२०१९ मध्ये भारतीयांनी कोणते व्हिडिओज पाहिले? : YouTube Rewind

स्वस्त इंटरनेटमुळे गेल्या काही वर्षात मोठ्या प्रमाणात वाढलेला वापर यूट्यूबवरही चांगलाच परिणाम करून गेला आहे. अगदी खेड्या पाड्यात आता लोक रोज अनेक व्हिडिओ पाहत असून चित्रपट, गाणी, माहितीपूर्ण व्हिडिओ, मजेशीर/विनोदी व्हिडिओ पाहण्याचं प्रमाण अलीकडे फार वाढलं आहे. यामध्ये प्रामुख्याने चित्रपट माध्यमाचा जास्त प्रभाव दिसून येत आहे. धनुषच्या मारी २ चित्रपटातील राऊडी बेबी गाण्याने तर जगातल्या सर्वाधिक पाहिल्या गेलेल्या व्हिडिओमध्ये स्थान मिळवलं आहे! खानदेशी मूव्हीज नावाच्या चॅनलचा एक व्हिडिओ बराच प्रसिद्ध झाला होता. २०१९ मध्ये विशिष्ट विषयाला समोर ठेऊन तयार करण्यात आलेले व्हिडिओ अधिक लोकप्रिय झाले जसे की शेती, गेमिंग, शिक्षण.

दरम्यान महिला वर्गाने बरीच आघाडी घेतली असून २०१६ मध्ये दहा लाखाहून अधिक सबस्क्रायबर्स असलेलं केवळ एकच चॅनल होतं आता २०१९ मध्ये तब्बल १२० महिलांचे चॅनल्स दहा लाखांवर सबस्क्रायबर्स मिळवून आहेत! इंग्लिश नंतर आता हिंदी, तामिळ, तेलुगू, कन्नड आणि मल्याळम भाषांमधील व्हिडीओ आणि चॅनल्सची मोठी वाढ गूगलने नोंदवली आहे. यावेळी मराठीचा उल्लेख नाही त्याअर्थी या भाषांच्या मानाने मराठीत व्हिडीओचं प्रमाण फारच कमी आहे. मराठी प्रेक्षक मराठी व्हिडीओ ऐवजी हिंदीला प्राधान्य देत असल्यामुळे ही परिस्थिती झालेली असू शकते. हे चित्र नक्कीच बदलायला हवंय. मराठी यूट्यूब विश्वाने २०२० मध्ये तरी पुढे वाट स्वीकारायला हवी… खालील यादीत आपण महाराष्ट्रातल्या सर्पमित्र आकाश जाधव यांचा व्हिडिओ ट्रेंड झालेला पाहू शकता! मराठी यूट्यूबवरचा हा लेख वाचू शकता.

जगभरात २०१९ मध्ये सर्वात जास्त वेळा पाहिले गेलेले गाण्यांचे व्हिडीओ (YouTube Most viewed Music Videos Globally)