काही दिवसांपूर्वी मोबाइल वर्ल्ड कॉंग्रेस म्हणजेच MWC 2022 मध्ये ओप्पो कंपनीने चक्क 240W ने फास्ट चार्जिंग करणारं SuperVOOC तंत्रज्ञान जगासमोर आणलं असून याद्वारे 4500mAh बॅटरी असलेला एक फोन अवघ्या ९ मिनिटात १०० चार्ज होऊ शकतो! ओप्पोसोबत realme ने त्यांचं 150W UltraDart फास्ट चार्जिंग सादर केलं आहे.

या तंत्रज्ञानाने 4500mAh ची बॅटरी फक्त साडेतीन मिनिटात ५० टक्के चार्ज होईल! हे तंत्रज्ञान सध्या प्रायोगिक अवस्थेत असून लगेचच बाजारातील फोन्समध्ये उपलब्ध होणार नाही. बॅटरी कशाप्रकारे काम करेल हे स्पष्ट असलं तरी बॅटरी किती लवकर खराब होईल हे मात्र यावेळी सांगण्यात आलेलं नाही.

खालील ट्विटमध्ये तुम्ही या तंत्रज्ञानाचा वापर केलेला व्हिडिओ पाहू शकता.

ओप्पोच्याच सहकारी कंपन्या असलेल्या वनप्लस आणि रियलमीनेही 150W चं UltraDart चार्जिंग आणलं आहे जे 4500mAh ची बॅटरी ५ मिनिटात ५० टक्के चार्ज करू शकतं. हे तंत्रज्ञान या वर्षी सादर होणाऱ्या पुढील फोन्समध्ये समाविष्ट केलं जाईल असं यावेळी सांगण्यात आलं आहे. Realme GT Neo 3 हा शक्यतो हे तंत्रज्ञान असलेला पहिला फोन असेल.

या अतिवेगवान चार्जिंग तंत्रज्ञानासाठी कंपन्या त्यांच्या फोन्समध्ये एक ऐवजी दोन बॅटरीचा वापर करतात. त्यांना ओव्हरचार्जिंगपासून संरक्षण मिळावं म्हणून खास PCB चा समावेश असतो. त्यासाठी स्मार्ट बॅटरी हेल्थ अल्गॉरिथम वापरला जातो ज्यामुळे याची कामगिरी सुधारते आणि बॅटरी टिकण्याचा कालावधी वाढेल.

The post ओप्पोने आणलं अवघ्या ९ मिनिटात फोन १००% चार्जिंग करणारं तंत्रज्ञान! appeared first on MarathiTech - मराठीटेक.

गेले काही महिने अनेक कंपन्या ग्राहकांना अधिकाधिक वेगाने चार्ज होणारे स्मार्टफोन्स आणत आहेत. यामध्ये चीनी फोन कंपन्यांनी सध्या मोठी आघाडी घेतली असून काल शायोमीने हायपर चार्ज नावाचं असं तंत्रज्ञान आणलं आहे ज्याने फोन केवळ ८ मिनिटात १००% चार्ज होऊ शकतो!

सध्या बऱ्याच फोन्समध्ये 15W/25W/30W/45W/50W/65W/120W पर्यंतचं चार्जिंग सपोर्ट पाहायला मिळतो. मात्र शायोमीने थेट 200W पॉवर सप्लाय घेणारं तंत्रज्ञान त्यांच्या फोन्समध्ये जोडलं आहे. शिवाय हेच वायरलेस प्रकारे म्हणजे वायरशिवाय करण्यासाठी चक्क 120W फास्ट चार्जिंगसुद्धा यांनी विकसित केलं आहे! वायरलेस चार्जिंगद्वारे हा फोन १५ मिनिटात फुल चार्ज होतो.
याला त्यांनी Xiaomi HyperCharge असं नाव दिलं आहे.

शायोमीच्या खास तयार केलेल्या Mi 11 Pro मध्ये ही चाचणी करण्यात आली ज्यानुसार 4000mAh ची बॅटरी चार्ज होण्यास फक्त ८ मिनिटे कालावधी लागतो तर याच फोनची बॅटरी ५०% चार्ज होण्यासाठी केवळ ३ मिनिटे लागतात!

यापूर्वीचा रेकॉर्ड ओप्पो आणि रियलमीचा 125W चार्जिंग साठी होता ज्यामध्ये 4000mAh बॅटरी असलेला फोन चार्ज होण्यासाठी २० मिनिटे लागतात.

The post शायोमीचं अवघ्या ८ मिनिटात फोन फुल चार्ज करणारं 200W तंत्रज्ञान! appeared first on MarathiTech - मराठीटेक.

अनेक बाबतीत भारतात सर्वप्रथम ठरतील अशा सुविधांची जोड देण्यात आलेला रियलमीचा realme X50 Pro 5G भारतात सादर करण्यात आला आहे. Snapdragon 865 प्रोसेसर असलेला पहिला फोन, सर्वात वेगवान 65W सुपरडार्ट फास्ट चार्जिंग, WiFi 6 असलेला पहिला फोन, पहिला LPDDR5 रॅम असलेला फोन रियलमीने सादर करून iQoo या विवोच्या काही दिवसातच येणाऱ्या नव्या सबब्रॅंडच्या पहिल्या फोनसोबत आधीच मजबूत पर्याय दिला आहे. दोन्ही कंपन्यामध्ये पहिला 5G फोन भारतात सादर करण्यासाठी स्पर्धा पाहायला मिळाली. अर्थात कंपन्या दोन्ही कंपन्याचं पालकत्व BBK Group या चीनी कंपनीकडेच आहे.

या फोनद्वारे रियलमीने प्रथमच realmeUI फोनमध्ये समाविष्ट केला आहे जो Android 10 आधारित असून याचं डिझाईन स्टॉक अँड्रॉइड प्रमाणे असेल असं सांगण्यात आलं आहे.

या कार्यक्रमात IoT (इंटरनेट ऑफ थिंग्ज)वर आधारित विविध उत्पादने रियलमी आणत असून फोन, पॉवरबँक, स्मार्ट बॅंड, स्मार्ट डिस्प्ले, स्मार्ट स्पीकर/इयरफोन्स, स्मार्ट वॉच, स्मार्ट घरगुती उपकरणे, इ उत्पादनांचा यामध्ये समावेश आहे. रियलमी लवकरच त्यांचे स्वतःचे स्मार्ट टीव्हीसुद्धा सादर करणार असल्याचं जाहीर करण्यात आलं आहे.

5G फोन्स सादर करण्यासाठी स्पर्धा सुरू झाली असली तरी खरेदी करताना केवळ फोन 5G आहे म्हणून खरेदी करू नका कारण भारतात 5G ग्राहकाना उपलब्ध होण्यास अनेक महिन्यांचा (कदाचित वर्षांचा) कालावधी लागणार आहे. त्यामुळे सध्यातरी 5G फोनमध्ये असण्याचा काहीही उपयोग नाही.

डिस्प्ले : 6.44″ Ultra Smooth Super AMOLED 90Hz Display
प्रोसेसर : Qualcomm Snapdragon 865
GPU : Adreno 650
रॅम : 12GB LPDDR5
स्टोरेज : 256GB UFS 3.0+Turbo Write+HPB Technology
कॅमेरा : 64MP Quad Camera + 12MP Telephoto + 8MP Ultrawide & Macro Lens + 2MP Portrait lens
फ्रंट कॅमेरा : 32MP Wide-angle +8MP
बॅटरी : 4200mAh 65W SuperDart Fast Charge
ऑपरेटिंग सिस्टिम : realmeUI based on Android 10
इतर : 802.11a/b/g/n/ac Bluetooth 5.0, WiFi 6, Fastest In Display Fingerprint Scanner, NFC, Dolby Atmos
नेटवर्क : 5G
सेन्सर्स : Dual GPS, Light sensor, Proximity sensor, Magnetic induction sensor, Gyro-meter, Acceleration sensor
रंग : Moss Green & Rust Red
किंमत : हा फोन आजपासूनच फ्लिपकार्ट आणि realme.com वर उपलब्ध होत आहे. याचा पहिला सेल आज संध्याकाळी ६ वाजता आहे.
6GB+128GB ₹37999
8GB+128GB ₹39999
12GB+256GB ₹44999

Search Terms : realme X50 Pro 5G Launch Price Sale Buy Now 65W SuperDart Charging 32MP Dual Selfie Camera 90Hz Super AMOLED Display realmeUI Update
realme smart display smart tv smart band smart home travel realme smartwatch coming soon

The post realme X50 Pro सादर : भारतातला पहिला 5G फोन! appeared first on MarathiTech - मराठीटेक.

गेल्या काही महिन्यात फास्ट चार्जिंगच्या बाबतीत बरेच वेगवान पर्याय उपलब्ध होत असून क्वालकॉमचं Quick Charge, वनप्लसचं Warp Charge, ओप्पोचं VOOC Charge, हुवावेचं Super Charge, इ. तंत्रज्ञानामध्ये सर्वात वेगवान चार्जिंग देण्यासाठी स्पर्धा सुरु आहे. काही महिन्यांपूर्वीच शायोमीने 100W फास्ट चार्जींग तंत्रज्ञान दाखवलं होतं जे १७ मिनिटात फोन पूर्ण चार्ज करू शकेल असं सांगण्यात आलं होतं. मात्र आता विवोने त्यापुढे जाऊन तब्बल 120W ने चार्ज करणारं सुपर फ्लॅश चार्ज तंत्रज्ञान सादर केलं आहे!

हे नवं तंत्रज्ञान 4000mAh बॅटरी केवळ १३ मिनिटात पूर्ण चार्ज करू शकेल असा दावा विवोने केला असून याबद्दल डेमो देणारा व्हिडीओ चिनी वेबसाइट वेबो (Weibo)वर अपलोड करण्यात आला आहे. या व्हिडीओमध्ये एका फोनला १६ सेकंद चार्ज करताना दाखवण्यात आलं असून या वेळेत तो फोन १० ते १४% टक्के चार्ज झाल्याचं पाहायला मिळतं. पूर्ण चार्ज झालेला फोन मात्र या व्हिडीओमध्ये दाखवण्यात आलेला नाही.

विवोचं आत्तापर्यंतच सर्वात फास्ट चार्जिंग तंत्रज्ञान 44W वापरायचं आणि हे iQOO गेमिंग फोनमध्ये पाहायला मिळालं होतं. यानंतर त्यांनी आता थेट 120W वर झेप घेतली आहे! सध्या बाजारात उपलब्ध असलेल्या फोन्सबद्दल बोलायचं झालं तर त्यामध्ये Oppo Find X Lamborghini Edition हा सर्वात वेगाने चार्ज होणारा फोन असून हा 3400mAh ची बॅटरी SuperVOOC चार्जरद्वारे ३५ मिनिटात पूर्ण चार्ज करतो!

विवोचं सुपरफ्लॅश चार्ज 120W चार्जिंग असलेला फोन पुढील आठवड्यात भरणाऱ्या MWC शांघायमध्ये त्यांच्या पहिल्या 5G फोनसोबत पाहायला मिळेल अशी शक्यता आहे.

The post विवोचं १३ मिनिटात फोन पूर्ण चार्ज करणारं सुपरफ्लॅश चार्ज तंत्रज्ञान! appeared first on MarathiTech - मराठीटेक.

अॅपलने सप्टेंबर २०१७ मध्ये iPhone X सादर करताना AirPower हा वायरलेस चार्जर जाहीर केला होता. त्यावेळी २०१८ मध्ये तो उपलब्ध होईल असं सांगण्यात आलं होतं मात्र आता मार्च २०१९ मध्ये अॅपलने सध्याच्या स्टँडर्डनुसार उपकरण बनवणं शक्य न झाल्यामुळे एयरपॉवर कॅन्सल करण्याचा निर्णय घेतला आहे.

AirPower हा असा वायरलेस चार्जर आहे (किंवा होता) ज्याद्वारे तीन उपकरणे एकाचवेळी वायरशिवाय चार्ज करता येतात. उदा अॅपल आयफोन, अॅपल वॉच, एयरपॉड हे सर्व एकाच वेळी एयरपॉवरच्या पॅडवर ठेऊन वायरशिवाय चार्ज करता येतात. यासाठी अनेक कॉइल्सचा वापर करण्यात आला होता आणि ज्यामुळे या पॅडवर कुठेही आपलं उकरण ठेवलं तरी ते चार्ज होईल असं सांगण्यात आलं होतं! यासोबत चार्जिंग सुरू असलेल्या तिन्ही उपकरणांची बॅटरी लेव्हल आयफोनवर एकाचवेळी दिसेल! मात्र अॅपलला अठरा महिन्यांनीही हा चार्जर पूर्णतः बनवता आला नाहीच. हे उपकरण फार जास्त गरम होत असल्याची चर्चा सुरू झाली होती. अगदी गेल्या आठवड्यात सादर उपलब्ध झालेल्या Apple AirPod 2 च्या बॉक्सवरही या एयरपॉवरचा उल्लेख पाहायला मिळतोय! आता तो उल्लेख करण्याची घाई तरी अॅपलने का म्हणून केली असेल हा प्रश्न अनेकांना पडला आहे.

मात्र हे सगळं थांबलं असून अॅपलने अधिकृतरित्या याबद्दल भूमिका स्पष्ट केली असून आमच्या उत्कृष्ट उत्पादनाच्या कसोटीवर हे उपकरण यशस्वी होत नसल्यामुळे हा निर्णय घेत असल्याच टेकक्रंचकडे सांगण्यात आलं आहे. अनेक जण या चार्जरची आवर्जून वाट पाहत होते मात्र आता त्यांच्या हातात अॅपलकडून पुन्हा एकदा निराशा आली आहे..!

The post अॅपलवर एयरपॉवर रद्द करण्याची नामुष्की! appeared first on MarathiTech - मराठीटेक.