प्रचंड लोकप्रिय ठरलेल्या आणि आजही अॅमेझॉनवर बेस्ट सेलर असलेल्या सॅमसंग Galaxy M मालिकेतील नवा स्मार्टफोन Galaxy M31s आज सादर करण्यात आला आहे. यामध्ये 64MP कॅमेरा, मोठी 6000mAh बॅटरी जी सध्या सर्वाधिक बॅटरी क्षमता असेल, sAMOLED डिस्प्ले, 6GB/8GB रॅम अशा सुविधा देण्यात आल्या आहेत. या फोनची किंमत १९४९९ पासून सुरू होते. हा फोन सर्वत्र ६ ऑगस्टपासून उपलब्ध होत आहे. ऑनलाइन व ऑफलाइन रिटेलर्स दोन्हीकडे हा फोन उपलब्ध होईल.
सॅमसंगने या फोनच्या कॅमेरासाठी प्रथमच Sony Sensor IMX682 सेन्सर वापरण्यात आला असून यामध्ये Single Take नावाची एक नवी सुविधा असून यामध्ये एकावेळी ७ फोटो आणि ३ व्हिडिओ काढता येतात. ज्यामधून आपण आपल्या आवडीचे फोटो सहज निवडू शकता. यामध्ये 64MP + 12MP Ultrawide + 5MP Macro Lens + 5MP Depth असे चार कॅमेरे असून 32MP चा फ्रंट कॅमेरा आहे.
सॅमसंगने पुन्हा एकदा त्याच Exynos 9611 प्रोसेसरचा समावेश केला असून याबद्दल अनेक ग्राहकांनी नाराजी व्यक्त केली आहे तरीही पुन्हा एकदा त्याच प्रोसेसरचा समावेश करण्यात आलेला आहे! शिवाय फोनमध्ये M31 च्या तुलनेत नवीन असं काहीच नाही. त्याच त्याच गोष्टी थोड्याश्या प्रमाणात बदलून आता अधिक किंमतीत विकण्याच्या ट्रेंडमध्ये सॅमसंगसुद्धा सहभागी झाल्याचं दिसत आहे.
डिस्प्ले : 6.5” FHD+ Super AMOLED Infinity-O Display
प्रोसेसर : Samsung Exynos 9611 processor
GPU : Mali G72
रॅम : 6GB/8GB
स्टोरेज : 128GB + Expandable upto 512GB
कॅमेरा : 64MP Quad Camera + 12MP Ultrawide + 5MP Macro Lens + 5MP Depth
फ्रंट कॅमेरा : 32MP
बॅटरी : 6000mAh 25W Fast Charge with Reverse Charging
ऑपरेटिंग सिस्टिम : OneUI based on Android 10
इतर : 802.11a/b/g/n/ac Bluetooth 5.0, Fingerprint Scanner, Widevine L1 Certification
नेटवर्क : 4G Dual VoLTE
सेन्सर्स : Light sensor, Proximity sensor, GeoMagnetic sensor, Gyro-meter, Accelerometer sensor
रंग : Mirage Black, Mirage Blue
किंमत : हा फोन अॅमेझॉन, ऑनलाइन व ऑफलाइन रिटेलर्स दोन्हीकडे ६ ऑगस्टपासून उपलब्ध होत आहे.
6GB+128GB ₹१९४९९
8GB+128GB ₹२१९९९
