कृत्रिम बुद्धिमत्ता क्षेत्रात अग्रगण्य असलेलं ChatGPT तयार करणारी कंपनी OpenAI ने आपले नवीन व्हिडिओ-ऑडिओ जनरेशन मॉडेल Sora 2 सादर केले आहे. हे मॉडेल आधीच्या तुलनेत अधिक realistic व्हिडिओ आणि तेसुद्धा आवाजासोबत तयार करू शकते. त्याचबरोबर यांनी एक नवीन अ‍ॅपही सादर केले आहे, ज्यामध्ये आपण AI व्हिडिओ बनवू शकतो आणि टिकटॉक/इंस्टाग्रामसारखं मित्रांमध्ये शेअर करू शकतो. नवं Sora अ‍ॅप AI सोशल मीडिया अ‍ॅप म्हणता येईल.

हे मॉडेल सध्या आघाडीवर असलेल्या गूगलच्या Veo 3 सोबत थेट स्पर्धा करणार आहे. ज्याप्रमाणे गूगलच्या नॅनो बनानाने गेले काही दिवस आपले स्वतःचे फोटो वापरुन AI इमेजेस बनवणं सोपं केलं होतं अगदी तसच मात्र आता आणखी अवघड असलेल्या व्हिडिओबाबत OpenAI ने Sora द्वारे केलं आहे. आपले किंवा मित्रांचे फोटो आपलोड करून काही प्रॉम्प्टद्वारे आपण आभासी जगात आपले स्वतःच्या AI क्लिप्स बनवून त्या रीमिक्स करून एकमेकांसोबत नवीन अ‍ॅपद्वारे शेयर करू शकतो.

AI इमेजेस आणि आता AI व्हिडिओ तयार करण्याचं हे तंत्रज्ञान सध्या प्रचंड वेगाने सुधारणा करत पुढे सरकत आहे. व्हिडिओ जनरेशन मनोरंजन, शिक्षण, जाहिरात अशा कामासाठी मोठे बदल घडवू शकते. याची सुरुवात आता आपण पहिली असेल किंवा लवकरच येणाऱ्या सणांच्या निमित्ताने येणाऱ्या जाहिरातींमध्ये पुन्हा दिसून येईलच…

OpenAI च्या माहितीनुसार Sora 2 मध्ये असलेल्या नव्या गोष्टी

• आता व्हिडिओमध्ये आवाज, बोलणे आणि साऊंड इफेक्टस एकत्र तयार करता येतात.
• दृश्ये (Scenes) अधिक नैसर्गिक वाटतात – पाण्यावर तरंगणे, बास्केटबॉल खेळातील हालचाली, प्रकाशाचा परावर्तित होणारा परिणाम यांसारख्या गोष्टी खऱ्या वाटतील.
• चुका झाल्या तरी त्या खऱ्या जगात कशा घडतात, तशाच दिसतात.
• वापरकर्त्याला एखाद्या प्रसंगाचा वेगवेगळ्या शॉट्समध्ये सीनच्या पुढचा भाग तयार करता येतो.
• अ‍ॅनिमे, चित्रपट शैली, कार्टून यांसारख्या विविध शैलींमध्ये व्हिडिओ तयार करता येतील.
• स्वतःचा चेहरा किंवा आवाज व्हिडिओत समाविष्ट करण्याची सुविधा उपलब्ध आहे.
• आपण तयार करत असलेल्या व्हिडिओमध्ये मित्रांनाही समाविष्ट करता येईल.

Sora by OpenAI App Download Link : https://apps.apple.com/us/app/sora-by-openai/id6744034028

नवीन अ‍ॅपसह अनुभव

• OpenAI ने यासाठी एक iOS मोबाईल अ‍ॅप सुरू केले आहे हे नंतर अँड्रॉइडवरही उपलब्ध होईलच.
• Sora iOS अ‍ॅप सध्या अमेरिका आणि कॅनडा येथे उपलब्ध आहे. पुढे इतर देशांतही उपलब्ध होणार आहे.
• सध्या Invite Only मोड मध्येच उपलब्ध असेल.
• OpenAI ने असे सांगितले आहे की अ‍ॅपमध्ये doomscrolling (अनावश्यक स्क्रोल करत करत कंटेंट पाहत राहणे) आणि व्यसन वाढू नये म्हणून उपाय केले आहेत.

AI इमेजेस/व्हिडिओज् मध्ये जरी थोड्याफार प्रमाणात चुका आत्ता दिसून येत असल्या तरी काही महिन्यांपूर्वीच्या AI जनरेशन्स आणि आत्ता आत्ताच्या रिजल्ट्समध्ये अनेक पटींनी सुधारणा झाली आहे आणि आता पुढेही AI वर काम करणाऱ्या कंपन्यामधील स्पर्धेमुळे यामध्ये बरेच बदल दिसून येतील.

The post OpenAI ने आणलं Sora 2 आणि AI व्हिडिओसाठी इंस्टाग्रामसारखं अ‍ॅप! appeared first on MarathiTech - मराठीटेक.

OpenAI ने भारतासाठी खास स्वस्त ChatGPT Go हा सबस्क्रिप्शन प्लॅन सुरू केला आहे. या नव्या प्लॅनची किंमत ३९९ इतकीच असणार आहे. यासोबतच भारतीय युजर्सना आता ChatGPT च्या सगळ्या सबस्क्रिप्शनचे पेमेंट भारतीय रुपयांत UPI द्वारे करता येणार आहे.

• ChatGPT Go किंमत: फक्त ₹399 प्रति महिना, हे ChatGPT Plus (₹1,999) व Pro (₹19,900) च्या तुलनेत खूपच स्वस्त आहे.
• या नवीन प्लॅनमध्ये युजर्सना फ्री व्हर्जनच्या तुलनेत दहा पट मेसेज व इमेज जनरेशन आणि दुप्पट मेमरी मिळते.
• UPI द्वारे थेट पेमेंटचा पर्याय, ज्यामुळे क्रेडिट/डेबिट कार्डशिवाय सबस्क्रिप्शन खरेदी शक्य.
• सगळ्या प्लॅन्सच्या किंमती आता रुपयात दिसतील.

या प्लॅनमध्ये काय मिळणार?

• Extended access to GPT-5: Enjoy more usage of our flagship model.
• Extended access to image generation: Create more images for work or play.
• Extended access to file uploads: Analyze and work with more documents, spreadsheets, and other files.
• Extended access to advanced data analysis: Use tools like Python for data exploration and problem-solving more often.
• Longer memory for more personalized responses: Keep conversations flowing with a larger context window.
• Access to projects, tasks, and custom GPTs: Organize your work, track progress, and build personalized AI tools with more flexibility.

नवा प्लॅन कोणासाठी उपयुक्त?

• विद्यार्थी, फ्रीलान्सर, वेब डेव्हलपर, ग्राफीक डिझायनर, AI वापरकर्ते, ज्यांना अधिक क्षमतांची गरज आहे पण प्रीमियम प्लॅन नको.
• या प्लॅनमुळे ज्यांचा नॉर्मल युजर्सपेक्षा जास्त पण प्रो युजर्सपेक्षा कमी वापर आहे त्यांना नक्कीच फायदा होईल.
• भारतातील मोठ्या युजर बेस मिळवण्यासाठी OpenAI ने हा प्लॅन प्रथम भारतात आणला असून पुढे तो जगभर मिळणार आहे.

या प्लॅनबद्दल अधिक माहिती : https://help.openai.com/en/articles/11989085-what-is-chatgpt-go

OpenAI काही दिवसांपूर्वीच ChatGPT मध्ये GPT 5 आणलं असून त्यामधील आपोआप आपल्या गरजेनुसार मॉडेल सिलेक्ट होण्याची सोय या प्लॅन्समध्येही मिळणार आहेच. GPT-5 ही OpenAI ची अत्याधुनिक भाषा मॉडेलची नवी आवृत्ती आहे, जी पूर्वीच्या GPT-4 पेक्षा अधिक बुद्धिमान, वेगवान आणि अचूक आहे. यामध्ये अधिक नैसर्गिक, सुसंगत आणि संदर्भानुसार संवाद साधण्याची क्षमता आहे. मोठ्या प्रमाणावर डेटा प्रोसेसिंग, कोड जनरेशन, मल्टी-लँग्वेज सपोर्ट आणि कस्टम ट्यूनिंग करता येईल.

The post ChatGPT चा खास भारतीयांसाठी नवा स्वस्त प्लॅन : ChatGPT Go appeared first on MarathiTech - मराठीटेक.

तंत्रज्ञानाच्या प्रगतीमुळे डिजिटल आर्ट आणि ॲनिमेशनच्या क्षेत्रात मोठे बदल होत आहेत. आर्टिफिशियल इंटेलिजन्स (AI) वर आधारित इमेज जनरेशन तंत्रज्ञान यामध्ये मोठी क्रांती घडवत आहे. ChatGPT च्या OpenAI ने काल उपलब्ध करून दिलेल्या 4o Image Generation तंत्रज्ञानाने सर्वांनाच आश्चर्यचकित केलं आहे. त्यांचं हे नवं टूल सोशल मीडियावर एका दिवसातच प्रचंड लोकप्रिय झालं आहे. विशेषतः Ghibli शैलीतील कलाकृती तसेच अत्यंत खऱ्यासारख्या दिसणाऱ्या प्रतिमा तयार करण्यासाठी याचा मोठ्या प्रमाणावर वापर केला जातोय.

हे इमेज जनरेशन ChatGPT मध्येच प्रॉम्प्ट वापरुन तयार करता येईल. ही सोय सध्या फ्री युजर्सना उपलब्ध नाही थोड्या वेळाने उपलब्ध होईल.

आपण एखाद्या वस्तुची इमेज अपलोड केली आणि यापासून आपल्याला अमुक प्रकारची जाहिरात करून दाखव असा प्रॉम्प्ट दिला की लगेचच योग्य टेक्स्टसह इमेजेस तयार करून मिळत आहेत. याची गुणवत्तासुद्धा आधीपेक्षा अनेक पटींनी चांगली आहे.

4o इमेज जनरेशनचे सर्वात मोठे वैशिष्ट्य म्हणजे त्याची उच्च दर्जाच्या वास्तववादी प्रतिमा तयार करण्याची क्षमता. यामध्ये AI च्या मदतीने सजीव आणि स्पष्ट प्रतिमा तयार केल्या जातात, ज्या पूर्वीच्या तंत्रज्ञानाच्या तुलनेत अधिक नैसर्गिक दिसतात. हे तंत्रज्ञान विविध प्रकारच्या कलाकृती सहजपणे निर्माण करू शकते. सध्याच्या AI टूल्सच्या तुलनेत यामध्ये मजकूर(टेक्स्ट) असलेल्या इमेजेस अधिक चांगल्या प्रकारे तयार करता येणार आहेत. पूर्वी AI ने तयार केलेल्या इमेजेसमध्ये टेक्स्ट विचित्र दिसायचा. मात्र आता या नव्या 4o Image Generation मुळे कलाकार आणि डिजिटल क्रिएटर्स याला मोठ्या प्रमाणावर वापरू शकतात.

यामध्ये Ghibli स्टाईलमध्ये प्रतिमा तयार करण्याची खासियत आहे. जपानी ॲॲनिमेशन स्टुडिओ Ghibli यांची सौंदर्यपूर्ण कलाकृती अनेक लोकांना आवडते. या स्टाईलमध्ये रंगसंगती साधी आणि पात्रांचे हावभाव स्पष्ट असतात. 4o च्या मदतीने हीच जादू काही सेकंदात डिजिटल स्वरूपात निर्माण करता येते. त्यामुळे सोशल मीडियावर या स्टाईलमधील प्रतिमा मोठ्या प्रमाणावर व्हायरल होत आहेत.

4o मध्ये प्रगत टेक्स्ट-टू-इमेज प्रणाली आहे, ज्यामुळे केवळ काही शब्दांमध्ये सांगितलेली कल्पना सुंदर कलाकृतीमध्ये बदलली जाते. पूर्वी अशा प्रतिमा तयार करण्यासाठी तासन् तास मेहनत घ्यावी लागायची, पण आता AI काही सेकंदांतच सुंदर प्रतिमा तयार करू शकते.

सोशल मीडियावर या तंत्रज्ञानाचा मोठ्या प्रमाणावर वापर होतो आहे. Instagram आणि Pinterest वर Ghibli स्टाईलमधील इमेजेस मोठ्या प्रमाणावर शेअर केल्या जात आहेत. कलाकार आणि डिजिटल क्रिएटर्स आपले काम लोकांसमोर मांडण्यासाठी या तंत्रज्ञानाचा उपयोग करत आहेत. TikTok आणि Instagram Reels वर तर लोक आपल्या फोटोला Ghibli स्टाईलमध्ये बदलून व्हिडिओ तयार करत आहेत. त्यामुळे हा ट्रेंड आणखी वेगाने वाढतो आहे.

मीम कल्चरमध्येही 4o चा मोठा प्रभाव दिसून येतो. AI ने तयार केलेल्या कलाकृती वापरून मीम्स, कथा आणि फॅन-आर्ट मोठ्या प्रमाणावर शेअर केल्या जात आहेत. हे तंत्रज्ञान केवळ मनोरंजनापुरते मर्यादित राहणार नाही तर चित्रपट, गेम डेव्हलपमेंट आणि ॲनिमेशन क्षेत्रासाठी देखील अत्यंत महत्त्वाचे ठरणार आहे.

भविष्यात हे तंत्रज्ञान आणखी सुधारले जाईल आणि कलाकार, कंटेंट क्रिएटर्स तसेच ब्रँड्ससाठी अधिक प्रभावी ठरेल. काही जणांनी आता हळूहळू का होईना ग्राफिक डिझायनर्सची जागा AI घेऊ शकेल अशी शक्यता व्यक्त केली जात आहे.

अधिक माहितीसाठी लिंक : https://openai.com/index/introducing-4o-image-generation

The post OpenAI चं 4o इमेज जनरेशन : सोशल मीडियावर Ghibli आर्टची लोकप्रियता appeared first on MarathiTech - मराठीटेक.

GPT-4o (जीपीटी फोर ओ) हे नवं मॉडेल आता नैसर्गिक मानवी-संगणक परस्परसंवादाच्या दिशेने एक पाऊल आहे असं सांगितलं आहे. हे मॉडेल टेक्स्ट, ऑडिओ आणि व्हिडिओचा अभ्यास करू शकेल. विशेष म्हणजे यापैकी वेगळ्या प्रकारचे इनपुट एकत्र करून त्यानुसार अपेक्षित उत्तरे मिळवू शकेल. Vision अंतर्गत मिळणाऱ्या नव्या सोयी नक्कीच आश्चर्यचकित करणाऱ्या आहेत.

नवीन मॉडेल इमेजेस वाचू आणि चर्चा करू शकते, भाषांचे भाषांतर करू शकते आणि व्हिज्युअल एक्सप्रेशनमधून भावना ओळखू शकते. यामध्ये आता मेमरी देखील आहे त्यामुळे ती मागील प्रॉम्प्ट आठवू शकते आणि त्या नुसार उत्तर बदलून देऊ शकेल! आता याद्वारे तयार केल्या जाणाऱ्या इमेजेसमध्ये टेक्स्ट योग्य पद्धतीने दिसेल.

या ChatGPT च्या नव्या मॉडेलमध्ये Hey ChatGPT असे बोलून आपण आपल्या चेहऱ्यावरील हावभाव ओळखून आपण सध्या अनुभवत असलेल्या भावनांबद्दलसुद्धा अंदाज व्यक्त करू शकतो! सोबतच लाईव्ह भाषांतर करणे, लाईव्ह इमेजचा अभ्यास करून गणितं सोडवण्यास अगदी शिक्षकाप्रमाणे बोलून मदत करणे, कोडिंग प्रॉब्लेम मध्ये मदत करणे, अगदी लहान मुलांना झोपवण्यासाठी बेड टाइम गोष्टी त्या सुद्धा आपल्या हव्या त्या आवाजात आणि त्यामधील चढउतारसुद्धा नियंत्रित करता येतील. स्वतःच्या इनपुटनुसार नवे फॉन्टसुद्धा तयार करून देईल, लोगोचं 3D Rendering करून देईल, साऊंड इफेक्टस तयार करेल, इ.

OpenAI च्या वेबसाइटवर त्यांच्या नवीन मॉडेलमध्ये पूर्वीच्या तुलनेत किती प्रमाणात कमी Tokens लागतील हे दर्शवण्यासाठी मराठीचंही उदाहरण दिलेलं आहे! मराठी भाषेत बोलत असताना आता पूर्वीपेक्षा २.९ पट कमी टोकन्सचा वापर होईल!

आज जाहीर करण्यात आलेल्या ठळक गोष्टी :

• GPT-4o नावाचं नवं multimodal मॉडेल जे टेक्स्ट, ऑडिओ आणि व्हिडिओचा अभ्यास करून उत्तर देऊ शकतं
• हे मॉडेल वापरुन ChatGPT आता मानवी आवाजाच्या जवळ वाटेल असा संवाद साधेल
• GPT-4o फ्री आणि पेड अशा दोन्ही यूजर्ससाठी उपलब्ध होणार!
• प्रथमच ChatGPT च्या फ्री युजर्सना कस्टम चॅटबॉट वापरता येणार!
• ChatGPT चं डेस्कटॉप ॲप उपलब्ध होणार (आधी मॅकवर)!
• येत्या आठवड्यांत टप्प्याटप्प्याने या सोयी मिळणार!

https://chatgpt.com

काही दिवसांपूर्वीच त्यांनी आणखी एक बदल केला होता ज्यामुळे ChatGPT Sign In / Sign Up न करता कुठेही वापरता येईल! यामुळे आपला ChatGPT चा वापर पूर्णपणे गोपनीय असेल!

खालील व्हिडिओमध्ये GPT-4o चे बरेच डेमो पाहू शकता.

The post OpenAI तर्फे GPT-4o सादर : रियलटाइम अनेक गोष्टी एकत्र करून उत्तर देणार! appeared first on MarathiTech - मराठीटेक.

OpenAI ने काल त्यांचं नवं Sora मॉडेल जाहीर केलं असून यामुळे फक्त काही शब्दांच्या टेक्स्ट प्रॉम्प्ट देऊन काही क्षणात एका मिनिटांचा व्हिडीओ तयार करता येतो! हे लवकरच वापरण्यासाठी उपलब्ध होईल…

ChatGPT तयार करणाऱ्या OpenAI कंपनीनेच हे नवं AI मॉडेल आणलं आहे! यामध्ये आपण फक्त टेक्स्ट इनपुटद्वारे आपल्याला कसा व्हिडिओ हवा आहे ते सांगायचं… काही क्षणात Sora आपल्याला १ मिनिटांचा व्हिडिओ तयार करून देईल!

openai.com/sora वर आणखी उदाहरणे पाहू शकता! OpenAI सीईओ सॅम आल्टमनने ट्विटर (एक्स) वर युजर्सना प्रॉम्प्ट विचारून त्याचं आउटपुटसुद्धा शेयर केलं आहे!

हे तंत्रज्ञान इतक्या वेगानं विकसित होत आहे की पुन्हा एकदा AI मुळे अनेक प्रकारच्या नोकऱ्या कालबाह्य होतील असं म्हटलं जात आहे. आता त्याचं प्रमाण आणि परिणाम काय असतील ते येत्या काळात समजेलच…

The post OpenAI च्या Sora AI द्वारे तुम्हाला हवा तसा व्हिडीओ तयार करा! appeared first on MarathiTech - मराठीटेक.