विंडोजची ‘आठवी’ खिडकी : Windows 8 येत आहे भन्नाट सुविधांसह

विंडोजची ‘आठवी’ खिडकी : Windows 8 येत आहे भन्नाट सुविधांसह

' विंडोज फोन ८ ' हे मायक्रोसॉफ्टचं सर्वात प्रसिद्ध आणि प्रगत व्हर्जन. सध्या ' विंडोज ८ ' पीसी ओएसच्या बाबतीत जितकी उत्सुकता आहे. तितकीच उत्सुकता ' विंडोज फोन ८ ' या...

विंडोज एक्सपीचे पॅकअप

गेल्या ११ वर्षांपासून विंडोज एक्सपी ही कम्प्युटर युझर्सचीआवडती ऑपरेटिंग सिस्टीम झाली आहे . त्यानंतर विंडोजच्यानव्या एडिशन्स आल्या असल्या तरी एक्सपी एवढी लोकप्रियता कुणालाही मिळालेली नाही . त्यामुळेच कदाचितमायक्रोसॉफ्ट , अॅडोबसह इतर सॉफ्टवेअर कंपन्यांनी आता आपल्या नव्या सॉफ्टवेअरच्या एडिशन्स एक्सपीलासपोर्ट करणार नाहीत असे जाहीर केले आहे . त्यामुळे एक्सपीच्या युझर्सला नजिकच्या भविष्यात नव्या ऑपरेटिंगसिस्टीमबरोबर जुळवून घ्यावे लागणार आहे . गुगलनेही सर्व इंटरनेट एक्सप्लोअर धारकांना त्यांचा ब्राऊझर अपडेट करायला सांगितला आहे . इंटरनेटएक्सप्लोअरर १० येत्या २६ ऑक्टोबरला बाजारात दाखल होणार आहे . त्यानंतर म्हणजे १५ नोव्हेंबरपासूनइंटरनेट एक्सप्लोअर ८ किंवा त्यापूर्वीच्या एडिशन्सला गुगल अॅप्स सपोर्ट करणार नाहीत . त्यामुळे एक्सपीयुझर्सनी नवीन एक्सप्लोअरर इन्स्टॉल करायचा म्हटला तर मायक्रोसॉफ्ट ते करू देत नाहीय . इंटरनेटएक्सप्लोअररच्या नव्या एडिशन्स एक्सपीला सपोर्ट करणार नाही असे कंपनीने जाहीर करून टाकले आहे . यायुझर्सला फायरफॉक्स , ऑपेरा , क्रोम यासारखे ब्राऊझर इन्स्टॉल करण्याची सोय आहे . पण फोटोशॉप युझर्सला तर ही सोय देखील उपलब्ध नाही . फोटोशॉपची सीएस ६ ही एक्सपीला सपोर्ट करणारीशेवटची व्हर्जन असेल असे अॅडोबने जाहीर केले आहे . कारण फोटोशॉपच्या आगामी व्हर्जनसाठी मॉडर्न हार्डवेअरग्राफिक्स लागणार असून ते एक्सपीमध्ये नाहीत , असे कंपनीचे प्रोडक्स मॅनेजर टॉम होगार्टी यांनी म्हटले आहे .विंडोजच्या नव्या एडिशन्समध्ये हे फीचर्स उपलब्ध आहेत . ग्राफीक कार्ड , ग्राफीक ड्रायव्हर्समुळे थ्रीडी , ब्लर गॅलरी, लाईटींग इफेक्ट यासारखे फीचर्स विंडोजच्या नव्या एडिशन्स युझर्सला वापरता येतील . फोटोशॉपची नवीएडिशन कधी दाखल होणार हे कंपनीने जाहीर केले नसले तरी आगामी एडिशन एक्सपीला सपोर्ट करणार नाही हेजाहीर करून ग्राहकांना ऑपरेटिंग सिस्टीम बदलण्यासाठी वेळ देत असल्याचा दावा कंपनीने केला आहे . यापूर्वीचअडोब लाइटरुमच्या अपडेटेड एडिशन्स एक्सपीला सपोर्ट करत नाहीत . नुकत्याच करण्यात आलेल्या एका सर्वेक्षणानुसार ऑगस्टमध्ये विंडोज ७ च्या युझर्सच्या संख्येने विंडोज एक्सपीच्यायुझर्सला क्रॉस केले आहे . त्यामुळे आगामी काळात कराव्या लागणा - या बदलांची तयारी कम्प्युटर युझर्सनेही सुरूकेल्याचे दिसून येते आहे . 

आठवी खिडकी उघडली! विंडोज ८ बाजारात

कम्प्युटर , स्टायलसवर आधारित स्मार्टफोन , टचस्क्रीन फोन, टॅब्लेट पीसी , लॅपटॉप आदी सर्व आधुनिक युगातील संदेशवहन आणि माहितीसाठा करणाऱ्या गॅजेट्सना पूरक ठरणारी बहुचर्चित ' विंडोज ८ ' ही नवी ऑपेरेटिंग सिस्टिम गुरुवारी मायक्रोसॉफ्ट कंपनीने बाजारात आणली .  विंडोज यूजरना ' विंडोज ८ ' साठी अपग्रेड करणे शक्य होणार असून, तशी ऑनलाइन सुविधा उपलब्ध करून देण्यात आली आहे .  या नव्या सिस्टिममुळे संधीची नवी खिडकी उघडण्याबरोबरच तंत्रज्ञान क्षेत्रात कंपनी पुन्हा एकदा झेपावेल , अशी अपेक्षा कंपनीचे मुख्य कार्यकारी अधिकारी ( सीईओ ) स्टीव्ह बालमेर यांनी व्यक्त केली . विंडोज अपग्रेडची सुविधा ३९ . ९९डॉलरपासून उपलब्ध असेल , असे कंपनीच्या विंडोज विभागाचे अध्यक्ष स्टीव्हन स्निफेस्की यांनी जाहीर केले .  दीर्घकाळ चालणारी बॅटरी , वेगवान बूटिंग , लहान मेमरी याबरोबर ' विंडोज ७ ' च्या हार्डवेअर आणि सॉफ्टवेअरना ' विंडोज ८ ' पूरक असणार आहे . माउस , की - बोर्ड आणि टचबरोबर काम करता येऊ शकेल , असेयाचे डिझाइन आहे आणि हेच या ऑपरेटिंग सिस्टिमचे वैशिष्ट्य आहे . ' विंडोज ८ ' आणि ' सरफेस टॅब्लेट ' ची विक्री शुकव्रारपासून सुरू होणार आहे .  सध्याच्या स्टार्ट मेनू आणि आयकन्सच्या पलीकडचा विचार करून ' विंडोज ८ ' चा डिस्प्ले तयार करण्यात आला आहे . अॅप्लिकेशनच्या अपडेट्सची माहिती यावरून मिळू शकणार आहे . टचस्क्रीनचा लक्षात घेऊन यावरील टाइल मोठ्या करण्यात आल्या आहेत . त्यामुळे ' टच ' करणे सोपे जाणार आहे . स्पीकरचा आवाज नियंत्रित करण्यासाठी ऑयकॉन आपोआप झाकला जातो .यापूर्वी लाँच झालेल्या काहीऑपरेटिंग सिस्टिमची चर्चा आणि त्यांना मिळालेला प्रतिसादही चांगला होता .  विंडोज ८ या ऑपरेटिंग सिस्टिमचाही गाजावाजा होण्यासाठी कंपनीने प्री - लाँचसाठी प्रयत्न केले आहेत . मात्र ,कंपनीकडून पूर्वी लाँच झालेल्या ऑपरेटिंग सिस्टिमला मिळालेला प्रतिसाद विंडोज ८ ला मिळणार का यावर तज्ज्ञांकडून शंका व्यक्त केली जात आहे .  विंडोज ८ मध्ये प्रत्येकासाठी नवे काही ना काही तरी असेल ,असा अंदाज आहे . टॅब्लेट पीसीप्रेमींसाठी टचस्क्रीन सुविधा ,नवा इंटरफेस आणि डेस्कटॉपबरोबरच येत असलेल्या पारंपरिक सॉफ्टवेअरना पूरक असे हे नवे सॉफ्टवेअर असणार आहे . मात्र , असे असले तरी ही ऑपरेटिंग सिस्टिम का घ्यावी, असा प्रश्न अनेक कंपन्यांना आहे . कंपनीने काही वर्षांपूर्वी विंडोज ७ बाजारात आणले . मात्र , अजूनही अनेक यूजर हे विंडोज एक्सपीवरून विंडोज ७ ला अपग्रेड होऊ शकलेले नाहीत . विंडोज ८ चा प्लॅटफॉर्म हा बिझनेस प्लॅटफॉर्मपेक्षा कन्झ्युमर प्लॅटफॉर्म असल्याचे वाटते आहे . त्यामुळे कंपन्यांना याकडून फारशा अपेक्षा नाहीत .परिणामी , कंपन्यांकडून विंडोज ८ ला मागणी असण्याची शक्यता कमी आहे . कम्प्युटरच्या ऑपरेटिंग सिस्टिमचा मोठा ग्राहक हा बिझनेस कॅटेगरीतला आहे . पर्सनल कॅटेरीचे प्रमाण तुलनेत कमी आहे . भारतासारख्या ठिकाणी पर्सनल कम्प्युटरवर लायसन्स प्रॉडक्ट वापरण्याबाबत फारशी जागरूकता नाही . एखादी कंपनी किंवा प्रॉडक्टला चांगला वा वाईट प्रतिसाद या गोष्टी घडत असतात . व्यवसाय कशा पद्धती बदलत आहे याचे उदाहरण म्हणून विंडोज ८ कडे पाहायला हवे . मात्र , कंपनी ग्राहक आणि वैयक्तिक ग्राहक यांच्यातील अंतर कमी होत असल्याचे हे संकेत आहेत , असाही कयास काही तज्ज्ञांनी बांधला आहे . टॅब्लेट पीसी आणि पीसी यांबाबत कोणतीही तडजोड करण्यास व्यावसायिक ग्राहक तयार नाहीत . त्यामुळे विंडोज ८ ला थोडाफार प्रतिसाद मिळण्याची अपेक्षा आहे .टच एक्सपिरिअन्समध्ये आपण मास्टर आहोत , याची चुणूक मायक्रोसॉफ्टकडून नव्या ऑपेरिंग सिस्टिमच्यामाध्यमातून दाखविली जाण्याची शक्यता आहे . कंपनी करत असलेले मार्केटिंग हे तरुण ग्राहकांना समोर ठेवून करण्यात आले आहे .  विंडोज ८ चे ट्रायल व्हर्जन वर्षभरापूर्वी बाजारात उपलब्ध करून देण्यात आले . मात्र , कंपन्यांकडून याला थंड प्रतिसाद मिळालेला आहे . फोक्सवॅगन कंपनीने गेल्या वर्षी साठ हजार कम्प्युटरवर विंडोज ७ ही ऑपरेटिंग सिस्टिम बसविली . वर्षानंतर कंपनी नव्या ऑपरेटिंग सिस्टिमला अपग्रेड होण्याची शक्यता कमी आहे . त्यामुळे व्यावसायिक ग्राहकांकडून विंडोज ८ ला थंड प्रतिसाद मिळण्याची शक्यता अधिक असल्याचे मत तज्ज्ञ व्यक्त करीतआहेत . 

Page 7 of 7 1 6 7
ADVERTISEMENT
error: Content is protected!