भारत सरकारने पूर्वी फक्त काही सरकारी कर्मचाऱ्यांपुरतं मर्यादित असणारं संदेस (Sandes) ॲप आता सर्वांसाठी खुलं करण्यात आलं आहे. हे ॲप व्हॉट्सॲप सारखा भारतीय पर्याय म्हणून तयार करण्यात आलं असून हे आता अँड्रॉइड व iOS दोन्ही ठिकाणी उपलब्ध झालं आहे.

Sandes App Download Link : https://www.gims.gov.in/dash/dlink

हे संदेस ॲप नॅशनल इन्फॉर्मेटिक्स सेंटरमध्ये (NIC) तयार करण्यात आलं आहे. अँड्रॉइड ॲप वापरताना याचं नाव GIMS (Government Instant Messaging System) असं दिसून येत आहे. हे चुकून झालं आहे की नंतर नावात बदल करण्यात येणार आहे याची माहिती अद्याप देण्यात आलेली नाही. अजूनही या वेबसाइटवर बरीचशी पेजेस पाहण्यासाठी authorized government officials असाल तरच पाहता येतील असे निर्बंध आहेत! हे ॲप ऑगस्ट २०२० मध्ये आणण्यात आलं होतं मात्र आजवर ते सरकारी कर्मचाऱ्यांपुरतंच मर्यादित होतं आता ते सर्वांना वापरता येत आहे.

हे ॲप अँड्रॉइडसाठी गूगल प्ले स्टोअरवर उपलब्ध नाही. तुम्हाला apk फाइल डाउनलोड करून स्वतः इंस्टॉल करावं लागेल. iOS साठी मात्र हे App Store वर उपलब्ध आहे!

यामध्ये आपण एखादा मेसेज महत्वाचा आहे असं सांगू शकता. त्यानुसार टॅग देण्याची सोय या ॲपमध्ये आहे. सरकारी कामासाठी ही सोय नक्कीच उपयोगी पडेल. कारण सरकारी कामांसाठीही अजूनसुद्धा व्हॉट्सॲपसारखे खासगी पर्याय वापरले जातात जे सुरक्षेच्या दृष्टीने धोकादायक ठरू शकतं.

मात्र सामान्य यूजर्सना हे ॲप फारसं उपयोगी पडेल असं वाटत नाही. सध्या सर्वच गोष्टींना भारतीय पर्याय देण्याची स्पर्धा निर्माण झाली असली तरी गुणवत्तेने चांगले, सुरक्षित, उत्तम डिझाईन असलेले, नावीन्य असलेले ॲप्स यापैकी कोणीच करत नाही. त्यामुळे त्यांची चर्चाच सुरू होते ते अमुक ॲपची भारतीय कॉपी म्हणून… या गोष्टीमध्ये बदल होऊन खरेच चांगले भारतीय पर्याय बाजारात उपलब्ध व्हावेत जे जगभर वापरले जातील.

The post व्हॉट्सॲपला भारतीय पर्याय ‘Sandes’ : सरकारतर्फे आता मेसेजिंग ॲप! appeared first on MarathiTech - मराठीटेक.

सिग्नल हे एक ओपन सोर्स, सुरक्षित मोफत मेसेजिंग ॲप आहे. व्हॉटसॲपच्या नव्या प्रायवसी पॉलिसीमुळे सिग्नल हे पर्यायी ॲप आता लोकप्रिय होत आहे. Elon Musk, Jack Dorsey, Edward Snowden यांनीही हे ॲप वापरण्यास सुचवलं आहे.

व्हॉटसॲपमधील सर्व सुविधा यामध्ये नसल्या तरी डेटा सुरक्षेबाबत हे सर्वोत्तम मेसेजिंग ॲप आहे. हे ॲप Signal Foundation ने तयार केलं असून यामध्ये व्हॉटसॲपचे संस्थापक सुद्धा सहभागी आहेत! 2017 मध्ये त्यांनी व्हॉटसॲपमधून बाहेर पडून हे फाऊंडेशन सुरू केलं. हे ॲप सर्वांसाठी पूर्णतः मोफत असून यामध्ये जाहिराती नाहीत. हे ॲप पुढे दानशूर व्यक्तींच्या मदतीवर (Donations) सुरू राहणार आहे.

सिग्नल Android, iOS वर ॲप्स आणि Mac, Windows, Linux वर सॉफ्टवेअर मार्फत उपलब्ध आहे.
Download Signal : https://signal.org/download

यासोबत आणखी एक पर्याय म्हणजे टेलिग्राम… https://telegram.org

How to use Signal App in Marathi

आजच्या व्हिडिओमध्ये पहा सिग्नल ॲप कसं वापरायचं… Link : https://youtu.be/41TQY5ZElPQ

The post नवा व्हिडिओ : पहा सिग्नल ॲप कसं वापरायचं… appeared first on MarathiTech - मराठीटेक.

सध्या अनेक मेसेजिंग ॲप्स ॲप स्टोअरवर उपलब्ध होताना दिसून येत आहेत. व्हॉट्सॲप, टेलिग्राम, फेसबुक मेसेंजर, WeChat, SnapChat, Viber Kik, इ अनेक ॲप्स गेली काही वर्षे यूजर्ससमोर उपलब्ध आहेत. यामधील एकमेव भारतीय पर्याय जो थोडफार यश मिळवू शकला तो म्हणजे Hike Messenger (हाइक). मात्र वाढलेल्या स्पर्धेमुळे अलीकडे मिळणारा प्रतिसाद कमी झाल्यामुळे याचे संस्थापक केविन मित्तल यांनी हे ॲप आता बंद केलं जाणार असल्याचं जाहीर केलं आहे. अधिकृतरित्या कारण सांगण्यात आलेलं नसलं तरी हे होणार हे साहजिकच होतं.

काही वर्षांपूर्वी हाइकला भारतीय यूजर्समध्ये मोठी लोकप्रियता मिळत होती. पण नंतर वाढलेली स्पर्धा आणि त्या तुलनेत नव्या सोयी जोडण्यात कमी पडल्यामुळे आता Hike चा वापर बराच कमी झाला आणि सरतेशेवटी त्यांनी हे ॲप आता बंदच करण्याचं ठरवलं आहे. विशेष म्हणजे सुरुवातीला हाइक डाउनलोड केल्यावर ऑनलाइन वॉलेटमध्ये रीचार्जसाठी काही पैसे जमा केले जायचे!

यामध्ये त्यांची बऱ्याच बाबतीत चूक आहे म्हणता येईल मेसेजिंग मध्ये स्टीकर्स आणि नज सारख्या सुविधा उपयोगी पडण्यापेक्षा जास्त त्रासदायक ठरू लागल्या. काही वर्षांपूर्वी मी स्वतः या ॲपचा वापर केला होता पण त्या नज आणि प्रचंड संख्येने येणाऱ्या स्टीकर्सच्या डोकेदुखीमुळे अनइंस्टॉल केलं होतं. हाइकवर सुरुवातीला भारतीय भाषांमध्ये स्टीकर्सचा समावेश केला होता त्यावेळी फक्त मराठी सोडून इतर भाषांमध्ये स्टीकर्स उपलब्ध झाली होती. त्यावेळी आम्ही काही इतर जागरूक यूजर्ससोबत त्यांच्या निदर्शनास आणून दिली होती.

Hike ऐवजी त्यांनी आता आणखी काही ॲप्स आणण्याचा निर्णय घेतला असून Vibe by Hike आणि Rush by Hike हे दोन ॲप्स आता उपलब्ध होत आहेत. Vibe मध्ये invite द्वारे जोडलं जाता येईल. Rush मध्ये ऑनलाइन गेमिंगची सोय असेल ज्याद्वारे पैसे सुद्धा मिळतील!

खरतर आता व्हॉट्सॲपच्या नव्या प्रायवसी पॉलिसी अपडेटमुळे हाइकला भारतीय यूजर्स मिळवण्याची चांगली संधी आली आहे मात्र त्यांनी नेमकं याच वेळी हे ॲप बंद करण्याचं ठरवलं आहे! शिवाय हे करताना भारताला स्वतःचं मेसेजिंग ॲप मिळणार नाही असंही ट्विट द्वारे म्हणलं आहे!

The post Hike हे भारतीय चॅट ॲप बंद होणार : कमी प्रतिसादामुळे निर्णय! appeared first on MarathiTech - मराठीटेक.

फेसबुकवरच्या बऱ्यापैकी सर्वच सुविधा आता इंस्टाग्रामवर येऊ लागल्या आहेत. यामध्ये आता व्हॉइस मेसेजिंगचा सुद्धा समावेश होत आहे. आजपासून इंस्टाग्रॅमच्या डायरेक्ट या मेसेजिंग सुविधेमध्ये व्हॉइस मेसेजद्वारे बोलून संदेश पाठवता येतील! काही महिन्यांपूर्वी मेसेंजरमध्ये ही सोय दिल्यानंतर आता तरुणाईमध्ये प्रचंड लोकप्रिय असलेल्या इंस्टाग्रामवर ही सोय देण्यात आली आहे. 

मायक्रोफोन बटन दाबून ऑडिओ/व्हॉइस मेसेज रेकॉर्ड करा त्यादरम्यान ऑडिओ वेव्ह वाहतअसल्याचं ऍनिमेशन आपल्याला दिसेल. आपण एक मिनिटाचा व्हॉइस मेसेज पाठवू शकाल. हे मेसेज कायम ऐकता येतील. हे थेट मित्रांसोबत चॅट प्रमाणे काम करतील. अँड्रॉइड व iOS दोन्हीवर ही सोय उपलब्ध झाली आहे.

अधिक माहिती : Voice message on Instagram

The post इंस्टाग्रामवर वॉकी टॉकीप्रमाणे बोला : व्हॉईस मेसेजिंग आता उपलब्ध! appeared first on MarathiTech - मराठीटेक.

बऱ्याच दिवसांपासून चर्चा सुरु असलेलं ही स्टिकर पाठवण्याची सुविधा आता व्हॉट्सअॅपवर उपलब्ध होत असून यामध्ये अनेक स्टिकर्सचा समावेश केलेला आहे! WeChat, Viber, फेसबुक मेसेंजर, हाईक अशा अॅप्समध्ये बऱ्याच वर्षांपासून उपलब्ध असलेले हे स्टिकर्स आता सर्वात लोकप्रिय अशा व्हॉट्सअॅपवर येत आहेत!

अनेक वापरकर्ते याबाबत सोशल मीडिया द्वारे मागणी करत मात्र दरवेळी नव्या इमोजीचा समावेश केला जायचा. आता हे स्टिकर्स चाचणी स्वरूपातील Beta आवृत्तीमध्ये उपलब्ध आहेत. ही स्टिकर्स डाउनलोड करण्यासाठी एक स्वतंत्र स्टोर व्हॉट्सअॅपमध्येच देण्यात आलेलं असून त्यामधून आपण आणखी स्टिकर्स घेऊ शकतो!
 स्टिकर्स ही सोय Beta व्हर्जन Version 2.18.329 वर असणाऱ्याना वापरता येते. इतरांना समोरच्या व्यक्तीने पाठवलेले स्टिकर्स पाहता येतील. काही दिवसात ही सुविधा सर्वांसाठी उपलब्ध होईल.
हाईकप्रमाणे खास भारतीय वापरकर्त्यांसाठी अशी स्टिकर्स सध्यातरी दिसत नाहीयेत पण भारतातील वापरकर्त्यांची संख्या पाहता त्या प्रकारचे स्टिकर्स लवकरच येऊ शकतात.

व्हॉट्सअॅपवर गेल्या काही महिन्यात बऱ्याच सुविधा उपलब्ध झाल्या असून व्हिडीओ कॉल, ग्रुप कॉल, फक्त अॅडमिनलाच संदेश टाकता येण्याची सोय, अधिक ग्रुप मेंबर्स, डॉक्युमेंट्स पाठवण्याची सोय, पाठवलेला संदेश डिलीट करण्याची सोय, दुसर्‍यांचे फॉरवर्ड केलेले समजणे, अमर्याद गूगल ड्राइव्ह बॅकअप अशा काही ठळक गोष्टी सांगता येतील. मात्र यासगळ्या सोबत सध्या व्हॉट्सअॅपची मालकी असलेल्या फेसबुककडून लवकरच व्हॉट्सअॅपमध्येही जाहिराती सुरु केल्या जाणार असल्याची चर्चा आहे. फेसबुक व इंस्टाग्रामला जोडण्याची सोय सुद्धा लवकरच उपलब्ध करून देण्यात येणार आहे. यामुळे अनेकांनी नाराजी व्यक्त केली असून गोपनीयतेला धक्का पोहचू शकतो अशी शंका व्यक्त केली आहे.

search terms : whatsapp stickers on android how to use whatsapp stickers store

The post व्हॉट्सअॅपवर आता पाठवा स्टिकर्स! : स्टिकर्ससाठी वेगळं स्टोअरसुद्धा उपलब्ध! appeared first on MarathiTech - मराठीटेक.