अॅमेझॉनने ऑडिबल (Audible) ही ऑडिओबुक्सची सबस्क्रिप्शन सेवा इतर सेवांनंतर बराच कालावधी घेत एकदाची भारतात सादर केली आहे. ही सेवा १९९ दरमहा या दराने उपलब्ध आहे. प्रथमच वापर करणाऱ्या सर्व यूजर्ससाठी ऑडिबल ३० दिवस चाचणीसाठी मोफत असेल.     

सध्या ऑडिबलमध्ये आपण तब्बल २,००,००० हून अधिक ऑडिओबुक्स ऐकू शकाल. अँड्रॉइड व iOS यूजर्सना
अॅपद्वारे लवकरच उपलब्ध होतील. सध्या याची चाचणी सुरू असल्याच अॅमेझॉन इंडियाकडून सांगण्यात आलं आहे. भारतीय व आंतरराष्ट्रीय ऑडिओबुक्स अधिक मोठ्या संख्येने जोडली जात आहेत आणि यात दररोज भर घातली जाईल. 

ऑडिओबुक म्हणजे असं पुस्तक जे डिजिटली उपलब्ध असून फक्त ऐकण्यासाठीच बनवलेलं असतं. हे पुस्तक आपण ऐकत दुसरी कामे करू शकतो किंवा डोळ्यांना ताण न देता निवांत ऐकत राहू शकतो. आवाज देण्याच्या दृष्टीने खास काळजी घेतलेली असते.  

ऑडिबलचे प्लॅन्स दरमहा ₹१९९ त्यासोबत ६ महिन्यासाठी ₹ १३४५ तर एक वर्षासाठी ₹ २३३२ असे उपलब्ध करून देण्यात आले आहेत. ऑडिओबुक्स आपण फोन, टॅब्लेट, पीसी कुठेही ऐकू शकता. या प्रत्येक डिव्हाईससाठी अॅप उपलब्ध करून देण्यात आलं आहे.     

Amazon Audible India Wesbite : www.audible.in 

 अॅमेझॉनच्या अलीकडे सादर झालेल्या सेवांबद्दल लेख :

• अॅमेझॉनचा नवा किंडल पेपरव्हाईट सादर! : आता वॉटरप्रूफ!
• अॅमेझॉन प्राईम रिडींगद्वारे प्राइम ग्राहकांना मोफत पुस्तके उपलब्ध!
• अॅमेझॉन अलेक्सा असिस्टंटला आता मराठी भाषासुद्धा समजेल!
• अॅमॅझॉनची प्राइम सेवा आता मासिक प्लॅनद्वारे उपलब्ध : दरमहा ₹१२९
• अमॅझॉन प्राइम म्युझिक सेवा आता भारतात उपलब्ध!

अॅमेझॉनकडून नवीन किंडल पेपरव्हाईट सादर करण्यात आले आहे. याची खासियत म्हणजे नवीन किंडल पेपरव्हाईट IPX8 रेटेड असून आता वॉटरप्रूफ बनले आहे. नवीन किंडल पेपरव्हाईट जर पाण्यामध्ये पडले तरी ते वापरता येणार असून जवळपास २ मीटर पाण्यामध्ये ६० मिनिटांपर्यंत हे राहू शकते.

नवीन किंडल पेपरव्हाईट सर्वांत कमी वजनाचे असून जाडीने सुद्धा आधीच्या तुलनेत कमी आहे. यासोबत ६ इंच ग्लेअर  फ्री स्क्रीन देण्यात आली आहे. त्यासोबतच बिल्ट इन लाइटचा समावेश सुद्धा आहे. नवीन किंडल पेपरव्हाईट 300ppi रिझोल्युशन सोबत येत असून वायफाय सोबत येणारे 8GB स्टोरेजमध्ये  तर वायफाय + फ्री 4G मॉडेल 32GB स्टोरेजमध्ये  हे उपलब्ध असेल. यासाठी विविध कव्हर सुद्धा उपलब्ध आहेत. नवीन किंडल पेपरव्हाईटचा बॅटरी बॅकअप सुद्धा चांगला असून तो जवळपास आठवडाभर चालेल असे कंपनीकडून सांगण्यात आले आहे.

किंडलच्या मदतीने आपण टॅब्लेट एवढ्या आकाराच्या डिव्हाईसद्वारे अनेक पुस्तके वाचू शकतो. साधारण मोबाइल/टॅब्लेट स्क्रीन पेक्षा किंडलची स्क्रीन वेगळ्या पद्धतीची असून इलेक्ट्रॉनिक पद्धतीने पुस्तके वाचतानाही प्रिंटेड बुक वाचल्याचा अनुभव यातून मिळतो. त्याबरोबरच मोबाइल स्क्रीनपासून डोळ्यांना जो त्रास होतो तो याद्वारे होत नाही. किंडलमध्ये आपण हजारो पुस्तके साठवून ठेवू शकतो. आजकाल तर अनेक मराठी पुस्तकेसुद्धा ई-बुक्सच्या रूपात उपलब्ध आहेत. शिवाय अॅमेझॉन प्राईम रिडींग सेवा आता भारतात उपलब्ध झाली असून या सेवेद्वारे अॅमेझॉन प्राईम ग्राहक निवडक पुस्तके आणि कादंबऱ्या फुकटात वाचू शकतील!

नवीन किंडल पेपरव्हाईट प्री-ऑर्डर साठी अॅमॅझॉनवर उपलब्ध असून १६ ऑक्टोबर ते १३ नोव्हेंबर दरम्यान खरेदी करणाऱ्या ग्राहकांना ३ महिन्यांसाठी किंडल अनलिमिटेड सबस्क्रिप्शन व २ वर्ष अधिकची वॉरंटी मिळणार आहे. याची किंमत १२९९९ पासून आहे.

अॅमेझॉन प्राईम रिडींग सेवा आता भारतात उपलब्ध झाली असून या सेवेद्वारे अॅमेझॉन प्राईम ग्राहक उत्तम पुस्तके आणि कादंबऱ्या फुकटात वाचू शकतील! यासाठी अॅमेझॉन किंडल किंवा फोनवर उपलब्ध असलेलं किंडल अॅप असणं गरजेचं आहे जे अँड्रॉइड व iOS वर उपलब्ध आहे.

प्राईम रिडींग कसं वापरायचं ? : amazon.in वेबसाईटवर जा किंवा फोनवरील अॅमेझॉन अॅप उघडा वर बॅनर आलेला दिसेल Prime Reading लिहलेल असेल. (जर तुम्ही प्राईमचं सदस्यत्व घेतलं असेल तरच दिसेल) आता जी पुस्तके वाचायची आहेत ती दिलेल्या यादीतून निवडा आणि त्यानंतर तुमच्या किंडल मध्ये किंवा किंडल अॅपमध्ये ते पुस्तक मोफत वाचता येईल!

अॅमेझॉन प्राइम सेवेबद्दल माहिती :  Amazon Prime

प्राईम रिडींग भारतात अॅमेझॉन प्राइमच्या सदस्य असलेल्या ग्राहकांना मोफत आहे. साहित्य, कथा, कादंबरी, रहस्य, कॉमिक्स अशा विविध प्रकारच्या पुस्तकांची यादी अॅमेझॉनने उपलब्ध करून दिलेली आहे जी येणाऱ्या काळात आणखी मोठी होईल असं सांगण्यात आलं आहे. भारतीय भाषांमधील पुस्तकेसुद्धा यामध्ये उपलब्ध आहेत.

प्राईम व्हिडीओ, प्राईम म्युझिक नंतर आता प्राईम रिडींग सुद्धा त्यांच्या प्राईम सेवेतच मोफत उपलब्ध असेल!
अॅमेझॉन प्राइम सदस्यांना सध्यातरी एकाच सेवेद्वारे इतक्या सगळया सोयी मिळत आहेत ज्यामध्ये मोफत वस्तूंची डिलिव्हरी, दोन दिवसात डिलिव्हरी, प्राईम डेच्या दिवशी आणखी सूट अशा बऱ्याच गोष्टींचा समावेश आहे.
ही सेवा दरमहा ₹१२९ किंवा ₹९९९ वार्षिक अशा स्वरूपात उपलब्ध आहे.

प्राईमचं सदस्यत्व घेण्यासाठी लिंक : Join Amazon Prime 

search terns amazon prime reading free books magazines comics marathi  

गूगल प्लेवर अॅप्ससोबत चित्रपट, गाणी, मासिके, पुस्तकेसुद्धा विकत घेता येतात! गूगल प्लेवर सध्या ई बुक्स मिळायची (ही पुस्तके विकत घेतल्यावर Google Play Books अॅपमध्ये कधीही वाचता येतात!) बरेच दिवस चर्चा सुरू होती की लवकरच ऑडिओबुक्ससुद्धा उपलब्ध होणार आहेत. तर गूगलने कालपासून ही ऑडिओबुक्स उपलब्ध करून दिली आहेत! पहिल्या ऑडिओबुक खरेदीवर ५०% सवलत सुद्धा मिळणार आहे! ही ऑडिओबुक्स अँड्रॉइड, iOS आणि गूगल होम उपकरणांमध्येसुद्धा उपलब्ध करून देण्यात आली आहेत!

Google Play Audiobooks on Play Store

ऑडिओबुक : ऑडिओबुक म्हणजे नेहमीचीच पुस्तके मात्र ऑडिओ रूपात! आपण हे ऑडिओबुक विकत घ्यायचं आणि ते अॅपमध्ये सुरु करायचं, मग कॉम्पुटर/अॅप आपल्याला पुस्तक वाचून दाखवायला सुरु करतं.

आपण आपलं काम करत, फिरत फिरत किंवा व्यायाम करता करता किंवा निवांत एका ठिकाणी पडून सुद्धा या ऑडिओबुक्स ऐकण्याचा आनंद घेउ शकतो. बऱ्याच वेळा यासाठी खास व्यक्तींचा आवाजसुद्धा दिलेला असतो!

गूगलच्या ऑडिओबुक्सचं आणखी एक वैशिष्ट्य म्हणजे गूगल असिस्टंटला आपण विकत घेतलेलं पुस्तक ऐकवायला सांगू शकतो उदा. Ready Player One हे पुस्तक विकत घेतलं असेल तर “OK Google Read my book” अशी आज्ञा गूगल असिस्टंटला देऊ शकता, त्या पुस्तकाचे लेखक विचारू शकता, काही मिनिटानंतर वाचन थांबवायला सुद्धा सांगू शकता! लवकरच अँड्रॉइड ऑटोमध्ये सुद्धा ही सोय वापरता येईल. अँड्रॉइड ऑटो ही कार चालकांसाठी गूगलची सेवा आहे.