचं जग पाहायला मिळेल. या गेमसाठी त्यांनी त्यांच्या पीसी आवृत्तीमधील बऱ्याच गोष्टी (उदा. Gun Mechanics) मोबाइल गेममध्ये आणण्याचा प्रयत्न केला आहे.

Download PUBG NEW STATE on Google Play : https://play.google.com/store/apps/details?id=com.pubg.newstate
Download PUBG NEW STATE on Apple App Store : https://apps.apple.com/app/id1542727626

या गेमसाठी minimum requirements पुढील प्रमाणे असतील :

CPU: 64-bit arm64
RAM: 2GB or higher
OS: Android 6.0 or higher
Graphics : Open GL 3.1 or higher / Vulkan 1.1 or higher
iOS उपकरणांसाठी त्यांची ओएस iOS 13 च्या पुढील असावी.

ही गेम Krafton ने डेव्हलप केलेली असल्यामुळे PUBG Mobile प्रमाणे सध्यातरी चीनी संबंध नसल्याने गेम बॅन केली जाण्याची शक्यता वाटत नाही. सध्या भारतात Battlegrounds Mobile India (BGMI) आणि उर्वरित ठिकाणी PUBG Mobile (PUBGM) लोकप्रिय असताना आता ह्या नव्या गेमकडे किती मोबाइल गेमर्स वळतात ते पाहायचं…

नव्या गेममध्ये एकाच वेळी अनेक जण जॉइन होत असल्यामुळे गेममध्ये सर्व्हर इश्यू येत असल्याबद्दल डेव्हलपर्सनी ट्विट करून माहिती दिली आहे.

The post PUBG NEW STATE ही नवी गेम आता सर्वांसाठी उपलब्ध! appeared first on MarathiTech - मराठीटेक.

गेले अनेक महीने PUBG Mobile भारतात पुन्हा येणार येणार अशी चर्चा सुरू होती. शेवटी आज Krafton कंपनीने अधिकृतरित्या पोस्ट जाहीर करत सांगितलं आहे की PUBG Mobile आता भारतात Battlegrounds Mobile India या नावाने परत येत आहे. आज त्यांनी अधिकृत वेबसाइटसुद्धा आणली असून यावर नेमकी तारीख लिहिलेली नसली तरी Coming Soon असं दाखवण्यात येत आहे त्याअर्थी लवकरच ही बॅटलग्राउंड्स मोबाइल इंडिया गेम नव्या नावाने भारतात उपलब्ध होईल.

Battlegrounds Mobile India Website : https://www.battlegroundsmobileindia.com

२ सप्टेंबर २०२० पासून चीनसोबत झालेल्या वादानंतर भारत सरकारने चीनी apps व गेम्सवर बंदी घातली होती त्यामध्ये पब्जीचाही समावेश होता. त्यानंतर त्यांनी वेगळे पर्याय वापरुन मूळ दक्षिण कोरियन कंपनीकडूनही भारतात पुन्हा येण्यासाठी बरेच प्रयत्न केले पण अजूनपर्यंत तरी त्यांना यश आलं नव्हतं शेवटी Krafton या कंपनीने नव्या नावासह खास भारतासाठी बदल करत ही गेम भारतात आणण्याचं ठरवलं आहे.

कंपनीने भारतातील सध्याची Covid ची परिस्थिती पाहून २९ एप्रिल रोजी PM Cares Fund मध्ये १.५ कोटी रुपये दिले आहेत. Krafton ची भारतातली कंपनी PUBG India Private Limited यांच्यामार्फत हे डोनेशन करण्यात आलं होतं.

या गेमसोबत ते स्कीन्स, इ स्पोर्ट्स गेम्स, स्पर्धा, लीग्स असं सर्वकाही आणणार आहेत. पब्जीमुळे भारतात इ स्पोर्ट्स वाढण्यास नक्कीच फार मोठी मदत झाली होती. याच्या स्पर्धा किंवा यूट्यूब स्ट्रीम मार्फत अनेकांनी त्यांचं करियर उभं केलं आई आजही अनेक जण फुल टाइम गेमर्स बनले आहेत.

PUBG Mobile भारतात प्रचंड लोकप्रिय ठरली होती. मोठ्या प्रमाणात स्ट्रीम्स, गेमप्ले, स्पर्धा सुरू झाल्या होत्या. ही गेम इतकी लोकप्रिय होती की लोक फोन खरेदी करायला गेल्यावर यामध्ये पब्जी चांगली चालेल ना असं विचारून हे फोन्स घेऊ लागले. मात्र याचा काही प्रमाणात वाईट परिणाम सुद्धा झाला होताच.

PUBG Mobile बॅन झाल्यानंतर Call of Duty Mobile, FreeFire अशा गेम्स मोठ्या प्रमाणात खेळल्या जात होत्या. शिवाय काही दिवसात Apex Legends Mobile सुद्धा खास भारतात आणण्यात आली आहे.

Search Terms : PUBG Mobile India Battlegrounds Mobile India release date

The post पब्जी मोबाइल नव्या नावासह लवकरच भारतात परतणार असं जाहीर! appeared first on MarathiTech - मराठीटेक.

पब्जी मोबाइल या गेमची लोकप्रियता अजूनही मोठ्या प्रमाणावर असून या गेममधील Sanhok मॅपमध्ये आता नवा Jungle Adventure mode देण्यात आला आहे. जगभरातील पब्जी प्लेयर्स याची वाट पाहत होते. आज हा मोड सर्व प्लेयर्ससाठी उपलब्ध करून देण्यात आला आहे. कोरोनामुळे झालेल्या लॉकडाऊन दरम्यान गेमिंगचं प्रमाण सुद्धा फार मोठ्या प्रमाणावर वाढलं आहे. यासाठीच PUBG Mobile गेमद्वारे गेमर्सना व्यस्त ठेवण्यासाठी नवानवा कंटेंट जोडला जात आहे. काही दिवसांपूर्वीच मिरामार मॅपचीही नवी आवृत्ती वादळांसह उपलब्ध करून देण्यात आली होती.

हा नवा Jungle Adventure mode तुम्ही स्वतः निवडू शकणार नाही. तो तुम्हाला आपोआप दिला जाईल कारण ह्या मोडसाठी ठराविक प्लेयर्सच निवडले जातील. काही महिन्यांपूर्वी डे/नाइट मोड आला होता त्याप्रमाणेच हा सुद्धा काम करेल.

या मोडमध्ये Mysterious Totems, Jungle Food आणि Hot Air Balloons सुद्धा पाहायला मिळतील. आधीची वाहने कमी पडली होती म्हणून आता हॉट एयर बलून्ससुद्धा देण्यात आली आहेत!

The post पब्जी मोबाइलचं अपडेट : सॅनहॉक मॅपमध्ये आता जंगल ॲडव्हेंचर मोड! appeared first on MarathiTech - मराठीटेक.

पब्जी मोबाइल या प्रसिद्ध गेम संबंधित दोस्ती का नया मैदान (मैत्रीचं नवं मैदान) नावाची नवी वेब सिरीज आजपासून उपलब्ध झाली आहे. यामध्ये छोटया शहरातील काही विद्यार्थी आणि त्यांचं दैनंदिन आयुष्य दाखवण्यात आलं आहे. याद्वारे पब्जी गेम कशाप्रकारे प्रसिद्ध होत गेली हे दर्शवण्याचा निर्मात्याचा प्रयत्न आहे. काही दिवसांपूर्वीच या सिरीजचा ट्रेलर सादर करण्यात आला होता. एका गेमवर आधारित वेब सिरीज तयार करून टी गेम डेव्हलपर्सच्याच चॅनलवर प्रसिद्ध केली जाण्याची बहुधा पहिलीच वेळ असावी…

यामध्ये बद्री चव्हाण, रंजन राज, चिन्मय चंद्रशुश, आलम खान आणि अर्णव भसीन या कलाकारांचा समावेश आहे. याशिवाय Rawknee व Kronten अशा काही प्रसिद्ध यूट्यूब स्ट्रीमर्सनासुद्धा यामध्ये स्थान दिलेलं आहे. या वेब सिरीजचा पहिला भाग आज यूट्यूबवर प्रसारित करण्यात आला आहे. पुढील भाग १० जानेवारी रोजी प्रसारित होईल.

पब्जीच्या चाहत्यांसाठी वेब सिरीज अशा प्रकारे मांडली जात असली तरी आपलं शहर सोडून दुसऱ्या मोठ्या शहरात शिक्षण घेण्यासाठी हॉस्टेलवर राहणाऱ्या सर्व विद्यार्थ्याना ही सिरीज आवडेल असं डेव्हलपर्सना वाटतं. गेममधील विविध भाग मैत्री, विद्यार्थ्यांच्या अडचणी, त्यातून काढलेला मार्ग आणि कशा प्रकारे ही PUBG Mobile गेम त्या मैत्रीला मदत करते हे दर्शवलं जाईल. ही वेब सिरीज हिंदी भाषेत असून भारतातल्या इतर भागातील प्रेक्षकांसाठी इतर भाषात सबटायटल्ससुद्धा दिलेले नाहीत.

आधीच बऱ्याचदा वादात सापडलेली ही गेम आता कॉलेजवयीन विद्यार्थी नेहमीच रिकाम्या वेळी ही गेम खेळताना दाखवलं जाणार आहे हे विद्यार्थ्यांच्या पालकांना खरच आवडेल का हा प्रश्न आहे. या गेमच्या व्यसनामुळे अनेक मुलांचा वेळ वाया जात असल्याची तक्रार अद्याप पालकांकडून केली जाते. यासाठी मित्रासारखा किंवा त्याहून भारी स्मार्टफोन हवाच असा हट्ट केला जात असल्याचंही निदर्शनास आलेलं आहे.

शिवाय गेम डेव्हलपर्सनी गेममध्ये नव्या गोष्टी आणून गेमिंग संस्कृती भारतात वाढवण्याऐवजी पुन्हा गेमिंग पेक्षा मनोरंजनावर भर दिलेलं काही चाहत्यांना आवडलेलं नाही. आता हे लक्षात घ्यावं की अशा गोष्टी करून मिळणारं आर्थिक उत्पन्न समोर ठेवावं याचा निर्णय पब्जीच्या निर्मात्याना घ्यायचा आहे. पण निर्णय काय असेल हे आपणा सर्वांना ठाऊक आहेच…!

The post आता पब्जी मोबाइलची वेब सिरीज यूट्यूबवर उपलब्ध! appeared first on MarathiTech - मराठीटेक.