एसएमएस , फोन कॉल्स , व्हिडीओ कॉल्स या सर्वांमुळे आपले मोबाइलचे बिलाचे आकडे इतक्या झपाट्याने वाढतात की , ते आपल्या लक्षातही येत नाहीत . पण आपला फोन स्मार्ट असेल तर आपण आपले बिल नक्कीच कमी करू शकतो . अँड्रॉइड किंवा आयओएसवर चालणाऱ्या अॅप्सची त्यासाठी मदत होईल . आपले बिल वाचविणारे काही अॅप्स …
फ्री कॉलिंगला वाढती पसंती
स्कायपे
तसं हे फेमस अॅप आहे . बहुतांश स्मार्टफोन यूजर्स हे अॅप वापरतच असतील . हे अॅप मोबाइल आणि डेस्कटॉप अशा दोन्हीकडे वापरता येऊ शकते . स्कायपेवरून आपण फ्री व्हॉइस आणि व्हिडीओ कॉलिंग करू शकते . यावरून आपल्याला फोन्स किंवा व्हिडीओ कॉल्स करायचे असतील तर आपल्या मित्रांचे किंवा कुटुंबीयांचे अकाऊंट त्यात अॅड करून घ्यावे लागते . यानंतर आपण त्या व्यक्तींना एक रुपयाही खर्च न करता फोन करू शकतो किंवा व्हिडीओ कॉलिंग करू शकतो . याचा वापर आपण इन्स्टंट मेसेंजिंगसाठीही करू शकतो. याद्वारे आपण फोटोही शेअर करू शकतो . Download Skype
निंबूझ
इन्स्टंट मेसेंजिंग इंटीगेटर म्हणून सुरू झालेल्या निंबूझ या अॅपचा वापर आता खूप मोठ्या प्रमाणावर होऊ लागलाआहे . हे अॅप आता कम्प्युटर , स्मार्टफोन आणि फीचर फोन यामध्ये वापरू शकतो . निंबूझ ते निंबूझ यूजरसोबतआपण व्हॉइस कॉल्स आणि व्हीडिओ कॉल्स करू शकतो . कम्प्युटर , अँड्रॉइड , आयओएस आणि सिंबियन याऑपरेटिंग सिस्टिमवरून आपण वॉइस कॉल्स करू शकतो तर आयओएस आणि कम्प्युटरवरून व्हिडीओ कॉल्सकरू शकतो . याशिवाय या अॅपवरून आपण चॅटिंगही करू शकतो . Download Nimbuzz
ओवू
तुम्हाला तुमच्या ग्रुप्सशी काही गोष्टी शेअर करायच्या आहेत किंवा त्यांच्याशीच चॅटिंग करायचं आहे तर तुम्हीओवू हे अॅप वापरू शकता . या अॅपच्या माध्यमातून आपण ग्रुप व्हिडीओ चॅट करू शकतो . यामध्ये आपणएकावेळी १२ जणांशी बोलू शकतो . हे अॅप आपल्याला स्मार्टफोन आणि कम्प्युटर्सवर उपलब्ध आहे . याचबरोबरआपण या माध्यमातून फेसबुक फ्रेंडस आणि ट्विटरच्या फॉलवर्सशी व्हिडीओ आणि व्हॉइस कॉल्स करू शकतो . हेअॅप आपल्याला चॅटिंगसाठी खूप फायदेशीर ठरू शकणार आहे .
वुई चॅट
वुई चॅट हे अॅप्लिकेशन आपल्याला व्हिडीओ कॉलिंगची सुविधा देते . यामध्ये आपल्याला व्हॉइस चॅटची सुविधाआहे . पण यातून आपण व्हॉइस कॉलिंग करू शकणार नाही . व्हॉइस चॅटच्या माध्यमातून आपण व्हॉइस मेसेजेसपाठवू शकतो . याशिवाय यामध्ये आपल्याला ग्रुप टेक्स्ट चॅट्स , मल्टिमीडिया शेअरिंग आणि ब्राऊजर्सच्यामाध्यमातून चॅट करू शकतो . यात ‘ लूक अराऊंड ‘ नावाचं एक फीचर आहे , ज्याच्या माध्यमातून तुम्ही तुमच्याआसपास असलेल्या वूई चॅट यूजर शोधून त्याच्याशीही आपण चॅटिंग करू शकतो
Download WeChat.
फ्रिंग
स्कायपेशी साधर्म्य साधारणारे हे अॅप सध्या बाजारात चांगलेच चालत आहे . अँड्रॉइड , आयओएस आणि सिंबियनऑपरेटिंग सिस्टिमवर वापरता येणार आहे . यामध्ये आपण व्हॉइस आणि व्हिडीओ कॉल्स करू शकणार आहोत .हे कॉल्स करण्यासाठी समोरच्या व्यक्तीकडेही फ्रिंग असणे आवश्यक आहे . यात तुम्ही चॅट करू शकतातयाचबरोबर तुम्ही मल्टीमीडिया कंटेन्टही आपण शेअर करता येऊ शकणार आहे . याशिवाय यात तुम्हाला ग्रुपव्हिडीओ प्लॅटफॉर्म्स उपलब्ध आहेत .. Download Fring
वायबर
व्हॉट्स अॅपशी जवळीक साधणारे हे अॅप्लिकेशन तुम्ही तुमच्या मोबाइलमध्ये सहज वापरू शकता . आपण हे अॅपडाऊनलोड केल्यावर आपल्या कॉन्टॅक्टबुकमधील नंबर्स सिंक करतो . यात तुमच्या कॉटॅक्ट बुकमधील जी व्यक्तीवायबर वापरत असेल त्या व्यक्तीशी तुम्ही कनेक्ट होतात आणि त्याच्याशी तुम्ही चॅटिंग , व्हॉइस कॉलिंग ,व्हिडीओ कॉलिंग करू शकता . हे अॅप सर्व स्मार्टफोन्सवर उपलब्ध आहे . यामध्ये तुम्हाला एचडी साऊंड क्वालिटीमिळणार असल्याचा वायबरचा दावा आहे . हा आवाज आपल्या फोनच्या आवाजापेक्षा खूप चांगला येतो . Download Viber
टॉकअटोन
तुमच्या फोनची डेटा कॉस्ट वाचविण्यासाठी टॉकअटोन हे अॅप उपयुक्त ठरू शकते . सध्या हे अॅप केवळ अँड्रॉइडआणि आयओएस डिवायइसवर उपलब्ध आहे . या अॅपच्या मदतीने तुम्ही मोफत व्हॉइस कॉल्स आणि मेसेजेसपाठवू शकता . याशिवाय या अॅपच्या मदतीने तुम्ही फेसबुक किंवा गुगल चॅटही वापरू शकता . पण या अॅपचीएक वाईट गोष्ट आहे . ती म्हणजे या अॅपवर तुम्हाला बऱ्याच अॅडस येत असतात . यामुळे ते वापरताना व्यत्यययेतो .
फेस टाइम
अॅपलच्या सर्व डिवायसेसवर वापरता येईल अशाप्रकारचे हे अॅप्लिकेशन आहे . व्हिडीओ कॉल्स करण्यासाठीबाजारात उपलब्ध असलेल्या सर्व अॅप्समध्ये हे अॅप वापरण्यासाठी सर्वात सोपे आहे . यासाठी तुमच्याकडे दुसऱ्याव्यक्तीचा अॅपलचा आयडी किंवा फोननंबर असणे गरजेचे आहे . तसेच त्याच्या कॉन्टॅक्ट लिस्टमध्ये आपला नंबरबसणेही गरजचे आहे . एका क्लिकवर तुम्ही व्हिडीओ कॉलिंग करू शकता . आयओएस आणि आयमॅकवर आपण हेअॅप सहज वापरू शकतो .
गपशप
मोफत एसएमएस पाठविण्यासाठी तुम्ही गपशप या अॅपचा वापर करू शकता . यामध्ये तुम्ही फ्री मेसेजेस पाठवू शकतात . आपण पहिल्यांदा जेव्हा आपल्या मित्राला एखादा मेसेज पाठवू , तेव्हा त्याने फक्त आपल्याला एक रिप्ल्याय पाठवायचा . त्याचा रिप्लाय आला की आपण त्याच्याशी नेहमीसाठी कनेक्ट होतो . त्याच्याशी मग आपण नेहमी गपशपच्या माध्यमातून संपर्कात राहू शकतो . यातही आपण ग्रुप्स तयार करू शकतो आणि ग्रुपमध्येचॅटिंग आणि फोटो शेअरिंग करू शकतो . हे अॅप डाऊनलोड करताना आपल्याला रजिस्ट्रेशन करावे लागते .
पिंच
हे अॅप आपल्याला स्मार्टफोन याचबरोबर साध्या फीचर फोनमध्येही उपलब्ध होऊ शकते . याचबरोबर आपण तेअगदी साधं इंटरनेट चालणाऱ्या मोबाइलमधूनही वापरू शकतो . यामध्ये आपण मोफत एसएमएस पाठवू शकतो. यात आपण ज्यांच्याकडे पिंच नाही अशा व्यक्तींनाही एसएमएस पाठवू शकतो . आपला मित्र जर आपल्यालारिप्लाय देत असेल तर आपल्याला तो टायपिंग करत असताना दिसतं . यातही आपण ग्रुप करू शकतो . याशिवाययामध्ये आपल्या मेसेज डिलिवर्ड झाल्याचे आणि समोरच्या व्यक्तीने तो मेसेज वाचल्याचेही आपल्याला कळते .
वॉट्स अॅप
हे सर्व स्मार्टफोन यूजर्सचे लाडके अॅप्लिकेशन . यामध्ये नवीन सांगण्यासारखे काही नाही . हे अॅप वापरणाऱ्यांचीसंख्या खूपच जास्त आहे . यामुळे यात तांत्रिक बाबी फार न सांगता एकच गोष्ट सांगता येईल ती म्हणजे हे अॅपजेव्हा पैसे देऊन विकत घ्यावे लागेल , तेव्हा आपल्याला इतर अॅप्स मदत करू शकतील .
चॅट ऑन
हे अॅप तुम्हाला स्मार्टफोनवर उपलब्ध आहे . याचबरोबर सॅमसंगच्या फीचर फोन्समध्येही हे अॅप उपलब्ध आहे .या अॅपच्या माध्यमातून आपण पाच डिवायसेस लिंक करू शकतो . तसेच ब्राऊजरच्या माध्यमातून आपण याचावापर करू शकतो . टेक्स चॅट याचबरोबर यामध्ये आपण मल्टिमीडिया आणि डॉक्युमेंट फाइल्स शेअर करू शकतो. तसेच अॅनिमेटेड मेसेजेसही आपण शेअर करू शकतो .
किक मेसेंजर
हे अॅप इतर मेसेंजरपेक्षा फार वेगळे आहे . यात आपल्याला फोननंबरची गरज भासत नाही . हे अॅप आपण इंस्टंटमेसेंजिंगसारखं वापरू शकतो . यात आपल्याला केवळ आपले यूजर नेम आणि पासवर्ड सेट करावे लागते . याशिवाआपल्या फ्रेंडसना यात अॅड करावे लागते . यात आपण व्हिडीओज आणि फोटोही शेअर करू शकतो .
हाइक
हे अॅपही पिंचसारखेच काम करते . ज्यांच्याकडे हे अॅप्लिकेशन उपलब्ध नाही , अशा लोकांनाही आपण यामाध्यमातून फ्री एसएमएस पाठवू शकतो . याशिवाय याद्वारे चॅटही करू शकतो . ज्यांच्याकडे हे अॅप नाही अशालोकांनी जर रिप्लाय केला तर त्यांना मात्र पैसे पडतात . पण हे अॅप वापरणाऱ्या व्यक्तीला एकही पैसा चार्जपडत नाही .
रॉकेट टॉक
हे अॅप इतर अॅपपेक्षा वेगळ्याप्रमारे काम करते . चॅटशिवाय याचं वैशिष्ट्य म्हणजे आपण यामध्ये पर्सनल सोशलनेटवर्क सुरू करू शकतो . यात आपण आपल्या ठराविक लोकांशी चर्चा करू शकतो किंवा आपल्या गोष्टीत्यांच्याशी शेअर करू शकतो . तुम्ही फोटो , व्हिडीओ आणि व्हॉइस मेसेजेस याद्वारे शेअर करू शकता.
फ्री कॉलिंगला वाढती पसंती
