सारेगामा या संगीत क्षेत्रातील आघाडीच्या कंपनीचं कारवा हा म्युझिक प्लेयर सध्या चर्चेत आहे. याचं कारवा गो हे नवं पोर्टेबल मॉडेल सादर करण्यात आलं असून हे लहान आकाराचं खिशात मावणारं आहे. या म्युझिक प्लेयरला आपण अँड्रॉइड, iOS अॅपद्वारे नियंत्रित करू शकतो! ज्यामुळे गाणी निवडणं, प्लेलिस्ट तयार करणं अशा गोष्टी फोनवरही सहज करता येतील! फोनवरील केलेले बदल या प्लेयरमध्येही लगेच पाहायला मिळतील. Carvaan Go सिल्व्हर रंगात उपलब्ध असेल आणि याची किंमत ₹३९९० असेल.

सारेगामा कारवा गो लिंक : Carvaan Go

हल्ली स्मार्टफोन्समुळे म्युझिक प्लेयर विकत घेणं जवळपास बंदच झालेलं असताना सारेगामाने मात्र जुन्या गाण्यांना या आधुनिक रूपात सादर करत ग्राहकांचं मन जिंकलेल दिसत आहे. आईवडिलांना, नातेवाईकांना भेट देण्यासाठी याचा विचार केला जात आहे! नव्या सारेगामा कारवा गो मध्ये ब्ल्युटुथ, मायक्रोएसडी कार्ड, Aux Out हे पर्याय देण्यात आले आहेत. याची बॅटरी जवळपास दोन तासांच्या चार्जवर ७ तासांपर्यंत चालू शकेल. यामध्ये आधीपासून असलेल्या ३००० गाण्यांसोबत एफएम/एएमची सुविधा आहे. याच्या स्पीकर्सचा मात्र आवाज त्या मानाने कमी आहे.

काही महिन्यांपूर्वीच यांचा Saregama Mini 2.0, Saregame Carvaan Premium, Carvaan Mini हे ब्ल्यूटूथ स्पीकर उपलब्ध झाले होते. या मॉडेल्समध्ये किंमतीनुसार गाण्यांच कमी अधिक प्रमाण पाहायला मिळतं. खास मराठी गाण्यांसाठीही Saregama Carvaan Marathi उपलब्ध आहे.

The post सारेगामा कारवा गो सादर : खिशात मावणारा म्युझिक प्लेयर! appeared first on MarathiTech - मराठीटेक.

Spotify ही जगातली सर्वात लोकप्रिय म्युझिक स्ट्रिमिंग सेवा असून आता स्पॉटिफाय मोठी करण्याच्या दृष्टीने इतर देशांमध्येही पाऊल ठेवत आहे! अनेक महीने याबद्दल त्यांचे प्रयत्न सुरू होते. काही महिन्यांपूर्वी २०१९ च्या सुरूवातीस भारतातील उपलब्धतेबाबत त्यांनी माहिती दिली होती.
आत्ता प्लॅन्स/किंमती अधिकृतरित्या जाहीर करण्यात आल्या आहेत.

भारतात उपलब्ध भाषांमध्ये इंग्लिश, तामिळ, तेलुगू, मल्याळम, कन्नड, बंगाली व पंजाबी असे पर्याय देण्यात आले आहेत. मराठी भाषेचा मात्र यामध्ये अद्याप समावेश दिसत नाही!यामध्ये सध्या मराठी गाणी अगदी कमी प्रमाणात आहेत. त्यामुळे नंतर जोडली जाण्याची शक्यता आहे.

कंपनीला भारतात येण्यासाठी बऱ्याच अडचणी आल्याचं सांगण्यात येतं. सध्या भारतात असलेल्या रेकॉर्ड लेबल्ससोबत करार करणं हीच मोठी अडचण त्यांच्यासमोर होती कारण भारतात आधीच बऱ्याच कंपन्यासोबत रेकॉर्डचे करार झालेले आहेत. रेकॉर्ड लेबल्सना या स्पॉटिफायवर आणण्यासाठी त्यांनी तब्बल वर्षभर भारतात ऑफिस उघडून ठेवलं आहे. तरीही मोठी नावं सामील होण्यास लवकर तयार होत नव्हती असा अनुभव आल्याचं सांगण्यात आल आहे. सोनी म्युझिक व युनिव्हर्सल यांच्यासोबत यशस्वी करार झाला असून वॉर्नर सोबत मात्र मोठा वाद झालेला ऐकण्यात येत आहे. कोर्टातर्फे सध्यातरी स्पॉटिफायला परवानगी मिळाली आहे.

Download Spotify on Google Play , App Store

प्लॅन्स व किंमती आता अधिकृतरित्या उपलब्ध झाल्या असून सध्याच्या उपलब्ध पर्यायांना सोडून स्पॉटिफायला ग्राहक वळवणं बहुधा अवघडच जाईल. जिओ सावन, गाणा, हंगामा, Wync, अॅमेझॉन प्राईम म्युझिक, अॅपल म्युझिक, इ पर्याय भारतीयांना आधीच उपलब्ध आहेत ते सुद्धा अतिशय स्वस्तात…आधीच आपल्याकडे गाण्यांसाठी पैसे मोजण्याची मानसिकता नसते.

स्पॉटिफाय प्लॅन्स खालीलप्रमाणे
एक महिना मोफत ट्रायल त्यानंतर ११९ दरमहा
₹ १३ : १ दिवस
₹ ३९ : ७ दिवस
₹ १२९ : १ महिना
₹ ३८९ : ३ महिने
₹ ७१९ : ६ महिने
₹ ११८९ : वार्षिक
पूर्ण मोफत प्लॅन उपलब्ध : यामध्ये जाहिरातींचा समावेश
विद्यार्थ्यांसाठी ५०% सूट

The post स्पॉटिफाय आता भारतात : म्युझिक स्ट्रिमिंग सेवा उपलब्ध! appeared first on MarathiTech - मराठीटेक.

सारेगामा या संगीत क्षेत्रातील आघाडीच्या कंपनीचं कारवा हा म्युझिक प्लेयर सध्या चर्चेत आहे. याचं कारवा प्रीमियम हे नवं मॉडेल आता सादर करण्यात आलं आहे.  आता या स्पीकरला आपण अँड्रॉइड, iOS अॅपद्वारे नियंत्रित करू शकतो! ज्यामुळे गाणी निवडणं, प्लेलिस्ट तयार करणं अशा गोष्टी सहज करता येतील! Carvaan Premium रॉयल ब्ल्यू रंगात उपलब्ध असेल आणि याची किंमत ७३९० असेल  Rs.7,390.

काही दिवसांपूर्वीच यांचा Saregama Mini 2.0 हा ब्ल्यूटूथ स्पीकर आला होता ज्यात ३५१ हिंदी गाण्यांचा समावेश होता आणि याची किंमत २४९० होती.

 Carvaan Premium मध्ये स्पीकर्सचा समावेश असून ५००० गाणी ह्यात आधीच जोडलेली आहेत. ५२ स्टेशन्स आहेत ह्याद्वारे आपण ठराविक गायकांची गाणी सहज ऐकू शकू. यामध्ये आता AM व FM ची सोय सुद्धा देण्यात आलेली आहे. AUX port द्वारे आणखी डिव्हाईस जोडता येतील! यामधील बॅटरी ५ तास टिकेल अशी माहिती देण्यात आली आहे.

• Carvaan Premium : Saregama Carvaan Premium Music Player on Amazon
• Saregama Mini 2.0 Saregama Carvaan Bluetooth Speaker on Amazon

search terms : Saregama Carvaan Premium Portable Digital Music Player Marathi

The post सारेगामा कारवा प्रीमियम म्युझिक प्लेयर सादर! appeared first on MarathiTech - मराठीटेक.

The post गाणी ऐका मोफत appeared first on MarathiTech - मराठीटेक.

सध्या ९७ देशांमध्ये ही सुविधा उपलब्ध आहे. त्यात गाणी , चित्रपट , टीव्हीवरील कार्यक्रम उपलब्ध आहेत. जूनमध्ये हाँगकाँग , सिंगापूर , तैवान यांसारख्या १२ आशियायी देशांमध्ये आयट्यून्स स्टोअर सुरू झाले , पण त्यात इंडोनेशिया आणि भारताचा समावेश नव्हता. अखेर मंगळवारपासून स्वतंत्र आयट्यून्स स्टोअर भारतीयांसाठी खुले झाले आहे. 
त्यात संगीत ,गाणी , चित्रपट विकत घेता येतात , तसेच भाड्यावरही घेता येतात. आतापर्यंत आयट्यून्स स्टोअरवर केवळ काही मोफत पुस्तके आणि पॉडकास्ट उपलब्ध होते. पण आता यावर आंतरराष्ट्रीय संगीतापासून बॉलिवूडपर्यंत सर्व काही मिळणार आहे. 
त्यासाठी प्रत्येक गाण्याला ७ ते १५ रुपये मोजावे लागतील. फ्लिपकार्टवर प्रत्येक गाण्यासाठी १५ रुपये मोजावे लागतात. तसेच प्रत्येक अल्बमसाठी किमान ७० रुपये खर्च करावा लागेल. सर्वसाधारण दर्जाचे चित्रपट ८० रु. भाडे देऊन उपलब्ध आहेत तर विकत घेण्यासाठी २९० रु. मोजावे लागतील. एचडी फॉरमॅटमधील चित्रपट भाड्याने हवे असतील तर १२० रुपये आणि विकत घेण्यासाठी ४९० रु. मोजावे लागतील. मात्र इतर बाजारपेठांप्रमाणे येथे टीव्हीवरील कार्यक्रम मिळणार नाहीत. 
हीच या सुविधेतील एक त्रुटी आहे. सोबतच अॅपलने आयट्यून्स मॅच ही सुविधादेखील भारतात लॉँच केली असून त्याद्वारे आयट्यून्सच्या व्यतिरिक्त इतर ठिकाणाहून घेतलेले संगीत आणि इतर गोष्टी आयक्लाऊडमध्ये साठवता येणार आहेत. मात्र त्यासाठी वर्षाला १ , २०० रु. शुल्क द्यावे लागेल. 
आयट्यून्सला भारतात गाना डॉट कॉम , धिंगाणा डॉट कॉम वगैरे साइटचा सामना करावा लागेल. तर चित्रपटाच्या सेवेसाठी बॉक्स टीव्हीसारख्या साइटशी स्पर्धा करावी लागणार आहे. 

The post आयट्यून्स भारतात appeared first on MarathiTech - मराठीटेक.