काही वेळापूर्वी पार पडलेल्या रिलायन्सच्या वार्षिक सर्वसाधारण सभेत (AGM) कंपनी प्रमुख मुकेश अंबानी यांनी कंपनीच्या कामगिरीबद्दल माहिती देत असताना जियोच्या 5G नेटवर्क, AirFiber, क्लाऊड पीसी, स्मार्ट होम उपकरणे आणि सेवा यांचा उल्लेख केला आहे. AirFiber ही वायरलेस इंटरनेट सेवा गणेश चतुर्थीपासून उपलब्ध होणार आहे.

जियोने आता ४५ कोटी ग्राहकांचा टप्पा ओलंडला असून दरमहा हे यूजर्स ११०० कोटी जीबी इंटरनेट वापरत आहेत!

• Jio 5G : जियोने जगातली सर्वात वेगाने 5G उपलब्ध करून देणारी कंपनी असल्याचं कंपनीतर्फे सांगण्यात आलं आहे. डिसेंबर २०२३ अखेर संपूर्ण देशात 5G नेटवर्क मिळेल असं कंपनीचं नियोजन आहे. एंटरप्राइज ग्राहकांसाठी Jio developer platform सुद्धा सुरू केला जाणार आहे.
• Jio AirFiber : ही सेवा १९ सप्टेंबरपासून उपलब्ध होईल. यामध्ये AirFiber चं राऊटरसारखं उपकरण आपल्या घरी बसवलेलं असेल जे कुठेही नेता येईल. जियोच्या 5G नेटवर्कमार्फत वायर्सशिवाय याद्वारे वेगवान इंटरनेट आपल्याला वापरता येईल.
• Jio Smart Home Services : AI च्या मदतीने घरातील विविध उपकरणे वायफायद्वारे नियंत्रित करता येतील. यासाठी Jio Home ॲप असेल.
• Jio Set Top Box : इंटरनेटद्वारे टीव्ही चॅनल्स पाहण्यासाठी, गेम्स खेळण्यासाठी हे उपकरण वापरता येईल.
• Jio Cloud PC : रिलायन्सने यासाठी HP सोबत भागीदारी केली असून हा स्वस्त लॅपटॉप इंटरनेटमार्फत (क्रोम लॅपटॉप्सप्रमाणे) चालेल.
• Giga Factory : बॅटरीची निर्मिती आणि रीसायकल करण्यासाठी मोठा प्रकल्प २०२६ पर्यंत उभारणार आहे.
• Jio Bharat4G : हा सर्वात स्वस्त 4G फोन ९९९ रुपयात मिळणार आहे.

The post Jio AGM : AirFiber, Cloud PC, स्मार्ट होम, AI मॉडेल्स बद्दल माहिती जाहीर! appeared first on MarathiTech - मराठीटेक.

भारतात आता 5G सेवा उपलब्ध होऊन बरेच दिवस झाले आहेत. टप्प्याटप्प्यात अधिकाधिक शहरांमध्ये 5G सेवा जोडण्यात येत आहे. रिलायन्स जियो आणि आता एयरटेलनेसुद्धा त्यांच्या ग्राहकांना 5G सेवेत सहभागी होण्यासाठी खास Welcome Offer आणल्या असून यामध्ये मोफत अमर्यादित 5G इंटरनेट डेटा वापरता येईल! या डेटाचा स्पीडसुद्धा 1Gbps पर्यंत असेल!

खालील ऑफर जियो आणि एयरटेलच्या प्रिपेड व पोस्टपेड दोन्ही ग्राहकांना उपलब्ध आहे.

जियो ग्राहकांसाठी : तुम्हाला तुमचा फोन 5G आहे का हे पहावं लागेल त्यानंतर फोनमध्ये MyJio हे ॲप घेऊन त्यामध्ये 5G च्या बॅनरवर जाऊन तुमच्या नंबरला Welcome Offer उपलब्ध आहे का ते पहा. यासाठी तुम्हाला ₹239 किंवा त्यापेक्षा अधिकचा कोणत्याही प्लॅनने रिचार्ज केलेला असावा. हा तुमचा नेहमीचा 4G प्लॅन असला तरी त्यामध्येच फ्री 5G डेटा मिळणार आहे!

जियोचा एक स्वतंत्र 5G Upgrade Plan सुद्धा असून 61 रुपयांचा रिचार्ज वर 6GB 4G डेटा मिळेल आणि Unlimited 5G डेटा मिळेल. हा प्लॅन वापरण्यासाठी आधी 119, 149, 179, 199, 209 यापैकी कोणतातरी एक प्लॅन ॲक्टिवेट केलेला असावा. २३९ पेक्षा कमी किंमतीच्या प्लॅन वापरणाऱ्या ग्राहकांसाठी हा ६१ रुपयांचा प्लॅन आहे.

एयरटेल ग्राहकांसाठी : तुम्हाला तुमचा फोन 5G आहे का हे पहावं लागेल त्यानंतर फोनमध्ये Airtel Thanks हे ॲप घेऊन त्यामध्ये Claim Unlimited 5G Data असा बॅनर दिसेल त्यावर जाऊन तुमच्या फोनच्या सेटिंग्स व ऑफर पहा. यासाठी तुम्हाला ₹239 किंवा त्यापेक्षा अधिकचा कोणत्याही प्लॅनने रिचार्ज केलेला असावा. हा तुमचा नेहमीचा 4G प्लॅन असला तरी त्यामध्येच फ्री 5G डेटा मिळणार आहे!

तुम्ही 5G नेटवर्क रेंजमध्ये नसल्यास तुमचा प्लॅनमधील 4G डेटा वापरला जाईल हे मात्र लक्षात ठेवा.

ही ऑफर Welcome Offer नावाने आणली असून काही महिन्यांनी नक्कीच स्वतंत्र 5G प्लॅन्स उपलब्ध होतील आणि त्यानुसार वेगळा रिचार्ज करावा लागेल. अधिक माहितीसाठी Airtel Thanks आणि MyJio या ॲप्सचा वापर करा.

The post जियो व एयरटेलतर्फे ग्राहकांना अमर्यादित मोफत 5G डेटा! appeared first on MarathiTech - मराठीटेक.

realme ने त्यांची एकामागे एक फोन्स सादर करण्याची क्रिया सुरूच ठेवली असून आता X मालिकेत X7 आणि X7 Pro हे दोन नवे 5G फोन्स भारतात सादर झाले आहेत. रियलमीचे हे दोन्ही फोन 5G नेटवर्क सपोर्ट असणारे आहेत. दोन्ही फोन्समध्ये Super AMOLED डिस्प्ले असून प्रोमध्ये 120Hz रिफ्रेश रेट पाहायला मिळेल. X7 ची किंमत १९९९९ पासून सुरू होते तर X7 Pro ची २९९९९ इतकी किंमत आहे. किंमत थोडी कमी असायला हवी होती असं मत अनेकांनी व्यक्त केलं आहे.

realme X7

• Dimensity 800U 5G Processor
• 50W SuperDART Charge
• 64MP AI Triple Camera
• 6+128GB, ₹19,999
• 8+128GB, ₹21,999

realme X7 Pro

• MediaTek Dimensity 1000+ 5G Processor
• 120Hz Super AMOLED Fullscreen
• 65W SuperDart Charge
• Sony 64MP Quad Camera with IMX686 Sensor

realme X7 मध्ये Dimensity 800U 5G प्रोसेसर, 6.4″ Super AMOLED 60Hz डिस्प्ले, 4310mAh बॅटरी, 50W फास्ट चार्जिंग देण्यात आलं आहे. या फोनची किंमत १९९९९ इतकी आहे. हा फोन १२ फेब्रुवारी दुपारी १२ पासून फ्लिपकार्ट आणि realme.com वर उपलब्ध होत आहे.

5G फोन्स सादर करण्यासाठी स्पर्धा सुरू झाली असली तरी खरेदी करताना केवळ फोन 5G आहे म्हणून खरेदी करू नका कारण भारतात 5G ग्राहकाना उपलब्ध होण्यास अनेक महिन्यांचा कालावधी लागणार आहे. त्यामुळे सध्यातरी 5G फोनमध्ये असण्याचा काहीही उपयोग नाही. ह्या वर्षा अखेरीस किंवा पुढील वर्षी 5G सेवा सुरू होईल. आणखी काही वर्षं तुम्ही फोन बदलणार नसाल तर ह्या फोन्सचा 5G च्या दृष्टीने विचार करा. आता शक्यतो सर्वच फोन 5G आधारित प्रोसेसर्स असलेले येतील अशी शक्यता आहे.

डिस्प्ले : 6.55” 120Hz Super AMOLED
प्रोसेसर : Mediatek Dimensity 1000+ 5G
GPU : ARM G77 MC9
रॅम : 8GB LPDDR4x
स्टोरेज : 128GB UFS 2.1
कॅमेरा : 64MP Sony IMX 686 Quad Camera + 8MP Ultrawide + 2MP Portrait lens + 2MP Macro Lens
फ्रंट कॅमेरा : 32MP
बॅटरी : 4500mAh 65W SuperDart Charge
ऑपरेटिंग सिस्टिम : realmeUI based on Android 10
इतर : 802.11a/b/g/n/ac, Bluetooth 5.0, WiFi 6, InDisplay Fingerprint Scanner, 2 SIM Slot, Dolby Atmos
सेन्सर्स : GPS / Glonass / Beidou / Galileo / QZSS, Magnetic induction sensor / Light sensor / Proximity sensor / Gyro-meter / Acceleration sensor / NFC
रंग : Fantasy, Mystic Black
किंमत : हा फोन १० फेब्रुवारी दुपारी १२ पासून फ्लिपकार्ट आणि realme.com वर उपलब्ध होत आहे.
realme X7 : 6+128GB : ₹19,999
realme X7 : 8+128GB : ₹21,999
realme X7 Pro : 8GB+128GB : ₹29999 http://fkrt.it/kP_0ZmuuuN

The post realme X7 आणि X7 Pro 5G भारतात सादर ! appeared first on MarathiTech - मराठीटेक.

भारती एयरटेलने २८ जानेवारी रोजी हैदराबादमध्ये त्यांच्या 5G नेटवर्कची यशस्वी चाचणी घेऊन ते आता 5G Ready Network असल्याचं जाहीर केलं आहे. या चाचणीमुळे एयरटेल भारतातली पहिली 5G रेडी कंपनी बनली आहे. 5G सेवांमुळे अवघ्या काही सेकंदात पूर्ण चित्रपट डाउनलोड करता येईल इतक्या वेगात इंटरनेट आपल्या फोन्सवर उपलब्ध होणार आहे. चाचणी पूर्ण झाली असली तरीही सरकारकडून स्पेक्ट्रम वाटप झाल्यावर परवानगी मिळवून मगच प्रत्यक्षात 5G आपणा सर्वांना उपलब्ध होणार आहे.

या चाचणीसाठी त्यांनी सध्याचाच 1800MHz बॅंड वापरला. डायनॅमिक स्पेक्ट्रम शेयरिंग वापरुन 5G व 4G एकाच स्पेक्ट्रम ब्लॉकमध्ये वापरुन ही चाचणी घेण्यात आली आणि याद्वारे दहापट अधिक वेग मिळाला असं एयरटेलने सांगितलं आहे!

एयरटेलने दिलेल्या माहितीनुसार त्यांचं सर्व नेटवर्क आता 5G साठी तयार असून परवानगी मिळाल्यावर अवघ्या काही महिन्यात सर्वत्र 5G सेवा पुरवू शकू असा त्यांना विश्वास आहे!

नव्या जनरेशन वेळी जाहिराती केलेला स्पीड आपल्याला नंतर निम्मासुद्धा राहत नाही हे वास्तव असलं तरी 5G द्वारे आता पुरेसा वेग सर्वत्र उपलब्ध होऊ शकेल. एयरटेलच्या चाचणीनंतर आता असं सांगता येऊ शकतं की २०२१ मध्ये भारतात 5G सेवा सुरू होऊ शकेल. रिलायन्स जिओनेही त्यादृष्टीने माहिती जाहीर केली आहे.

The post एयरटेलकडून 5G ची यशस्वी चाचणी : भारतातली पहिली कंपनी! appeared first on MarathiTech - मराठीटेक.

रिलायन्सच्या वार्षिक सर्वसाधारण सभेत (Annual General Meeting) आज बऱ्याच गोष्टी जाहीर करण्यात आल्या असून यावेळी प्रथमच Reliance AGM व्हर्च्युअल ऑनलाइन स्वरूपात घेण्यात आला आहे. या कार्यक्रमात Jio 5G, Jio TV+, Jio Glass, गूगलची जिओमधील गुंतवणूक यांबद्दल घोषणा करण्यात आली. नेहमीप्रमाणे शेयरहोल्डर्ससाठी वार्षिक अहवाल सुद्धा प्रदर्शित करण्यात आले ज्यानुसार रिलायन्स आता कर्जमुक्त कंपनी बनली असून अनेक क्षेत्रात भारतात प्रथम तर जगात आघाडीचं स्थान मिळवलं आहे!

भारत सरकारतर्फे स्पेक्ट्रम जाहीर होताच Jio 5G ची सेवा सुरू करण्यात येईल. जिओचं 5G नेटवर्क पूर्णतः भारतात तयार केलेलं असेल अशी माहिती देण्यात आली आहे. यासोबत 5G चे फायदे, यामुळे जिओ यूजर्सच्या वापरामध्ये येणारे बदल, त्यामागचं तंत्रज्ञान थोडक्यात सांगण्यात आलं.

जिओच्या 4G वेळेस घडून आलेल्या बदलांमुळे 5G बाबतही किंमती कमी ठेऊन नवा ग्राहकवर्ग मिळवणार हे साहजिक आहे. हे सुद्धा सर्वात स्वस्त 5G नेटवर्क असेलच असा अंदाज व्यक्त केला जात आहे.

यासोबत गूगलच्या गुंतवणुकीचीही माहिती रिलायन्स प्रमुख मुकेश अंबानी यांनी जाहीर केली. गूगल आता ३३७३७ कोटी रुपयांची गुंतवणूक करणार असून याबदल्यात त्यांना जिओ प्लॅटफॉर्ममध्ये ७.७ टक्के हिस्सा मिळेल. फेसबुक, सिल्व्हरलेक, विस्टा, जनरल अटलांटिक, केकेआर, TPG, कॅटरटन, इंटेल आणि qualcomm नंतर आता गूगलनेही जिओमध्ये गुंतवणूक केलेली आहे. याद्वारे जिओने तब्बल १.५२ लाख कोटी उभारले आहेत. पर्यायाने रिलायन्स आता कर्जमुक्त झाली आहे!

गूगल व जिओ मिळून लवकरच स्मार्टफोन व स्मार्ट फोन ओएससुद्धा तयार करण्याच्या प्रयत्नात आहेत असंही यावेळी सांगण्यात आलं आहे!

तसेच यावेळी जिओ हेल्थक्लब द्वारे करण्यात येत असलेले प्रयत्न, जिओ मार्टद्वारे किराणा क्षेत्रातील प्रवेश याबद्दलही माहिती देण्यात आली असून जिओ मार्टच्या पहिल्या ऑर्डरसोबत COVID19 किट मोफत देण्यात देण्यात येणार आहे. किराणा दुकानदारांना ऑनलाइन आणण्यास जिओमार्टमार्फत पावले उचलली जातील.

इतर घोषणांची सविस्तर माहिती दुसऱ्या पोस्ट मध्ये देण्यात येईल

The post Jio 5G जाहीर : आता गूगलची जिओमध्ये ३३७३७ कोटींची गुंतवणूक : Reliance AGM appeared first on MarathiTech - मराठीटेक.