कन्झ्युमर इलेक्ट्रॉनिक्स शो (CES) हा इलेक्ट्रॉनिक्स, तंत्रज्ञान जगातला सर्वात मोठा कार्यक्रम ५ जानेवारी ते ८ जानेवारी दरम्यान पार पडला! तब्बल दोन वर्षांनी यावेळी ऑफलाइन कार्यक्रम पार पडला असून या वर्षीचा सीईएस कार्यक्रम लास वेगासमध्ये भरला असून नेहमीप्रमाणे सर्व मोठ्या कंपन्यांमध्ये आपापली उत्पादने सादर करण्यासाठी जोरात स्पर्धा दिसून येत आहे…

यावेळी १७३ देशांमधील ३२०० हून अधिक कंपन्या किंवा व्यक्तींनी त्यांची उत्पादने/संशोधन प्रदर्शित केलं आहे. या लेखामध्ये पुढे काही ठराविक कंपन्या आणि त्यांची विशेष उत्पादने यांची माहिती दिली आहे. सर्वच वस्तूंची माहिती देणं शक्य नसल्याने जी उत्पादने चर्चेत होती त्यांचाच उल्लेख इथे केला आहे.

सॅमसंग (Samsung) : सॅमसंगने नेहमीप्रमाणे आणखी मोठे टीव्ही, NEO QLED चं नवं 8K तंत्रज्ञान, दुमडता आणि सरकवून बाजूला वाढवता येणारे डिस्प्ले, Odyssey OLED नावाचा Curved डिस्प्ले असलेला मॉनिटर, 2000nits ब्राइटनेस असलेला स्मार्टफोन डिस्प्ले गेल्यावर्षी आलेल्या Freestyle प्रॉजेक्टरची नवी आवृत्ती अशी बरीच उत्पादने सादर केली आहेत. स्मार्ट थिंग्ज अंतर्गत स्मार्ट होमसाठी BeSpoke फॅमिली हब टचस्क्रीन फ्रीज, त्यामध्ये पूर्ण फ्रीजला आपल्या आवडीचं डिझाईन सेट करता येण्याचा पर्याय यासोबत स्मार्ट वॉशिंग मशीन ज्यामध्ये अनेक सेन्सर्स जोडलेले असून आपोआप कपडे धुवून देण्याचं काम ही मशीन करेल.

सोनी (Sony) : सोनीने यावेळी त्यांची होंडा कंपनीसोबत भागीदारी जाहीर करता त्यांचा Afeela ब्रॅंड जाहीर केला असून यामधील प्रोटोटाइप इलेक्ट्रिक कारसुद्धा त्यांनी प्रदर्शित केली आहे. ही कार २०२६ पर्यंत विक्रीसाठी उपलब्ध होऊ शकते. ४० हून अधिक सेन्सर्स, कॅमेरा, रडार, अल्ट्रासॉनिक आणि लायडारचा समावेश करून सोनीच्या AI, VR व AR चा वापर केलेली एक अद्वितीय कार असेल.

सोनीच्या प्लेस्टेशन विभागात Project Leonardo नावाने एक उपकरण येणार असून याद्वारे अपंगत्व असलेल्या लोकांनाही गेम्स खेळता येतील आणि तेसुद्धा सोप्या पद्धतीने!

लेनेवो (Lenovo) : लेनेवोने Yoga Book 9i नावाचा ड्युयल डिस्प्ले लॅपटॉप आणला असून दोन 13.3″ 2.8K OLED डिस्प्ले एकावर एक जोडलेले आहेत. यासोबत दुसऱ्या ThinkBook Plus नावाच्या लॅपटॉपला असलेला OLED डिस्प्ले चक्क गोल फिरवता (Twist) येतो! लेनेवोने यावेळी ThinkPhone हा फोनसुद्धा सादर केला असून हा एक बिझनेस फोन असेल याला पीसीला जोडून स्वतंत्र कॉम्प्युटरप्रमाणेही वापरता येईल.

BMW : बीएमडब्ल्यूने त्यांची कन्सेप्ट कार प्रदर्शित केली. BMW i VISION DEE ह्या कारला आपण आवडीनुसार कधीही डिझाईन रंग सर्वकाही बदलू शकता. गेल्यावर्षी आलेला अशाच कारममध्ये फक्त ब्लॅक अँड व्हाइटचा पर्याय होता मात्र यावेळी हे तंत्रज्ञान आणखी विकसित करून तब्बल ३२ रंग यामध्ये निवडता येतील तेसुद्धा एकाचवेळी! यामुळे अवघ्या काही सेकंदात कारचं बाहेरील रूप पूर्णपणे बदलता येतं! यासाठी त्यांनी e ink डिस्प्लेचा वापर केला आहे.

एसुस (Asus) : एसुसने यावेळी पुन्हा एकदा प्रोआर्ट सिरीज लॅपटॉप्समध्ये OLED डिस्प्लेचं नवं तंत्रज्ञान जोडून लॅपटॉप आणले असून यावेळी एक 3D लॅपटॉपसुद्धा सादर केला ज्याचा 3D इफेक्ट पाहण्यासाठी गॉगल्सची गरज नाही. या इफेक्टमुळे आपण स्क्रीनवर पाहत असलेली वस्तु स्क्रीनच्या बाहेर येऊन फिरत आहे असं वाटतं!

HTC : HTC ने त्यांच्या प्रसिद्ध Vive VR हेडसेटमध्ये HTC Vive XR Elite मॉडेल आणलं असून यामध्ये AR, VR, and Mixed Reality (MR) तिन्ही प्रकारचा वापर करता येऊ शकतो! याची किंमत $1099 इतकी असेल.

L’Oréal Hapta : शारीरिक अपंगत्व असलेल्या व्यक्तींसाठी लॉरियाल या फॅशन ब्रॅंडने लिपस्टिक Applicator आणला असून याच्या ग्रीपमुळे ज्यांना हाताची मर्यादित स्वरूपात हालचाल करावी लागते त्यांना लिपस्टिक लावणं एकदम सोपं होईल असं त्यांचं म्हणणं आहे! ही ग्रीप गिंबल प्रमाणे काम करेल!

Unisteller : या कंपनीचा नवा टेलिस्कोप आपण याच्या App मध्ये हवा तो ग्रह, तारा सिलेक्ट केला की एका क्लिकवर त्या दिशेने स्वतःला फिरवून ठेवतो! याला Eyepiece दिलेला नाही त्यामुळे तुम्हाला स्मार्टफोनमध्येच टेलिस्कोपचं लाईव्ह दृश्य दिसेल. अवकाशातील ५००० हून गोष्टी याद्वारे पाहता येतील! शिवाय यामधील खास फीचर्समुळे लाइट पोल्युशनमधूनही हा टेलिस्कोप व्यवस्थित पाहू शकतो!

Dispace TV : या ब्रॅंडने बॅटरी असलेले टीव्ही आणले असून आपण हे उचलून कुठेही ठेवून वापरू शकता. विद्युत प्रवाह नसतानासुद्धा बॅटरीवर हा टीव्ही रोज ६ तास वापरुन जवळपास एक महिना चालेल असंही त्यांनी सांगितलं आहे! याचं वजन ९ किलोपेक्षा कमी असून हा 55″ डिस्प्ले आहे जो एका बाजूला एक असा ४ टीव्ही जोडून पूर्ण एक मोठा ११० इंची किंवा १६ टीव्ही जोडून २२० इंची डिस्प्लेसुद्धा बनवता येतो! याची बॅटरी काढून नवीन बॅटरी लगेचच बदलता येते.

German Bionic Apogee : याचा वापर करून कोणताही मनुष्य त्याचा पाठीवरचं वजन नेहमीच्या तुलनेत जवळपास ३० किलो अधिक वजन त्रास न होता उचलू शकतो! शिवाय यामध्ये जोडलेल्या AI मुळे आपण झेपेल इतकं वजन उचलत आहोत का याचीही माहिती मिळेल. हा सूट अंगावर घातल्यावर त्रास न होता वजन उचलण्याची क्षमता वाढते कारण त्या वस्तुचं वजन हा सूट त्यामधील तंत्रज्ञानामुळे स्वतः वाटून घेतो.

The post CES 2023 मधील घडामोडी : सर्वात मोठा टेक्नॉलॉजी मेळा appeared first on MarathiTech - मराठीटेक.

कन्झ्युमर इलेक्ट्रॉनिक्स शो (CES) हा इलेक्ट्रॉनिक्स, तंत्रज्ञान जगातला सर्वात मोठा कार्यक्रम ७ जानेवारी ते १० जानेवारी दरम्यान पार पडला! या वर्षीचा सीईएस कार्यक्रम लास वेगासमध्ये भरला असून नेहमीप्रमाणे सर्व मोठ्या कंपन्यांमध्ये आपापली उत्पादने सादर करण्यासाठी जोरात स्पर्धा दिसून येत आहे…

यावर्षी AI आधारित उपकरणे, 8K टीव्ही, वॉइस असिस्टंट, ड्युयल स्क्रीन आणि घडी घालता येतील असे डिस्प्ले असलेले फोन्स व लॅपटॉपप्स, इलेक्ट्रिक कार्स, घरगुती वापरासाठी स्मार्ट डिवाइसेस यांची रेलचेल होती! अनेक कंपन्या आणि त्यांची यावर्षी व भविष्यातील वाटचाल या कार्यक्रमात दिसून येते… या शो मध्ये सादर होणारी काही खास प्रोडक्टस आणि आपल्या आवडीचे काही खास ब्रॅंड (सोनी, एलजी, सॅमसंग, लेनेवो, डेल, एसुस, एएमडी, टोयोटा, इ.) यावर्षी कोणती उत्पादने घेऊन आले आहेत ते पाहूया ….मराठीत नेहमीप्रमाणे फक्त मराठीटेकवर…
यावेळी मराठीटेकवर काही अपरिहार्य कारणांमुळे CES २०२० मधील घडामोडी लाईव्ह प्रकाशित करता आल्या नाहीत. त्यामुळे हा लेख उशिरा प्रकाशित होत आहे याची नोंद घ्यावी येत्या काही दिवसात यामधील काही उत्पादने आमच्या इन्स्टाग्रामवर आपण पाहू शकाल.

सोनी (Sony): यंदाच्या CES 2020 मध्ये सर्वात चर्चेत राहिलेली गोष्ट म्हणजे सोनीची इलेक्ट्रिक कार! होय, सोनीने स्वतःची इलेक्ट्रिक कार यावेळी सादर केली. या कारचं नाव Sony Vision S असं असणार आहे. या स्मार्ट कार मध्ये सोनीचे सेन्सर, सोनीचं सॉफ्टवेअर, सोनीचीच एंटरटेंमेंट सिस्टम यांची जोड देण्यात आली आहे. ही कार बाजारात विक्रीस मात्र उपलब्ध होणार नाही हे सोनीतर्फे स्पष्ट करण्यात आलं आहे. ही केवळ एक कन्सेप्ट कार असून याद्वारे सोनीने त्यांच्या भविष्यात सादर होणाऱ्या कार संबंधित उत्पादनांची माहिती देण्यासाठी ही कार खास तयार केली आहे.

कन्सेप्ट कार्स शक्यतो प्रत्यक्षात कधीच विक्रीसाठी आणल्या जात नाहीत. त्या फक्त कंपनीने तंत्रज्ञानासंबंधी सुरू असलेले प्रयत्न दर्शवण्यासाठी वापरल्या जातात. खरतर यासाठी सोनीला स्वतंत्र कार तयार करण्याची गरज नव्हती मात्र तरीही त्यांनी त्यांचा तंत्रज्ञान या कारमध्ये प्रदर्शित केलं आणि आता ही कार CES 2020 ओळख बनली आहे!
यासोबत सोनीने केलेल्या प्लेस्टेशन ५ म्हणजे PS5 च्या लोगोचं अनावरणसुद्धा चर्चेत राहिलं ! PlayStation 5 हा गेमिंग कॉन्सोल 8K रेजोल्यूशन सपोर्ट करेल!

सॅमसंग (Samsung) : सॅमसंगने यावेळी CES मध्ये अनेक उत्पादनेही सादर केली आहेत. चर्चेचा विषय ठरले ते म्हणजे Galaxy Chromebook, Galaxy Note 10 Lite व Galaxy S10 Lite.
Neon Project ज्यामध्ये व्हिडीओ रोबॉट मानवी हावभाव करत संवाद साधतील हे अगदी खऱ्याखुऱ्या व्यक्तीप्रमाणे दिसतील आणि संवादहि नैसर्गिक वाटेल, Ballie नावाचा रोबॉट जो दैनंदिन कामात आपल्याला वेळोवेळी मदत करेल, Planta हा concept refrigerator फ्रिज जो घरीच भाज्या पिकवून देईल!, GEMS नावाचं उपकरणे जे दिव्यांगांना मदत करेल. Samsung Sero नावाचं उपकरण जे आपल्या सॅमसंग गॅलॅक्सी फोनसोबत जोडलं जाईल आणि फोनमधील स्क्रिन आहे अशी मोठ्या डिस्प्लेवर दिसेल. याचं वैशिष्ट्य म्हजे जर तुम्ही फोन आडवा केला (रोटेट) तर तो मोठा डिस्प्लेसुद्धा फिरून आडवा होतो! याशिवाय इतर उत्पादने जसे कि Galaxy Book Flex α, Odyssey curved QLED gaming monitors G9 and G7 सुद्धा सादर झाले.

Dell : डेलने यावेळी लॅपटॉप्ससोबत Alienware Concept UFO हे गेमिंग उपकरण सादर केलं असून यामध्ये विंडोज १० इंस्टॉल केलेलं असेल आणि आपण यावर पीसी गेमिंग खेळू शकाल. याचं वैशिष्ट्य म्हणजे हा टॅब्लेट आकाराचाच आहे! सध्यातरी हे उपकरण प्रोटोटाईप म्हणूनच समोर आलं आहे.
डेलनेव्यतिरिक्त घडी घालता येईल असा टॅब्लेटसुद्धा सादर केला आहे!

निकॉन (Nikon) : Nikon D750 या प्रचंड गाजलेल्या फुल फ्रेम DSLR कॅमेराची पुढची आवृत्ती D780 निकॉनने CES मध्ये सादर करण्यात आली आहे. 24.5-megapixel फोटो, improved dynamic range, color reproduction आणि quality पाहायला मिळेल. Expeed 6 image processor, 4K UHD video recording at 30fps, ISO range of up to 51,200 (max at 204,800), 7 frames per second अशा सुविधा यामध्ये पाहायला मिळतील. याची किंमत भारतात ₹१,९८,९९५ (बॉडी) ₹२,४२,४९५ (किट लेनसोबत्स) इतकी आहे.

वनप्लस (OnePlus) : The OnePlus Concept One : तुमच्या फोनच्या मागे असलेल्या कॅमेराच्या बाहेर आलेल्या आकाराचा त्रास होत असेल तर वनप्लसचा हा कन्सेप्ट तुम्हाला नक्की आवडेल. मॅक्लारेन सोबत भागीदारी करून तयार केलेला हा फोन त्यांच्या कारच्या काचेप्रमाणे सुविधा असलेला कॅमेरा देतोय! या फोनमधील कॅमेरा वापरून झाल्यावर कॅमेरा अॅप बंद होताच सर्व कॅमेरा दिसेनासे होतात आणि कॅमेरासमोरील काच काळी होते. जेव्हा तुम्ही पुन्हा कॅमेरा अॅप सुरु कराल तेव्हाच ते कॅमेरे परत दिसू लागतील!

Withings ScanWatch : विथिंग्स या कंपनीने त्यांचं नवं स्मार्ट घड्याळ सादर केलं असून यामध्ये आरोग्यविषयक सुविधांसाठी नवं तंत्रज्ञान मोठ्या प्रमाणावर वापरण्यात आलं आहे. ECG, atrial fibrillation, blood oxygen levels, झोपची नोंद, झोपेत श्वास बंद होण्याचा sleep apnea) अंदाज व्यक्त करणे अशा गोष्टी हातातल्या घड्याळात जोडण्यात या कंपनीने यश मिळवलं आहे.

लेनोवो : Lenovo ThinkBook Plus with secondary E Ink display : लेनोवोने हा लॅपटॉप सादर केला आहे ज्यामध्ये नेहमी प्रमाणे मुख्य डिस्प्ले तर आहेच सोबत याच्या मागे इ इंक डिस्प्ले सुद्धा देण्यात आला आहे ज्यावर आपण लॅपटॉप न उघडता नोट्स घेऊ शकतो! यासाठी पेनचा समावेश केला आहे.
सोबतच Lenovo ThinkPad X1 Fold हा घडी घालता येईल असा डिस्प्ले असलेला लॅपटॉपसुद्धा सादर केला असून भविष्यात आपल्याला असे लॅपटॉप जागोजागी पाहायला मिळाल्यास आश्चर्य वाटायला नको.

SA-1 urban air taxi : ह्युंडाईने भागीदारीत तयार केलेली हि हवाई टॅक्सी उबरच्या Uber Elevate या सेवेसाठी करण्यात आलेली कन्सेप्ट आहे. शहरांमध्ये हवाई टॅक्सीसेवा याद्वारे पुरवण्यात येईल! यामध्ये पायलटला धरून पाच जण बसू शकतील ३२१ किमी/तास या वेगाने हि हवाई टॅक्सी उडू शकेल!

Bosch Virtual Visor : बॉश कंपनीने एक अनोखं उपकरण आणलं असून आता आपण कार्समध्ये पाहत असलेल्या सूर्यप्रकाश अडवणाऱ्या पट्ट्या पाहिल्या असतीलच. या बऱ्याच वेळा प्रवासादरम्यान एखाद दुसऱ्या वेळी तरी काम करत नाहीत आणि अचानक सूर्यप्रकाश डोळ्यांवर येतो त्यासाठी बॉशने आपोआप सूर्यप्रकाश आणि आपले डोळे यांच्या जागा ओळखून त्यानुसार डोळ्यावर अंधार करणारा डिस्प्ले बनवला आहे!

Mercedes-Benz Vision AVTR : मर्सेडिज आणि अवतारचे दिग्दर्शक जेम्स कॅमेरून यांनी भागीदारी करून हे भन्नाट डिझाईन असलेली कार तयार केली आहे. अर्थात हि सुद्धा कन्सेप्ट कारच आहे. हि कार तुमचा श्वासोच्छ्वास ओळखू शकते!

रेझर Razer : पीसी, लॅपटॉप्स, फोन्स नंतर रेझर आता रेस गेमिंग सिम्युलेटर बनवत आहे. याद्वारे तुम्ही प्रत्यक्ष स्पोर्ट्स कार/बाईक चालवत आहेत असा अनुभव येईल. गाडीच्या दिशेनुसार याची सीटसुद्धा अॅड्जस्ट केली जाईल! १२८ इंची वक्राकार स्क्रीन असून २०२ अंश फील्ड ऑफ व्ह्यू आहे! रेसिंग गेम सुरू असताना वळणे घेताना तर आणखी मजा येईल अशा सोयी यामध्ये जोडण्यात आल्या आहेत!

एलजी LG : कंपनीने गेल्यावेळी सादर केलेला गुंडाळला जाणारा डिस्प्ले असलेला rollable टीव्ही आता यावर्षी उपलब्ध होईल असं सांगितलं आहे. याशिवाय अधिक मोठे अधिक रेजोल्यूशन असलेले स्मार्ट टीव्ही सुद्धा सादर करण्यात आले. ThinQ Washer with AI ही कृत्रिम बुद्धिमत्तेची जोड देण्यात आलेली वॉशिंग मशीन सादर झाली. ही मशीन टाकलेले कपडे कोणत्या प्रकारचे आहेत हे स्वतः ओळखेल!

The post CES 2020 मधील घडामोडी : सर्वात मोठा टेक्नॉलॉजी मेळा appeared first on MarathiTech - मराठीटेक.

Lenovo Carme हे स्मार्टवॉच भारतात सादर झालं असून यामध्ये IPS कलर टचस्क्रीन बटन डिस्प्ले देण्यात आला आहे. तसेच २४ तास आपल्या हृदयाच्या हालचालींवर लक्ष ठेवणार हार्ट रेट मॉनिटर आणि स्लीप ट्रॅकिंगसुद्धा दिलेलं आहे. हे स्मार्ट घडयाळ IP68 रेटेड असल्यामुळे पाणी आणि धुळीपासून याचं संरक्षण होईल. फोनमध्ये येणाऱ्या फोन कॉल्स, मेसेजेसच्या नोटिफिकेशनबद्दल माहितीसुद्धा या घड्याळात मिळणार आहे. याची किंमत ३४९९ असेल आणि हे क्रोमा व फ्लिपकार्टवर उपलब्ध होत आहे.

Lenovo Carme specifications

Lenovo Carme (HW25P) मध्ये 1.3″ IPS कलर डिस्प्ले देण्यात आला आहे ज्याला टचस्क्रीन बटनसुद्धा आहे. 2.5D curved surface डिझाईन असून जास्त उजेडात वेगवेगळ्या कोनाद्वारे पाहिल्यास सुद्धा डिस्प्ले सहज दिसेल. आरोग्य आणि फिटनेसच्या दृष्टीने यामध्ये अनेक सोयी देण्यात आल्या आहेत असं लेनेवो तर्फे सांगण्यात आलं आहे. पेडोमीटर, २४ तास हार्ट रेट मॉनिटर आणि स्लीप मॉनिटर जो झोपेवर लक्ष ठेवेल. यामधील स्पोर्ट्स मोडद्वारे बॅडमिंटन, सायकलिंग, रनिंग, फुटबॉल, स्विमिंग अशा गोष्टींवर लक्ष ठेवता येईल. सोबतच इतर सुविधा जय इतर स्मार्ट घड्याळयांमध्ये दिलेल्या पाहायला मिळतात त्या म्हणजे अलार्म, हवामान अंदाज, स्टॉपवॉच, सर्च फॉर फोन, स्मार्ट नोटिफिकेशन, इ.

हे लेनेवो स्मार्टवॉच एक चार्जवर तब्बल ७ दिवस चालेल असं सांगण्यात आलं आहे. यामध्ये Bluetooth 4.2 जोडण्यात आलं असून iOS व अँड्रॉईड फोन्सना सपोर्ट आहे.

Lenovo Carme Black Smartwatch on Flipkart : http://fkrt.it/rPKLkoNNNN

The post Lenovo Carme सादर : हार्ट रेट मॉनिटर, कलर डिस्प्ले असलेलं स्वस्त स्मार्टवॉच! appeared first on MarathiTech - मराठीटेक.

मोटो कंपनीने त्यांचे दोन नवे स्मार्टफोन्स IFA 2019 मध्ये सादर केले आहेत. Moto One Zoom हा मध्यम किंमतीच्या फोन्समध्ये नवा पर्याय असून यामध्ये चार कॅमेरे आहेत जे 3x Optical Zoom व 10x hybrid zoom उपलब्ध करून देतात! याचा मुख्य कॅमेरा 48MP आहे. Moto E6 Plus हा स्वस्त फोन्समध्ये नवा पर्याय असून यात आता नॉच असलेला डिस्प्ले दिलेला आहे. सोबत या मालिकेत ड्युयल कॅमेरासुद्धा प्रथमच देण्यात आला आहे. लेनेवोकडे मालकी असलेल्या या मोटो कंपनीचे ही फोन्स भारतात कधी उपलब्ध होणार याबद्दल माहिती देण्यात आलेली नाही.

मोटोने काही दिवसापासून बऱ्यापैकी चांगले पर्याय देण्यास सुरुवात केली आहे. अलीकडे त्यांनी स्मार्टफोन बाजारावरील पकड गमावल्याचं चित्र आहे. मात्र Moto One Vision, Moto One Action असे फोन सादर करून मोटोच्या चाहत्यांमध्ये काहीसं आशादायी चित्र निर्माण झालं आहे. या फोन्सना आणखी सुविधा, अपडेट्स व योग्य किंमत दिल्यास ग्राहक पुन्हा मोटोकडे वळू शकतात. लेनेवोने सुद्धा काही दिवसापूर्वीच Lenovo K10 Note, Z6 Pro, A6 Note हे फोन्स सादर केले आहेत.

Moto One Zoom Specs

डिस्प्ले : 6.4″ Max Vision OLED
प्रोसेसर : Qualcomm Snapdragon 675
GPU : Adreno 612
रॅम : 4GB
स्टोरेज : 128GB
कॅमेरा : 48MP Primary Lens + 16MP Wide-Angle Lens + 8MP Telephoto + 5MP Depth Camera
फ्रंट कॅमेरा : 25MP, f2.0
बॅटरी : 4000 mAh 15W Fast Charge (TurboPower 18W Charger)
ऑपरेटिंग सिस्टिम : Android 9 Pie
सेन्सर्स : Accelerometer, Magnetometer (compass), Gyro, Proximity, Ambient Light, GPS, Ultrasonics, NFC, FPS
इतर : On-display fingerprint sensor, Bluetooth 5.0, USB Type-C
रंग : Electric Grey, Cosmic Purple, Brushed Bronze
किंमत : भारतीय किंमत अद्याप जाहीर नाही
EUR 429 (₹३४०००) (4GB+128GB)

Moto E6 Plus Specs

डिस्प्ले : 6.1” u-notch HD+
प्रोसेसर : MediaTek Helio P22
रॅम : 2GB/4GB
स्टोरेज : 32GB/64GB
कॅमेरा : 13 MP AF f2.0 + 2 MP depth sensor
फ्रंट कॅमेरा : 8 MP f2.0
बॅटरी : 3000mAh Micro USB 2.0 5W charger
ऑपरेटिंग सिस्टिम : Android 9 Pie
सेन्सर्स : Fingerprint reader, Proximity sensor, Accelerometer, Ambient Light sensor
इतर : Bluetooth 4.2, microSD Card support (up to 512 GB)
रंग : Polished Graphite, Bright Cherry
किंमत : भारतीय किंमत अद्याप जाहीर नाही
EEUR 139 (₹११०००) (2GB+32GB)

The post मोटोचे नवे फोन्स Moto One Zoom, Moto E6 Plus सादर! appeared first on MarathiTech - मराठीटेक.

घडी घालता येणार्‍या फोन्सची सॅमसंग गॅलक्सी फोल्ड व हुवावे मेट एक्सच्या रूपात चाहूल लागल्यानंतर आता जगातला पहिला घडी घालता येणारा विंडोज पीसी लेनेवोने आज त्यांच्या अॅक्सलरेट या कार्यक्रमात सादर केला आहे! Lenovo ThinkPad X1 foldable PC हा बाजारात उपलब्ध होण्यास तयार असल्याच बोललं जात आहे! मात्र हा प्रत्यक्षात उपलब्ध होण्यास २०२० उजाडेल असाही अंदाज व्यक्त केला जात आहे. तोपर्यंत इतर पीसी निर्मातेसुद्धा त्यांची उत्पादने सादर करू शकतात.

Lenovo ThinkPad X1 foldable PC Specs :
ऑपरेटिंग सिस्टम : मायक्रोसॉफ्ट विंडोज
प्रोसेसर : अद्याप जाहीर नाही
रॅम : अद्याप जाहीर नाही
ग्राफिक्स : Intel
स्टोरेज : अद्याप जाहीर नाही
डिस्प्ले : 13.3-inch 2k OLED 4:3 Touch and inking supported
पेन : Wacom AES
Ports: Two USB Type C
Audio : Stereo speakers (Dolby)
Wireless : W-Fi and 4G LTE
Camera : Front-facing
IR camera with Windows Hello

सध्यातरी हे घडी घालता येणार्‍या डिस्प्लेचं तंत्रज्ञान प्राथमिक अवस्थेत असलं तरी आपल्या आसपास दिसणार्‍या डिस्प्लेना अनेक वर्षानी नवं रूप या निमित्ताने मिळण्यास सुरूवात होईल हे नक्की…!

The post लेनेवोचा जगातला पहिला घडी घालता येणारा विंडोज पीसी! appeared first on MarathiTech - मराठीटेक.