Cortana Archives - MarathiTech - मराठीटेक

मायक्रोसॉफ्ट Surface Studio 2, Surface Pro 6, Surface Laptop 2 सादर !

Sooraj Bagal — Tue, 02 Oct 2018 17:03:00 +0000

आज झालेल्या मायक्रोसॉफ्टच्या कार्यक्रमात अनेक नव्या उत्पादनांचं सादरीकरण करण्यात आलं असून विंडोज १० ऑक्टोबर अपडेटसोबत सर्फेस स्टुडिओ २, सर्फेस लॅपटॉप २, सर्फेस प्रो ६ आणि एक आश्चर्याचा धक्का देत मायक्रोसॉफ्ट सर्फेस हेडफोन्स सादर केले आहेत! आणि आता यामधील सर्व प्रॉडक्ट्स काळ्या रंगात सुद्धा उपलब्ध होत आहेत!

Surface Studio 2 : मायक्रोसॉफ्टचा हा ऑल इन वन पीसी चर्चेचा विषय ठरला होता आता यामध्ये काही बदल करून ही नवी आवृत्ती सादर करण्यात आली असून या नव्या मॉडेलची कामगिरी दुपटीने चांगली असल्याचा दावा मायक्रोसॉफ्टने केला आहे.
व्हिडिओ : Introducing Microsoft Surface Studio 2

Surface Studio 2 Specs :
Display : Screen: 28” PixelSense Resolution: 4500 x 3000 (192 PPI)
Color settings: sRGB, DCI-P3, Vivid Individually color-calibrated display
Aspect Ratio: 3:2 Touch: 10 point multi-touch Supports Surface Pen with tilt activation
External display support : Up to two 4K UHD (30Hz) / single 4K UHD (@60Hz)
Memory: 16GB or 32GB (DDR4) : Storage : 1TB or 2TB solid-state drive (SSD)

Graphics : NVIDIA GeForce GTX 1060 6GB / GTX 1070 8GB

Processor : Intel Core 7th Generation i7-7820HQ
Connections 4 x USB 3.0, SD card reader, 1 x USB-C, 3.5 mm headphone jack, 1 Gigabit Ethernet port Windows Hello face authentication camera (front-facing)
Camera : 5.0MP front-facing camera with 1080p HD video
Dual microphones, Stereo 2.1 speakers with Dolby® Audio™ Premium
Software : Windows 10 Pro, Microsoft Office 365 30-day trial
Wireless : Wi-Fi: 802.11ac Wi-Fi wireless networking, IEEE 802.11 a/b/g/n compatible
Bluetooth Wireless 4.0 technology
किंमत : $3,499 पासून सुरू

Surface Pro 6 : मायक्रोसॉफ्टच सर्वात लोकप्रिय सर्फेस उत्पादन म्हणजे सर्फेस प्रो मालिकेतील हे टॅब्लेट्स. आता अधिक सोयींसह अधिक चांगली कामगिरी आणि महत्वाची गोष्ट म्हणजे यामधील १३.५ चालणारी बॅटरी!
व्हिडिओ : Introducing Microsoft Surface Pro 6

Surface Pro 6 Specs :
Processor : 8th-gen Intel CPU
Display : 12.3-inch touch display
Storage Up to 1TB of SSD storage
Battery : 13.5 hours of battery life
Weight : 1.7 pounds
किंमत : $899 पासून सुरू

Surface Laptop 2 : सर्फेस लॅपटॉपसुद्धा अनेक गोष्टींनी सर्वोत्तम लॅपटॉप्सपैकी एक होता आता यामध्ये अनेक बदल करून उत्तम ग्राफिक्स नव्या इंटेल प्रोसेसर्ससह हा मॅकबुक्सना आणखी उत्तम पर्याय ठरणार आहे. याची सुद्धा खास गोष्ट म्हणजे याची बॅटरी तब्बल १४.५ तास चालेल!
व्हिडिओ : Introducing Microsoft Surface Laptop 2

Surface Laptop 2 Specs :
Starts at $999, available Oct. 16
Processor : 8th-gen Intel CPU i5/i7
Display : 13.5-inch touch display 3.4 million pixels
Graphics : Intel UHD Graphics 620 (i5)/ 620 (i7)

“85% faster” than original Surface Laptop

Support for Instant On and Windows Hello
किंमत : $999 पासून सुरू

Surface Headphones : वरील गोष्टी आधीच लीक झाल्यामुळं त्यांचं काही विशेष राहीलं नव्हतं मात्र तेव्हढ्यात मायक्रोसॉफ्टने कोर्टाना व्हॉइस असिस्टंट असलेला हा हेडफोन सादर करून आश्चर्याचा धक्का दिला!
noise cancellation, on-ear touch controls सारख्या भन्नाट सुविधा सोबत कोर्टाना या स्मार्ट व्हॉइस असिस्टंटची जोड दिल्यामुळे या हेडफोन्सना स्मार्ट हेडफोन्स म्हणायला हरकत नाही. यामध्ये असलेल्या माइकमुळे कोर्टानाला आज्ञा देणं आणि फोन कॉल्सवर बोलणं सुद्धा शक्य होणार आहे!

The post मायक्रोसॉफ्ट Surface Studio 2, Surface Pro 6, Surface Laptop 2 सादर ! appeared first on MarathiTech - मराठीटेक.

विंडोज १० फॉल क्रिएटर्स अपडेट आता उपलब्ध!

Sooraj Bagal — Wed, 18 Oct 2017 08:05:00 +0000

मायक्रोसॉफ्टच्या प्रसिद्ध डेस्कटॉप ऑपरेटिंग सिस्टमच्या विंडोज १० ह्या आवृत्तीला आणखी एक अपडेट जाहीर करून काल ते सर्वांसाठी उपलब्ध करून देण्यात आलं आहे. यापुढेदेखील नवी ओएस आणण्याऐवजी मायक्रोसॉफ्टने विंडोज १० लाच अपडेट देत राहण्याच ठरवलं आहे. Anniversary Update, Creators Update नंतर आता Fall Creators Update या नावाने हे नवं अपडेट आता डाऊनलोडसाठी उपलब्ध आहे.

Windows 10 Fall Creators Update Download Link : Windows 10

• विंडोज मिक्स्ड रिऍलिटी : Windows Mixed Reality : गेम्स, ठिकाणे यांचा नवा आभासी अनुभव.
• फोटोज : फोटोज एडिट करण्यासाठी नवे पर्याय, फिल्टर्स,टेक्स्ट, साऊंड इफेक्ट, देऊन व्हिडीओसुद्धा बनवता येईल!
• पेंट 3D : पेंटमध्ये अनेक नवे पर्याय थ्रीडीमध्ये चित्रे रेखाटा, इफेक्ट द्या, टेक्स्ट लिहा!

• मिक्स्ड रिऍलिटी व्हयूअर : 3D ऑब्जेक्ट खऱ्या जगात असल्यासारख्या पाहता येतील!
• इमोजी कीबोर्ड : ‘Windows’+’.’ ही दोन बटणे एकदम दाबताच इमोजी कीबोर्ड उघडेल.
• कोर्टाना : आता कोर्टाना या असिस्टंटला बोलून पीसी बंद/रिस्टार्ट करता येईल!
• मायक्रोसॉफ्ट एज : मायक्रोसॉफ्टच्या या ब्राउजरमध्ये नव्या सुविधा देण्यात आल्या आहेत.
• PDF/eBooks वर लिहण्याची/रेखाटण्याची सोय
• टास्कबारवर आवडीची वेबसाईट पिन करण्याची सोय
• सेक्युरिटी : रॅन्समवेयर सारख्या धोक्यांपासून विंडोज डिफेंडरद्वारे सुरक्षा वाढवली.
• कंटिन्यू ऑन पीसी : मायक्रोसॉफ्टने अँड्रॉइड व iOS साठी अॅप्स उपलब्ध करून दिली असून फोनवरील पाहत असलेली वेबसाईट लगेच पीसीवर उघडण्यासाठी ही नवी भन्नाट सोय देण्यात आली आहे!
• पीसी गेमिंग : गेमिंगसाठी सुद्धा काही बदल करण्यात आले असून गेम मोड, ब्रॉडकास्टसाठी मिक्सर, टास्क मॅनेजर मध्ये GPU बद्दल सुद्धा माहिती दिली जाईल!

व्हिडिओज : Cut Out Images Using Paint 3D
3D in Windows 10 Tutorials: Making Memories

Bring your ideas to life with 3D in Windows 10

The post विंडोज १० फॉल क्रिएटर्स अपडेट आता उपलब्ध! appeared first on MarathiTech - मराठीटेक.

विंडोज १० Anniversary Update : वर्षपूर्तीनिमित्त अनेक नवीन सोयी

Sooraj Bagal — Thu, 04 Aug 2016 10:57:00 +0000

मायक्रोसॉफ्टच्या विंडोज १० ह्या सध्याच्या विंडोज ऑपरेटिंग सिस्टम आवृत्तीला वर्षपूर्ती निमित्ताने नवं अपडेट सादर करण्यात आलं आहे. विंडोज ७, विंडोज ८ नंतर ८.१ आणि आता विंडोज १० असा अलिकडचा प्रवास. मात्र ही आवृत्ती शेवटची असून यानंतर विंडोजचं नवं व्हर्जन सादर होणार नाहीये. मायक्रोसॉफ्टने भविष्यात याच विंडोज १० लाच अपडेट करत राहण्याचा निर्णय घेतलाय !

तर आज पाहूया विंडोज १० ऑपरेटिंग सिस्टम मध्ये कोणती नवीन फीचर्स देण्यात आली आहेत आणि तितकीशी प्रसिद्ध नसलेली जुनी फीचर्ससुद्धा …

कोर्टाना (Cortana) : कोर्टाना ही मायक्रोसॉफ्टची विंडोजसाठीची वॉइस असिस्टेंट(मदतनीस)आहे. अॅपल किंवा गूगलच्या सिरी आणि गूगल नाऊ पेक्षा नक्कीच अद्ययावत ठेवण्याचा प्रयत्न मायक्रोसॉफ्टकडून सुरू आहे.
याचाच भाग म्हणून आता कोर्टानामध्ये अनेक सोयी देण्यात आल्या आहेत. जसे की आवाजाद्वारे आज्ञा देऊन अलार्म लावणे, रीमेंडर लावणे, “काल काम करत असलेली फाइल मित्राला पाठव”! ही आज्ञा, एखादा विनोद ऐकव, गाणी ऐकव, पुढचं गाणं ऐकव, टायमर लाव, एखादी नोट लिहीत असताना चक्क ते समजून घेऊन रिमाईंडर स्वतः लावते, microsoft.com उघड ह्या सर्व आज्ञा ती लगेच पूर्ण करून उत्तर देते ! अगदी Do an Impression म्हणताच प्रसिद्ध संवादसुद्धा म्हणून दाखवते (जसे की कितने आदमी थे 🙂 ). तुम्ही विंडोज १० वापरत असाल तर नक्की कोर्टाना वापरुन पहा.

कनेक्ट ( Connect) : विंडोज १० मध्ये Connect नावाची सुविधा आहे ज्यामध्ये तुम्ही कनेक्ट अॅप्लिकेशन स्टार्ट मेनू मधून सुरू करायच आणि तुमचं मोबाइल/प्रॉजेक्टर मध्ये जाऊन Cast Screen पर्याय सुरू करायचा आणि चक्क तुमच्या ‘फोनची स्क्रीन’ तुमच्या पीसी/लॅपटॉपवर दिसू लागेल !

विंडोज १० अॅप्स : विंडोज १० मध्ये विंडोजचं स्वतःचं अॅप स्टोअर असून यामधून आपण अँड्रॉइडवरच्या प्लेस्टोअर प्रमाणेच अॅप्स डाऊनलोड, अपडेट करू शकतो ! सध्या यात त्यामानाने कमी अॅप्स आहेत मात्र अधिक अॅप्ससाठी मायक्रोसॉफ्ट प्रयत्नशील आहे.

एज ब्राऊजर : आता यामध्ये सुद्धा क्रोम ब्राऊजर प्रमाणे एक्सटेन्शन वापरता येतील ! Adblock,Lastpass सध्या उपलब्ध असून येत्या काळात ही संख्या वाढत जाईल अशी मायक्रोसॉफ्टला आशा आहे.

थीम : आता पांढर्‍या थीम सोबत काळ्या थीमचा सुद्धा पर्याय देण्यात आला आहे. आणखी पसंतीप्रमाणे बदल करण्याची सोय देऊन पर्यायाची सुद्धा वाढ करण्यात आली आहे! स्टार्ट मेन्यू, अॅक्शन सेंटरवर बदल करण्यासाठी सुद्धा सोय देण्यात आली आहे.

स्टार्ट मेन्यू : यामध्ये आता अॅप्स लिस्ट पूर्ण दिसेल (आधी All Apps वर क्लिक करावं लागायच) नेहमी वापरत असलेल्या साठी डाऊनलोड, विडियो, म्यूजिक अशा फोल्डरना डावीकडे जागा देण्यात आली असून शटडाउनसाठी बटनची सोय करण्यात आली आहे.

एक्सबॉक्स (Xbox) : एक्सबॉक्स हा खरेतर गेमिंग कोन्सोल मात्र याच अॅप विंडोज १० मध्ये उपलब्ध असून याद्वारे गेमर्स सोबत कनेक्ट राहता येतं. तसेच एक्सबॉक्सवरील गेम्सचा आनंद घेता येतो.

इमोजी : आता विंडोज १० मध्ये सुद्धा अनेक प्रकारच्या इमोजी वापरता येतील. यूनिकोड मापदंडानुसार अधिक पर्याय देऊन प्रत्येक पिक्सेlचा फायदा मिळेल. वेगळ्या वर्णाप्रमाने चेहर्‍यांच्या इमोजी सुद्धा उपलब्ध करण्यात आल्या आहेत.

इतर बदल :

जर तुमच्याकडे विंडोज फोन असेल तर तुम्हाला फोन वर आलेल्या नोटिफिकेशन पीसीवर सुद्धा दिसतील आणि आश्चर्य म्हणजे जर तुम्ही स्वाईप करून ती नोटिफिकेशन बंद केली तर ती पीसी आणि मोबाइल दोन्हीकडून पुसली जाईल (सरकवली जाईल!).
आता BlueScreenofDeath (BSOD) म्हणजे काही प्रॉब्लेम वेळेस बंद होऊन निळ्या रंगाच्या स्क्रीनवर एक मेसेज येतो. यामधून बाहेर पडणे जवळपास शक्य नसते.यावेळी कम्प्युटर रिस्टार्ट करण्याशिवाय पर्याय नसतो. यासाठी आता मायक्रोसॉफ्टने QR कोड जोडला आहे ज्याद्वारे आपण नेमक कारण आणि उपाय शोधू शकू …!
आजपर्यंतच्या विंडोजमध्ये तुमच्या ओफिशियल कॉपी बद्दल माहिती हार्डवेअरवर साठवली जायची (तुम्ही वापरत असलेल्या विंडोज कॉपीची Key) मात्र त्यामुळे अनेक वर्षे अनेकांना त्रास सहन करावा लागत होता. यावर पर्याय म्हणून आता मायक्रोसॉफ्ट ती KEY यूजरच्या मायक्रोसॉफ्ट अकाऊंटला ऑनलाइन जोडेल! त्यामुळे हार्डवेअर बदल झाला तरी विंडोज अॅक्टिवेट करण्यासाठीअडचण येणार नाही.
बॅटरी सेविंग, वायफाय सेटिंग, स्काइप विडियो, टच डिवाइस साठी विंडोज इंक मध्ये पर्याय, विंडोज मध्येच लिनक्सची बॅश शेल कमांड वापरण्याची सोय !, पीसी लॉक केलेला असेल तरीही कोर्टानाला आज्ञा देण्याची सोय, एकाच पीसीवर अनेक डेस्कटॉप वापरता येणार, अॅक्शन सेंटर मध्ये नोटिफिकेशनमध्ये मोठ्या करत चित्रांचा समावेश करता येणार, फोन/स्मार्ट बॅंड द्वारे लॅपटॉप/पीसी अनलॉक करता येणार,
अधिक वेगवान, अधिक सुरक्षित, जास्त वेळ बॅटरी टिकवण्यासाठी पर्याय, विंडोज अपडेट करणं अधिक सोपं, नोटिफिकेशनसाठी अॅक्शन सेंटर इत्यादि खास वैशिष्ठ्ये आहेत.

विंडोज १० Anniversary Update डाऊनलोड करण्यासाठी खालील तीन पर्याय उपलब्ध

Settings > Update > Windows Update
Media Creation Tool द्वारे
डायरेक्ट ISO फाइल डाऊनलोड करून USB बूट करून.

The post विंडोज १० Anniversary Update : वर्षपूर्तीनिमित्त अनेक नवीन सोयी appeared first on MarathiTech - मराठीटेक.

विंडोज १० नोवेंबर अपडेट : कोर्टाना भारतात उपलब्ध

Sooraj Bagal — Fri, 13 Nov 2015 06:34:00 +0000

मायक्रोसॉफ्टने त्यांच्या सध्याच्या विंडोज १० ह्या ऑपरेटिंग सिस्टमसाठी काल नवं अपडेट उपलब्ध करून दिलय. ह्या अपडेट मध्ये अनेक गोष्टींची दुरूस्ती करून सुधारणा करण्यात आली आहे. ज्या ग्राहकांकडे विंडोज ७ , ८ , ८.१ ह्या पैकी कोणतीही एक ओएस आहे आणि ती खरीखुरी कॉपी आहे तर त्यांच्यासाठी विंडोज १० अपडेट फुकट आहे. यापूर्वी विंडोज १० ल काही अडचणी येत होत्या मात्र आता बर्‍याच अडचणी दूर केल्यामुळे आता अपडेट करण्यास काहीच हरकत नाही. (आपल्या पीसीचे हार्डवेअर पाहून मग विंडोज वेबसाइटवर तपासून घ्या)

ह्या अपडेट मधील नव्या गोष्टी आणि ज्यांची दुरूस्ती करण्यात आली आहे त्याबद्दल माहिती :

परफॉर्मेंस : ह्या अपडेटमुळे कम्प्युटर सुरू होण्यास हा विंडोज ७ पेक्षा ३०% अधिक वेगवान असेल.
रंग : यापूर्वी विंडोज 10 मध्ये केवळ पांढर्‍या रंगाच्याच टाइटल बार होत्या मात्र आता हव्या त्या रंगाची निवड करता येईल.
कोर्टाना : ही Virtual Assistant जी आपल्याला आपल्या पीसीसोबत बोलून आपले काम करण्यासाठी उपयुक्त आहे ती आता भारतात उपलब्ध करण्यात आली आहे. (सोबत जपान, ऑस्ट्रेलिया, कॅनडा) या अपडेटमुळे कोर्टाना आता इवेंट, मूवी बूकिंग, काही गोष्टींची आठवण, उबर टॅक्सी ट्रॅक, विंडोज फोनसोबत डाटा शेअर ही कामे करेल! तसेच कोर्टानाच्या स्क्रीनवर लिहून देखील सूचना देता येतील(पेन असल्यास).
Edge ब्राऊजर : ह्या नव्या ब्राऊजरमध्ये आता अधिक चांगला परफॉर्मेंस आणि सेक्युर्टी मिळेल. सोबत हा ब्राऊजर तुमच्या सर्वच डिवाइस मध्ये डाटा Sync करेल त्यामुळे एका डिवाइस मधील बूकमार्क्स दुसरीकडे देखील पाहायला मिळतील. कोर्टाना ह्यामध्ये बेस्ट कूपन्स बद्दल माहिती देईल !
मेल, कॅलेंडर, फोटो, ग्रूव, एक्सबॉक्स, स्टोअर, वननोट या Apps न देखील अपडेट करण्यात आलं आहे.
विंडोज हॅलो : हे फीचर काही ठराविक डिवाइसवरच उपलब्ध आहे. यामुळे आपले बोट आणि चेहरा समोर असेल तरच लॅपटॉपवर लॉगिन होता येईल.

विंडोज डिफेंडर : मायक्रोसॉफ्टचा फ्री मॅलवेर स्कॅनर आता अधिक चांगलं संरक्षण करेल.

विंडोज १० अपडेट करण्यासाठी लिंक : Windows 10 Upgrade

या अपडेटमधील बदल अधिक तपशीलवार जाणून घेण्यासाठी WindowsCentral च्या लिंक वर जा.

The post विंडोज १० नोवेंबर अपडेट : कोर्टाना भारतात उपलब्ध appeared first on MarathiTech - मराठीटेक.

विंडोज १०, होलोलेन्स, कोर्टाना व एज ब्राऊजर बद्दल …

Sooraj Bagal — Fri, 01 May 2015 13:00:00 +0000

मायक्रोसॉफ्टच्या Build २०१५ मध्ये झालेल्या महत्वाच्या घडामोडींबद्दल थोडक्यात माहिती.
मायक्रोसॉफ्ट Build २०१५ २८ एप्रिल रोजी पार पडला जिथे मायक्रोसॉफ्टने अनेक गोष्टींबद्दल जबरदस्त प्रेझेंटेशन्स दिली. येणार्‍या विंडोज १० बद्दल अधिक फीचर्स, HoloLens ह्या क्रांतिकारी प्रॉडक्टचे आणखी डेमो तसेच इंटरनेट एक्सप्लोरर बंद करून नव्याने सादर केलेला एज (Edge) ब्राऊजर ……

गेल्या काही वर्षात मायक्रोसॉफ्ट चुकीच्या निर्णयामुळे बरच माग पडलय मात्र आता नव्याने ओएस सादर करत त्यात अनेक दमदार फीचर्सची जोड देत पुन्हा पूर्वीसारखं राज्य निर्माण करण्याचा प्रयत्न असेल. मोबाइलचं मार्केट अँड्रॉइडने आधीच खाऊन टाकलं आहे तेच आता पीसीबद्दल होऊ नये याची काळजी मायक्रोसॉफ्टला नक्कीच घ्यावी लागेल.

विंडोज ७ / विंडोज ८ / विंडोज ८.१ वापरणार्‍या “प्रत्येक यूजर”ला विंडोज १० ही ओएस एक वर्ष “मोफत” देण्याचा निर्णय मायक्रोसॉफ्टने घेतलाय! अगदी तुम्ही विंडोजची pirated कॉपी वापरत असाल तरीही ! (मात्र pirated कॉपी ही विंडोज १० मध्ये सुद्धा pirated चं राहील.)

डेवलपर सपोर्ट : सध्या सर्व डेवलपरचा ओढा अँड्रॉइडकडे दिसत आहे मात्र ही परिस्थिती बदलण्यासाठी मायक्रोसॉफ्टने अँड्रॉइड व iOS apps विंडोजवर वापरता येण्याची सोय केली आहे (त्याच Appsचा कोड सोप्या पद्धतीने compile करून विंडोज स्टोअरवर टाकता येईल) तसेच विंडोजसाठीचे कोडिंग टूल्स आता OS X व लिनक्स वर देखील उपलब्ध करण्यात आले आहेत.

डिवाइस सपोर्ट : मायक्रोसॉफ्टने सर्व प्रकारच्या डिवाइसवर विंडोज वापरता येण्यासाठी काही बदल केले आहेत.
जेणेकरून तुम्ही टॅब्लेट वापरत असाल तर टचच्या दृष्टीने चांगला UI व लॅपटॉप वापरत असाल तर विंडोज ७ सारखा UI दिला जाणार आहे. (मायक्रोसॉफ्टने विंडोज ८ मधली जवळपास सर्व चुका दुरुस्त करण्याचा प्रयत्न चालवला आहे !)मायक्रोसॉफ्टचं येत्या काही वर्षात विंडोज १० तब्बल १ बिलियन डिवाइसवर आणण्याच लक्ष्य आहे !

कोर्टाना : पीसीसाठीचा पहिलाच वॉइस असिस्टंट ज्यात कोर्टाना नावाची Halo गेममधील पात्र आपल्याला कम्प्युटर वापरण्यात व आपले काम अधिक जलद करण्यात मदत करते जसे की हवामान विचारल्यास लगेच सांगणे किंवा प्रश्न विचारल्यास इंटरनेटव्हीआर उत्तर शोधून लगेच सांगणे इ. तसेच आपण cortana कडून अलार्म, रीमेंडर, ठिकाणे, फोटोज, मूवीज, म्यूजिक, कॉल, इंटरनेट सर्च, मॅप सहाय्य, इत्यादि अनेक कामे करून घेऊ शकतो.
कोर्टानाबद्दल अधिक माहिती साठी हा लेख वाचा

Edge ब्राऊजर : इंटरनेट एक्सप्लोररचा स्लो स्पीड तर आपणा सर्वांना परिचयाचा आहेच. त्यात काळासोबत जुळवून न घेता आल्यामुळे मायक्रोसॉफ्टने सरळ इंटरनेट एक्सप्लोररला बंद करण्याचा निर्णय घेतलाय. आता विंडोज १० मध्ये Edge नावाचा ब्राऊजर असेल. ज्यात अनेक आधुनिक फीचर्स असतील व वापरण्यास अधिक वेगवान, सोपा असेल. एक्सबॉक्स स्ट्रीमिंगसाठी तर हा बेस्ट ब्राऊजर ठरणार आहे. स्क्रीनवरचा कोणताही भाग निवडून तो लगेच शेअर करण्याचं मस्त फीचर देखील यात आहे. (याच ब्राऊजरला आधी Spartan ब्राऊजर म्हणण्यात आल होत)

क्रांतिकारी होलोलेन्स : मायक्रोसॉफ्टचं हे प्रॉडक्ट पाहून अनेकांना धक्का बसला होता. अॅक्चुअल होलोग्राम्स नसले तरी VR हेडसेटद्वारा आपल्या आसपासच्या जगाशी संबंध ठेऊन देणारं हे आधुनिक यंत्र आहे. याची भविष्यातील नव्या प्रकारच डिवाइस म्हणून गणना होईल. Build 2015 मध्ये याच्यावरील आणखी Apps चा डेमो दाखवण्यात आलाय. अक्षरशः थक्क व्ह्यायला होईल इतक भन्नाट प्रॉडक्ट बनवलं आहे. minecraft ही प्रसिद्ध sandbox गेम देखील खास ह्यासाठीच विकत घेतल्याच म्हणणं आहे. ही गेम अश्या प्रॉडक्ट साथी परफेक्ट ठरेल असा त्यांना विश्वास आहे.
हयावरील नवीन विडियो देखील त्यांनी सादर केला आहे. यूट्यूब वर पाहू शकता. (नक्की पहा!)

अपडेट : विंडोज १० हे विंडोज ओएसचं शेवटचं व्हर्जन असणार आहे !

डायरेक्ट यूट्यूब लिंक : https://www.youtube.com/embed/YrB5bSjAcxI

Incoming Search Terms :
Hololens Windows 10 android linux iOS edge browser download cortana dveleopers

The post विंडोज १०, होलोलेन्स, कोर्टाना व एज ब्राऊजर बद्दल … appeared first on MarathiTech - मराठीटेक.