शायोमीने त्यांचा नवा फ्लॅगशिप स्मार्टफोन Xiaomi 12 Pro भारतात सादर केला असून यामध्ये Snapdragon 8 Gen 1 हा प्रोसेसर, 120W फास्ट चार्जिंग, उत्तम कॅमेरा देण्यात आला आहे. शायोमीचा बऱ्याच दिवसांनी प्रीमियम फोन भारतात आला असून यासोबत त्यांनी Xiaomi Pad 5, Xiaomi TV चे विविध मॉडेल्ससुद्धा सादर केले आहेत.
Xiaomi 12 Pro मध्ये WQHD+ रेजोल्यूशन असलेला 6.73 इंची Samsung E5 AMOLED LTPO 2.0 punch-hole डिस्प्ले दिलेला आहे. डिस्प्ले रिफ्रेश रेट 120Hz, 1500 nits peak brightness आणि 10bit HDR सपोर्ट देण्यात आला आहे. 12GB पर्यंत चा रॅम पर्याय आणि 256 स्टोरेज मिळेल.
50MP+50MP+50MP असा फ्लॅगशिप कॅमेरा सेटप असलेला भारतातला एकमेव स्मार्टफोन असल्याचं शायोमीने सांगितलं आहे. 32MP फ्रंट कॅमेरा आहे.
या फोनचं आणखी एक वैशिष्ट्य म्हणजे यामध्ये असलेलं फास्ट चार्जिंग.. 4600mAh ची बॅटरी याचा 120W चा चार्जर १८ मिनिटात पूर्ण चार्ज करतो! शिवाय हा फोन 50W चं वायरलेस चार्जिंग सुद्धा करू शकतो!
या फोनची किंमत ६२,९९९ (8GB+256GB) आणि ६६,९९९ (12GB+256GB) अशी असणार आहे. ICICI बँक कार्डसवर ६००० चा डिस्काउंट मिळेल. शिवाय नवीन फोन लॉंच असल्यामुळे ४००० ची आणखी सूट मिळेल. हा फोन २ मे पासून खरेदीसाठी उपलब्ध होत आहे.
तुम्ही जर प्रीमियम फोन घेण्याचा विचार करत असाल तर या फोनचा या किंमतीला विचार कराल का ?
