भारतातली लोकप्रिय पेमेंट सेवा पुरवणारी कंपनी पेटीएमने आज जाहीर केलेल्या ऑफरनुसार व्यापाऱ्यांना पेटीएमचा साऊंडबॉक्स मोफत मिळू शकतो! हा स्पीकर जर तुम्ही पेटीएमच्या बिझनेस ॲपद्वारे (Paytm for Business) खरेदी केला तर तुम्ही ४० टक्के सूट मिळेल ज्यामुळे हा बॉक्स तुम्हाला २९९ रुपयांत मिळेल. एका महिन्यात जर याच्याद्वारे तुमच्या दुकानात ५० व्यवहार पूर्ण झाले तर पाच महीने दरमहा ६० रु कॅशबॅक मिळेल ज्यामुळे याची किंमत शून्य झाल्या सारखी होईल. (Effective Price)
पेटीएम साऊंडबॉक्सबद्दल आम्ही काही महिन्यापूर्वी माहिती दिली होती. हा बॉक्स ग्राहकांनी पेमेंट केल्यावर त्याची माहिती मोठ्या आवाजात सांगतो त्यामुळे दरवेळी दुकानदारांना फोन तपासत बसावं लागत नाही. याच्या नव्या आवृत्तीमध्ये QR Code, अधिक चांगला आवाज, डिजिटल डिस्प्ले आणि ऑडिओ समरी अशा सुविधा देण्यात आल्या आहेत. हे व्यावसायिकांसाठी नक्कीच खूप उपयोगी पडेल असं उपकरण आहे.
कंपनीतर्फे असं सांगण्यात आलं आहे की ही ऑफर देशभरातील लहान दुकानदारांना डिजिटल व्‍यवहारांचा अवलंब करत ऑनलाइन व्यवहार स्‍वीकारण्‍यामध्‍ये व करण्‍यामध्‍ये मदत करेल. ही ऑफर देशभरातील व्‍यापा-यांसाठी उपलब्ध आहे. कंपनीला व्‍यापा-यांमध्‍ये पेटीएम साऊंडबॉक्‍सचा वापर वाढताना दिसत आहे. विविध भाषांमध्‍ये उपलब्ध असलेले हे डिवाईस त्‍यांना त्‍यांच्‍या मातृभाषेमध्‍ये व्‍यवहाराची माहिती देण्‍यामध्‍ये मदत करते.
