गूगलने काही दिवसांपूर्वी पार पडलेल्या आपल्या वार्षिक डेव्हलपर परिषदे (Google I/O 2025) मध्ये एआय, स्मार्ट डिव्हाइसेस आणि त्यांनी लवकरच उपलब्ध करून देण्यात येत असलेल्या सेवांची माहिती दिली. या वर्षीसुद्धा एआय हे केंद्रस्थानी होते, ज्यामुळे गूगलच्या विविध सेवांमध्ये कृत्रिम बुद्धीमत्तेवरच भर असणार असं दिसत आहे.

AI Mode आणि AI Overviews: शोधाचा नवा अनुभव
गूगलने आपल्या सर्च इंजिनमध्ये “AI Mode” आणि “AI Overviews” या नवीन वैशिष्ट्यांची घोषणा केली आहे. AI Mode वापरकर्त्यांना अधिक संवादात्मक आणि सखोल शोध अनुभव देतो, तर AI Overviews जटिल प्रश्नांची संक्षिप्त आणि अचूक उत्तरे प्रदान करतो. या दोन्ही वैशिष्ट्यांमध्ये गूगलच्या नवीनतम Gemini 2.5 मॉडेलचा वापर करण्यात आला आहे, ज्यामुळे शोध अधिक वैयक्तिक आणि प्रभावी झाला आहे.

Veo 3 आणि Imagen 4: AI द्वारे इमेजेस आणि व्हिडिओ तयार करण्यासाठी नवीन साधने!
Veo 3 हे गूगलचे नवीन व्हिडिओ जनरेशन टूल आहे, जे वापरकर्त्यांना उच्च दर्जाचे व्हिडिओ तयार करण्यास मदत करते. Imagen 4 हे इमेज जनरेशन टूल आहे, जे जलद आणि अचूक प्रतिमा निर्माण करते. या दोन्ही साधनांमध्ये एआयचा वापर करून हवे तसे व्हिडिओ तेसुद्धा सध्या उपलब्ध टूल्सच्या मानाने बऱ्याच चांगल्या पद्धतीने आणि आवाजासकट तयार करता येणार आहे. यासोबत Flow नावाची सेवा असेल जी नवी फिल्ममेकिंग सोय असून गूगलच्या DeepMind मधील मॉडेल्सचा वापर करून अगदी चित्रपटातील दृश्यं तयार करता येणार आहेत!

Gemini 2.5: गूगलचं प्रगत एआय मॉडेल
Gemini 2.5 हे गूगलचे नवीनतम एआय मॉडेल आहे, जे वेगवेगळ्या कार्यांसाठी वापरले जात आहे. फोटो, व्हिडीओ, मजकूर, आवाज यावर आधारित उत्तरे देण्यात आणि त्यानुसार कामं करण्यात हे मॉडेल निपुण आहे. शिक्षणासाठी खास LearnLM नावाचं मॉडेल देखील याचाच भाग आहे.

Android XR आणि Aura: स्मार्ट चष्म्यांची नवी पिढी
गूगलने Android XR आणि Aura या नवीन स्मार्ट चष्म्यांचे प्रोटोटाइप सादर केले आहेत. हे स्मार्ट चष्मे एआय आणि ऑगमेंटेड रिअॅलिटीच्या साहाय्याने वापरकर्त्यांना अधिक सजीव खरा वाटेल असा अनुभव देतात. Android XR चष्मे स्मार्टफोनशी जोडले जातात, तर Aura चष्मे Qualcomm चिपवर आधारित छोट्या कॉम्प्युटरसोबत कार्य करतात. यांची चाचणी अंतिम टप्प्यात असून, लवकरच बाजारात उपलब्ध होतील.

Android 16 आणि Material 3 Expressive: अँड्रॉइडमध्ये नवीन डिझाइन आणि सुरक्षा
गूगलने Android 16 ची घोषणा केली आहे, ज्यामध्ये Material 3 Expressive डिझाइन लँग्वेजचा समावेश आहे. या नवीन डिझाइनमुळे वापरकर्त्यांना अधिक आकर्षक आणि सोपा इंटरफेस मिळतो. तसेच, गूगलने Advanced Protection प्रोग्राममध्ये नवीन सुरक्षा वैशिष्ट्ये जोडली आहेत, ज्यामुळे वापरकर्त्यांची गोपनीयता आणि डेटा सुरक्षित राहतो.

Project Astra: सर्वसमावेशक एआय सहाय्यक : डेमो व्हिडिओ
Project Astra हे गूगलचे नवीन एआय सहाय्यक आहे, जो विविध कार्यांसाठी वापरला जाऊ शकतो. अगदी कॅमेरा वापरून ‘हे काय आहे?’ असं विचारल्यावर उत्तर देऊ शकतं! या सहाय्यकाच्या (असिस्टंट) साहाय्याने वापरकर्ते संवाद साधू शकतात, माहिती शोधू शकतात आणि विविध कार्ये पार पाडू शकतात. गूगलने हे सहाय्यक Gemini मॉडेलवर आधारित विकसित केले आहे, ज्यामुळे त्याची कार्यक्षमता अधिक वाढली आहे. अंध व्यक्तींना तर यामधील तंत्रज्ञानाचा खूप चांगला उपयोग होईल.

The post गूगल I/O 2025: एआय आणि गूगलच्या सेवांमधील स्मार्ट तंत्रज्ञान appeared first on MarathiTech - मराठीटेक.

गूगलने त्यांच्या Google I/O या डेव्हलपर कार्यक्रमात गूगलचा नवा स्मार्टफोन Pixel 6a जाहीर केला असून हा भारतातसुद्धा उपलब्ध होणार आहे असंही सांगितलं आहे. यासोबत अँड्रॉइडची नवी Android 13 आवृत्ती चाचणीसाठी उपलब्ध करून दिली आहे. शिवाय कोंकणीचा गूगल ट्रान्सलेटमध्ये समावेश, गूगल सर्च आणि गूगल मॅप्समधील नव्या सोयी, नंतर येणारा Google Pixel 7 & 7 Pro, Pixel टॅब्लेट, स्मार्ट ग्लासेस यांचीही माहिती देण्यात आली आहे.

गूगलने अलीकडे त्यांचे बरेच पिक्सल फोन्स मॉडेल्स भारतात आणले नव्हते. त्यामधील काही सोयीमुळे किंवा काही इतर कारणांनी त्यांनी त्यांनी Pixel 5, Pixel 6 मालिका भारतात आणलीच नाही. मात्र आता हा तुलनेने कमी सोयी असलेला Pixel 6a भारतात उपलब्ध होतोय असं अधिकृतरित्या सांगण्यात आलं आहे.

या फोनमध्ये 6.1 इंची Full HD+ OLED HDR डिस्प्ले, 60Hz रिफ्रेश रेट, गूगलचा स्वतःचा Tensor प्रोसेसर, 6GB रॅम, 128GB स्टोरेज, 12.2MP+12MP ड्युयल कॅमेरा सेटप, 8MP फ्रंट कॅमेरा, 4410mAh बॅटरी, Wi-Fi 6+6E, Bluetooth 5.2, IP67 water आणि dust resistance, in-display fingerprint scanner अशा सोयी देण्यात आल्या आहेत. या फोनची भारतातली किंमत जाहीर करण्यात आलेली नसली तरी अंदाजे ४०००० च्या आसपास असेल असं म्हटलं जात आहे. सध्या उपलब्ध फोन्सच्या तुलनेत यामधील हार्डवेयर नक्कीच मागं पडेल आणि वरून किंमतसुद्धा बरीच जास्त वाटेल.

या फोनमधील Adaptive Battery सोयीमुळे २४ तासांपर्यंत चालेल असं गूगलने सांगितलं आहे! Android 13 मुळे यामध्ये अनेक नव्या सोयी पाहायला मिळतील.

The post गूगलचा Pixel 6a भारतात उपलब्ध होणार : Google I/O मध्ये जाहीर! appeared first on MarathiTech - मराठीटेक.

गूगलने त्यांच्या कालपासून सुरू झालेल्या Google I/O या डेव्हलपर कार्यक्रमात अँड्रॉइडच्या नव्या आवृत्ती चाचणीसाठी उपलब्ध करून दिली आहे. नव्या आवृत्ती मध्ये नवा युजर इंटरफेस, अधिक सुरक्षा, अधिक प्रायव्हसी आणि सुधारित कामगिरी पाहायला मिळेल. अँड्रॉइड ऑपरेटिंग सिस्टम आता तब्बल ३०० कोटी उपकरणामध्ये वापरली जात आहे!

गूगलने आजवर त्यांच्या लोकप्रिय मोबाइल ऑपरेटिंग सिस्टिमच्या विविध आवृत्त्यांची नावे डेझर्ट्सवरून ठेवली होती. उदा. कपकेक, डोनट, फ्रोयो(2.0), जिंजरब्रेड(2.3), हनीकोंब (3.0), आईसक्रीम सँडविच(4.0), जेली बीन(4.1), किटकॅट(4.4), लॉलीपॉप(5.0), मार्शमेलो(6.0), नुगट(7.0), ओरीओ(8.0), पाय(9.0) नंतर Android 10, Android 11 आणि आता येणाऱ्या नव्या आवृत्तीचं अधिकृत नाव Android 12 असं असणार आहे. याबद्दल काल गूगलतर्फे अधिकृत माहिती देण्यात आली आहे.

खाली दिलेल्या व्हिडिओ मधून तुम्हाला नव्या अँड्रॉइडमधील नव्या डिझाईनचा अंदाज येईल. स्वाईप डाऊन केल्यावर येणाऱ्या कंट्रोल्समधील नेहमीच्या गोल बटनांऐवजी आता मोठी आडवी बटणे पाहायला मिळतील. यामुळे फोनचा वापर आणखी सोपा होईल असं गूगलचं म्हणणं आहे.

आत्ता ही आवृत्ती अॅप डेव्हलपर्सनी त्यांचे ॲप्स डेव्हलप करण्यासाठी वापरणं सोपं जावं म्हणून दिलेली असते. या प्रीव्यू आवृत्त्या ह्या डेव्हलपरद्वारे करण्यात येणाऱ्या चाचण्यांसाठीच असतात. सामान्य यूजर्सनाही या इंस्टॉल करता येत असल्या तरी शक्यतो त्या फंदात पडू नये कारण यामुळे तुमच्या फोनमधील डेटा जाऊ शकतो किंवा फोन बिघडू सुद्धा शकतो.

आपल्यासाठी फक्त येणाऱ्या अँड्रॉइडमध्ये काय सुविधा असू शकतील याचा अंदाज येईल यादृष्टीने माहिती मिळते. सामान्य यूजर्ससाठी हे अपडेट आणखी काही महिन्यांनी त्यांच्या कंपनीने उपलब्ध करून दिल्यास त्यांच्या फोनवर उपलब्ध होईल.

अँड्रॉइड १२ मधील नव्या सुविधा

• new UI for Android : अँड्रॉइड १२ मध्ये आपल्याला बऱ्यापैकी नवीन डिझाईन पाहायला मिळेल. गेली दोन-तीन व्हर्जन्समधील डिझाईन सारखच होतं मात्र यावेळी ते बदलण्यात आलं आहे. विजेट्स, ट्रान्झिशन्स, रंग, आकार अशा अनेक गोष्टी मध्ये नावीन्य दिसून येईल.
• Performance : नव्या अँड्रॉइड १२ ची कामगिरी सुद्धा बरीच सुधारलेली असणार आहे. ॲप्स आता आणखी लवकर उघडतील.
• Custom Theming : आपल्या आवडीनुसार पूर्ण फोनच्या सिस्टमचे रंग बदलता येतील.
• Privacy Dashboard : याठिकाणी आपल्याला कोणत्या ॲप्सना कोणती परवानगी दिली आहे आणि त्यांचा कसा वापर होत आहे हे ते समजेल.
• आता प्रायव्हसीसाठी ज्यावेळी आपला कॅमेरा किंवा माइक वापरला जात असेल त्यावेळी नोटिफिकेशन बार वर एका ठिपक्याद्वारे ते समजेल.
• आता आपल्या अँड्रॉइड फोनद्वारे क्रोमबुक अनलॉक करता येईल.

Search Terms : Android 12 beta is now live What’s new in Android 12 Beta Google I/O 2021

The post अँड्रॉइड १२ अपडेट : अँड्रॉइडची नवी आवृत्ती चाचणीसाठी उपलब्ध! appeared first on MarathiTech - मराठीटेक.