कमी किमतीचे खास गॅझेट्स, जे होऊ शकतात दिवळीचे शानदार GIFTS

दिवाळीनिमित्त मित्रपरिवाराला काही खास गिफ्ट देण्याची परंपरा भारतात आहे. परंतु, वाढत्या महागाईमुळे कुणाला कोणते गिफ्ट द्यावे ही एक मोठी समस्या होऊन बसते. बऱ्याच वेळा गिफ्टच्या किमती बघून आपण ते मित्रपरिवाराला देण्याचे टाळतो. परंतु, असे करणेही योग्य नाही. त्यामुळे आम्ही घेऊन आलोय, काही असे गॅझेट्स, जे अगदी कमी किमतीला तुम्हाला मिळतील. हे गॅझेट्स तुमचे दिवाळी गिफ्टही ठरू शकतात.

Canon PowerShot A 1200

किंमत- 3,995 रुपये

मोगापिक्सल- 12.1

जर कुणाला कॅमेरा भेट द्यायचा असेल, तर हा एक चांगला पर्याय आहे. यात 4x चा झूम आहे. एवढ्या कमी किमतीला 12.1 मेगापिक्सलचा कॅमेरा असल्यामुळे चित्रही स्पष्ट येईल.

SAMSUNG GURU

किंमत- 999 रुपये

सॅमसंग या कंपनीचा हा सर्वांत स्वस्त मोबाईल फोन आहे. याचा अल्फा-न्युमरिक की पॅड अॅंटी डस्ट टेक्नॉलॉजी असलेला आहे. याची टीएफटी स्क्रीन 1.5 इंच आहे. या बेसिक फोनमध्ये 2G नेटवर्क सपोर्ट देण्यात आला आहे.

Toshiba Satellite C850-P5010

किंमत- 21,529 रुपये

यात डॉस ओएस आहे. यात 2.1 GHz चा ड्युअल कोर प्रोसेसर आणि 2GB रॅम आहे. तसेच यात 320 GB हार्ड डिस्क स्पेस आहे. याची स्क्रीन 15.6 इंच आहे. यात बिल्डइन स्पिकर्स आहेत. याचे बॅटरी बॅकअप 2.5 ते 3 तासांचा आहे.

HP Pavilion G6 -1117TX

किंमत- 33,324 रुपये

एचपीच्या या शानदार लॅपटॉपमध्ये 2.1 GHz चा प्रोसेसर आहे. यात 15.6 इंच आकर्षक स्क्रीन आहे. वायरलेस नेटवर्किगमध्येही हा लॅपटॉप उत्कष्ट आहे. यात विंडोज 7 ओएस आहे. 500GB हार्डडिस्कसह हा एक स्मार्ट चॉईस आहे.