एयरटेल या टेलीकॉम कंपनीने त्यांच्या सर्व ग्राहकांना Perplexity (पर्प्लेक्सिटी) या AI आधारित आन्सर इंजिनच्या Perplexity Pro चं वर्षभराचं Subscription मोफत देत असल्याचं जाहीर केलं आहे. पर्प्लेक्सिटी प्रो प्लॅनमध्ये इमेज जनरेशन, फाइल विश्लेषण, प्रो सर्चेस, रिझनिंग सर्च मॉडेल्स, रिसर्च मोड, फाइल अनॅलिसिस, अनेक AI मॉडेल्स, Perplexity Labs इत्यादी फीचर्स मिळतात ज्याची वार्षिक किंमत ₹१७००० आहे!

Perplexity Pro म्हणजे काय?

Perplexity हे एक AI-आधारित उत्तरे देणारं सर्च इंजिन आहे, जे तुमच्या कोणत्याही प्रश्नांची सहज, विश्वासार्ह आणि त्वरित उत्तरांसह सोडवतं. हे गूगल सारख्या पारंपारिक सर्च इंजिनपेक्षा वेगळं आहे. Perplexity वापरकर्त्यांना सतत सुधारत जाणार्‍या AI द्वारे उत्तरे देते आणि प्रत्यक्ष माहितीच्या आधारावर संवाद साधतं. यामुळे कोणताही प्रश्न विचारला की यांचं AI इंटरनेटवर आपल्यावतीने सर्च करून त्याचा अभ्यास करून आपल्या प्रश्नाला योग्य असं रियल टाइममध्ये उत्तर शोधून देतं. Perplexity Pro हे त्यांचं यामध्ये अधिक सोयी देणारं Subscription आहे. याचं सभासदत्व घेतल्यावर

• Research Mode: हे आपल्याला कोणत्याही विषयावर सखोल माहिती शोधण्यास आणि तिचे विश्लेषण करण्यास मदत करते.
• Access to Pro Search Models : वापरकर्त्यांना GPT-4.1, Claude 4.0 Sonnet, Gemini 2.5 Pro यांसारख्या प्रगत एआय मॉडेल्सचा वापर करण्याची सुविधा मिळते.
• Unlimited Files Uploads : तुम्ही तुमच्या फाइल्स अपलोड करून त्याचे विश्लेषण करू शकता किंवा त्यातील माहितीचा सारांश मिळवू शकता.
• Image Generation : एआयच्या मदतीने तुम्ही तुमच्या कल्पनेनुसार AI इमेजेस तयार करू शकता.

• Airtel Thanks App (Android किंवा iOS) डाउनलोड करा आणि आपल्या Airtel नंबरने लॉग इन करा (मोबाईल, DTH किंवा ब्रॉडबँड).
• ‘Rewards & OTTs’ (किंवा Claim OTTs) सेक्शनमध्ये जा. तिथे “Perplexity Pro – 12 Months Free” ऑफर सापडेल
• “Claim Now” बटणावर टॅप करा.
• Perplexity खात्यात Google ID, Apple ID किंवा Email ID वापरून साइन इन किंवा साइन अप करा. कोणीही पेमेंट माहिती भरावी लागणार नाही.
• एकदा लिंक झाल्यावर Perplexity Pro सब्सक्रिप्शन आपल्या खात्यावर 12 महिन्यांसाठी सक्रिय होईल

The post एयरटेलच्या सर्व ग्राहकांना Perplexity Pro AI वर्षभर मोफत! appeared first on MarathiTech - मराठीटेक.

काल रिलायन्स जिओ आणि आज लगेचच एयरटेलने सुद्धा त्यांच्या प्रिपेड प्लॅन्सच्या किंमतीमध्ये जवळपास १२ ते २५% वाढ केली आहे! कदाचित Vi सुद्धा नवीन प्लॅन्स लवकरच जाहीर करेल. जरी किंमती वाढल्या असल्या तरी या प्लॅन्समध्ये मिळणारा डेटा आणि व्हॅलिडिटी यामध्ये कोणताही बदल झालेला नाही. दोन्ही कंपन्यांचे प्लॅन्स ३ जुलै २०२४ पासून लागू होतील. प्रिपेडसोबत काही पोस्टपेड प्लॅन्सच्याही किंमती वाढवल्या आहेत.

नेटवर्क टेक्नॉलजी आणि त्यासाठी लागणारी गुंतवणूक यानुसार एक यशस्वी बिझनेस मॉडेल सुरू ठेवण्यासाठी आम्हाला हे बदल करावे लागत आहेत असं एयरटेलने सांगितलं आहे. ARPU (Avarage Revenue Per User) म्हणजेच प्रत्येक ग्राहकाकडून मिळणारं सरासरी उत्पन्न ३०० च्या वर असावं असं त्यांचं म्हणणं आहे!

जिओचे सर्व नवे प्लॅन्स तुम्ही खालील इमेजमध्ये पाहू शकता. २०९ चा 1GB/Day २८ दिवसांसाठीचा प्लॅन आता २४९ रुपये करण्यात आला आहे. २९९ चा 2GB/Day २८ दिवसांसाठीचा प्लॅन आता ३४९ रुपये करण्यात आला आहे. जिओचे रु. ३९५ आणि रु. १५५९ चा प्लॅन आता रीचार्ज करण्यास उपलब्ध नाहीत असंही दिसून येत आहे!

मोफत अनलिमिटेड 5G सुद्धा आता फक्त 2GB/Day किंवा त्यावरील प्लॅन्सवरच वापरता येणार आहे! प्रिपेडसोबत काही पोस्टपेड प्लॅन्सच्याही किंमती वाढवल्या आहेत.

तुम्ही ३ जुलै पूर्वी जिओचा रीचार्ज करून ठेवणार असाल तर खालील गोष्टी लक्षात ठेवा.

• जिओला तुम्ही तुमचा सध्याचा रीचार्ज कोणताही असेल तरीही जुन्या किंमतीचा कोणताही प्लॅन आधीच रीचार्ज करून ठेवण्यासाठी निवडू शकता.
• शक्यतो हे रीचार्ज MyJio App वरच करा.
• तुम्ही जास्तीत जास्त ५० रीचार्ज करून ठेवू शकता. (अर्थात इतके रीचार्ज करून ठेवण्याची गरज नाहीच पण किमान वर्ष भराचे रीचार्ज करून ठेवा)
• रीचार्ज आत्ताच करून ठेवले तर तुमचे वर्षाला जवळपास ६०० रु वाचू शकतील!

एयरटेलनेसुद्धा त्यांचे नवे प्लॅन्स लगेच जाहीर केले असून त्यांचा २६५ चा 1GB/Day २८ दिवसांसाठीचा प्लॅन आता २९९ रुपये करण्यात आला आहे. इतर प्लॅन्स खालील इमेजमध्ये पाहू शकता.

तुम्ही ३ जुलै पूर्वी एयरटेलचा रीचार्ज करून ठेवणार असाल तर खालील गोष्टी लक्षात ठेवा.

• तुम्ही सध्या सुरू असलेल्या प्लॅनच पुढे सुरू ठेवू शकता. सध्या सुरू असलेल्या प्लॅनचाच रीचार्ज केला तरच तो stack होईल म्हणजेच त्याची व्हॅलिडिटी पुढे वाढेल.
• पुढे सुरू ठेवण्यासाठी रीचार्जची व्हॅलिडिटी जास्तीतजास्त ७३० दिवस असेल तरच ती पुढे सुरू राहील.
• you can stack up your recharge upto 730 days with the condition of recharge should be done with same nature of the plan.
• जर तुम्ही सध्या सुरू असलेला प्लॅन सोडून दुसऱ्या किंमतीचा रीचार्ज केला तर तो पुढे सुरू राहणार नसून तो प्लॅन लगेच अॅक्टिवेट होईल (तुमच्या जुन्या प्लॅनची व्हॅलिडिटी शिल्लक असेल तरीही तो लगेच बंद होईल.)

नवे प्लॅन्स ३ जुलैपासून लागू होणार असल्यामुळे ३ जुलैच्या आत तुम्ही जुन्या किंमतीत रीचार्ज करून ठेऊ शकता. त्यासाठी Jio Prepaid Plans ह्या लिंकवर आणि एयरटेलचे Airtel Prepaid Plans वर जाऊन तपासून पहा आणि मग रीचार्ज करा.

बरेच महिने स्वस्तात इंटरनेट आणि मोफत कॉलिंग देऊन सवय लावली आणि आता एकाधिकारशाही प्रमाणे या मोजक्या दोन तीन कंपन्या किंमती वाढवत आहेत अशी प्रतिक्रिया सोशल मीडियावर पाहायला मिळत आहे. विशेष म्हणजे तुम्हाला जर फक्त कॉलिंगसाठी प्लॅन्स हवे असतील तर ते आता उपलब्ध नाहीतच. तुम्हाला इंटरनेट डेटा असलेलेच प्लॅन्स घ्यावे लागतात. ज्यांचा तसा काहीच वापर नाही त्यांनासुद्धा असे जास्त किंमतीचे रीचार्ज करण्याशिवाय पर्याय उरणार नाही.

The post जिओ, एयरटेल आणि Vi ने त्यांच्या प्लॅन्सच्या किंमती वाढवल्या! appeared first on MarathiTech - मराठीटेक.

भारतात आता 5G सेवा उपलब्ध होऊन बरेच दिवस झाले आहेत. टप्प्याटप्प्यात अधिकाधिक शहरांमध्ये 5G सेवा जोडण्यात येत आहे. रिलायन्स जियो आणि आता एयरटेलनेसुद्धा त्यांच्या ग्राहकांना 5G सेवेत सहभागी होण्यासाठी खास Welcome Offer आणल्या असून यामध्ये मोफत अमर्यादित 5G इंटरनेट डेटा वापरता येईल! या डेटाचा स्पीडसुद्धा 1Gbps पर्यंत असेल!

खालील ऑफर जियो आणि एयरटेलच्या प्रिपेड व पोस्टपेड दोन्ही ग्राहकांना उपलब्ध आहे.

जियो ग्राहकांसाठी : तुम्हाला तुमचा फोन 5G आहे का हे पहावं लागेल त्यानंतर फोनमध्ये MyJio हे ॲप घेऊन त्यामध्ये 5G च्या बॅनरवर जाऊन तुमच्या नंबरला Welcome Offer उपलब्ध आहे का ते पहा. यासाठी तुम्हाला ₹239 किंवा त्यापेक्षा अधिकचा कोणत्याही प्लॅनने रिचार्ज केलेला असावा. हा तुमचा नेहमीचा 4G प्लॅन असला तरी त्यामध्येच फ्री 5G डेटा मिळणार आहे!

जियोचा एक स्वतंत्र 5G Upgrade Plan सुद्धा असून 61 रुपयांचा रिचार्ज वर 6GB 4G डेटा मिळेल आणि Unlimited 5G डेटा मिळेल. हा प्लॅन वापरण्यासाठी आधी 119, 149, 179, 199, 209 यापैकी कोणतातरी एक प्लॅन ॲक्टिवेट केलेला असावा. २३९ पेक्षा कमी किंमतीच्या प्लॅन वापरणाऱ्या ग्राहकांसाठी हा ६१ रुपयांचा प्लॅन आहे.

एयरटेल ग्राहकांसाठी : तुम्हाला तुमचा फोन 5G आहे का हे पहावं लागेल त्यानंतर फोनमध्ये Airtel Thanks हे ॲप घेऊन त्यामध्ये Claim Unlimited 5G Data असा बॅनर दिसेल त्यावर जाऊन तुमच्या फोनच्या सेटिंग्स व ऑफर पहा. यासाठी तुम्हाला ₹239 किंवा त्यापेक्षा अधिकचा कोणत्याही प्लॅनने रिचार्ज केलेला असावा. हा तुमचा नेहमीचा 4G प्लॅन असला तरी त्यामध्येच फ्री 5G डेटा मिळणार आहे!

तुम्ही 5G नेटवर्क रेंजमध्ये नसल्यास तुमचा प्लॅनमधील 4G डेटा वापरला जाईल हे मात्र लक्षात ठेवा.

ही ऑफर Welcome Offer नावाने आणली असून काही महिन्यांनी नक्कीच स्वतंत्र 5G प्लॅन्स उपलब्ध होतील आणि त्यानुसार वेगळा रिचार्ज करावा लागेल. अधिक माहितीसाठी Airtel Thanks आणि MyJio या ॲप्सचा वापर करा.

The post जियो व एयरटेलतर्फे ग्राहकांना अमर्यादित मोफत 5G डेटा! appeared first on MarathiTech - मराठीटेक.

गेल्या आठवड्यात एयरटेल आणि Vi ने त्यांची दरवाढ जाहीर केल्यावर आता रिलायन्स जिओने सुद्धा त्यांचे प्रिपेड प्लॅन्सचे दर वाढवत असल्याचं जाहीर केलं आहे. नवे दर १ डिसेंबर २०२१ पासून लागू होतील.

अजूनही तुलेनेने जिओच्या प्लॅन्स इतरांपेक्षा स्वस्त दिसत आहेत. शिवाय जिओ प्लॅन्स सोबत येणाऱ्या लाईव्ह टीव्ही, न्यूज, मासिके अशा इतर सोयीसुद्धा जास्त आहेत. मात्र त्यांची 4G सेवेची गुणवत्ता बऱ्याच ठिकाणी घसरली आहे असं आमच्या बऱ्याच वाचकांनी मत नोंदवलं आहे. बाकी हे त्या त्या ठिकाणावर व इतर बऱ्याच गोष्टींवर अवलंबून असलं तरीही कंपन्यांनी नुसते दर न वाढवता सेवेची गुणवत्तासुद्धा सुधारायला हवी.

इतके दिवस हे स्वस्त प्लॅन्सचे आता लवकरच संपण्याच्या वाटेवर आहेत. कमी पैशात इंटरनेटची सवय लावून आता सर्वच टेलिकॉम कंपन्या एकदम प्लॅन्सच्या किंमती वाढवत नेत असल्याच दिसत आहे. या सर्वांमध्ये फक्त कॉलिंग आणि अमर्याद व्हॅलिडिटी असलेले प्लॅन्स बंद झाले. आता प्रत्येकाला दर महिना रीचार्ज करावाच लागतो. एकंदर पुढे येणाऱ्या काळात या प्लॅन्समध्ये काय बदल पाहायला मिळतील आणि 5G आल्यावर यांची अवस्था काय असेल यावरसुद्धा लक्ष ठेवावं लागेल.

खाली एयरटेल, Vi आणि जिओच्या नव्या प्रिपेड प्लॅन्सची माहिती दिली आहे.

The post एयरटेल, Vi नंतर जिओनेही प्लॅन्सच्या किंमती वाढवल्या! appeared first on MarathiTech - मराठीटेक.

एयरटेलने आज ऑल इन वन असा एकत्रित काम करणारा Airtel Black नावाचा प्लॅन सादर केला आहे. यानुसार फिक्स्ड बंडल प्लॅन मिळेल ज्यामध्ये तुम्हाला मोबाइल कनेक्शन, फायबर कनेक्शन आणि डीटीएच कनेक्शनसुद्धा मिळेल. या सर्वांचे पैसे एकच प्लॅनमध्ये भरले की तिन्ही सेवा वापरता येतील!

एयरटेलचे हे प्लॅन्स पाहून आपल्या गरजेनुसार निवड करु शकता. त्यामधील फायदे, ऑफर्स यांचा नक्की आपल्याला उपयोग आहे का याची माहिती घेऊन मग अशा प्लॅन्समध्ये सहभागी व्हा.

Airtel Black प्लॅन्स मधील ग्राहकांसाठी सुविधा

• एक बिल आणि एकच कॉल सेंटर
• मदतीसाठी खास टीम
• समस्या दूर करतेवेळी या प्लॅनच्या ग्राहकांना प्राधान्य
• ६० सेकंदात कॉल उचलला जाणार
• मोफत सर्व्हिस व्हिजिट्स
• डीटीएच आणि फायबर इंस्टॉलेशन मोफत
• एयरटेल Xstream Box मोफत
• एयरटेल शॉपमध्ये Buy Now Pay Later ची सोय

Airtel Black प्लॅन्स

या प्लॅनमध्ये सहभागी होण्यासाठी दोन पर्याय आहेत. पहिल्या पर्यायानुसार तुम्ही तुमचं सध्याचं मोबाइल पोस्टपेड कनेक्शन किंवा फायबर कनेक्शनला सिंगल बिल पॅकमध्ये घेऊ शकता किंवा दुसरा पर्याय म्हणजे फिक्स्ड बंडल प्लॅन जो ९९८ रुपये दरमहा दराने सुरू होतो.

• ऑल इन वन बंडल : २०९९ रुपये दरमहा : ३ मोबाइल कनेक्शन्स + १ फायबर कनेक्शन + १ डीटीएच कनेक्शन
• फायबर + मोबाइल : १५९८ रुपये दरमहा : २ मोबाइल कनेक्शन्स + १ फायबर कनेक्शन
• डीटीएच + मोबाइल : १३४९ रुपये दरमहा : ३ मोबाइल कनेक्शन्स + १ डीटीएच कनेक्शन
• डीटीएच + मोबाइल : ९९८ रुपये दरमहा : २ मोबाइल कनेक्शन्स + १ डीटीएच कनेक्शन

या प्लॅन्सच्या अधिक माहितीसाठी अधिकृत लिंक : https://www.airtel.in/airtel-black/

The post एयरटेल ब्लॅक : मोबाइल, फायबर, डीटीएच सर्वांसाठी मिळून एकच प्लॅन! appeared first on MarathiTech - मराठीटेक.