टेक जगतात ज्याची गेले अनेक दिवस चर्चा सुरू होती, तो सॅमसंगचा Galaxy XR हेडसेट अखेर सादर झाला आहे. हा एक साधा हेडसेट नसून, एआयवर चालणारं एक नवीन उपकरण आहे. सॅमसंगने गूगल आणि क्वालकॉम यांच्यासोबत मिळून हा हेडसेट बनवला आहे, जो ‘अँड्रॉइड एक्सआर’ (Android XR) प्लॅटफॉर्मवर चालणारा पहिलाच हेडसेट असेल. याची किंमत अमेरिकेत 1799 डॉलर्स (~१,५८,००० रुपये) असून सध्यातरी भारतात उपलब्ध होणार की नाही याबद्दल माहिती उपलब्ध नाही.

गॅलेक्सी एक्सआर हेडसेटचे सर्वात मोठे वैशिष्ट्य म्हणजे त्याचे ‘मल्टीमोडल एआय’ (Multimodal AI) हे आहे. हा हेडसेट गूगलच्या जेमिनी एआय सोबत येतो, ज्यामुळे तो तुमचा एक एआय Companion बनतो. तुम्ही फक्त बोलूनच नाही, तर तुमच्या हाताच्या इशाऱ्यांनी आणि डोळ्यांच्या हालचालींनी (eye-tracking) सुद्धा याला कंट्रोल करू शकता. यात दोन हाय-रिझोल्यूशन ‘पास-थ्रू’ कॅमेरे आहेत, ज्यामुळे तुम्हाला तुमच्या आजूबाजूचे खरे जग अगदी स्पष्ट दिसते.

तुम्ही या खऱ्या जगावरच डिजिटल माहिती पाहू शकता, जसे की गूगल मॅप्सवर रस्ता पाहणे किंवा ‘सर्कल टू सर्च’ वापरून समोरच्या कोणत्याही वस्तूची माहिती मिळवणे. हा ‘अँड्रॉइड एक्सआर’ (Android XR) प्लॅटफॉर्मवर चालत असल्यामुळे, भविष्यात यावर अनेक नवीन ॲप्स आणि गेम्स उपलब्ध होतील, जे या हेडसेटला अधिक उपयुक्त बनवतील. आत्ताच अँड्रॉइड फोन्ससाठी उपलब्ध असणारे बऱ्यापैकी सर्वच ॲप्स Galaxy XR वर वापरता येतील!

एक्सआर म्हणजे काय? : एक्सआर म्हणजे एक्सटेंडेड रिॲलिटी (Extended Reality). यामध्ये व्हर्च्युअल रिॲलिटी (VR) आणि ऑगमेंटेड रिॲलिटी (AR) या दोन्ही तंत्रज्ञानाचा समावेश होतो. म्हणजेच, तुम्ही तुमच्या समोर डिजिटल गोष्टी पाहू शकता आणि त्यांच्यासोबत संवाद साधू शकता, जसे की त्या तुमच्या खऱ्या जगातच आहेत. गूगलने या तंत्रज्ञानासाठी अँड्रॉइडची आवृत्ती आणली असून तिचं नाव Android XR असं आहे. यामध्ये अँड्रॉइडसोबत गूगलच्या सेवांमध्ये काही खास सोयी जोडल्या आहेत.

सॅमसंगने या हेडसेटमध्ये अनेक नवीन आणि शक्तिशाली वैशिष्ट्ये दिली आहेत:

• जबरदस्त एआय (AI): या हेडसेटमध्ये गूगलचे ‘जेमिनी’ (Gemini) एआय मॉडेल थेट सिस्टीममध्येच दिले आहे. यामुळे हा हेडसेट फक्त तुमच्या कमांड्स ऐकत नाही, तर तुमच्या आजूबाजूचे जग पाहून, आवाज ऐकून तुम्हाला मदत करणारा एक ‘एआय सोबती’ म्हणून काम करतो. तुम्ही बोलून, हातवारे करून किंवा डोळ्यांच्या हालचालीने त्याच्याशी संवाद साधू शकता.
• उत्कृष्ट डिस्प्ले: यात 4K Micro OLED डिस्प्ले आहे, ज्यामुळे रंग आणि स्पष्टता खूपच अप्रतिम दिसते. याचं रिझोल्यूशन (3,552 x 3,840) इतका जास्त आहे की तुम्हाला सर्वकाही खऱ्या जगासारखे वाटेल.
• शक्तिशाली प्रोसेसर: हा हेडसेट Snapdragon® XR2+ Gen 2 या नवीन प्रोसेसरवर चालतो, जो खास एक्सआर उपकरणांसाठी बनवला आहे.
• डिझाइन आणि आराम: हेडसेटचे वजन ५४५ ग्रॅम आहे आणि त्याची बॅटरी वेगळी (३०२ ग्रॅम) असल्याने तो वापरताना खूप आरामदायक वाटतो.
• कॅमेरा आणि सेन्सर्स: यात दोन हाय-रिझोल्यूशन कॅमेरे आहेत ज्यातून तुम्ही बाहेरचे जग स्पष्ट पाहू शकता (पास-थ्रू). तसेच, यात सहा ट्रॅकिंग कॅमेरे, चार आय-ट्रॅकिंग (डोळ्यांच्या हालचाली टिपणारे) कॅमेरे आणि एक डेप्थ सेन्सर आहे.
• ॲप्स: यावर सर्व अँड्रॉइड ॲप्स थेट चालतात. तसेच गूगल मॅप्स, यूट्यूब आणि सर्कल-टू-सर्च यांसारखे ॲप्स खास या हेडसेटसाठी ऑप्टिमाईज केले आहेत.

सध्या उपलब्ध असलेल्या काही खास VR/AR हेडसेट्ससोबत Galaxy XR ची तुलना

याची थेट स्पर्धा ॲपलच्या Vision Pro आणि काही प्रमाणात Meta Quest 3 यांच्यासोबत असेल. सॅमसंगच्या Galaxy XR ची किंमत Apple Vision Pro च्या निम्मी आणि Meta Quest 3 च्या जवळपास तिप्पट आहे. त्यामुळे दोन्हीच्या मध्ये बसणारा हा नवा पर्याय असणार आहे.

The post सॅमसंगचा Galaxy XR हेडसेट सादर : अँड्रॉईड आणि AI ची जोड appeared first on MarathiTech - मराठीटेक.

ॲपलने अनेक दिवस चर्चा सुरू असलेलं त्यांचं नवं उपकरण Apple Vision Pro सरतेशेवटी आज सादर केलं असून सध्या हे जगातलं सर्वाधित चर्चेत असलेली गोष्ट बनलं आहे. हे ॲपलचं पहिलंच VR उपकरण असून याद्वारे आपण आभासी जग आणि वास्तविक जग यांचा मिलाफ अनुभवू शकता.

Vision Pro हा एक हेडसेट असून हा डोक्यावर घालून त्यामधील स्क्रीनद्वारे अनुभवायचा आहे. यामध्ये असलेले अनेक सेन्सर्स आणि कॅमेरा यांचा वापर करत आपण यामधील मेन्यू, फोटो-व्हिडिओ, ॲप्स वापरू शकतो. यासाठी त्यांनी खास visionOS तयार केली आहे.

Vision Pro पूर्णपणे VR किंवा पूर्णपणे AR प्रकारचं उपकरण नाही. तरी हे VR प्रकारचंच उपकरण म्हणता येईल कारण थेट वास्तविक जगातील गोष्टी डोळ्यांना यामध्ये दिसत नाहीत. आपल्याला यामधील कॅमेराद्वारे वास्तविक जग स्क्रीनवर दिसतं.

यामध्ये दोन  ultra-high-resolution डिस्प्ले, 3D कॅमेरा, R1 chip, Spatial Audio system, २ कॅमेरा, पाच सेन्सर्स आणि सहा मायक्रोफोन्स जोडलेले आहेत.

याची किंमत $3,499 (जवळपास ३ लाख रुपये) असून हा पुढच्या वर्षी अमेरिकेत उपलब्ध होईल त्यांनंतर इतर देशांमध्ये उपलब्ध करून देण्यात येईल.

काही दिवसांपूर्वीच मेटा कंपनीने त्यांचा Quest 3 हा हेडसेट जाहीर केला होता. मेटा कंपनीचे हेडसेट सध्या VR जगात सर्वाधिक प्रमाणात वापरले जातात. यासोबत सोनी प्लेस्टेशन VR, मायक्रोसॉफ्ट होलोलेन्स सुद्धा उपलब्ध आहेत. मात्र ॲपलचा यामध्ये बऱ्यापैकी चांगलं डिझाईन आणि सॉफ्टवेअर तयार केल्यामुळे कदाचित त्यांच्या हेडसेटला जास्त यश मिळू शकेल.

The post ॲपलचा Vision Pro व्हर्च्युअल रियालिटी (VR) हेडसेट जाहीर! appeared first on MarathiTech - मराठीटेक.

ॲपलच्या काल WWDC या त्यांच्या डेव्हलपर्ससाठी असलेल्या कार्यक्रमात अनेक नव्या गोष्टी जाहीर केल्या असून iOS 17, macOS Sonoma, watchOS 10, iPadOS 17 अशा ओएस अपडेट्स जाहीर झाल्या आहेत. यासोबत नवीन १५.३” डिस्प्ले असलेला मॅकबुक एयर, नवा M2 Ultra प्रोसेसर, नवे मॅक स्टुडिओ आणि मॅक प्रो आणि सर्वाधिक चर्चा सुरू असलेला VR हेडसेट Apple Vision Pro सुद्धा सादर करण्यात आला आहे.

iOS 17

1. Contact Posters : प्रत्येक कॉनटॅक्टसाठी आता खास नव्या डिझाईनमध्ये पोस्टर्स लावता येतील त्यासाठी फॉन्ट, कलर्स सर्वकाही निवड करता येईल.
2. Journal App : ॲपलने नवं जर्नल नावाचं ॲप जाहीर केलं असून हे रोजनिशी प्रमाणे काम करेल. यामध्ये तुम्हाला मशीन लर्निंगचा वापर करून नोंदी ठेवण्यासाठी सजेशन्स दिलेले दिसतील. त्यासाठी तुमच्या फोटो, पीपल, प्लेसेस, वर्कआउट्सचा संदर्भ घेतलेला दिसेल. यामध्ये आपल्या दैनंदिन आयुष्यात सकारात्मक बदल करण्यास मदत होईल असा त्यांचा उद्देश आहे!
3. StandBy : या मोडमध्ये गेल्यावर तुम्हाला मोठं घडयाळ दिसत राहील आणि सोबत तुम्ही कॅलेंडर, फोटो, गाणी, हवामान असं तुमच्या आवडीनुसार काहीही तिथे लावून ठेऊ शकाल!
4. AirDrop and NameDrop : AirDrop या फाइल शेयरिंगच्या पद्धतीतसुद्धा आता अनेक बदल करण्यात आले असून तुमची कॉनटॅक्ट माहिती शेयर करण्यासाठी फक्त तुम्हाला तुमचा आयफोन समोरच्या आयफोन जवळ न्यायचा आहे आणि तुम्हाला स्क्रीनवर NameDrop द्वारे शेयर करण्याचा पर्याय मिळेल!
5. Live Voicemail : याद्वारे एखादा वॉइसमेल आला तर तू वाचून दाखवला जाईल.
6. FaceTime : फेसटाइममध्ये आता ऑडिओ आणि व्हिडिओ मेसेजेस सुद्धा पाठण्याची सोय मिळेल. कॉलवर समोरची व्यक्ती उपलब्ध नसेल तर त्यांना हे मेसेज पाठवता येतील.
7. मेसेजस : मेसेजेसमध्ये आता लाईव्ह स्टीकर्स तयार करता येतील. सोबतच सर्च, रीप्लायमध्येही अनेक नवे पर्याय मिळतील.

iPadOS 17

1. Lock Screen : आयफोनवरील लॉकस्क्रीन वॉलपेपरची सोय आता आयपॅडवर मिळणार.
2. Widgets : आता विजेट्स सोबत अॅक्शन करण्यासाठी ते ॲप उघडावं लागणार नाही. विजेटवरच तुम्ही बऱ्याच गोष्टी करू शकाल. उदा. चेकलिस्ट मध्ये टिक करणे, गाणी नियंत्रित करणे, इ.
3. PDFs : पीडीएफ फाइल्समधील फील्ड पाहण्यासाठी आता मशीन लर्निंगचा वापर करून सूचना देण्यात येतील
4. Health : हेल्थ ॲप आता आयपॅडवरसुद्धा मिळणार आहे.

macOS Sonoma

• Interactive Widgets : आता macOS मध्येही फोनप्रमाणे विजेट्स मिळणार आहत. घडयाळ, हवामान, कंट्रोल शॉर्टकट्स सर्वकाही
• Video Conferencing : व्हिडिओ कॉल्ससाठी आता खास नव्या सोयी जोडण्यात आल्या आहेत. नवे फिल्टर्स, स्क्रीन शेयरिंग फीचर्स, कंटेंट शेयरिंग
• Safari : सफारी या ब्राऊजरमध्येही आता सुरक्षा आणि गोपनियतेसाठी नवे पर्याय दिले आहेत.
• नवे स्क्रीन सेव्हर्स
• गेमिंगसाठी खास नवे पर्याय Game Mode

The post ॲपलचा WWDC23 कार्यक्रम : iOS 17, macOS Sonoma अपडेट्स जाहीर! appeared first on MarathiTech - मराठीटेक.

मायक्रोसॉफ्टने त्यांच्या मिक्स्ड रिअॅलिटी हेडसेट होलोलेन्सची नवी आवृत्ती आज मोबाइल वर्ल्ड कॉंग्रेस (MWC) येथे सादर केली आहे! होलोलेन्स २ आता अधिक सुविधांसह औद्योगिक कारणांसाठी समोर ठेऊन बनवण्यात आलेला हेडसेट आहे ज्यामध्ये वास्तविक आणि आभासी अशा दोन्ही जगांचा मेळ साधलेला आहे. वास्तविक दृश्य आणि हेडसेटमधून होलोग्राम्सद्वारे दिसणारं आभासी जग नक्कीच खास अनुभव घ्यावं असं आहे. या Hololens चा व्हिडिओ नक्की पहा जेणेकरून हा किती गोष्टींमध्ये मदत करू शकतो आणि येणार्‍या काळात अशा प्रकारच्या गोष्टींमुळे जग कसं बदलेल याची कल्पना करता येईल!

अपडेट (०८/११/२०१९) : काही देशांमध्ये हा आता खरेदीसाठी उपलब्ध झाला आहे याची किंमत $3,500 (~₹२५००००) आहे!

आता या होलोलेन्सच वजन आधीच्या हेडसेटपेक्षा कमी असून वापरण्यास तिप्पट सोयीस्कर असल्याच सांगण्यात आलं! या नव्या हेडसेटमध्ये फील्ड ऑफ व्हयू सुद्धा दुपटीने वाढवण्यात आला आहे! हात व डोळे ट्रक करण्याची सोय सुद्धा देण्यात आली आहे. बिझनेस यूजर्सना हे भन्नाट होलोग्राम तंत्रज्ञान नक्कीच फार उपयोगी पडणार आहे. सत्या नाडेला (मायक्रोसॉफ्ट सीईओ) यांनी डिजिटल जग आणि वास्तविक जग यांच्या जोडण्यामध्ये कशा प्रकारे बदल घडून आणू शकतो याबद्दल माहिती दिली. आता मायक्रोसॉफ्ट यासाठीच अॅप स्टोअर ओपन करत असून लवकरच फायरफॉक्स ब्राउजरसुद्धा होलोलेन्सवर वापरता येईल! इतर डेव्हलपर या ओपन प्लॅटफॉर्मचा वापर करून स्वतःचे सॉफ्टवेअर/अॅप्स होलोललेन्ससाठी सहज तयार करू शकतील!
याची किंमत $3500 (~ ₹२,५०,०००)

या होलोलेन्समध्ये डिजिटल इमेजेस वापरुन होलोग्राम तयार केलेला असतो जो आपल्याला नेहमीच्या जागा सोबत ओव्हरलेद्वारे दिसतो. उदा. आपण एका खोलीत उभारले असू तर खोली स्कॅन करून खोलीमधील वस्तु आकार यांचा अंदाज घेऊन होलोग्राम्स दिसायला सुरुवात होते अर्थात हे फक्त ज्यांनी होलोलेन्स डोक्यावर घातलं आहे त्यांनाच दिसत असणार आहे मात्र नव्या होलोलेन्समुळे दोन होलोलेन्स यूजर्स एकाच वेळी सारखे होलोग्राम पाहू शकतात तेसुद्धा एका जागी नसताना… म्हणजे एक व्यक्ती पुण्यात व एक व्यक्ती सोलापूरमध्ये असेल तर सोलापूरमधील व्यक्ती प्रत्यक्षात पुण्यात उभी असल्याच होलोग्राम्सद्वारे दिसेल! आहे न कमाल…!

याच कार्यक्रमात Azure Kinect सुद्धा सादर करण्यात आलं. गेमिंगसाठी वापरलं जाणार तंत्रज्ञान आता डेव्हलपर्ससाठी विविध गोष्टींना वापरता यावं अशा प्रकारे डिझाईन करून स्वतंत्र रित्या उपलब्ध करून देण्यात आलं आहे. हे नवं अझुर कायनेक्ट $399 मध्ये मिळेल. यामध्ये मायक्रोफोन्स, डेप्थ सेन्सर, हाय डेफीनेशन कॅमेरा जोडलेला आहे!

The post मायक्रोसॉफ्ट होलोलेन्स २ सादर : आता अधिक भन्नाट सुविधांसह! appeared first on MarathiTech - मराठीटेक.

फेसबुकमध्ये आता नव्या फोन्सद्वारे काढलेल्या 3D फोटोजना सपोर्ट देण्यात आला असून 360 व्हिडिओ नंतर आता या थ्रीडी फोटोजमुळे नवा अनुभव घेता येईल! यामुळे फोटो शेअर करणं आणखी रंजक होईल असा विश्वास फेसबुकला वाटत आहे. हे थ्रीडी फोटो पाहण्यासाठी आपल्या न्यूजफीडवर असताना फोन वेगवेगळ्या अंशात थोडासा फिरवल्यास फोटोमधील वेगळ्या बाजू सुद्धा दिसतील. फोरग्राऊंड सोबत बॅकग्राऊंड चित्रित करून तो फोटो एकत्रित फेसबुक अॅपद्वारे शेअर करता येईल!   
 

हे 3D फोटो काढण्यासाठी तुमच्याकडे सपोर्ट असलेला स्मार्टफोन असायला हवा. सध्या तरी आयफोनच्या काही मॉडेल्सनाच (iPhone 7+, 8+, X, XS) सपोर्ट असून लवकरच अँड्रॉइड फोन्सना सुद्धा ही सोय उपलब्ध होईल. तर यापैकी ड्युअल लेन्स असलेला फोन असल्यास पोट्रेट मोडद्वारे फोटो काढा आणि  फेसबुक अॅपमधील Share as 3D फोटो पर्याय निवडून फोटो अपलोड करा. त्यामुळे तुमचा फोटो आता पॅन व टिल्ट, स्क्रोल करता येईल! खाली एक उदाहरण दिलेलं आहे ते सर्व फोन्सवर पाहू शकता. डेस्कटॉपवर असाल तर माउस फोटोवर हलवून 3D अनुभव घेता येईल.

अधिकृत माहिती : 3D Photos Now Rolling out on Facebook and in VR

search terms 3D photos in facebook adding new dimensions to photos how to create 3D photo for facebook 

The post फेसबुकवर आता 3D फोटोजचा अनुभव! : फोटोच्या आजूबाजूला पाहता येईल! appeared first on MarathiTech - मराठीटेक.