अडोबीने आपल्या प्रमुख क्रिएटिव्ह आणि प्रोडक्टिव्हिटी टूल्स Adobe Photoshop, Adobe Express आणि Adobe Acrobat यांचा ChatGPT मध्ये थेट समावेश केला आहे. या मोठ्या अपडेटमुळे ChatGPT वापरकर्त्यांना त्यांच्या प्लॅटफॉर्मवरच फोटोशॉपमधील काही सोयी वापरता येणार आहेत तेसुद्धा मोफत!

या नव्या इंटिग्रेशनमुळे बेसिक फोटो एडिटिंग, डिझाईन्स आणि डॉक्युमेंट एडिटिंग ChatGPT मध्येच करता येईल.

ChatGPT मध्ये फोटोशॉप कसं वापरायचं ?

1. ChatGPT वर जा त्यानंतर डाव्या कोपऱ्यात खाली तुमच्या प्रोफाइलवर क्लिक करून Settings मध्ये जा
2. आता आलेल्या स्क्रीनवर Apps & Connectors निवडा
3. आता Browse Apps मधून Adobe Photoshop सिलेक्ट करा
4. त्यानंतर आलेल्या स्क्रीनवरील मेसेज वाचून Connect वर क्लिक करा.
5. आता तुम्ही जिथे ChatGPT सोबत चॅट करता तिथे खाली असलेल्या + वर क्लिक करून More > Adobe Photoshop सिलेक्ट करा
6. आता तुम्हाला एडिट करायची असेल ती फाइल अपलोड करा आणि तुम्हाला हवा असलेला बदल ChatGPT ला सांगा.

Photoshop आता ChatGPT मध्ये फोटोशॉपच्या मदतीने आता तुम्ही:

• विशिष्ट फोटो भाग सुधारू शकता
• ब्राइटनेस, कॉन्ट्रास्ट, एक्सपोजर बदलू शकता
• इफेक्ट्स लावू शकता
• बॅकग्राऊंड काढून टाकू शकता.
• याचं सर्व नियंत्रण स्लायडर्ससहित ChatGPT मध्ये मिळते, ज्यामुळे एडिटिंग सोपं होईल.

ChatGPT मध्ये फोटोशॉपसाठी उपलब्ध prompts

• Blur background.
• Make my image look creative with effects
• Remove background
• Make colors more vibrant
• Pop subject
• Apply an effect or adjustment to the background
• Apply an effect or adjustment to a specific part of the image

या नवीन Adobe टूल्स सर्व ChatGPT वापरकर्त्यांसाठी पूर्णपणे मोफत उपलब्ध आहेत. Photoshop, Adobe Express आणि Acrobat ChatGPT च्या: डेस्कटॉप, वेब, iOS वर उपलब्ध आहेत. Android साठी तूर्तास फक्त Adobe Express चाच सपोर्ट आहे. Photoshop व Acrobat लवकरच Android च्या ChatGPT ॲपवर येत आहेत.

अर्थात हे पूर्ण फोटोशॉप सॉफ्टवेअर नाही. अगदी मर्यादित सोयी याद्वारे देण्यात आल्या आहेत. शिवाय आपल्याला आणखी पर्याय हवे असतील तर Adobe Photoshop Web कडे जा असा मेसेजसुद्धा दिसतो. थोडक्यात छोटं एडिटिंग व इफेक्टस् असतील तर ते याद्वारे करता येईल. त्यापेक्षा आणखी पर्याय हवे असतील तर फॉटोशॉप वेब वर जा आणि त्यापेक्षाही आणखी सोयी हव्या असतील तर नेहमीचं फोटोशॉप सॉफ्टवेअर वापरा.

अधिक माहितीसाठी संदर्भ : https://blog.adobe.com/en/publish/2025/12/10/edit-photoshop-chatgpt

The post अडोबी फोटोशॉप आता ChatGPT मध्ये उपलब्ध! appeared first on MarathiTech - मराठीटेक.

क्रिएटर्स आणि फोटो एडिटिंग साठी वापरलं जाणारं सर्वात लोकप्रिय सॉफ्टवेअर म्हणजे अडोबी कंपनीचं फॉटोशॉप. काल झालेल्या Adobe Max कार्यक्रमात त्यांनी अनेक नव्या गोष्टी जाहीर केल्या असून यामध्ये विशेष ठरेल अशी घोषणा होती ती म्हणजे फॉटोशॉप आता त्यांच्या वेबसाइटवर वापरता येणार आहे याचा अर्थ तुमच्याकडे फॉटोशॉप इंस्टॉल केलेलं नसेल तरीही तुम्ही बेसिक एडिटिंगसाठी ऑनलाइन पर्याय वापरू शकता.

नवा पर्याय ऑफिस ३६५, गूगल डॉक्स प्रमाणे ऑनलाइन काम करेल. Photoshop and Illustrator दोन्हीची वेब आवृत्ती जाहीर करण्यात आली आहे. गूगल क्रोम आणि मायक्रोसॉफ्ट एज ब्राऊजरमध्येच हा पर्याय वापरता येईल. या पर्यायाची सध्या चाचणी सुरू करण्यात आली आहे.

ही वेबसाइट सेवा जर तुमच्याकडे अडोबी क्रिएटिव क्लाऊडचं सभासदत्व असेल तरच वापरता येईल याची नोंद घ्या. मात्र तुम्ही तुमच्या क्लायंटना केलेलं काम दाखवण्यासाठी याचा वापर करणार असाल तर त्यासाठी क्लायंटना सभासदत्व घेण्याची गरज नाही ते तुमची फाइल उघडून जे काही बदल आहेत ते कॉमेंटद्वारे सांगू शकतील. त्यानंतर तुम्ही बेसिक एडिट्स करून लगेच ऑनलाइन सेव्ह करू शकाल!

या सोबतच अडोबीने फॉटोशॉप, आफ्टर इफेक्टस, प्रीमियर प्रोच्या नव्या आवृत्त्या आणि त्यामधील नव्या सोयीबद्दल माहिती जाहीर केली आहे. blog.adobe.com वर अधिक वाचू शकता.

जर तुम्हाला याच गोष्टी करण्यासाठी मोफत ऑनलाइन पर्याय हवा असेल तर PhotoPea (www.photopea.com) आधीपासून उपलब्ध आहे. हे अधिकृत फॉटोशॉप नसलं तरी त्यासारखं डिझाईन दिलेलं आहे. याद्वारे तुम्ही कधीही ब्राऊजर उघडून बेसिक एडिटिंग करून फाइल्स सेव्ह करू शकता.

The post अडोबी फॉटोशॉप आता वेबसाइटद्वारे ब्राऊजरमध्येच वापरा! appeared first on MarathiTech - मराठीटेक.

अडोबी फॉटोशॉप कॅमेरा हे ॲप आता सर्व अँड्रॉइड व iOS यूजर्ससाठी मोफत उपलब्ध करून देण्यात आलं आहे. गेले काही महिने याची ठराविक फोन्सवरच चाचणी सुरू होती. मात्र आता हे Adobe Photoshop Camera ॲप उपलब्ध होत आहे.

या ॲपमध्ये अडोबीच्या सेन्सई नावाच्या प्लॅटफॉर्मची जादू आहे. या AI (कृत्रिम बुद्धिमत्ता) आधारित प्लॅटफॉर्ममुळे फॉटोशॉप कॅमेरा ॲपला अनेक सुविधा उपलब्ध करून देता येत आहेत ज्या शक्यतो त्यांच्या डेस्कटॉप सॉफ्टवेअरमध्ये पाहायला मिळतात. या ॲपद्वारे तुम्ही फोटो काढू शकता, एडिट करू शकता त्यावर लेन्स अप्लाय करू शकता!

डाउनलोड लिंक :
Download Adobe Photoshop Camera from Google Play (Android)
Download Adobe Photoshop Camera from App Store (iOS)

इतर जाहिरातींनी भरलेली ॲप्स वापरण्यापेक्षा हा नक्कीच एक चांगला पर्याय म्हणता येईल. क्लाऊडवर फोटो साठवण्यासाठी मात्र या ॲपमध्ये पैसे द्यावे लागतील. काढलेला/एडिट केलेला फोटो तुम्ही तुमच्या फोनमध्ये मोफत साठवू शकाल किंवा शेयरसुद्धा करू शकाल.

फॉटोशॉप कॅमेरा ॲपमधील काही खास सुविधा :

• फिल्टर्स : Over 80 custom filters : Portrait, Studio Light, Bloom, Pop Art, Spectrum, Desync, Food, Scenery, Natural Skies, Analog, Night Shift, Comic Skies, Interstellar, Dreamcatcher, Celestial, Supersize, Double Expo, Prism, Color Echo, Mixed Media, Blue Skies, Artful, and more.
• रियल टाइम फॉटोशॉप इफेक्टस
• ऑटो टोन
• Content Aware Recommendations
• Portrait Controls

अजूनही हे ॲप प्ले स्टोअरवर काही जणांना device isn’t compatible असं दाखवत आहे. तूर्तास हे केवळ गूगल पिक्सल, सॅमसंग गॅलक्सी आणि नव्या वनप्लस फोन्सवर आधी येत असल्याचं दिसत आहे.

Search Terms : Adobe Photoshop Camera app now available for everyone to download free!

The post अडोबीचं नवं फॉटोशॉप कॅमेरा ॲप आता सर्वांसाठी मोफत उपलब्ध! appeared first on MarathiTech - मराठीटेक.

जगात सर्वत्र वापरलं जाणार फोटो एडिटिंग टूल म्हणजे अडोबीचं फोटोशॉप! सध्या फोन, टॅब्लेट सारख्या उपकरणांवर अॅप स्वरूपात उपलब्ध असलेलं फोटोशॉप आता डेस्कटॉप व्हर्जनच्या सोयी असलेलं फोटोशॉप आयपॅडवर उपलब्ध करून देत आहे! २०१९ मध्ये हे सादर होईल.

अपडेट : फॉटोशॉप आता iPad वर उपलब्ध झालेलं आहे! (४ नोव्हेंबर २०१९)   
Adobe Photoshop for iPad Download Link : apps.apple.com/in/app/adobe-photoshop/id1457771281

रिअल फोटोशॉप अशा भाषेत डेस्कटॉप आणि फोनमधील फरक दर्शवला जातो कारण अॅपस्वरूपात असलेल फोटोशॉप डेस्कटॉपच्या मानाने खूपच कमी सोयी असलेलं आहे आणि येत्या काळातसुद्धा पूर्णपणे डेस्कटॉपची ताकद असलेलं फोटोशॉप उपलब्ध होईल अशी शक्यता नाही. सध्या या नव्या आयपॅडसाठीच्या फोटोशॉपची चाचणी (Beta) सुरु असून २०१९ मध्ये हे उपलब्ध होईल!

अडोबीच्या या नव्या फोटोशॉप फॉर आयपॅडमुळे .psd फाईल्स सुद्धा एडिट करता येणार आहेत! अॅपलने अलीकडे आणलेल्या आयपॅडला असलेला अॅपल पेन्सिलचा सपोर्ट एडिटिंगसाठी मोठा फायद्याचा ठरेल. सध्या मायक्रोसॉफ्टच्या सर्फेस टॅब्लेट्समध्ये रिअल फोटोशॉप वापरता येतं.

आता आयपॅडवर सुद्धा फुल फोटोशॉप उपलब्ध झाल्यावर फक्त अँड्रॉइड असा एकाच प्लॅटफॉर्म असेल ज्यावर फुल फोटोशॉप उपलब्ध नाही! उर्वरित विंडोज, मॅक, iOS (for iPad) अशा सर्व ठिकाणी आता हे भन्नाट इमेज एडिटिंग टूल उपलब्ध होत आहे.  Get Photoshop CC: http://adobe.ly/10ekpOA

यासोबत त्यांनी डेस्कटॉप फॉटोशॉपमध्येसुद्धा काही नव्या सोयी जोडल्या असून सीमेट्री असलेल्या गोष्टी ड्रॉ करण्यासाठी, मंडल तयार करण्यासाठी Paint Symmetry Options यांचा सहज उपयोग होईल!    

iPads OS / iOS 13.1 असलेल्या लॅपटॉप्सवर हे फॉटोशॉप उपलब्ध आहे.

iPad Pro (Wi-Fi, Wi-Fi and Cellular)
iPad Pro (12.9-inch) and 2nd generation
iPad Pro (10.5-inch)
iPad Pro (9.7-inch)
iPad 5th Generation
iPad Mini 4
iPad Air 2

search terms :: adobe photoshop for ipad is releasing soon in 2019, beta launched

The post अडोबी फोटोशॉप अॅपल आयपॅडवर उपलब्ध! appeared first on MarathiTech - मराठीटेक.

Prisma अॅप मध्ये इफेक्ट दिलेले फोटोज

Prisma हे अवघ्या एका महिन्यात अॅपलच्या iOS मध्ये अॅपच्या यादीत टॉपवर जाऊन पोहोचल आणि जगात सर्वत्र या नव्या फोटो इफेक्ट अॅपची चर्चा सुरू झाली. कित्येक देशात 10 लाखांहून अधिक लोक दररोज हे अॅप वापरत आहेत ! याच खरं वैशिष्ट्य म्हणजे यामधील कलेने समृद्ध – Artistic “फिल्टर्स”  या फिल्टर्समुळेच या अॅपमध्ये एडिट केलेले फोटो अगदी हुबेहूब प्रसिद्ध चित्रकारांनी बनवलेल्या चित्रांसारखे दिसतात !

 डाऊनलोड लिंक : Prisma on Google Play

गेला महिनाभर हे अॅप केवळ iOS वरच उपलब्ध होते मात्र आता अँड्रॉइडसाठी प्ले स्टोअर वरसुद्धा दाखल झाले आहे. यामध्ये Munk, पाब्लो पिकासो, Van Gogh, Levitan या महान चित्रकारांच्या चित्रांचा इफेक्ट अगदी सहज देता येतो. प्रिझ्माच्या वेबसाइटच्या दाव्यानुसार, हे अॅप न्युरल नेटवर्क आणि कृत्रिम बुद्धिमत्तेचा वापर करून विलक्षण जोडणी तयार करतं ! यामध्ये Impression, Curtain, Running in Storm, Mondrian, Tears, Composition असे विविध फिल्टर्स आहेत. 

ज्यावेळी प्रिझ्मा अॅप तुमच्या फोटोला कलाकृतीमध्ये बदलतं तेव्हा थोडा वेळ घेतं कारण ते फोटोला स्वतः बर्‍यापैकी समजून किती प्रमाणात फिल्टर लावायचा हे ठरवतं. आपण स्वतः फिल्टर किती प्रमाणात लावला गेलाय तीव्रता कमी जास्त करू शकतो! मशीन लर्निंग नावाच्या आणि Artificial Intelligence (कृत्रिम बुद्धिमत्ता) यांच्या जोरावर तंत्रज्ञान आणखी वेगाने पुढे सरकत आहे हे नक्की !  
हे अॅप 11 मिलियन वेळा डाऊनलोड केलं गेलय आणि अंदाजे 400 मिलियन फोटोजना यामुळे इफेक्ट देण्यात आले आहेत ! यामधून तयार केलेली कलाकृती आपण लगेच फेसबुक इंस्टाग्राम, व्हॉटसअॅपवर लगेच शेअर करू शकतो. खाली काही प्रसिद्ध माध्यमांचे रिव्यूज : 

1. Verge :  “Prisma will make you fall in love with photo filters all over again”
2. TechCrunch : “Artists beware! AI is coming for your paintbrush too…”
3. Mashable : “Turning photos into artistic works of inspiration just got a lot easier”

काही बॉलीवुड, मराठी सेलेब्रिटीनी सुद्धा या अॅपचा वापर करत फोटोज शेअर केले आहेत.                
आलिया भट, जॉन अब्राहम, शाहीद कपूर, अनुष्का शर्मा, सिद्धार्थ चांदेकर, क्रांती व तेजस्विनी, प्रसाद ओक  

The post प्रिझ्मा (Prisma) : खर्‍याखुर्‍या चित्राचा इफेक्ट देणारा फोटो एडिटर appeared first on MarathiTech - मराठीटेक.