काही वेळापूर्वी पार पडलेल्या रिलायन्सच्या वार्षिक सर्वसाधारण सभेत (AGM) कंपनी प्रमुख मुकेश अंबानी यांनी कंपनीच्या कामगिरीबद्दल माहिती देत असताना जियोच्या 5G नेटवर्क, AirFiber, क्लाऊड पीसी, स्मार्ट होम उपकरणे आणि सेवा यांचा उल्लेख केला आहे. AirFiber ही वायरलेस इंटरनेट सेवा गणेश चतुर्थीपासून उपलब्ध होणार आहे.

जियोने आता ४५ कोटी ग्राहकांचा टप्पा ओलंडला असून दरमहा हे यूजर्स ११०० कोटी जीबी इंटरनेट वापरत आहेत!

• Jio 5G : जियोने जगातली सर्वात वेगाने 5G उपलब्ध करून देणारी कंपनी असल्याचं कंपनीतर्फे सांगण्यात आलं आहे. डिसेंबर २०२३ अखेर संपूर्ण देशात 5G नेटवर्क मिळेल असं कंपनीचं नियोजन आहे. एंटरप्राइज ग्राहकांसाठी Jio developer platform सुद्धा सुरू केला जाणार आहे.
• Jio AirFiber : ही सेवा १९ सप्टेंबरपासून उपलब्ध होईल. यामध्ये AirFiber चं राऊटरसारखं उपकरण आपल्या घरी बसवलेलं असेल जे कुठेही नेता येईल. जियोच्या 5G नेटवर्कमार्फत वायर्सशिवाय याद्वारे वेगवान इंटरनेट आपल्याला वापरता येईल.
• Jio Smart Home Services : AI च्या मदतीने घरातील विविध उपकरणे वायफायद्वारे नियंत्रित करता येतील. यासाठी Jio Home ॲप असेल.
• Jio Set Top Box : इंटरनेटद्वारे टीव्ही चॅनल्स पाहण्यासाठी, गेम्स खेळण्यासाठी हे उपकरण वापरता येईल.
• Jio Cloud PC : रिलायन्सने यासाठी HP सोबत भागीदारी केली असून हा स्वस्त लॅपटॉप इंटरनेटमार्फत (क्रोम लॅपटॉप्सप्रमाणे) चालेल.
• Giga Factory : बॅटरीची निर्मिती आणि रीसायकल करण्यासाठी मोठा प्रकल्प २०२६ पर्यंत उभारणार आहे.
• Jio Bharat4G : हा सर्वात स्वस्त 4G फोन ९९९ रुपयात मिळणार आहे.

The post Jio AGM : AirFiber, Cloud PC, स्मार्ट होम, AI मॉडेल्स बद्दल माहिती जाहीर! appeared first on MarathiTech - मराठीटेक.

गेल्या आठवड्यात एयरटेल आणि Vi ने त्यांची दरवाढ जाहीर केल्यावर आता रिलायन्स जिओने सुद्धा त्यांचे प्रिपेड प्लॅन्सचे दर वाढवत असल्याचं जाहीर केलं आहे. नवे दर १ डिसेंबर २०२१ पासून लागू होतील.

अजूनही तुलेनेने जिओच्या प्लॅन्स इतरांपेक्षा स्वस्त दिसत आहेत. शिवाय जिओ प्लॅन्स सोबत येणाऱ्या लाईव्ह टीव्ही, न्यूज, मासिके अशा इतर सोयीसुद्धा जास्त आहेत. मात्र त्यांची 4G सेवेची गुणवत्ता बऱ्याच ठिकाणी घसरली आहे असं आमच्या बऱ्याच वाचकांनी मत नोंदवलं आहे. बाकी हे त्या त्या ठिकाणावर व इतर बऱ्याच गोष्टींवर अवलंबून असलं तरीही कंपन्यांनी नुसते दर न वाढवता सेवेची गुणवत्तासुद्धा सुधारायला हवी.

इतके दिवस हे स्वस्त प्लॅन्सचे आता लवकरच संपण्याच्या वाटेवर आहेत. कमी पैशात इंटरनेटची सवय लावून आता सर्वच टेलिकॉम कंपन्या एकदम प्लॅन्सच्या किंमती वाढवत नेत असल्याच दिसत आहे. या सर्वांमध्ये फक्त कॉलिंग आणि अमर्याद व्हॅलिडिटी असलेले प्लॅन्स बंद झाले. आता प्रत्येकाला दर महिना रीचार्ज करावाच लागतो. एकंदर पुढे येणाऱ्या काळात या प्लॅन्समध्ये काय बदल पाहायला मिळतील आणि 5G आल्यावर यांची अवस्था काय असेल यावरसुद्धा लक्ष ठेवावं लागेल.

खाली एयरटेल, Vi आणि जिओच्या नव्या प्रिपेड प्लॅन्सची माहिती दिली आहे.

The post एयरटेल, Vi नंतर जिओनेही प्लॅन्सच्या किंमती वाढवल्या! appeared first on MarathiTech - मराठीटेक.

रिलायन्स जिओ आणि गूगल यांनी एकतर येत खास भारतीय ग्राहकांसाठी नवा स्मार्ट स्वस्त स्मार्टफोन JioPhone Next सादर केला आहे. हा स्मार्टफोन काही महिन्यांपूर्वी रिलायन्सच्या कार्यक्रमात जाहीर करण्यात आला होता आणि गणेश चतुर्थीपर्यंत उपलब्ध होईल असं सांगण्यात आलं होतं मात्र त्यानंतर चिप शॉर्टेजच कारण देत बऱ्याचदा ह्याचं लॉंचिंग पुढे ढकलण्यात आलं. सरतेशेवटी दिवाळीच्या तोंडावर हा फोन सादर करण्यात आला आहे.

या फोनमध्ये खास गूगलने अँड्रॉइडपासून तयार केलेली प्रगती ओएस (Pragati OS) देण्यात आली आहे. यामध्ये गूगल प्ले स्टोअरवरील लाखो ॲप्स वापरता येतील. सोबत यामध्ये ओव्हर द एयर अपडेट्ससुद्धा दिले जातील ज्यामुळे या फोनची कामगिरी सुधारेल आणि सुरक्षितसुद्धा असेल.

या फोनमध्ये एक उत्तम कॅमेरा दिला असल्याचं सांगत Night Mode, HDR, Portrait Mode सुद्धा देण्यात आला आहे. कॅमेरासाठी यामध्ये गूगलचं Camera Go ॲप मिळेल. गूगलने SnapChat सोबत भागीदारी करून खास भारतीय Snapchat lenses फिल्टर्स आणले आहेत!

फोनमध्ये 5.45″ HD+ डिस्प्ले, 720×1440 रेजोल्यूशन, Qualcomm Snapdragon 215 प्रोसेसर, 3500mAh बॅटरी , 2GB रॅम, 32GB स्टोरेज, ड्युयल सिम, SD Card सपोर्ट, 13MP कॅमेरा आणि 8MP फ्रंट कॅमेरा देण्यात आला आहे. MyJio, JioCinema, JioTV, JioSaavn, JioGames सारखे जिओ ॲप्स आणि Google, YouTube, Maps, Lens असे गूगल ॲप्स इंस्टॉल केलेले आहेत. फाइल्स, फोटो, व्हिडिओ, ॲप्स शेयर करण्यासाठी Nearby Share सुविधा आहे.

या फोनची किंमत ६४९९ असणार आहे. हा खरेदी करण्यासाठी तुम्ही आधी १९९९ देऊन फोन घेऊ शकता आणि उरलेले पैसे १८ ते २४ महिन्यात भरू शकता! वरील इमेजमध्ये EMI साठी असलेले प्लॅन्स पाहू शकता.

किंमत जाहीर झाल्यावर हा फोन अपेक्षेपेक्षा बऱ्यापैकी जास्तच किंमतीमध्ये सादर झाला आहे असं मत अनेकांनी व्यक्त केलं आहे. शिवाय हा 4G फोन आहे त्यामुळे इतर फोन्सच्या तुलनेने हा फारसा स्वस्त फोन म्हणता येणार नाही मात्र यासोबत येणाऱ्या जिओ प्लॅन्समुळे काही जणांना नक्कीच फायदेशीर ठरू शकेल.

Search Terms : Reliance Jio JioPhone Next Android Based Pragati OS Budgest Android Smartphone by Jio and Google

The post JioPhone Next सादर : जिओ आणि गूगलचा स्वस्त स्मार्टफोन! appeared first on MarathiTech - मराठीटेक.

परवा झालेल्या रिलायन्स जिओच्या वार्षिक सर्वसाधारण सभेत (AGM 2020) त्यांनी Jio 5G, गूगलसोबत केलेल्या भागीदारीसह आणखी काही गोष्टी जाहीर केल्या त्या म्हणजे Jio Glass आणि Jio TV+. या लेखामध्ये यांच्याबद्दल जाणून घेऊ…

Jio Glass

Jio Glass हा मिक्स्ड रियालिटी (MR) हेडसेट असून यामध्ये असलेल्या हाय रेजोल्यूशन डिस्प्ले द्वारे आपण डोळ्यावर गॉगलप्रमाणे घालून कंटेंट पाहू शकाल. याचं वजन ७५ ग्रॅम्स असेल. सध्या Oculus सारख्या कंपनीने असे हेडसेट आणले आहेत मात्र जिओचं डिझाईन व्हिडिओमध्ये तरी अधिक सोपं आणि चांगलं वाटत आहे. या हेडसेटच्या मधोमध कॅमेरा देण्यात आला आहे. उजवीकडे बटन्स सुद्धा दिसत आहे. हा गॉगल घातल्यावर आपल्या डोळ्यासमोर असलेल्या डिस्प्लेमधून आपल्याला आभासी रूममध्ये उभे राहिलो आहोत असा अनुभव येईल. वास्तविक जगातील दृश्य यावेळी दिसत नसल्यामुळे पूर्णतः त्या आभासी जागेतच आहोत असं वाटेल.

सध्या याच्या बद्दल फारशी तांत्रिक माहिती जिओनी दिलेली नाही. केवळ याचा उपयोग कसा होईल याचा डेमो देण्यात आला. जिओ ग्लास द्वारे आपण Virtually प्रोजेक्ट्स दाखवू शकाल. मिटिंग्समध्ये सहभागी होऊ शकाल. याचा आणखी एक वापर म्हणजे सध्याच्या COVID19 लॉकडाऊन काळात सुरू असलेल्या ऑनलाइन क्लासरूम्स. याद्वारे विद्यार्थी अभ्यास अधिक चांगल्या प्रकारे समजून घेऊ शकतील आणि शिक्षक थेट वर्गात शिकवत असल्याचा भास होईल असं सांगितलं आहे!

लॉंच होताना जिओ ग्लासमध्ये २५ अॅप्स असतील. यामध्ये कोणत्या अॅप्सचा समावेश असेल ते सांगण्यात आलेलं नाही. यावेळी देण्यात आलेल्या डेमोमध्ये आकाश अंबानी आभासी 3D अवतार द्वारे, ईशा अंबानी त्यांच्या लॅपटॉपवरून तर रिलायन्स प्रेसिडेंट किरण थॉमस जिओ ग्लासद्वारे एका आभासी मीटिंगमध्ये सहभागी झाले होते. खाली दिलेल्या लिंकवर तुम्ही डेमो पाहू शकाल ज्यामधून अधिक चांगली कल्पना येईल.

Jio Glass Demo Video Link : https://youtu.be/17U3NpEv9f0?t=342

या जिओ ग्लास हेडसेटला इंटरनेटसोबत जोडण्यासाठी फोनचा वापर करू शकता. मात्र यासाठी वायर्ड कनेक्शन लागेल असं सध्या तरी दिसत आहे. येत्या काही महिन्यात याची अधिक माहिती, याच्यासोबत जोडल्या जाणाऱ्या सेवा , अॅप्स यांची दिली जाईल त्यानंतरच याची क्षमता आणि उपयोग अधिक चांगल्या प्रकारे समजेल. याची किंमत आणि उपलब्धता याबद्दल माहिती देण्यात आलेली नाही.

Jio TV+

याच कार्यक्रमात जाहीर करण्यात आलेली गोष्ट म्हणजे Jio TV+. याद्वारे जिओ १२ पेक्षा जास्त OTT कंपन्याचा कंटेंट उपलब्ध करून देईल यामध्ये Netflix, Amazon Prime Video, Disney+ Hotstar, Voot, SonyLiv, Zee5, JioCinema, JioSaavn, YouTube यांचा समावेश आहे.

जिओ टीव्ही प्लस द्वारे आपल्याला आवडीचा कंटेंट म्हणजे चित्रपट, मालिका, लाईव्ह टीव्ही शो शोधणं सोपं होईल. ग्राहकांना आवडणाऱ्या सर्व सेवा एक ठिकाणी उपलब्ध करून देणारा प्लॅटफॉर्म असेल. यामध्ये व्हॉईस सर्चची सोय सुद्धा जोडण्यात आलेली आहे ज्यामुळे तुम्ही आवाजाद्वारे कमांड देऊन आवडीचा चित्रपट/मालिका सुरू करू शकाल! अॅक्टरचं नाव सांगून त्यांचे चित्रपट शोधणं त्यांचे ट्रेलर्स पाहणं अशा गोष्टी करता येतील.

ही सेवा फक्त Content Aggregation म्हणजे थोडक्यात कंटेंट शोधून एका जागी दाखवण्याचं काम करेल. आपल्याला त्या त्या कंटेंट साठी स्वतंत्र पैसे मोजावे लागणार आहेतच. Jio TV+ चं डिझाईन अॅपल टीव्हीप्रमाणे दिसत असल्याचंही अनेकांनी लक्षात आणून दिलं आहे. जिओ मीटसाठी झुमच्या UI ची कॉपी केल्यावर आता अॅपल टीव्हीच्या UI ची कॉपी Jio TV+ मध्ये पाहायला मिळेल!

Search Terms : What is Jio Glass Jio Glass Price availability

The post Jio Glass नेमकं काय आहे? सोबत Jio TV+ सेवासुद्धा जाहीर! appeared first on MarathiTech - मराठीटेक.

रिलायन्सच्या वार्षिक सर्वसाधारण सभेत (Annual General Meeting) आज बऱ्याच गोष्टी जाहीर करण्यात आल्या असून यावेळी प्रथमच Reliance AGM व्हर्च्युअल ऑनलाइन स्वरूपात घेण्यात आला आहे. या कार्यक्रमात Jio 5G, Jio TV+, Jio Glass, गूगलची जिओमधील गुंतवणूक यांबद्दल घोषणा करण्यात आली. नेहमीप्रमाणे शेयरहोल्डर्ससाठी वार्षिक अहवाल सुद्धा प्रदर्शित करण्यात आले ज्यानुसार रिलायन्स आता कर्जमुक्त कंपनी बनली असून अनेक क्षेत्रात भारतात प्रथम तर जगात आघाडीचं स्थान मिळवलं आहे!

भारत सरकारतर्फे स्पेक्ट्रम जाहीर होताच Jio 5G ची सेवा सुरू करण्यात येईल. जिओचं 5G नेटवर्क पूर्णतः भारतात तयार केलेलं असेल अशी माहिती देण्यात आली आहे. यासोबत 5G चे फायदे, यामुळे जिओ यूजर्सच्या वापरामध्ये येणारे बदल, त्यामागचं तंत्रज्ञान थोडक्यात सांगण्यात आलं.

जिओच्या 4G वेळेस घडून आलेल्या बदलांमुळे 5G बाबतही किंमती कमी ठेऊन नवा ग्राहकवर्ग मिळवणार हे साहजिक आहे. हे सुद्धा सर्वात स्वस्त 5G नेटवर्क असेलच असा अंदाज व्यक्त केला जात आहे.

यासोबत गूगलच्या गुंतवणुकीचीही माहिती रिलायन्स प्रमुख मुकेश अंबानी यांनी जाहीर केली. गूगल आता ३३७३७ कोटी रुपयांची गुंतवणूक करणार असून याबदल्यात त्यांना जिओ प्लॅटफॉर्ममध्ये ७.७ टक्के हिस्सा मिळेल. फेसबुक, सिल्व्हरलेक, विस्टा, जनरल अटलांटिक, केकेआर, TPG, कॅटरटन, इंटेल आणि qualcomm नंतर आता गूगलनेही जिओमध्ये गुंतवणूक केलेली आहे. याद्वारे जिओने तब्बल १.५२ लाख कोटी उभारले आहेत. पर्यायाने रिलायन्स आता कर्जमुक्त झाली आहे!

गूगल व जिओ मिळून लवकरच स्मार्टफोन व स्मार्ट फोन ओएससुद्धा तयार करण्याच्या प्रयत्नात आहेत असंही यावेळी सांगण्यात आलं आहे!

तसेच यावेळी जिओ हेल्थक्लब द्वारे करण्यात येत असलेले प्रयत्न, जिओ मार्टद्वारे किराणा क्षेत्रातील प्रवेश याबद्दलही माहिती देण्यात आली असून जिओ मार्टच्या पहिल्या ऑर्डरसोबत COVID19 किट मोफत देण्यात देण्यात येणार आहे. किराणा दुकानदारांना ऑनलाइन आणण्यास जिओमार्टमार्फत पावले उचलली जातील.

इतर घोषणांची सविस्तर माहिती दुसऱ्या पोस्ट मध्ये देण्यात येईल

The post Jio 5G जाहीर : आता गूगलची जिओमध्ये ३३७३७ कोटींची गुंतवणूक : Reliance AGM appeared first on MarathiTech - मराठीटेक.