Tips Archives - MarathiTech - मराठीटेक

जीमेलने सादर केलीये पाठवलेला ईमेल रद्द करण्याची सोय !

Sooraj Bagal — Wed, 24 Jun 2015 13:15:00 +0000

जीमेलने आज अधिकृतरीत्या Undo Send पर्याय जोडलाय ज्यामुळे आपण एखादा ईमेल अर्धवट किंवा चुकून सेंड केला तर आपण ती क्रिया रद्द करू शकतो ! खरेतर जीमेलने ही सुविधा 6 वर्षांपूर्वीपासून सुरू केली आहे मात्र केवळ काही टेस्टिंग कारणांसाठीच…. पण आता ही सोय सर्वांना उपलब्ध करून देण्यात आली आहे.

Gmail Undo Send कसे करावे ?

जीमेल वर जा आणि लॉगिन करा > mail.google.com
उजव्या कोपर्‍यात वरच्या बाजूला सेटिंग्सच चिन्ह असेल तिथे क्लिक करा आणि Settings निवडा
इथे Undo Send विभाग दिसेल
त्यातून तुम्हाला किती सेंकंदासाठी ही सुविधा हवी आहे म्हणजे किती सेकंडचा अवधी तुम्हाला Undo करण्यासाठी हवा आहे तो निवडा (5/10/20/30Sec)
आणि इथून पुढे Your message has been sent च्या बाजूला Undo नावाचा पर्याय दिसेल!

विशेष म्हणजे Gmail च्या नव्या अपडेटमध्ये outlook, Yahoo चे ईमेल देखील Gmail App मधूनच पाठवता येण्याची देखील सोय केलेली आहे !

The post जीमेलने सादर केलीये पाठवलेला ईमेल रद्द करण्याची सोय ! appeared first on MarathiTech - मराठीटेक.

अँड्राईड फोन अथवा टॅब्लेट हरवलाय/ चोरीला गेलाय ? शोधा तुम्हीच घरबसल्या सोप्या पद्धतीने..

Sooraj Bagal — Tue, 12 Aug 2014 23:44:00 +0000

आज आपण एका जबरदस्त app ची ओळख करून घेणार आहोत जे तुम्हाला तुमचा फोन / टॅब्लेट चोरीला गेल्यास अथवा हरवल्यास शोधण्यात मदत करेल …..

अॅन्ड्रॉइड डिवाइस मॅनेजर फीचर्स ::

● तुमच्या गूगल अकाऊंटने जोडलेले सर्व Android डिवाइस (मोबाइल, टॅब्लेट)शोधू शकता

● तुमच्या फोनचा Screen Unlock Pattern बदलू शकता तेही फोन प्रत्यक्ष हातात नसताना

● तुमच्या फोनवरील डाटा चोराच्या हाती लागू नये म्हणून सर्व डाटा पुसून टाकू शकता(Erase)

● तुमच्या फोनला ठराविक ठिकाणी शोधल्यानंतर नेमका कोणाकडे आहे हे समजण्यासाठी तुमच्या फोन Ring Full वॉल्यूम मध्ये वाजवू शकता तेही फोन हातात नसताना

● असाही एक पर्याय आहे ज्यात चोराला तुम्हाला फोन करण्यावाचून उपायच सापडणार नाही Call Me नावाच्या पर्यायाचा वापर करताच चोराला फोन वापरता येणार नाही व शेवटी त्याला आपणास कॉल करावाच लागणार

अॅन्ड्रॉइड डिवाइस मॅनेजर सुरू करण्यासाठी ::

Android Device Manager वापरण्याआधी तुम्हाला ते तुमच्या फोनवर सुरू (enable) करावे लागेल आणि त्याला तुमच्या गूगल अकाऊंटला जोडावे लागेल. मात्र ह्या App साठी फोनमध्ये इंटरनेट सुरू असायला हवे.

आणि हे app स्वतः गूगलने डेवलप केलेलं असल्यामुळे ह्याच्या इतका अचूक रिजल्ट दुसर्‍या कोणत्याही app मध्ये मिळणार नाही व दुसर्‍या कोणत्याही एकस्ट्रा app ची गरजही पडणार नाही

Android Device Managerतुमच्या फोन अथवा कोणत्याही अॅन्ड्रॉइड डिवाइसवरती सुरू करण्यासाठी खालील सुचनांनुसार सेटिंग्स करा.

तुमच्या डिवाइस च्या App Menu मधून गूगल सेटिंग्स उघडा .
त्यात Android Device Manager निवडा
तुम्हाला खालील पर्याय दिसतील ज्यातील ज्याची तुम्हाला गरज आहे ते पर्याय तुम्ही निवडू शकता :

Remotely locate this device :: तुम्ही Android Device manager तुमच्या डिवाइसची लोकेशन पहाण्यासाठी वापरू शकता. त्यासाठी ह्या ऑप्शन समोर असलेल्या बॉक्सवर टिक करा

For devices running 4.1 and higher: Location access सुद्धा सुरू असलेला हवा. तो सुरू करण्यासाठी,

Google Settings > Location आणि “Location” समोरील बटन सुरू करा.

Allow remote lock and factory reset :: तुम्ही Android Device Manager तुमच्या डिवाइसला रीमोटली लॉक करण्यासाठी वापरू शकता जेजेकरून तुमचं फोन हरवल्यास त्यातील महत्वाचा डाटा कोणाच्या हाती लागू नये. ह्या पर्यायाने तुम्ही डिवाइस लॉक करू शकता, त्यातील डाटा पुसून टाकू शकता, Screen Unlock Pattern सुद्धा बदलू शकता. त्यासाठी Allow Remote Lock and factory reset ऑप्शन वर टिक करा आणि त्याला ऑन करा.

ज्यावेळी “Activate device administrator” स्क्रीन डिस्प्ले होईल,तेव्हा स्क्रीनवरील सूचना वाचून Android device administrator अॅक्टिवेट करा.

तुमचा फोन ट्रॅक करण्यासाठी, लॉक करण्यासाठी, डाटा इरेज करण्यासाठी, पासवर्ड बदलण्यासाठी किंवा त्या फोनल तुम्हाला कॉल कर म्हणून सांगण्यासाठी खालील २ पर्याय आहेत ज्यासाठी तुम्हाला तुमच्या गूगल अकाऊंटची गरज पडेल.

Android Device Manager on Web : वेबसाइट वरून कम्प्युटर वापरुन
Android Device Manager on Android App on Play Store : हे app वापरुन तुम्ही मित्राच्या फोनवरून तुमचा फोन ट्रॅक करू शकता मात्र तुमच्या गूगल अकाऊंटवरूनच .

वेबसाइटच्या माध्यमातून ट्रॅक करण्यासाठी ह्या वेबसाइट वर जा

लिंक – www.google.com/android/devicemanager

तिथे गूगल अकाऊंटने लॉगिन करून तुम्ही अगदी सहज तुमचा हरवलेला फोन लोकेट करू शकाल

आणि दुसरी पद्धत जिच्या सहाय्याने तुम्ही तुमच्या मित्राच्या फोनवर app इंस्टॉल करा

लिंक – Android Device Manager – Play Store Download

ह्या App च्या सोबत तुमच्या गूगल अकाऊंटने लॉगिन करून त्या सर्व गोष्टी करता येतील ज्या तुम्ही Android Device Manager च्या वेबसाइटवरून करू शकता.

सारांश तुमचं android डिवाइस हरवण्याच किंवा हरवल्यानंतरच टेंशन नक्कीच कमी झालं असणार.

हा लेख मित्रांसोबतसुद्धा शेअर करा आणि त्यांनाही हे App नक्की घ्यायला सांगा जेणेकरून सर्वांनाच मदत होईल त्यांचा हरवलेला फोन शोधण्यात…..

जर ह्या App ने सुद्धा तुमच्या फोनला शोधण्यात अपयश येत असेल तर तुमच्या फोनचा IMEI क्रमांक जवळच्या पोलिस स्टेशनमध्ये जाऊन तक्रार नोंदवा तेच तुमची मदत करू शकतील.

IMEI क्रमांक कसा पहावा यासाठी हा लेख वाचा > लिंक – How-to-find-out-the-IMEI-number-of-mobile-phone

The post अँड्राईड फोन अथवा टॅब्लेट हरवलाय/ चोरीला गेलाय ? शोधा तुम्हीच घरबसल्या सोप्या पद्धतीने.. appeared first on MarathiTech - मराठीटेक.

ओलाव्यापासून वाचवा ‘स्मार्टफोन’

Sooraj Bagal — Sat, 21 Jun 2014 22:40:00 +0000

मोबाइल हॅण्डसेट घेताना आपण वॉरटी, गॅरंटी बघूनच खरेदी करतो. तसेच आपल्याला हॅण्डसेटसोबत मिळणाऱ्या सेवेचाही आपण विचार करतो. अनेक वेळा मोबाइल खराब होतो. वॉरंटी काळात कंपनी आपल्या मोबाइल रिपेअर करून देते किंवा नवीन हॅण्डसेटही देते. मात्र, पाण्यामुळे हॅण्डसेट खराब झाला तर त्याला कंपनीतर्फे कोणतेही संरक्षण (‘कव्हर’) मिळत नाही. पावसाळा सुरू झाल्याने अनेकदा हॅण्डसेट भिजण्याची शक्यता अधिक असते. यामुळे पाण्यापासून किंवा ओलाव्यापासून (मॉइश्चर) ‘स्मार्टफोन’ला वाचविण्यासाठी पुढील पर्याय वापरता येऊ शकतात.

* बॅटरीचे स्टिकर चेक करा

‘स्मार्टफोन’ ओला झाला किंवा भिजला तर तात्काळ बॅटरी चेक करा. साधारणतः बॅटरीसाठी व्हाइट टिनी स्टिकर्स वापरले जातात. यामुळे हॅण्डसेटमध्ये ओलावा निर्माण झाला तर हे स्टिकर गुलाबी किंवा लाल रंगाचे होते. यामुळे हॅण्डसेट ओला झाला तर सर्वप्रथम बॅटरी चेक करणे गरजचे आहे.

* हॅण्डसेट तात्काळ स्विच ऑफ करा

हॅण्डसेट भिजल्यानंतर लगेव स्विच ऑफ करा. यांनतर टॉवेल, पेपर किंवा कपड्याने कोरडा करा. बॅटरी, सिम कार्ड, मेमरी कार्ड हॅण्डसेटमधून काढून कोरडे करा. तसेच हेडफोन, कव्हर पोर्टस् व इतर अॅक्सेसिरीज हवेत वाळत ठेवा.

* डिव्हाइस स्वच्छ करा

नरम कपड्याने सर्व डिव्हाइस स्वच्छ करा. शक्य असेल तर छोट्या व्हॅक्युम क्लिनरने हॅण्डसेटमधील पाणी बाहेर काढा. व्हॅक्यूम क्लिनरने हॅण्डसेटच्या अधिक जवळ नेऊ नका. अन्यथा हॅण्डसेटला धोका पोहचू शकतो. तसेच हेअर ड्रायरचा वापर करू नका.

* हॅण्डसेट तांदळात ठेवा

पावसाळ्यात हॅण्डसेट ओला होण्याची शक्यता अधिक असते. यामुळे प्लॅस्टिक बॅग जवळ बाळगा. तसेच, कच्च्या तांदळात ओला हॅण्डसेट ठेवला तर मॉइश्चर कमी होते.

* चोवीस तास वाट पहा

हॅण्डसेट कोरडा झाल्यानंतर लगेच चालू करू नका. चोवीस तास वाट पहा. हॅण्डसेट आधी स्वच्छ करा, सर्व डिव्हाइस, पोर्ट्स सर्व्हिसेस चेक करा. मोबाइल थोडा रिचार्ज करा. फोन ‘बूट’ होत नसेल तर बॅटरी काढून जवळच्या सर्व्हिस सेंटरमध्ये तपासून बघा.

* हवेत ठेवा

हॅण्डसेट ओला झाल्यानंतर ड्राय करण्यासाठी हवा सर्वात मदतकारक ठरते. मात्र, पंख्याखाली किंवा खुल्या रुममध्ये तुमचे गॅजेट ठेवू नका. तसेच त्यावर हेअर ड्रायरचा उपयोग करू नका. गरम व अशुध्द हवा तुमच्या गॅजेटसाठी धोकेदायक ठरू शकते. यापेक्षा मोकळ्या जागेत काही मिनिटे फोन ठेवल्यास हिताचे ठरेल.

The post ओलाव्यापासून वाचवा ‘स्मार्टफोन’ appeared first on MarathiTech - मराठीटेक.

जुन्या स्मार्टफोनचे ‘फर्स्ट क्लास’ पर्याय

Sooraj Bagal — Tue, 27 May 2014 23:24:00 +0000

अनेकदा आपण फीचर्स आवडल्यामुळे किंवा इतर काही कारणांमुळे एक स्मार्टफोन असताना नवीन स्मार्टफोन घेतो. अनेकजण तर हौस म्हणून महिन्याला स्मार्टफोन बदलत असतात. अशावेळी जुन्या स्मार्टफोनचं काय करावं? असा प्रश्न पडतो. अनेकदा हा फोन घरातच कुठे तरी पडून असतो किंवा काही शे रुपयांसाठी हा फोन आपण दुकानदारालाही विकतो. त्याऐवजी तुमचा हा ‘सेकण्ड’ स्मार्टफोन तुम्हाला काही ‘फर्स्ट क्लास’ पर्याय देऊ शकतो. त्यापैकीच हे टॉप १२ पर्याय…

व्हिडीओ चॅट टर्मीनल

व्हिडीओ चॅट टर्मीनल जर तुमच्या स्मार्टफोनला वायफायचा अॅक्सेस असेल, तर कॉल करण्याची खरंतर गरजच नाही; कारण तुम्ही यासाठी तुमचा जुना स्मार्टफोन ‘व्हिडीओ चॅट टर्मीनल’ म्हणून वापरू शकता. या फोनवर ‘गूगल हॅगआऊट’ किंवा ‘स्काइप’सारखे अॅप्स इन्सटॉल करुन सरळ एखाद्याला व्हिडीओ कॉल करु शकता. तुम्ही ही कल्पना तुमच्या ऑफीसमध्येही वापरु शकता.

ई रीडर किंवा इतर भाषा शिकण्यासाठी

जर तुम्हाला ‘ई बुक्स’ किंवा पीडीएफ जास्त वाचाव्या लागत असतील किंवा वाचायला आवडत असतील, तर तुम्ही तुमच्या जुन्या स्मार्टफोनला ‘ई रीडर’ सारखं वापरु शकता. या फोनमध्ये ‘गूगल प्ले बुक्स’, ‘अॅमेझॉन किंडल’ सारख्या प्लॅटफॉर्मवरुन ‘ई बुक्स’ वाचू शकता. तसंच तुम्ही इतर भाषा शिकण्यासाठी तुमचा जुना फोन वापरु शकता. यामध्ये अगदी ‘की बोर्ड’ अॅप्ससारख्या अॅपमार्फत परदेशी भाषा टाइप करण्यापासून ती शिकण्यापर्यंत अनेक पर्याय उपलब्ध आहेत. यासाठी ‘गूगल प्ले’वर किंवा ‘प्लेमार्केट’वर भाषांशी संबंध‌ित अॅप्स डाऊनलोड करू शकता.

डेक्सटॉप कॅलेण्डर

तुमच्या ऑफीसमध्ये किंवा अगदी घरच्या कम्प्युटरडेस्कवरील जुन्या कॉलेण्डरऐवजी तुमचा जुना स्मार्टफोन डिज‌िटल डेक्सटॉप कॅलेण्डर म्हणून वापरु शकता. गूगलवरील ‘नेट‌िव्ह अॅण्ड्रॉइड कॅलेण्डर’ अॅप्लिकेशन हे बेस‌िक अॅप तुम्ही सुरुवातीला वापरु शकता. या डिज‌िटल कॅलेण्डरमध्ये तुम्ही नोट्स, वाढदिवस, मीटिंग आणि रिमाईंडर्स सेव्ह करुन ठेवू शकता.

वायरलेस राऊटर

स्मार्टफोनमधील हॉटस्पॉट फीचर वापरुन तुमचा जुना फोन पोर्टेबल राऊटर म्हणून वापरता येईल. जुन्या फोनमधील सीम कार्डवरुन थ्री जी डेटा प्लॅन वापरुन फोनचा चांगला वापर करता येईल. या फोनवरुन इतर डीव्हाइसला (लॅपटॉप, टॅबलेट आणि फोनला) नेट कनेक्ट‌िव्ह‌िटी देऊ शकता. यामुळे प्रत्येक डिव्हाइसला वेगळं सीम कार्ड आणि डेटा प्लॅन घेण्यापेक्षा एका डेटा प्लॅनवर तुम्ही अनेक डिव्हाइस वापरु शकता.

टीव्ही मीड‌िया प्लेयर

तुमच्या स्मार्टफोनला टीव्ही आऊट (एमएचएल किंवा एचडीएमआय आऊट) असेल, तर तुम्ही हा फोन टीव्हीवरील प्लॅश बेस मीडिया प्लेअर म्हणून वापरु शकता. तुमच्या या फोनसाठी जास्त क्षमतेचं मेमरी कार्ड (३२ ते ६४ जीबी) वापरुन सिनेमे आणि गाणी त्यावर कॉपी करता येतील. त्यानंतर एमएचएल आणि एचडीएमआय केबल वापरुन तुम्ही तुमचा स्मार्टफोन आणि टीव्ही कनेक्ट करुन आपल्या आवडत्या मुव्हीज आणि गाण्यांचा आनंद घेऊ शकता. यावेळी फोन चार्ज‌िंगला लावल्यास जास्त चांगलं; कारण जास्त वेळ मीडिया आऊटपूट दिल्याने बॅटरी लवकर संपते. तसंच तुमचा फोन आणि टीव्ही डीएलएनए किंवा मीरकास्टला सपोर्ट असल्यास तुम्ही वायर कनेक्ट न करताही सिनेमे आणि गाणी पाहू शकता.

अॅप्लिकेशन टेस्टर

सध्या अॅन्ड्रॉइड, ब्लॅकबेरी, आयओएस किंवा विंडोज कोणतीही ऑपरेट‌‌‌िंग सीस्टीम असली तरी एकंदरीतच सर्वच स्मार्टफोनवरील अॅप्लिकेशनची संख्या वाढत आहे. मात्र अनेकदा अॅप्लिकेशन इंस्टॉल करेपर्यंत ते अॅप्लिकेशन चांगलं की वाईट हे समजत नाही. या अडचणीवरील उपाय म्हणजे तुम्ही तुमचा स्मार्टफोन अॅप्लिकेशन टेस्टर म्हणून वापरू शकता. आधी जुन्या फोनवर अॅप्लिकेशन इन्स्टॉल करुन ते आवडल्यासच ते नव्या फोनमध्ये इन्स्टॉल करु शकता. तसंच तुमच्या जुन्या फोनवर तुम्ही कस्टम रॉम तपासून बघू शकता. कस्टम रॉममुळे तुम्हाला लेटेस्ट ऑपरेटिंग सीस्टीम टेस्ट करणं, तसंच गरजेचे नसणारे बोल्टवेअर आणि अॅनिमेशन इफेक्ट काढण्यासाठी वापरू शकता.

वायरलेस सेक्युरिटी कॅमेरा

आज असे अनेक अॅप्लिकेशन्स मार्केटमध्ये उपलब्ध आहेत, जे तुमच्या फोनला एखाद्या वायरलेस कॅमेऱ्याप्रमाणे वापरण्यास मदत करतात. अँड्रॉइडमध्ये आयपी वेबकॅम किंवा आयओएसवर आयव्हीजीलो स्मार्टकॅम हे अॅप्लिकेशन वापरुन तुम्ही मोबाईलवर व्हिडीओचे लाइव्ह स्ट्रीम‌िंग करू शकता, जे तुम्हाला कोणत्याही वेब ब्राऊझरवर किंवा स्मार्टफोनमधील कोणत्याही व्हिडीओ प्लेअरवर बघता येईल. ही अॅप्लिकेशन इंस्टॉल असणाऱ्या वायफाय कनेक्टेड स्मार्टफोनला चार्जर लावून तुम्ही हे शूटिंग करू शकता. तुम्ही क्वॉलिटी आऊटपूटसाठी अँड्रॉइड, आयओएस, विंडोज, ब्लॅकबेरी आणि सिंम्बीयन ऑपरेटिंग सिस्टीमवर उपलब्ध असणा-या मोबोला वेबकॅमेरा अॅप हे पेड अॅप्लिकेशन वापरू शकता.

गेमींग डिव्हाइस

अनेकदा आपल्याला फोनवर प्रवासादरम्यान गेम्स खेळून चांगला टाइमपास होतो. मात्र रोजच्या वापरातल्या फोनवर अधिक गेम्स अॅप डाऊनलोड केल्यास फोन मेमरी भरते किंवा फोन स्लो होतो. तसंच एकाच प्रकारचे अनेक गेम्स असल्याने कोणता गेम डाऊनलोड करायचा हेच अनेकदा समजत नाही. म्हणून जुन्या फोनवर तुम्ही एकाच साच्यातले वेगवेगळे गेम्स खेळू शकता. त्यातल्या त्यात सर्वात जास्त आवडणारे गेम तुम्ही तुमच्या रोजच्या फोनवरही डाऊनलोड करु शकता.

जीपीएस नॅव्हीगेशन गूगल मॅप आणि नेव्ह‌िगेशन

तुमच्या अॅन्ड्रॉइड फोनवर फुकट उपलब्ध आहे. तुम्ही हे गाडी चालवताना दिशादर्शक म्हणून वापरु शकता. याशिवाय तुम्हाला मॅम माय इंडिया हे अॅप्लिकेशन वापरु शकता. मॅप माय इंडियामधील लोकेशन, इमारती आणि रस्त्यांचे ग्राफ‌िक्स बरेच चांगले आहेत. म्हणजेच तुमच्याकडे जुना अॅण्ड्रॉइड फोन असल्यास तो तुम्ही गाडीमध्ये फिक्स करुन ठेवा, ज्यामुळे तुम्हाला गाडीसाठी वेगळा जीपीएस नेव्हीगेटर घेण्याची गरज नाही. तुमच्या गाडीमध्ये फक्त मोबाइल माऊट स्टॅण्ड आणि जेनेरिक मायक्रो युएसबी १२व्ही कार चार्जरने बॅटरी चार्ज करण्याची गरज आहे. या दोन्हीची किंमत एकत्र‌ितपणे ३०० किंवा त्याहून कमी आहे. तुम्ही कार डॅसबोर्ड अॅप्लिकेशन वापरु शकता. या अॅपमधील इंटरफेस सोपा असून मोठे आयकॉन्स, आणि व्हाइस कमांडचे पर्याय आहेत. तुम्ही या सर्वांचा एकत्रितपणे वापर करु शकता.

कम्प्युटर रिमोट

जर तुमच्याकडे डेक्सटॉप किंवा टीव्हीला कनेक्टेड मायक्रो पीसी असेल, तर तुम्ही तुमच्या मोबाइलवरुन तुमचा कम्प्युटर हाताळू शकता. सामान्यपणे वायरलेस की बोर्ड आणि माऊसशिवाय तुम्ही तुमच्या स्मार्टफोनवरुन कंम्प्युटरवर नेट ब्राऊसिंग करु शकता. मोबाइल माऊस लाइट हे अॅप्लिकेशन आणि www.mobilemouse.com या साइटवरुन सर्व्हर सॉफ्टवेअर डाऊनलोड करणं गरजेचं आहे. स्मार्टफोन आणि पीसी दोन्ही एकाच वायफाय नेटवर्कवर कनेक्टेड असल्यास वरील सॉफ्टवेअरील टीप्स तुम्हाला दोन्ही डिव्हाइस सिक्रो करण्यास मदत करतील. मोबाइल माऊस अॅपमुळे कंम्प्युटरच्या माऊस, कीबोर्डऐवजी स्मार्टफोन वापरुन काम करु शकता. तसंच या रिमोटवरुन व्हिएलसीसारख्या प्लेअर, प्रेझन्टेशनसाठी वापरण्याच्या रिमोट म्हणूनही हा सिंक्रो केलेला स्मार्टफोन वापरु शकता. थोडक्यात म्हणजे तुम्ही काही फुटावर बसून हवेत स्मार्टफोन फिरवून त्याचा माऊससारखा वापर करू शकता. फोनवरुन फोटो किंवा इतर माहिती स्टोअर केल्यानंतर मेमरी कॅपॅस‌िटी संपली असेल, तर तुम्हाला तुमचा दुसरा स्मार्टफोन उपयोगी ठरु शकतो. तुम्ही सध्या उपयोगाची नसलेली माहिती दुस-या स्मार्टफोनच्या मेमरी कार्डवर ट्रान्सफर करु शकता.

एखाद्या अॅन्ड्रॉइड फोन डेटा बॅकअप डिव्हाइस म्हणून वापरायचा असेल, तर त्या फोनमध्ये मायक्रो एसडी कार्ड स्लॉट आणि युएसबी होस्ट कॅपेबल‌िटी असणं गरजेचं आहे. ३२ जीबीचं मेमरी कार्ड एक हजारापर्यंत मिळू शकतं, तर युएसबी कॉड शंभर रुपयांपासून उपलब्ध आहे. मेमरी कार्ड रिडरने फोनच्या मेमरी कार्डमधील डेटा आणि फोटो कंम्प्युटरवर ट्रान्सफर करू शकता. तसंच युएसबी फ्लॅश ड्राइव्ह मधूनही डेटा ट्रान्सफर करु शकता.

आपात्कालीन स्थिती बॅकअप फोन

कोणत्याही फोनवरुन सिमकार्ड नसतानाही तुम्ही इमर्जन्सी कॉल करु शकता. त्यामुळे बाहेर फिरायला जाताना तुमचा जुना फोन पूर्णपणे चार्ज करुन बॅगमध्ये ठेवून द्यावा. अनपेक्षित घटना घडली, तर तुम्ही तुमचा हा बॅकअप फोन वापरु शकता. तसंच जुने अॅण्ड्रॉइड फोन विकून काही हजार घेण्यापेक्षा हे फोन घरी ठेवल्यास एखादा फोन हरवल्यास, हे फोन उपयोगी येऊ शकतात.

>> स्वप्निल घंगाळे

The post जुन्या स्मार्टफोनचे ‘फर्स्ट क्लास’ पर्याय appeared first on MarathiTech - मराठीटेक.

अँड्रॉइडच्या समस्या

Sooraj Bagal — Sun, 25 May 2014 12:46:00 +0000

अँड्रॉइड स्मार्ट फोन वापरताना मोबाइल युझर्सना सतत मोबाइल हँग होणे, डाऊनलोडिंग संथ गतीने होणे अशा प्रकारांना तोंड द्यावे लागते. त्यामुळे अनेकदा मोबाइल वापरताना वैताग येतो. मात्र, यावरील पर्याय अगदी सोपा आहे. या समस्यांवर तोडगा काढण्यासाठी काही टिप्स…

फ्री स्टोरेज स्पेस

सतत फोनची मेमरी फुल होणे, ही अँड्रॉइड युझर्सना सर्वाधिक भेडसावणारी समस्या. स्मार्ट फोनच्या इंटर्नल मेमरीमधील खूप सारी जागा अॅप्स डाऊनलोड केल्यानंतर त्याला सपोर्ट करणाऱ्या फाइल्स, फोटो व्यापतात. या फाइल्समुळे बऱ्याचदा मोबाइल हँग होणे, अॅप्लिकेशन नीट न चालणे या अडचणी येतात. यावर मायक्रो एसडी कार्डचा वापर, हा एक उत्तम उपाय आहे. याद्वारे इंटर्नल मेमरीमधील अनावश्यक गोष्टी मायक्रो एसडी कार्डमध्ये टाकता येतात. यासाठी AppMgr III हे अॅप अत्यंत उपयोगी आहे.

रॅम फ्री

अॅप सुरू असताना रॅमचा सर्वाधिक वापर होतो. मात्र, अनेकदा दोन जीबीहून अधिक रॅममध्ये कुठलीही अडचण येत नाही. पण, एक जीबी आणि त्यापेक्षा कमी क्षमतेच्या रॅममध्ये अॅप्स इन्स्टॉल करताना मोबाइल संथ गतीने चालणे किवा हँग होण्यासारखे प्रकार होतात. विशेषतः सिस्टीम अॅप्स वापरताना ही अडचण प्रामुख्याने जाणवते. मात्र, सिस्टीम अॅप्स डिव्हाइसवर असणे अत्यंत गरजेचे असते. त्यामुळे अशावेळी रॅममध्ये स्पेस फ्री असणे गरजेचे असते. यासाठी ‘क्लिन मास्टर’ नावाचे अॅप उपलब्ध असून यामुळे तुमचा अँड्रॉइड फोन योग्य स्थितीत राहू शकतो. ‘क्लिन मास्टर’ इंटर्नल मेमरी नियंत्रणात ठेवण्यातही मदत करते. त्याचबरोबत यात असलेल्या अॅप अनइन्स्टॉलरने मोबाइलमधील टेंपररी फाइल्स बाहेर काढण्यास मदत होते.

परफॉर्मन्स वाढविण्यासाठी

हँडसेट थोडा जुना झाल्यानंतर तो वापरताना अनेक अडचणी येतात. अॅप्स कार्यरत होताना वेळ लागणे, व्हिडिओ, मोबाइल स्लो चालणे यासारख्या बाबींमुळे हँडसेट वापरताना प्रचंड मनस्ताप होतो. या अडचणी टाळण्यासाठी काही उपाय करता येऊ शकतात. आपण हँडसेट सुरू केल्यानंतर नकळत अनेक अॅप्स आणि विजेट्स कार्यरत असतात. ते बॅकग्राऊंडमध्ये सुरू असले तरी त्यात मेमरी मोठ्या प्रमाणात कन्झ्युम होते. आपल्या उपयोगाची नसलेली अॅप्स आणि विजेट्स ‌डिलीट केल्यास मोबाइल युजर्सला अॅण्ड्रॉइड वापरताना चांगले रिझल्टस मिळतात. त्याचबरोबर अनेक फॅन्सी मेन्यू अॅनिमेशन इफ्केटही बंद करून अॅड्रॉइडची कार्यक्षमता वाढवू शकतात.

अॅंटीवायरस वापरा :
360 security हा झकास अॅंटीवायरस असून तो मेमोरी बद्दलही काम करतो तसेच एसएमएस लॉक app लॉक सारखे features सुद्धा देतो

The post अँड्रॉइडच्या समस्या appeared first on MarathiTech - मराठीटेक.