शायोमीचा फोकस क्युब, बॉलपेन सादर!

शायोमीने अलीकडे भारतात लाईफस्टाइल उपकरणे सादर करण्यास सुरुवात केली असून Mi लगेज, प्रवासी उशी (Travel Pillow), AirPOP मास्क यानंतर आता ताण कमी करण्यासाठी फोकस क्युब सादर केला आहे! यामुळे ताण, चिंता असताना हे उपयोगी पडेल. अशा क्षणी आपण हातात काहीतरी वस्तू घेऊन चाळत बसलेलो असतो त्याऐवजी स्ट्रेसबस्टर म्हणून असे क्युब्स अनेकजण वापरतात.

हा नवा Mi Focus Cube आता भारतात उपलब्ध झाला आहे. याची किंमत ₹१९९ असून डिलिव्हरीसाठी अतिरिक्त ₹५० द्यावे लागतील. पांढरा आणि केशरी रंगाची जोड असलेला हा क्युब या एकाच रंगसंगतीमध्ये मिळेल.

Mi Focus Cube : https://store.mi.com/in/item/3184300014

यासोबत कंपनीने रोलर बॉल पेन सुद्धा सादर केला आहे! याची किंमत १७९ असून याची रिफिल ११९ रुपयात mi.com वर मिळेल!

एकीकडे MIUI मध्ये विनाकारण जाहिराती सुरू केल्या असताना अशी गरज नसलेली उत्पादने सादर करण्याचं कारण हे शायोमीलाच ठाऊक! त्यांच्या वेबसाइटवर साध्या ठोकळ्याचंही किती कौतुक केलं आहे ते पाहू शकता… त्यांच्या खास चाहत्यांना मात्र ही उत्पादने आवडतील!