Minecraft या प्रचंड लोकप्रिय असलेल्या गेमच्या मोबाइल आवृत्तीची किंमत भारतात Google Play Store आणि Apple App Store या दोन्हींवर मोठ्या प्रमाणात किमतीत कमी करण्यात आली आहे. हा लोकप्रिय गेम Android आणि iPhone साठी ॲप स्टोअरवर २९ रुपयात डाउनलोड करता येईल. एरवी या गेमची किंमत ६०० ते ६५० इतकी असते!

Download Minecraft on Google Play : https://play.google.com/store/apps/details?id=com.mojang.minecraftpe
Download Minecraft on Apple App Store : https://apps.apple.com/in/app/minecraft/id479516143

Minecraft ही गेली अनेक वर्षं जगभरात करोडो गेमर्सची आवडती गेम असून २०११ मध्ये सादर झालेली ही गेम आत्तासुद्धा गेम स्ट्रीमर्समध्ये नेहमी पहिल्या स्थानावर असते. शिवाय आजवर जगभरात सर्वाधिक विक्री झालेली गेम असा विक्रमसुद्धा याच गेमच्या नावावर आहे. या गेमची फोन आवृत्ती जी आधी Pocket Edition म्हणून ओळखली जायची ती आता अँड्रॉइड व iOS वर फक्त २९ रुपयात आणि ती सुद्धा फक्त भारतातच एव्हढया कमी किंमतीत मिळत आहे.

जर तुम्ही अनेक दिवसांनी किंवा प्रथमच गूगल प्ले वर App विकत घेत असाल तर तुम्हाला तिथे २० रु चं कुपन सुद्धा मिळेल ज्यामुळे ही गेम फक्त ९ रुपयात विकत घेऊ शकता. मात्र ही ऑफर सर्वांसाठी लागू नसेल.

The post Minecraft या गेमची फोनवरील आवृत्ती आता फक्त २९ रुपयांत! appeared first on MarathiTech - मराठीटेक.

सध्या कोरोना/COVID-19 मुळे जगभर बऱ्याच ठिकाणी लॉकडाऊन करण्यात आलेलं आहे. अशावेळी शाळा, कॉलेज सारखी ठिकाणे तर आधी बंद करण्यात आली. घरबसल्या फावल्या वेळात काही तरी करावं या उद्देशाने काही विद्यार्थ्यांच्या सुपीक डोक्यात भन्नाट कल्पना आली आणि त्यांनी चक्क माइनक्राफ्ट (Minecraft) या गेममध्ये त्यांच्या शाळा/कॉलेजची प्रतिकृती बनवायला सुरुवात केली. अनेकांनी तर पूर्ण कॉलेजच्या कॉलेज या गेममध्ये उभं केलं आहे!

यूनिवर्सिटी ऑफ पेनसिल्व्हेनिया, नॉर्थ वेस्टर्न यूनिवर्सिटी आणि बॉस्टन यूनिवर्सिटीच्या विद्यार्थ्यानी आधी याची सुरुवात केली अशी माहिती आहे. यामध्ये त्यांनी वर्ग, विद्यार्थ्यांच्या खोल्या, फूड ट्रकपर्यंत सर्वकाही बनवलं आहे! काही जण तर यामध्ये पदवीदान समारंभाचीही तयारी करत असल्याचं ऐकिवात आहे!

माइनक्राफ्ट या प्रसिद्ध गेमला जवळपास अकरा वर्षे पूर्ण होत असून सध्या ११.२ कोटी लोक दरमहा ही गेम खेळत आहेत! मायक्रोसॉफ्टने २०१४ मध्ये माइनक्राफ्टची डेव्हलपमेंट पाहणार्‍या मोजांग कंपनीचं तब्बल 2.5 बिलियन डॉलर्स खर्चून अधिग्रहण केलं होतं! माइनक्राफ्ट अजूनही सर्वाधिक कॉपी विकलेल्या पीसी गेम्समध्ये आघाडीवर आहे. माइनक्राफ्ट हे नेहमीच्या गेम्सप्रमाणे नसून अनेक गोष्टी शिकण्यासाठीही याचा उपयोग केला जातो. ब्लॉक्स वापरुन आपल्या कल्पना शक्तीला वाव देत ही गेम हव्या त्या प्रकारे खेळता येते! यामुळे मेंदूला चालना मिळत असल्याचंही अनेक संशोधनांमध्ये सांगण्यात आलं असून विद्यार्थ्यांना कोडिंग शिकवण्यासाठीही या गेमचा वापर करण्यात येत आहे. ही गेम पीसी, प्लेस्टेशन, एक्सबॉक्स, अँड्रॉइड, iOS वर उपलब्ध आहे!

कल्पनाशक्तीला वाव देत हवी ती गोष्ट यामध्ये तयार करता येते. काही जणांनी पूर्ण शहरं, कॅल्कुलेटर, गेममध्ये गेम्स बनवली आहेत! एकाने तर या गेममध्ये वापरता येईल असा कम्प्युटर सुद्धा बनवला आहे!

गेल्या काही आठवड्यात गेमिंगचं प्रमाण प्रचंड मोठ्या प्रमाणात वाढलं असून अशावेळी माइनक्राफ्ट तरी कसे मागे राहील… आधीच खूप क्रिएटिव लोक असणाऱ्या या गेमच्या जगतात आता माइनक्राफ्ट सर्व्हर्स मोठ्या सर्च केले जात आहेत. विद्यार्थी त्यांनी तयार केलेल्या गोष्टी फेसबुक, रेडिट व डिस्कॉर्डवर शेयर करताना पाहायला मिळत आहेत. भारतात ही गेम खेळण्याचं प्रमाण फारच कमी असावं. पब्जीसारख्या गेम्सचं वेड लागलेल्या लहान मुलांना अशा गेम्सद्वारे काही क्रिएटिव करता येऊ शकतं.

The post विद्यार्थ्यांनी माइनक्राफ्टमध्ये तयार केली त्यांच्या शाळा/कॉलेजची प्रतिकृती! appeared first on MarathiTech - मराठीटेक.

माइनक्राफ्ट ही जगातल्या सर्वात लोकप्रिय गेम्सपैकी एक असून ही गेम जगात पीसीसाठी आजवर सर्वाधिक विकल्या गेलेल्या गेम्समध्ये आघाडीला आहे. मे महिन्यात या गेमला दहा वर्षे पूर्ण झाली आहेत. अजूनही ७.४ कोटी लोक दरमहा ही गेम खेळत आहेत! मायक्रोसॉफ्टने २०१४ मध्ये माइनक्राफ्टची डेव्हलपमेंट पाहणार्‍या मोजांग कंपनीचं तब्बल 2.5 बिलियन डॉलर्स खर्चून अधिग्रहण केलं होतं!

Minecraft मध्ये अनेक उपलब्ध ब्लॉक्समधून आपल्याला हव्या त्या प्रकारे आपण माइनक्राफ्ट शहर तयार करू शकतो! यामध्ये काही खास गुणवत्ता असलेल्या ब्लॉक्समुळे तर अमर्याद शक्यता निर्माण करता येतात. आपली कल्पनाशक्ती वापरुन हव्या तशा इमारती बनवा, त्यामध्ये कार्टद्वारे फिरण्याची सोय करा, बाण/तलवारी वापरुन गेममधील शत्रूंसोबत लढा असं अगदी काहीही करता येतं! अनेक कल्पक गेमर्सनी तर पूर्ण शहरंसुद्धा या गेममध्ये उभी केली आहेत!

अर्थात ह्या गेममध्ये सर्व गोष्टी ब्लॉक्स (ठोकळे) मध्ये दिसतात. त्यामुळे यामध्ये वास्तविक जगातील लूक येणार नाहीच. गेमच मुळात ब्लॉक्स आधारित संकल्पनेवर आहे. या गेममध्ये वास्तविकता आणता येणार नाही असा समज् असतानाच काल मायक्रोसॉफ्ट व एनव्हीडिया यांनी एकत्र येत या गेमला Nvidia Ray Tracing सपोर्ट देत असल्याचं जाहीर केलं! यामुळे गेममध्ये दिसणारा सूर्यप्रकाश, खोल्या/गुहांमध्ये परावर्तित होणारा प्रकाश, सावल्या, एकंदर वातावरण सोबत सोनं, काच असे ब्लॉक्स आता त्यांचे खरे वास्तविक गुण असतील तसेच दिसतील. आधी सोन्याचा ब्लॉक केवळ पिवळा ठोकळा दिसायचा आता मात्र खरोखर सोन्यासारखा दिसेल! खरखुरं पाणीसुद्धा पहायला मिळेल! अनेक वर्षं माइनक्राफ्ट खेळणाऱ्या/बिल्ड करणाऱ्या लोकाना नक्कीच हे नवं रूप आवडणार आहे.

मात्र यासाठी Nvidia चं नवीन Ray Tracing सपोर्ट असलेलं ग्राफिक्स कार्ड वापरावं लागणार आहे. नवे RTX मालिकेतील GPU ह्या सुविधेला सपोर्ट करतात. आता अनेक गेम्सना हा सपोर्ट जाहीर करण्यात आला असून Nvidia अधिकाधिक गेम्सना यामध्ये जोडण्याच्या प्रयत्नात आहे. रे ट्रेसिंग तंत्रज्ञानातील पाथ ट्रेसिंगचा वापर करून हे भन्नाट दृश्य आपण माइनक्राफ्टमध्ये अनुभवू शकतो.

Ray Tracing हे Nvidia ने त्यांच्या GPU/ग्राफिक्स कार्डमध्ये अंतर्भूत केलेलं तंत्रज्ञान असून याद्वारे गेम्स किंवा 3D फिल्म्समध्ये आपल्याला रियल टाइम सावल्या आणि प्रकाश render करून पहायला मिळतात. आपण जसा माऊस फिरवून दिशा बदलू त्याबरोबर प्रकाश आणि वस्तूंच्या सावल्यासुद्धा बदलेलल्या पहायला मिळतील. यामुळे वास्तविक जगात दिसणारं दृश्य गेममध्येही उभं करणं शक्य होतं! Path Tracing द्वारे rendering engine प्रकाश कोणत्या पडत आहे गेम कॅरक्टरची दिशा कुठे आहे याचा लाईव्ह अभ्यास करून त्यानुसार प्रकाश दिसेल!

खालील व्हिडिओ नक्की पहा

• माइनक्राफ्ट अर्थ : ब्लॉक्सचं जग आता AR मध्ये उपलब्ध!
• माइनक्राफ्टची मूळ आवृत्ती आता ब्राऊजरवर मोफत उपलब्ध!

The post माइनक्राफ्टला रे ट्रेसिंग सपोर्ट : भन्नाट ग्राफिक्स पहायला मिळणार! appeared first on MarathiTech - मराठीटेक.

माइनक्राफ्ट या प्रसिद्ध गेमला नुकतीच दहा वर्षं पूर्ण झाली आहेत. आजपर्यंत पीसीवर सर्वाधिक विक्री झालेली ही गेम आता AR ( ऑग्मेंटेड रिअॅलिटी) च्या रूपात उपलब्ध होत असून या नव्या गेमची घोषणा नुकतीच करण्यात आली. माइनक्राफ्ट अर्थ असं या नव्या गेमचं नाव असेल आणि ही गेम अँड्रॉइड व iOS वर मोफत उपलब्ध होईल. तूर्तास खालील वेबसाइटवर साईन अप कराव लागेल.

माइनक्राफ्ट अर्थ लिंक : https://www.minecraft.net/en-us/earth

माइनक्राफ्ट अर्थ अनेकांच्या पसंतीस उतरेल कारण या गेमचं स्वरूपच तसं आहे. अनेक उपलब्ध ब्लॉक्समधून आपल्याला हव्या त्या प्रकारे आपण माइनक्राफ्ट शहर तयार करू शकतो! यामध्ये काही खास गुणवत्ता असलेल्या ब्लॉक्समुळे तर अमर्याद शक्यता निर्माण करता येतात. आपली कल्पनाशक्ती वापरुन हव्या तशा इमारती बनवा, त्यामध्ये कार्टद्वारे फिरण्याची सोय करा, बाण/तलवारी वापरुन गेममधील शत्रूंसोबत लढा असं अगदी काहीही करता येईल! याचा पूर्ण फोकस AR वर असल्यामुळे आणखी मजा येईल हे नक्की…

काही महिन्यांपूर्वी आलेली पोकेमॉन गो सुद्धा एक AR आधारित गेम होती. AR आधारित गेम्स आपल्याला फोनच्या कॅमेराद्वारे खरं वास्तविक आयुष्य दाखवत त्याला डिजिटल ऑब्जेक्ट्स/वस्तूंची जोड देतात. यामुळे आपल्या आजूबाजूला त्या वस्तु प्रत्यक्षात असल्याच आपल्या फोनमध्ये पाहायला मिळतं!

AR Augmented Reality म्हणजे आभासी आणि वास्तविक जग दोन्हीचा एकाच वेळी वापर करता येतो. व्हर्च्युअल रिअॅलिटी (VR) मध्ये फक्त आभासी जगच पाहता येतं. ऑग्मेंटेड रिअॅलिटीमध्ये मात्र आभासी जगातील वस्तू वास्तविक जगात दिसतात (कॅमेरा/डिस्प्ले/हेडसेटद्वारे). येत्या काळात आपल्या आजूबाजूला AR चा बर्‍याच गोष्टींसाठी वापर केला जाण्याची शक्यता आहे

The post माइनक्राफ्ट अर्थ : ब्लॉक्सचं जग आता AR मध्ये उपलब्ध! appeared first on MarathiTech - मराठीटेक.

माइनक्राफ्ट या प्रसिद्ध गेमला दहा वर्षे पूर्ण होत असून सध्या ७.४ कोटी लोक दरमहा ही गेम खेळत आहेत! मायक्रोसॉफ्टने २०१४ मध्ये माइनक्राफ्टची डेव्हलपमेंट पाहणार्‍या मोजांग कंपनीचं तब्बल 2.5 बिलियन डॉलर्स खर्चून अधिग्रहण केलं होतं! माइनक्राफ्ट अजूनही सर्वाधिक कॉपी विकलेल्या पीसी गेम्समध्ये आघाडीवर आहे.

तर ही गेम ज्यावेळी सर्वात आधी उपलब्ध झाली होती तेव्हाची म्हणजे २००९ ची आवृत्ती Minecraft Classic आता वेब ब्राऊजरवर उपलब्ध करून देण्यात आली आहे ती सुद्धा मोफत! या वेब आवृत्तीमध्ये फार पर्याय नसले तरी भविष्यात अशा प्रकारे माइनक्राफ्ट वेबवर उपलब्ध होऊ शकेल यादृष्टीने चांगलं पाऊल म्हणता येईल. तूर्तास जुन्या आठवणींना उजाळा देणं एव्हढाच या आवृत्तीचा उद्देश आहे!

Minecraft Classic Link : https://classic.minecraft.net

ब्लॉक्स वापरुन आपल्या कल्पना शक्तीला वाव देत ही गेम हव्या त्या प्रकारे खेळता येते! यामुळे मेंदूला चालना मिळत असल्याचही अनेक संशोधनांमध्ये सांगण्यात आलं असून विद्यार्थ्यांना कोडिंग शिकवण्यासाठीही या गेमचा वापर करण्यात येत आहे. ही गेम पीसी, प्लेस्टेशन, एक्सबॉक्स, अँड्रॉइड, iOS वर उपलब्ध आहे!

मोजांग स्टुडिओने माइनक्राफ्टच्या दहाव्या वर्षपूर्तीनिमित्त #MineCraftMemories वापरुन आपल्या माइनक्राफ्ट गेममधील आठवणी शेअर करण्यास प्रोत्साहन दिलं असून याद्वारे त्यांच्या वेबसाइटवरही स्थान मिळू शकेल!

Search Terms Mojang releases Minecraft Classic as browser based game

The post माइनक्राफ्टची मूळ आवृत्ती आता ब्राऊजरवर मोफत उपलब्ध! appeared first on MarathiTech - मराठीटेक.