मायक्रोसॉफ्टणे काल झालेल्या कार्यक्रमात त्यांच्या नव्या उपकरणांची घोषणा केली. यामध्ये Surface Laptop Studio, Surface Pro 8, Surface Pro X, Surface Go 3, Surface Slim Pen 2 आणि Surface Duo 2 हा अँड्रॉइड फोन यांचा समावेश आहे.

Surface Adaptive Kit नावाचं किट सुद्धा आणण्यात आलं आहे जे अंध, अपंग व्यक्तीना नक्कीच खूप उपयोगी पडणार आहे. यामध्ये खास बटन्सवर लावण्यासाठी स्टीकर्स, लॅपटॉपची उघडझाप करण्यासाठी दोरी असलेले बॅंड, रंगानुसार वेगवेगळे मार्कर्स देण्यात आले आहेत.

Surface Laptop Studio : मायक्रोसॉफ्टचा हा नवा लॅपटॉप त्यांचा आजवरचा सर्वोत्तम लॅपटॉप आहे असं त्यांनी सांगितलं आहे. डेव्हलपर्स, डिझाईनर्स , गेमर्स अशा सर्वानाच वापरता येईल असा हा लॅपटॉप आहे. यामध्ये Stage Mode देण्यात आला आहे ज्यामुळे याचा डिस्प्ले आपण पुढे सरकवून ठेवू शकतो आणि त्यानंतर स्टुडिओ मोड मध्ये पूर्णच डिस्प्ले किबोर्डवर आडवा करून हा लॅपटॉप टॅब्लेटप्रमाणे वापरता येतो!
यामध्ये 14.4” PixelSense डिस्प्ले, 11th Gen Intel® Core™ H35 प्रोसेसर, NVIDIA GeForce RTX ग्राफिक्स कार्ड देण्यात आलं आहे. याची किंमत अमेरिकेत $1599.99 (~ ₹१,१८,०००) पासून सुरू होते.

Surface Pro 8 : या 2 in 1 टॅब्लेटमध्ये यावेळी अनेक बदल करण्यात आले असून यामध्ये आता 11th Gen Intel Core प्रोसेसर, 2 Thunderbolt 4 पोर्ट, १६ तासांची बॅटरी लाईफ, विंडोज ११, 13” PixelSense डिस्प्ले, 120Hz refresh rate, डॉल्बी vision, डॉल्बी साऊंड अशा जवळपास सर्वच सुविधा देण्यात आल्या आहेत. याची किंमत $1099.99 (~ ₹८१,२००) पासून सुरू होते.

Surface Pro X : मायक्रोसॉफ्टचा स्वतःचा प्रोसेसर असलेला हा टॅब्लेट आता विंडोज ११ आणि 64 Emulation सोबत मिळेल. शिवाय यामध्ये आता Wifi Only पर्यायसुद्धा असेल. याची किंमत $899 (~ ₹६६,४००) असेल.

Surface Go 3 : हा छोट्या आकाराचा टॅब्लेट आता इंटेलच्या प्रोसेसर्ससोबत मिळेल. 10.5” डिस्प्ले, Intel i3 प्रोसेसर, Windows 11 यांचा समावेश यामध्ये केलेला आहे. याची किंमत $399.99 असेल.

Surface Duo 2 : मायक्रोसॉफ्टचा हा दुसरा अँड्रॉइड फोन आता मात्र चांगल्या हार्डवेअरसोबत सादर करण्यात आला आहे. Snapdragon® 888 प्रोसेसर. 8.3″ Pixelsense Fusion डिस्प्ले, ट्रिपल लेन्स कॅमेरा, नव्या पेन्सिलचा सपोर्ट अशा गोष्टी यामध्ये देण्यात आल्या आहेत. याची किंमत $1499.99 (~ ₹१,११,०००) असणार आहे.

वरील पैकी बहुतेक सर्वच उत्पादने भारतात यावर्षी येणार नाहीत. मायक्रोसॉफ्ट नेहमी प्रमाणे ही जवळपास ६ ते ८ महिने उशिरा भारतात सादर करतं आणि ते सुद्धा तिथल्या पेक्षा अधिक किंमतीत! त्यांनी हा कालावधी आणि किंमती कमी केल्याशिवाय भारतात त्यांना चांगला प्रतिसाद मिळणं शक्यच नाही. सध्या केवळ काही ठरविक प्रो यूजर्सच यांचा वापर करताना दिसत आहेत.

The post मायक्रोसॉफ्ट इव्हेंट : Surface Laptop Studio, Surface Duo 2 फोन सादर! appeared first on MarathiTech - मराठीटेक.

मायक्रोसॉफ्टने काही महिन्यांपूर्वी जाहीर केलेला अँड्रॉइड स्मार्टफोन आता उपलब्ध करून देणार असल्याचं जाहीर केलं असून हा फोन आता १० सप्टेंबरपासून खरेदी करता येईल. या फोनमध्ये दोन स्वतंत्र डिस्प्ले असून ते जोडलेले आहेत. यामुळे याची घडी घालता येते. हे दोन्ही डिस्प्ले 5.6 इंची आहेत आणिहे AMOLED पॅनल्स आहेत. 4:3 असपेक्ट रेशो आणि 1800×1350 रेजोल्यूशन आहे. यांना 360 अंशात फिरणाऱ्या hinge द्वारे जोडण्यात आलं असून एकत्रित 8.1 इंची PixelSense Fusion Display मिळतो.

यामध्ये Snapdragon 855 प्रोसेसर असून 6GB रॅम आणि 256GB स्टोरेज आहे. 18W फास्ट चार्ज असलेली 3577mAh बॅटरी देण्यात आली आहे. Android 10 ही गूगलची ऑपरेटिंग सिस्टम यामध्ये देण्यात आली आहे हे विशेष! कॅमेरासाठी एकच 11MP सेन्सर देण्यात आला आहे! या फोनमध्ये सर्फेस पेन इनपुटचासुद्धा सपोर्ट आहे. इमेजेस, टेक्स्ट एका स्क्रीनवरून दुसऱ्या स्क्रीनवर ड्रॅग अँड ड्रॉप करता येईल! या फोनची किंमत $1,399 (~₹ १,०४,९९९) इतकी ठेवण्यात आली आहे

याबाबत नवी माहिती आल्यानंतर अनेकांनी यामधील हार्डवेअर जुनं असल्याची तक्रार केली आहे. गेल्यावर्षी हा फोन मायक्रोसॉफ्टतर्फे जाहीर झाल्यानंतर इतका काळ उलटून गेल्यावरही यामध्ये जुनच हार्डवेअर तेसुद्धा मर्यादित स्वरूपाचंच आहे. याची किंमत सुद्धा बरीच जास्त आहे. यामध्ये खास गोष्ट असेल ती म्हणजे वापरण्याच्या दृष्टीने मायक्रोसॉफ्टने तयार केलेलं खास सॉफ्टवेअर. दोन डिस्प्लेचा पुरेपूर वापर होईल अशा प्रकारे याचा युजर इंटरफेस डिझाईन करण्यात आला आहे.

The post मायक्रोसॉफ्टचा नवा अँड्रॉइड स्मार्टफोन : Surface Duo appeared first on MarathiTech - मराठीटेक.

मायक्रोसॉफ्टने सध्याची परिस्थिती लक्षात घेत कोणताही कार्यक्रम न घेता त्यांची सर्फेस उत्पादने काल जाहीर केली असून यामध्ये लॅपटॉप, टॅब्लेट्स, इयरबड्स, हेडफोन्सचा समावेश आहे. Surface Go 2 हा टॅब्लेट आता थोड्या मोठ्या स्क्रिनसह आणखी पॉवरफुल प्रोसेसरसह मिळेल. यामध्ये जवळपास १० तासांची बॅटरी लाईफ असेल. Surface Book 3 हा मायक्रोसॉफ्टचा नवा लॅपटॉप इंटेलच्या 10th Gen प्रोसेसरसह मिळेल. मॅकबुक प्रो सोबत थेट स्पर्धा असलेला हा लॅपटॉप टॅब्लेट म्हणून सुद्धा वापरता येतो हे विशेष!

Surface Go 2 मध्ये 10.5″ स्क्रीन, 4GB रॅम, 64GB स्टोरेज, 5MP कॅमेरा देण्यात आला आहे. यामध्ये टचस्क्रीन असून सर्फेस पेन सपोर्टसुद्धा आहे. याची किंमत $399 (~₹३०५००) इतकी आहे.

Surface Book 3 साठी 13.5″/15″ पर्याय उपलब्ध आहे. यामध्ये 8GB/16GB/32GB रॅम पर्याय आहेत तर स्टोरेजसाठी 256GB/512GB/1TB/2TB असे पर्याय आहेत. NVIDIA GeForce GTX 1660 Ti ग्राफिक्स कार्ड देण्यात आलं आहे. याची किंमत $1599 (~₹१,२१,५००) आहे.

सोबत Surface Headphones 2, Surface Earbuds व Dock 2 सुद्धा उपलब्ध करून देण्यात येत असून नव्या हेडफोन्सची बॅटरी लाईफ, आवाज सुधारण्यात आला आहे शिवाय यामध्ये आता Office 365 जोडण्यात आलं असून पॉवरपॉइंट, वर्डमध्येही याद्वारे सहज वापर करता येईल!हेडफोन्सची किंमत $249 तर इयरबडसची किंमत $199 इतकी आहे.

The post मायक्रोसॉफ्ट Surface Go 2, Surface Book 3 सादर : सोबत सर्फेस हेडफोन्ससुद्धा! appeared first on MarathiTech - मराठीटेक.

मायक्रोसॉफ्टने काल पार पडलेल्या मायक्रोसॉफ्ट इव्हेंटमध्ये त्यांच्या सर्फेस उत्पादनांची मालिका सादर केली असून यामध्ये Windows 10X ही ऑपरेटिंग सिस्टम, Surface Pro X, Surface Pro 7 हे टॅब्लेट, Surface Laptop 3 हा लॅपटॉप, Surface Neo हा ड्युयल डिस्प्ले असलेला टॅब्लेट, Surface Earbuds आणि Surface Duo हा ड्युयल डिस्प्ले अँड्रॉइड फोन यांचा समावेश आहे!
यामध्ये चर्चेचा विषय ठरत आहे तो म्हणजे मायक्रोसॉफ्ट सर्फेस ड्युओ हा अँड्रॉइड फोन! होय चक्क मायक्रोसॉफ्टने स्वतः ड्युयल डिस्प्ले असलेला अँड्रॉइड फोन सादर केला आहे!

नव्या प्रकारचं फोन डिझाईन असणारं हे डिव्हाईस गूगलच्या अँड्रॉइड टीमसोबत भागीदारी करून बनवण्यात येत असून एकाच फोनमध्ये दोन डिस्प्ले जोडून त्यांच्या अॅप्ससाठी योग्य वापर करता यावा या दृष्टीने बदल करण्यात आले आहेत! हा फोन २०२० मध्ये उपलब्ध होणार असून अद्याप याच्या चाचण्या सुरू आहेत. सध्याच्या डिझाईननुसार तर इंटरनेटवर अनेकांच्या सकारात्मक प्रतिक्रिया येत आहेत. गॅलक्सी फोल्ड या घडी घालता येणारा डिस्प्ले असलेल्या फोन ऐवजी लोकांची या सर्फेस ड्युओला अधिक पसंती दिसून येत आहे!

या फोनमध्ये दोन 5.6 इंची डिस्प्ले असतील जे ३६० अंशात घडी घालून फिरवता येतील. घडी उलगडल्यास 8.3 इंची डिस्प्ले असलेला टॅब्लेट स्क्रीन वापरण्यास मिळेल. यामध्ये ऑपरेटिंग सिस्टिम अँड्रॉइडची असून इतर सुविधा मायक्रोसॉफ्ट पुरवणार आहे. विंडोज फोनच्या अपयशानंतर मायक्रोसॉफ्टचा स्मार्टफोन मार्केटमध्ये पुनःप्रवेश करण्यासाठी नवा प्रयत्न म्हणता येईल. आता तो किती यशस्वी होऊ शकेल हे पुढच्या वर्षी पाहता येईल!

काल दाखवलेल्या डेमोवेळी असलेल्या फोनमध्ये Snapdragon 855 प्रोसेसर असला तरी प्रत्यक्ष फोन सादर होण्यास वेळ असल्याने त्यावेळी सर्वात वेगवान असलेल्या प्रोसेसरचा समावेश केला जाईल असंही मायक्रोसॉफ्टने सांगितलं आहे! 5G च्या समावेशाबद्दलसुद्धा हेच सांगण्यात आलं आहे. बाकी या फोनबद्दल काहीही माहिती यावेळी प्रसिद्ध करण्यात आलेली नाही.

Surface Neo : याला मायक्रोसॉफ्टचं स्वतःचं पहिलं ड्युयल डिस्प्ले टॅब्लेटसदृश डिव्हाईस म्हणता येईल. यामध्ये दोन ९ इंची डिस्प्लेंचा वापर केलेला आहे. हे गॅलक्सी फोल्ड प्रमाणे डिस्प्लेची घडी घातली जात नाही तर त्याऐवजी दोन स्वतंत्र डिस्प्लेच एकत्र जोडण्यात आले आहेत! हे उत्पादन डेव्हलपमेंट स्टेजमध्ये असून २०२० मध्ये उपलब्ध करून दिलं जाईल असं मायक्रोसॉफ्टने सांगितलं आहे. यासाठी स्वतंत्र कीबोर्ड तयार केला असून तो एका डिस्प्लवर ठेवून वापरता येतो. असे केल्यास त्या एका डिस्प्लेचा उर्वरित भाग टचबार प्रमाणे वापरता येईल आणि मायक्रोसॉफ्टने त्याला वंडरबार नाव दिलं आहे! व्हिडिओ : https://youtu.be/fssZICsV4Rg

The post मायक्रोसॉफ्टचा अँड्रॉइड स्मार्टफोन सादर! : Surface Duo मध्ये आहेत दोन डिस्प्ले! appeared first on MarathiTech - मराठीटेक.

मायक्रोसॉफ्टने काल पार पडलेल्या मायक्रोसॉफ्ट इव्हेंटमध्ये त्यांच्या सर्फेस उत्पादनांची मालिका सादर केली असून यामध्ये Windows 10X ही ऑपरेटिंग सिस्टम, Surface Pro X, Surface Pro 7 हे टॅब्लेट, Surface Laptop 3 हा लॅपटॉप, Surface Neo हा ड्युयल डिस्प्ले असलेला टॅब्लेट, Surface Earbuds आणि Surface Duo हा ड्युयल डिस्प्ले अँड्रॉइड फोन यांचा समावेश आहे!

Windows 10X : विंडोज १० ची एकापेक्षा अधिक डिस्प्ले असलेल्या डिव्हाईसेससाठी ऑपरेटिंग सिस्टिम Windows 10X या नावाने ओळखली जाईल. यावर आधारित नवा Surface Neo टॅब्लेटसुद्धा सादर करण्यात आला असून यामध्ये असलेल्या दोन डिस्प्लेचा सहज वापर करता येईल असे पर्याय Windows 10X मध्ये उपलब्ध करून देण्यात आले आहेत. या ओएसवर आधारित उत्पादने लवकरच बाजारात दिसू लागतील.

Surface Neo : याला मायक्रोसॉफ्टचं स्वतःचं पहिलं ड्युयल डिस्प्ले टॅब्लेटसदृश डिव्हाईस म्हणता येईल. यामध्ये दोन ९ इंची डिस्प्लेंचा वापर केलेला आहे. हे गॅलक्सी फोल्ड प्रमाणे डिस्प्लेची घडी घातली जात नाही तर त्याऐवजी दोन स्वतंत्र डिस्प्लेच एकत्र जोडण्यात आले आहेत! हे उत्पादन डेव्हलपमेंट स्टेजमध्ये असून २०२० मध्ये उपलब्ध करून दिलं जाईल असं मायक्रोसॉफ्टने सांगितलं आहे. यासाठी स्वतंत्र कीबोर्ड तयार केला असून तो एका डिस्प्लवर ठेवून वापरता येतो. असे केल्यास त्या एका डिस्प्लेचा उर्वरित भाग टचबार प्रमाणे वापरता येईल आणि मायक्रोसॉफ्टने त्याला वंडरबार नाव दिलं आहे! व्हिडिओ : https://youtu.be/fssZICsV4Rg

Surface Pro X : हा मायक्रोसॉफ्टचा नवा 2 in 1 टॅब्लेट असून यामध्ये १३ इंची डिस्प्ले देण्यात आला आहे. हा टॅब्लेट ARM आधारित असून या टॅब्लेटमध्ये Surface SQ1 chip ही त्यांनी Qualcomm सोबत भागीदारीत बनवलेली चिप पहायला मिळेल. सोबत USB-C, fast charging आणि integrated LTE support दिलेला आहे. 8GB/16GB रॅम, Microsoft SQ1 प्रोसेसर, Adreno 685 GPU, 2880 x 1920 (267 PPI) 13″ डिस्प्ले, सर्फेस पेन, डायल सपोर्ट, १३ तासांची बॅटरी लाईफ, 5MP फ्रंट, 10MP बॅक कॅमेरा, 128/256/512GB SSD स्टोरेज मिळेल. याची किंमत $999 असेल. व्हिडिओ : https://youtu.be/v5SFBpMiaiQ

Surface Earbuds : आता मायक्रोसॉफ्टने सुद्धा त्यांचे वायरलेस इयरबड्स आणले असून यांची यामध्ये टच जेश्चर्सद्वारे नियंत्रण करता येतं! अगदी पॉवरपॉइंट स्लाईड्ससुद्धा यांना स्पर्श करून पुढे ढकलता येतात! यामध्ये directional dual-array microphone चा समावेश आहे. यांची किंमत $249 असणार आहे. व्हिडिओ : https://youtu.be/EwxyD_dkGVA

Surface Pro 7 : मायक्रोसॉफ्टच्या या प्रसिद्ध टॅब्लेट मालिकेतलं नवं मॉडेल काल सादर झालं असून यामध्ये इंटेलचे 10th Gen प्रोसेसर असतील. आता यामध्ये USB Type C पोर्ट कनेक्टर देण्यात आला आहे. 4GB/8GB/16GB रॅम, i3/i5/i7 प्रोसेसर, 2736 x 1824 (267 PPI) 12.3″ डिस्प्ले, सर्फेस पेन, डायल सपोर्ट, १०.०५ तासांची बॅटरी लाईफ, 5MP फ्रंट, 8MP बॅक कॅमेरा, 128/256/512GB/1TB SSD स्टोरेज. याची किंमत $749 आहे व्हिडिओ : https://youtu.be/V4Hwi3o2X0E

Surface Laptop 3 : सर्फेस लॅपटॉपची नवी तिसरी आवृत्ती आता १३ व १५ इंची मॉडेल्समध्ये उपलब्ध होत आहे. याचा ट्रॅकपॅड २० टक्क्यांनी मोठा असेल. AMD Ryzen Surface Editionसुद्धा उपलब्ध करून देण्यात येत असून यामधील ग्राफिक्स कामगिरी सर्वोत्तम असेल असं मायक्रोसॉफ्टने सांगितलं आहे. याच्या १३” मॉडेलची किंमत $999 असून १५ इंची मॉडेलची किंमत $1199 आहे. व्हिडिओ : https://youtu.be/o3IQ1JrXnV8

The post मायक्रोसॉफ्ट Windows 10X, Surface Pro X, Pro 7, Surface Laptop 3 सादर! appeared first on MarathiTech - मराठीटेक.