मायक्रोसॉफ्टने Copilot चा नवीन Fall Release जाहीर केला आहे, ज्यात AI सहाय्यकाला जास्त मानवी, जास्त कामात येणारा व आपल्याशी नीट संवाद साधणारा बनवण्याचा प्रयत्न केला गेला आहे.
याचसोबत Windows 11 वर AI अनुभवांकडे लक्ष देऊन प्रत्येक Windows 11 PC ला एक AI PC बनवणे या दृष्टिकोनातून नवीन Agentic फीचर्स जाहीर झाले आहेत. याचाच भाग म्हणून पूर्ण ओएसमधील गोष्टी करण्यासाठी आपण आता Copilot ची मदत घेऊ शकतो!

आता विंडोज आणि Copilot द्वारे एक नवा Mico नावाचा Companion मिळणार असून हा एक blob आकाराचा असिस्टंट जो आपण ज्याप्रकारे बोलत आहोत त्याचा अभ्यास करून उत्तरे देतानासुद्धा वेगवेगळे हावभाव आणि आवाजात चढउतार करून उत्तरे देईल ! विशेष म्हणजे यामध्ये गंमत म्हणून त्यांनी जुन्या विंडोजमध्ये एकेकाळी उपलब्ध असलेल्या Clippy ला सुद्धा आणलं आहे. Mico च्या डिझाईनसाठी मिळणारे वेगवेगळे पर्यायांमध्ये Clippy सुद्धा मिळेल.

Copilot Vision सारख्या सोयीमुळे आपण शब्दशः आपल्या स्क्रीनवर दिसत असलेल्या गोष्टीबद्दल प्रश्न विचारून ती अडचण Copilot कडून दूर करून घेऊ शकतो!

Copilot Fall Release मधील मुख्य वैशिष्ट्ये या अपडेटमध्ये एकूण १२ मोठ्या वैशिष्ट्यांचा समावेश आहे. त्यातील काही महत्वाच्या गोष्टी खालीलप्रमाणे:

• ग्रुप्स (Copilot Groups): ३२ लोकांसोबत एकत्र ब्रेनस्टॉर्मिंग करा. कॉपायलट चर्चा सारांश तयार करतो, त्यानुसार मते तपासतो आणि टास्क वाटप करतो. टीम वर्कसाठी परफेक्ट!
• इमॅजिन (Imagine): एकमेकांच्या AI Generated Conntent आयडियाज एकत्र करा आणि रिमिक्स करा. कलाकुसर किंवा मार्केटिंग आयडियाजसाठी उत्तम.
• रिअल टॉक (Conversation Styles): कोपायलट आता तुमच्या स्टाइलनुसार बोलतो. तो तुम्हाला उपयुक्त होईल अशा मार्गाने चर्चा करेल.
• मेमरी अँड पर्सनलायझेशन (Memory & Personalization): कॉपायलट आता तुमची जुनी बोलणी आठवते – जसं ट्रेनिंग प्लॅन किंवा वार्षिकोत्सव. तुम्ही ते संपादित किंवा डिलीटही करू शकता. हे तुमचा ‘सेकंड ब्रेन’ सारखे आहे.
• कनेक्टर्स (Connectors): वनड्राइव्ह, आउटलुक, जीमेल, गुगल ड्राइव्ह सारख्या अॅप्सशी जोडा. “माझी डेंटिस्ट अपॉइंटमेंट कधी?” असं बोलून विचारा आणि लगेच त्या App मध्ये माहिती अभ्यासून उत्तर मिळेल.
• Proactive Actions : कोपायलट आता स्वतः सुचवतो की पुढे काय करायचं, जसं रिसर्चमध्ये नेक्स्ट स्टेप्स.
• कॉपायलट फॉर हेल्थ (Copilot for Health): आरोग्य विषयक प्रश्नांसाठी विश्वसनीय माहिती (हार्वर्ड हेल्थवरून) आणि डॉक्टर शोधण्यात मदत. सध्या अमेरिकेत उपलब्ध.
• लर्न लाइव्ह (Learn Live): अभ्यासासाठी व्हॉइस-बेस्ड ट्यूटर. स्वतःचा वैयक्तिक शिक्षक असल्याप्रमाणे आपल्याला प्रश्न विचारून शिकवतो, थेट उत्तर देण्याऐवजी तो विषय समजावून सांगतो.
• Copilot Mode in Edge : ब्राउजरमध्ये AI द्वारे टॅब्स सारांश मिळवा, हॉटेल बुक करा किंवा फॉर्म भरायला लावा. आपल्या बोलण्याप्रमाणेनेही कृती करेल.
• Copilot Pages and Copilot Search : एकाचवेळी अनेक फाइल्स अपलोड करा आणि त्या सर्वांचं एकत्र विश्लेषण AI मार्फत करून घ्या.

या फीचर्समुळे कोपायलट तुम्हाला मदत करेल पण हे करताना गरजेचा असलेला डेटा आणि इतर कंट्रोल तुमच्याकडे राहतो. हे अपडेट सुरुवातीला अमेरिका, यूके, कॅनडा येथे उपलब्ध होणार असून नंतर हळूहळू इतर ठिकाणी येईल.

विंडोज ११ वर एआय आणखी सोपे: नवे कोपायलट आणि Agentic Features : या रिलीजने प्रत्येक विंडोज ११ पीसीला एआय पीसी बनवलं आहे. तुम्ही “Hey Copilot” म्हणून बोलू शकता आणि तो तुमचं बोलण ऐकायला तयार होईल.

• Copilot Vision आता जगभर उपलब्ध – आपली स्क्रीन पाहून टिप्स देणे, जसं रेझ्युमे मध्ये योग्य बदल करणे किंवा गेम खेळण्यात मदत.
• टास्कबारवर असलेल्या नव्या Ask Copilot बटणाने एका क्लिकमध्ये एआय सुरू करा. लोकल फाइल्सवर अॅक्शन्स घ्या, जसं फोटोज सॉर्ट करा किंवा पीडीएफ वाचा.
• Agentic फीचर्स मध्येही एआय तुमच्या परवानगीने काम करतो, जसं वेबसाइट तयार करणे, कोडचा अभ्यास करून bugs काढून टाकणे किंवा व्हिडिओ एडिट करणे. गेमिंगसाठीही कोपायलट बीटा उपलब्ध होतो आहे.

मायक्रोसॉफ्ट गेल्या काही दिवसात AI च्या शर्यतीत थोडंसं मागे पडत असल्याची जाणीव होताच भसाभस AI फीचर्स आणत आहे पण या सोयी उपयुक्त असल्या तरी एकाचवेळी अनेक नव्या गोष्टी आणि त्यात व्यवस्थित माहिती देणारं UI डिझाईन नसल्याने वापरकर्त्यांना अडचणीच्याच ठरणार आहेत. Copilot एज ब्राऊजरमध्येही उघडल्यावर बऱ्याच गोष्टी स्क्रीनवर दिसू लागतात ज्यांची त्यावेळी आपल्याला गरज नसते.

हल्ली ट्रेंडनुसार सगळ्याच गोष्टी AI AI AI म्हणत प्रत्यक्ष वापर आणि युजर्सना एकंदरीत AI फीचर्सची गरज याकडेही लक्ष द्यायला हवं. AI फीचर्सच्या नादात मूळ सॉफ्टवेअर/वेबसाइटचा वापर कोणत्या गोष्टीसाठी होतो तेच बाजूला गेल्यासारखं होईल…

The post विंडोज ११ मध्येही AI Copilot : नवा Mico आणि सोबत Clippy देईल उत्तरे! appeared first on MarathiTech - मराठीटेक.

आज सकाळी जवळपास १०-११ पासून जगभरातील मायक्रोसॉफ्ट विंडोज ओएस इंस्टॉल असलेले पीसी Crowdstrike या कंपनीने केलेल्या चुकीच्या अपडेटमुळे बंद पडले आहेत. आज झालेल्या या सर्व प्रकारामुळे या घटनेला आजवरचा सर्वात मोठा Outage म्हणता येईल. Crowdstrike ही एक क्लाऊड सुरक्षा देणारी कंपनी आहे जिची सेवा या जगभरातील कंपन्या वापरतात.

Outage म्हणजे अचानक काही काळासाठी ठराविक सेवा पूर्णपणे बंद पडणे. (उदा. Power Outage म्हणजे वीजपुरवठा खंडित होणे.) आता सर्व सोशल मीडिया आणि न्यूज मीडिया वर याला मायक्रोसॉफ्ट विंडोज क्रॅश, विंडोज Outage वगैरे म्हटलं जात असलं तरी हा प्रॉब्लेम फक्त Crowdstrike ची सेवा वापरणाऱ्या विंडोज पीसीवरच झाला आहे. मॅक आणि लिनक्स आधारित कम्प्युटर्सवर ही अडचण आली नाही. शिवाय हे सर्व प्रॉब्लेम वर्क पीसीना झाल्यामुळे तुम्ही घरी वापरात असलेल्या कम्प्युटर/लॅपटॉपबद्दल चिंतेत असाल तर तुम्हाला चिंतेचं काही कारण नाही.

या कंपनीने आज त्यांची सेवा वापरणाऱ्या पीसीवर एक अपडेट पाठवलं ज्यामुळे विंडोज ऑपरेटिंग सिस्टममधील Hosts मधील काही फाइल्समध्ये नको असलेले बदल झाले आणि यामुळे पीसी BSOD म्हणजेच Blue Screen Of Death मध्ये गेले. या स्टेटमध्ये तुमच्या स्क्रीनवर एक ब्ल्यु स्क्रीन आलेली असते ज्यावर ही अडचण कशामुळे आलेली असू शकते आणि त्यावर रिस्टार्ट करण्याचा पर्याय दिलेला असतो. मात्र आज झालेल्या प्रॉब्लेममुळे पीसी/कम्प्युटर जरी रिस्टार्ट केला तरी पुन्हा त्याच स्क्रीनवर येत आहे. याला Bootloop म्हणतात.

• अनेक देशांमधील बँका, हॉस्पिटल्स, विमानतळे, सुपरमार्केट, टीव्ही चॅनल्स, रेल्वे सेवा ठप्प झाल्या होत्या
• भारतातसुद्धा विमानसेवा, अनेक कंपन्यांचं दैनंदिन कामकाज आणि काही ठिकाणी बँक सेवा विस्कळीत

या कंपनीमुळे झालेल्या गोंधळाने या कंपनीचे शेयर पडले आहेत. Pre Market किंमत जवळपास १० ते २० टक्क्यानी घसरली आहे!

यावर तात्पुरता उपाय त्यांच्या वेबसाइटवर प्रकाशित करण्यात आला होता.

1. Boot Windows into Safe Mode or the Windows Recovery Environment
2. Navigate to the C:\Windows\System32\drivers\CrowdStrike directory
3. Locate the file matching “C-00000291*.sys”, and delete it.
4. Boot the host normally.

भारताच्या MEITY माहिती व तंत्रज्ञान मंत्रालयाने मायक्रोसॉफ्टसोबत संपर्क साधून यावर उपाय काढण्याचा प्रयत्न सुरू केला होता अशी माहिती प्रकाशित केली.

Crowdstrike च्या प्रमुखांनी एक्सवर खालील पोस्ट केली आहे. त्यांच्या म्हणण्यानुसार हा सायबरअटॅक नव्हता. नेमकी तांत्रिक अडचण शोधून त्यावर उपाय आता अंमलात आणला आहे.

त्यांनी असं म्हटलं असलं तरी हे करण्यासाठी जगभरात एकाच सर्वच पीसीमधून ही अडचण दूर करता येणं शक्य नाही. त्यात Bitlocker किंवा Advance Admin प्रोटोकॉल असलेल्या पीसीवर प्रत्यक्ष अॅक्सेस करूनच ही अडचण दूर करावी लागणार अशी परिस्थिती आहे. एकंदरीत सर्व सेवा पूर्ववत होण्यासाठी काही दिवस लागू शकतात आणि शिवाय या दरम्यान होणारा त्रास आणि आर्थिक नुकसान वेगळंच!

The post जगभरातील विंडोज वर्क पीसीज् बंद : बँका, विमानतळे, रेल्वे अशा सेवा विस्कळीत! appeared first on MarathiTech - मराठीटेक.

विंडोजची नवी ऑपरेटिंग सिस्टम विंडोज ११ ला काल रात्री नवं अपडेट उपलब्ध करून देण्यात आलं असून या अपडेटचं नाव Windows 11 2022 Update Version 22H2 असं आहे. विंडोज ११ सादर झाल्यापासून जवळपास एक वर्षाने हे नवं अपडेट देण्यात येत आहे. यामध्ये बऱ्याच नव्या सोयी जोडण्यात आल्या आहेत.

अपडेट करण्यासाठी Settings > Update & Security > Check For Updates

स्टार्ट मेन्यू : स्टार्ट मेन्यूमध्ये आता फोल्डर तयार करून त्यामध्ये प्रकारानुसार Apps जोडता येतील. आता आवडीनुसार लेआऊटसाठी तीन पर्याय निवडता येतील. (More Pins, Default & More Recommendations)

विंडोज स्टुडिओ इफेक्टस : ही सुविधा अनेकांना नक्कीच आवडेल. आपल्या वेबकॅममध्ये आता बॅकग्राऊंड ब्लर करण्याची सोय मायक्रोसॉफ्टने विंडोजच्या सेटिंग्जमध्येच दिली आहे! कमी अधिक ब्लरचाही पर्याय आहे. ऑटो फ्रेमिंग, आय कॉनटॅक्ट अशा सुविधाही यामध्ये आहेत. बॅकग्राऊंडमधील आवाज कमी करून आपल्या आवाजावर फोकस करण्याचाही पर्याय ऑडिओ इफेक्टसमध्ये आहे.

फ्री व्हिडिओ एडिटर : विंडोज ११ मध्ये आता ClipChamp नावाचा बेसिक व्हिडिओ एडिटर मोफत देण्यात येत आहे. याद्वारे गरजेपुरत्या व्हिडिओ एडिटिंग करू शकता जसे की कॉपी, पेस्ट, ट्रिम, इमेजेस, टेक्स्ट जोडणे इ.

टच अपडेट्स : snap layout मुळे विंडोज वापरणं सोपं झालं आहे आता यासोबत त्यांनी नव्या टच gestures चीसुद्धा जोड दिली आहे. App Switching मध्ये यांचा वापर होईल.

गेमिंग अपडेट्स : विंडोज ११ मध्ये गेमिंग आता आणखी वेगवान आणि सोपं होणार आहे. विंडोज गेम्समधील लेटन्सी कमी होईल आणि Auto HDR, Variable Refresh Rate सारख्या सोयी मिळतील.

चाचणी सुरू असलेलं फाइल एक्सप्लोररमध्ये टॅब्जचा पर्याय मात्र ऑक्टोबर अपडेट मध्ये दिला जाईल असं मायक्रोसॉफ्टने सांगितलं आहे.

The post Windows 11 2022 अपडेट आजपासून उपलब्ध : 22H2 मध्ये नव्या सोयी! appeared first on MarathiTech - मराठीटेक.

गेले काही महीने चाचणी सुरू असलेली गूगलची ChromeOS Flex आता सर्वांसाठी उपलब्ध करून देण्यात आली असून तुमच्याकडे असलेल्या जुन्या लॅपटॉप, पीसीमध्ये व्यवस्थित चालेल अशी ही क्लाऊड आधारित ऑपरेटिंग सिस्टम मोफत इंस्टॉल करता येते.

तुमच्याकडे असलेल्या जुन्या लॅपटॉप, पीसी, मॅकला ही आधुनिक इंटरनेटच्या माध्यमातून चालणारी सुरक्षित आणि अपडेटेड ऑपरेटिंग सिस्टम वापरण्यास सोपी आणि मोफत असणार आहे.

या ओएस मुळे आपला लॅपटॉप/पीसी अप्रत्यक्षरित्या क्रोमबुक प्रमाणे काम करतो. क्रोमओएस ही गूगलच्या बहुतेक सर्वच सेवा इंटरनेटद्वारे आपल्याला जुन्या आणि कमी क्षमतेचं हार्डवेयर असलेल्या उपकरणांवरही सहज वापरता येते. एका अर्थी ही पूर्ण ऑपरेटिंग सिस्टम क्रोम ब्राऊजरप्रमाणे काम करते. लॅपटॉप सुरू करताच अवघ्या काही सेकंदात ही ओएस बूट होते (होय अगदी जुन्या लॅपटॉप्सवरसुद्धा!)

या नव्या ChromeOS Flex मुळे इ कचऱ्याची समस्या सुद्धा काही प्रमाणात कमी होऊ शकते असं गूगलने म्हटलं आहे. ही ओएस चक्क एका पेनड्राइवमार्फतसुद्धा चालवता येते!

या ओएसमध्ये व्हायरस किंवा मॅलवेयरचा त्रास नाही, गूगलच्या क्रोमओएस प्रमाणे पूर्ण सुरक्षित, वेळोवेळी अपडेट्स मिळतील.

याची इंस्टॉल करण्याची प्रक्रिया https://support.google.com/chromeosflex/answer/11552529 या लिंकवर पाहू शकता.
(तुमच्या लॅपटॉपमध्ये असलेला आधीच्या डेटाचा बॅकअप घेऊन मगच यामधील कृती करा.)

तुमचे जुने लॅपटॉप/पीसी जे वापरात नाहीत किंवा स्लो झाल्यामुळे तुम्ही बाजूला ठेवले आहेत त्यांना यामुळे नवं आयुष्य मिळेल आणि मग तुम्ही लॅपटॉप गरजू विद्यार्थी/व्यक्तीला देऊ शकता. त्यांना त्यानंतर फक्त इंटरनेट कनेक्शनची गरज लागेल जे फास्ट नसलं तरी चालू शकेल.

गूगलच्या क्रोमओएसला लॅपटॉप्सवर उपलब्ध करून देणारी CloudReady (Neverware) कंपनी २०२० मध्ये गूगलने अधिग्रहीत केली होती आता त्यांनी त्यांचं उत्पादन सर्वाना उपलब्ध करून दिलं आहे.

The post गूगलची ChromeOS Flex जुन्या लॅपटॉप्स, पीसीसाठीही उपलब्ध! appeared first on MarathiTech - मराठीटेक.

अँड्रॉइड या प्रसिद्ध मोबाइल ऑपरेटिंग सिस्टमची नवी आवृत्ती आज सादर झालेल्या Google Pixel 6 सोबत उपलब्ध होण्यास सुरूवात झाली आहे. नव्या आवृत्तीचं नाव Android 12 असं असणार आहे. यामध्ये नवं Material You डिझाईन, Responisve Motion, Dynamic Color, नवीन विजेट्स, नवीन रंग पर्याय, अधिक सुरक्षा, माइक आणि कॅमेरा इंडिकेटर्स, प्रायव्हसी डॅशबोर्ड, स्क्रोलिंग स्क्रीनशॉट, गेम डाउनलोड होत असतानाच गेमप्ले सुरू करता येणं अशा गोष्टी पाहायला मिळतील.

काही गूगल ॲप्समध्ये नवीन डिझाईन देण्यास सुरुवात झाली आहे उदा. Google Clock

खालील फोन्सना Android 12 अपडेट दिलं जाईल असं त्या त्या कंपन्यांनी जाहीर केलं आहे किंवा पूर्वी फोन्स लॉंच करताना तसं आश्वासन दिलं आहे. प्रत्यक्षात अपडेट उपलब्ध होण्यास बराच वेळ लागू शकतो! यादी व्यतिरिक्त अन्य फोन्सना सुद्धा अपडेट दिलं जाऊ शकतं कृपया तुमच्या फोन कंपनीच्या वेबसाइटवर जाऊन त्याची माहिती घ्या. नेहमी प्रमाणे गूगल पिक्सल फोन्समध्ये नवं अँड्रॉइड व्हर्जन सर्वात आधी उपलब्ध झालेलं आहे.

• Google : Pixel 3, Pixel 3 XL, Pixel 3a, Pixel 3a XL, Pixel 4, Pixel 4 XL, Pixel 4a, Pixel 4a (5G), Pixel 5, and Pixel 5a.
• Nokia : Nokia 1.3, 2.4, 3.4, 5.3, 5.4, 8.3 5G, Nokia CO1 Plus, Nokia C20 Plus, Nokia G10, Nokia G20, Nokia X10, X20 and XR20
• OnePlus : 9, 9 Pro, 9R, 8T, 8, 8 Pro, 7T, 7T Pro, 7, 7 Pro, Nord, Nord 2, Nord CE
• Samsung : Galaxy S21, S21+, S21 Ultra, S20, S20+, S20 Ultra, S20 FE, S10, S10+, S10e, S10 Lite, Note 20, Note 20 Ultra, Note 10, Note 10+, Note 10 Lite, Z Fold 3, Z Fold 2, Fold, Z Flip 3, Z Flip, A51/ A51 5G, A52/ A52 5G, A71/ A71 5G, A72, A90
• Xiaomi 11T, Xiaomi 11T Pro, Mi 11, Mi 11 Ultra, Mi 11X, Mi 11X Pro, Mi 11 Lite, Xiaomi 11 Lite NE 5G, Mi 10T, Mi 10T Pro, Mi 10T Lite, Mi 10, Mi 10 Pro, Mi 10 Youth Edition, Mi 10i 5G, Redmi K30, Redmi K30 Pro, Redmi 10 Prime, Redmi Note 10Redmi Note 10S, Redmi Note 10 Pro, Redmi Note 10 Pro Max, Redmi Note 10T 5G
• Poco : Poco F2 Pro, F3, F3 GT, X2, X3, X3 GT, X3 Pro, M3 Pro 5G
• realme : X50, X7, X7 Pro, X7 Max, X3, X3 SuperZoom, 8/ 8 5G, 8 Pro, 8i, 8s 5G, 7/ 7 5G, 7 Pro, 7i, Narzo 20, Narzo 20 Pro, Narzo 20A, Narzo 30, Narzo 30A, Narzo 30 Pro, Narzo 50A, GT, GT Master Edition, GT Neo 2, GT Neo
• Oppo : Oppo Find X3, Find X3 Pro, Find X2, Find X2 Pro Reno 6 Reno 6 Pro, Reno 6 Pro+, Ace2, Reno 5, Reno 5 Pro, Reno 5 Pro+, K9 5G, A93 5G, A95 5G, Reno Ace, Reno 4, Reno 4 SE, Reno 4 Pro, Reno 3, Reno 3 Pro, K9 Pro 5G, K7, K7x, A93s 5G, A92s 5G, A72 5G, A55 5G, A53 5G
• Motorola : Motorola Edge 20, Edge 20 Pro, Edge 20 Fusion, Edge, Edge S, Edge +, Razr/ Razr 5G Foldable, G10, G20, G30, G40 Fusion, G50, G60, G60s, G100
• Asus : ROG Phone 5s, ROG Phone 5, ROG Phone 5 Pro, ROG Phone 5 Ultimate, ROG Phone 3, ZenFone 8, ZenFone 8 Flip, ZenFone 7, ZenFone 7 Pro

Search Term : Whats New in Android 12

The post अँड्रॉइड 12 उपलब्ध होण्यास सुरुवात : जाणून घ्या काय आहे नवीन? appeared first on MarathiTech - मराठीटेक.