अँड्रॉइड या प्रसिद्ध मोबाइल ऑपरेटिंग सिस्टमची नवी आवृत्ती आज सादर झालेल्या Google Pixel 6 सोबत उपलब्ध होण्यास सुरूवात झाली आहे. नव्या आवृत्तीचं नाव Android 12 असं असणार आहे. यामध्ये नवं Material You डिझाईन, Responisve Motion, Dynamic Color, नवीन विजेट्स, नवीन रंग पर्याय, अधिक सुरक्षा, माइक आणि कॅमेरा इंडिकेटर्स, प्रायव्हसी डॅशबोर्ड, स्क्रोलिंग स्क्रीनशॉट, गेम डाउनलोड होत असतानाच गेमप्ले सुरू करता येणं अशा गोष्टी पाहायला मिळतील.

काही गूगल ॲप्समध्ये नवीन डिझाईन देण्यास सुरुवात झाली आहे उदा. Google Clock

खालील फोन्सना Android 12 अपडेट दिलं जाईल असं त्या त्या कंपन्यांनी जाहीर केलं आहे किंवा पूर्वी फोन्स लॉंच करताना तसं आश्वासन दिलं आहे. प्रत्यक्षात अपडेट उपलब्ध होण्यास बराच वेळ लागू शकतो! यादी व्यतिरिक्त अन्य फोन्सना सुद्धा अपडेट दिलं जाऊ शकतं कृपया तुमच्या फोन कंपनीच्या वेबसाइटवर जाऊन त्याची माहिती घ्या. नेहमी प्रमाणे गूगल पिक्सल फोन्समध्ये नवं अँड्रॉइड व्हर्जन सर्वात आधी उपलब्ध झालेलं आहे.

• Google : Pixel 3, Pixel 3 XL, Pixel 3a, Pixel 3a XL, Pixel 4, Pixel 4 XL, Pixel 4a, Pixel 4a (5G), Pixel 5, and Pixel 5a.
• Nokia : Nokia 1.3, 2.4, 3.4, 5.3, 5.4, 8.3 5G, Nokia CO1 Plus, Nokia C20 Plus, Nokia G10, Nokia G20, Nokia X10, X20 and XR20
• OnePlus : 9, 9 Pro, 9R, 8T, 8, 8 Pro, 7T, 7T Pro, 7, 7 Pro, Nord, Nord 2, Nord CE
• Samsung : Galaxy S21, S21+, S21 Ultra, S20, S20+, S20 Ultra, S20 FE, S10, S10+, S10e, S10 Lite, Note 20, Note 20 Ultra, Note 10, Note 10+, Note 10 Lite, Z Fold 3, Z Fold 2, Fold, Z Flip 3, Z Flip, A51/ A51 5G, A52/ A52 5G, A71/ A71 5G, A72, A90
• Xiaomi 11T, Xiaomi 11T Pro, Mi 11, Mi 11 Ultra, Mi 11X, Mi 11X Pro, Mi 11 Lite, Xiaomi 11 Lite NE 5G, Mi 10T, Mi 10T Pro, Mi 10T Lite, Mi 10, Mi 10 Pro, Mi 10 Youth Edition, Mi 10i 5G, Redmi K30, Redmi K30 Pro, Redmi 10 Prime, Redmi Note 10Redmi Note 10S, Redmi Note 10 Pro, Redmi Note 10 Pro Max, Redmi Note 10T 5G
• Poco : Poco F2 Pro, F3, F3 GT, X2, X3, X3 GT, X3 Pro, M3 Pro 5G
• realme : X50, X7, X7 Pro, X7 Max, X3, X3 SuperZoom, 8/ 8 5G, 8 Pro, 8i, 8s 5G, 7/ 7 5G, 7 Pro, 7i, Narzo 20, Narzo 20 Pro, Narzo 20A, Narzo 30, Narzo 30A, Narzo 30 Pro, Narzo 50A, GT, GT Master Edition, GT Neo 2, GT Neo
• Oppo : Oppo Find X3, Find X3 Pro, Find X2, Find X2 Pro Reno 6 Reno 6 Pro, Reno 6 Pro+, Ace2, Reno 5, Reno 5 Pro, Reno 5 Pro+, K9 5G, A93 5G, A95 5G, Reno Ace, Reno 4, Reno 4 SE, Reno 4 Pro, Reno 3, Reno 3 Pro, K9 Pro 5G, K7, K7x, A93s 5G, A92s 5G, A72 5G, A55 5G, A53 5G
• Motorola : Motorola Edge 20, Edge 20 Pro, Edge 20 Fusion, Edge, Edge S, Edge +, Razr/ Razr 5G Foldable, G10, G20, G30, G40 Fusion, G50, G60, G60s, G100
• Asus : ROG Phone 5s, ROG Phone 5, ROG Phone 5 Pro, ROG Phone 5 Ultimate, ROG Phone 3, ZenFone 8, ZenFone 8 Flip, ZenFone 7, ZenFone 7 Pro

Search Term : Whats New in Android 12

The post अँड्रॉइड 12 उपलब्ध होण्यास सुरुवात : जाणून घ्या काय आहे नवीन? appeared first on MarathiTech - मराठीटेक.

गूगलने त्यांच्या कालपासून सुरू झालेल्या Google I/O या डेव्हलपर कार्यक्रमात अँड्रॉइडच्या नव्या आवृत्ती चाचणीसाठी उपलब्ध करून दिली आहे. नव्या आवृत्ती मध्ये नवा युजर इंटरफेस, अधिक सुरक्षा, अधिक प्रायव्हसी आणि सुधारित कामगिरी पाहायला मिळेल. अँड्रॉइड ऑपरेटिंग सिस्टम आता तब्बल ३०० कोटी उपकरणामध्ये वापरली जात आहे!

गूगलने आजवर त्यांच्या लोकप्रिय मोबाइल ऑपरेटिंग सिस्टिमच्या विविध आवृत्त्यांची नावे डेझर्ट्सवरून ठेवली होती. उदा. कपकेक, डोनट, फ्रोयो(2.0), जिंजरब्रेड(2.3), हनीकोंब (3.0), आईसक्रीम सँडविच(4.0), जेली बीन(4.1), किटकॅट(4.4), लॉलीपॉप(5.0), मार्शमेलो(6.0), नुगट(7.0), ओरीओ(8.0), पाय(9.0) नंतर Android 10, Android 11 आणि आता येणाऱ्या नव्या आवृत्तीचं अधिकृत नाव Android 12 असं असणार आहे. याबद्दल काल गूगलतर्फे अधिकृत माहिती देण्यात आली आहे.

खाली दिलेल्या व्हिडिओ मधून तुम्हाला नव्या अँड्रॉइडमधील नव्या डिझाईनचा अंदाज येईल. स्वाईप डाऊन केल्यावर येणाऱ्या कंट्रोल्समधील नेहमीच्या गोल बटनांऐवजी आता मोठी आडवी बटणे पाहायला मिळतील. यामुळे फोनचा वापर आणखी सोपा होईल असं गूगलचं म्हणणं आहे.

आत्ता ही आवृत्ती अॅप डेव्हलपर्सनी त्यांचे ॲप्स डेव्हलप करण्यासाठी वापरणं सोपं जावं म्हणून दिलेली असते. या प्रीव्यू आवृत्त्या ह्या डेव्हलपरद्वारे करण्यात येणाऱ्या चाचण्यांसाठीच असतात. सामान्य यूजर्सनाही या इंस्टॉल करता येत असल्या तरी शक्यतो त्या फंदात पडू नये कारण यामुळे तुमच्या फोनमधील डेटा जाऊ शकतो किंवा फोन बिघडू सुद्धा शकतो.

आपल्यासाठी फक्त येणाऱ्या अँड्रॉइडमध्ये काय सुविधा असू शकतील याचा अंदाज येईल यादृष्टीने माहिती मिळते. सामान्य यूजर्ससाठी हे अपडेट आणखी काही महिन्यांनी त्यांच्या कंपनीने उपलब्ध करून दिल्यास त्यांच्या फोनवर उपलब्ध होईल.

अँड्रॉइड १२ मधील नव्या सुविधा

• new UI for Android : अँड्रॉइड १२ मध्ये आपल्याला बऱ्यापैकी नवीन डिझाईन पाहायला मिळेल. गेली दोन-तीन व्हर्जन्समधील डिझाईन सारखच होतं मात्र यावेळी ते बदलण्यात आलं आहे. विजेट्स, ट्रान्झिशन्स, रंग, आकार अशा अनेक गोष्टी मध्ये नावीन्य दिसून येईल.
• Performance : नव्या अँड्रॉइड १२ ची कामगिरी सुद्धा बरीच सुधारलेली असणार आहे. ॲप्स आता आणखी लवकर उघडतील.
• Custom Theming : आपल्या आवडीनुसार पूर्ण फोनच्या सिस्टमचे रंग बदलता येतील.
• Privacy Dashboard : याठिकाणी आपल्याला कोणत्या ॲप्सना कोणती परवानगी दिली आहे आणि त्यांचा कसा वापर होत आहे हे ते समजेल.
• आता प्रायव्हसीसाठी ज्यावेळी आपला कॅमेरा किंवा माइक वापरला जात असेल त्यावेळी नोटिफिकेशन बार वर एका ठिपक्याद्वारे ते समजेल.
• आता आपल्या अँड्रॉइड फोनद्वारे क्रोमबुक अनलॉक करता येईल.

Search Terms : Android 12 beta is now live What’s new in Android 12 Beta Google I/O 2021

The post अँड्रॉइड १२ अपडेट : अँड्रॉइडची नवी आवृत्ती चाचणीसाठी उपलब्ध! appeared first on MarathiTech - मराठीटेक.

काल गूगलने जाहीर केलेल्या माहितीनुसार Android 11 हे अँड्रॉइडचं लेटेस्ट व्हर्जन आता उपलब्ध होण्यास सुरुवात झाली आहे. यामध्ये बरेच नवे पर्याय जोडण्यात आले असून आपला फोन वापरण्याचा अनुभव अधिक सुरक्षित व चांगला होईल याकडे जास्त लक्ष देण्यात आलं आहे. आता संभाषण (Conversations) साठी खास जागा देण्यात आली असून प्रायव्हसीसाठीही अधिक पर्याय आले आहेत.

हे बदल दिसून येण्यासारखे नसतील त्यामुळे अँड्रॉइडच्या युजर इंटरफेस दृष्टीने पाहायचं तर Android 11 मध्ये फारसं नवीन काही नाही. नवं अपडेट आता गूगलच्या पिक्सल फोन्सवर (Pixel 2 व त्यानंतरच्या) उपलब्ध झालं असून लवकरच वनप्लस (OnePlus 8 & 8 Pro, ओप्पो (Oppo Find X2 & Reno 3), रियलमी (Realme X50 Pro) आणि शायोमी (Mi 10 & 10 Pro) च्या काही ठराविक फोन्सवर उपलब्ध झालेलं असेल.

गूगलने आजवर त्यांच्या लोकप्रिय मोबाइल ऑपरेटिंग सिस्टिमच्या विविध आवृत्त्यांची नावे डेझर्ट्सवरून ठेवली होती. उदा. कपकेक, डोनट, फ्रोयो(2.0), जिंजरब्रेड(2.3), हनीकोंब (3.0), आईसक्रीम सँडविच(4.0), जेली बीन(4.1), किटकॅट(4.4), लॉलीपॉप(5.0), मार्शमेलो(6.0), नुगट(7.0), ओरीओ(8.0), पाय(9.0) नंतर Android 10 आणि आता नव्या आवृत्तीचं अधिकृत नाव Android 11 असं असणार आहे.

Android 11 मधील काही ठळक सुविधा

Conversations : हे खास वैशिष्ट्य म्हणता येईल. आपण वापरत असलेल्या विविध मेसेजिंग अॅप्सना एकच जागी आणून त्यांच्या नोटिफिकेशन्स एकत्रच दिसतील. यामुळे कुणाला प्राधान्य देऊन संभाषण पुढे सुरू ठेवायचं ते सहज समजेल.कामाच्या ठिकाणी असाल तर त्यासंबंधी मेसेजेस आधी दिसतील मग नेहमीचे मेसेजेस दिसतील.

Bubbles : याद्वारे फेसबुकप्रमाणे मेसेजेससाठी चॅट बबल दिसेल. सुरू असलेली गोष्ट तशीच ठेऊन आपण कोपऱ्यात मेसेजेस पाहू शकाल

Redesigned media controls : ऑडिओ नियंत्रित करण्यासाठीचे पर्याय आता नव्याने डिझाईन करण्यात आले असून आता हे अधिक सोप्या पद्धतीने करता येईल.

New Power Menu : आता पॉवर बटन होल्ड करताच दिसणाऱ्या नेहमीच्या पर्यायाऐवजी पूर्ण नवे पर्याय दिसतील. याद्वारे तुम्ही स्मार्ट होम उपकरणे सुद्धा नियंत्रित करू शकाल.

Built-in screen recording : होय आता अँड्रॉइडमध्ये स्वतःचा स्क्रीन रेकॉर्डिंग पर्याय देण्यात आला आहे. आजवर तुमच्या फोन कंपनीने दिलेला किंवा प्ले स्टोअरवरून डाउनलोड केलेला पर्याय वापरावा लागायचा मात्र आता अँड्रॉइडतर्फेच ही स्क्रीन रेकॉर्ड करण्याची सोय देण्यात आली आहे.

Updates : आता अँड्रॉइडचे सेक्युरिटी अपडेट्स सुद्धा गूगलतर्फे थेट मिळणार असून प्ले स्टोअरमध्ये Apps अपडेट करतो त्याप्रमाणेच हे अपडेट्ससुद्धा सहज करता येणार आहेत!

The post Android 11 अपडेट उपलब्ध होण्यास सुरुवात : अनेक नवे पर्याय ! appeared first on MarathiTech - मराठीटेक.

गूगलने आज अमेरिकेत वर्णद्वेषावरून सध्या सुरु असलेले वाद लक्षात घेत यंदाचा अँड्रॉइडसाठी असलेला कार्यक्रम रद्द करून नव्या आवृत्तीची माहिती थेट ऑनलाईन जाहीर करून टाकली आहे. गूगलने त्यांच्या लोकप्रिय स्मार्टफोन ऑपरेटिंग सिस्टिम अँड्रॉइडच्या पुढील आवृत्तीबद्दल माहिती जाहीर करत याचा प्रीव्यूसुद्धा उपलब्ध करून दिला आहे. Android 11 ही पुढील आवृत्ती असून पीपल, कंट्रोल्स, प्रायव्हसी आणि डेव्हलपर फ्रेंडली सुविधा देणारी असेल असं सांगण्यात आलं आहे.

गूगलने आजवर त्यांच्या लोकप्रिय मोबाइल ऑपरेटिंग सिस्टिमच्या विविध आवृत्त्यांची नावे डेझर्ट्सवरून ठेवली होती. उदा. कपकेक, डोनट, फ्रोयो(2.0), जिंजरब्रेड(2.3), हनीकोंब (3.0), आईसक्रीम सँडविच(4.0), जेली बीन(4.1), किटकॅट(4.4), लॉलीपॉप(5.0), मार्शमेलो(6.0), नुगट(7.0), ओरीओ(8.0), पाय(9.0) नंतर Android 10 आणि आता येणाऱ्या नव्या आवृत्तीचं अधिकृत नाव Android 11 असं असणार आहे. याबद्दल आज गूगलतर्फे अधिकृत माहिती देण्यात आली आहे.

या प्रीव्यू आवृत्त्या ह्या डेव्हलपरद्वारे करण्यात येणाऱ्या चाचण्यांसाठीच असतात. सामान्य यूजर्सनाही या इंस्टॉल करता येत असल्या तरी शक्यतो त्या फंदात पडू नये कारण यामुळे तुमच्या फोनमधील डेटा जाऊ शकतो किंवा फोन बिघडू सुद्धा शकतो. आपल्यासाठी फक्त येणाऱ्या अँड्रॉइडमध्ये काय सुविधा असू शकतील याचा अंदाज येईल यादृष्टीने माहिती मिळते.

Google Pixel 2, Google Pixel 2 XL, Google Pixel 3, Google Pixel 3 XL, Google Pixel 3a, Google Pixel 3a XL, Google Pixel 4, Google Pixel 4 XL या फोन्ससाठी सध्या अँड्रॉइड ११ डाउनलोड्स उपलब्ध आहेत. लवकरच OnePlus, Nokia, Xiaomi, Realme, LG व Vivo यांच्या फोन्ससाठीही उपलब्ध होतील.

The post Android 11 प्रीव्यू सादर : अँड्रॉइडची नवी आवृत्ती चाचणीसाठी उपलब्ध! appeared first on MarathiTech - मराठीटेक.

अँड्रॉइडची नवी ऑपरेटिंग सिस्टिम अँड्रॉइड १० कालपासून अनेक फोन्सवर उपलब्ध झाली आहे. अर्थात सर्वात आधी गूगलच्या स्वतःच्या पिक्सल फोन्सवर हे अपडेट देण्यात आलं असून त्यामध्ये Pixel, Pixel XL, Pixel 2, Pixel 2 XL, Pixel 3, Pixel 3 XL, Pixel 3a आणि Pixel 3a XL अशा सर्व फोन्सचा समावेश आहे! बाकी कंपन्यांमध्ये Redmi K20 Pro, OnePlus 7 व OnePlus 7 Pro, Essential Phone यांनी हे अपडेट अगदी पहिल्याच दिवशी दिलं आहे. रेडमी आणि वनप्लसनी चाचणी आवृत्ती दिली असून आता नव्याने फोन सादर करत नसलेल्या एसेंशियल कंपनीने मात्र स्टेबल आवृत्ती दिली आहे!

काही दिवसांपूर्वीच गूगलने माहिती दिल्याप्रमाणे अँड्रॉइड Q चं नवं नाव अँड्रॉइड १० असणार आहे. यापुढे अँड्रॉइडच्या आवृत्त्यांची नवे डेझर्टसवरून नसणार. त्यावेळी अँड्रॉइडसाठी नवा लोगोसुद्धा सादर करण्यात आला होता!

अँड्रॉइड १० बद्दल माहिती देण्यासाठी गूगलतर्फे प्रसिद्ध करण्यात आलेल्या ब्लॉगपोस्टमध्ये असं सांगण्यात आलं आहे की अँड्रॉइड आता 5G फोन्सना सपोर्ट देत असून प्रथम LG V50 5G ThinQ, Samsung Galaxy S10 5G, Xiaomi Mi Mix 5G आणि OnePlus 7 Pro 5G यांना हा सपोर्ट मिळत आहे. यासोबत घडी घालता येणाऱ्या फोन्सना सुद्धा अँड्रॉइड १० सपोर्ट देत आहे. अँड्रॉइड १० ओएस अधिक सुरक्षित, पारदर्शक आणि तुमच्या डेटावर अधिक नियंत्रण देणारी असेल.

अँड्रॉइड १० मध्ये नव्याने जोडण्यात आलेल्या सुविधा

• Foldables सपोर्ट : घडी घालता येणाऱ्या सॅमसंग गॅलक्सी फोल्ड सारख्या फोन्सना आता अधिकृत सपोर्ट मिळणार असून यामुळे हे फोन्स वापरणं आणखी सोपं होईल. येत्या काळात या प्रकारच्या फोन्सचं वाढणारं प्रमाण लक्षात घेऊन गूगलने हा बदल केला आहे. यामुळे फोन घडी घातलेल्या अवस्थेत करत असलेली गोष्ट घडी उलगडल्यावरसुद्धा मोठ्या स्क्रीनवर आपोआप अॅडजस्ट होईल!
• 5G Networks : लवकरच सर्वत्र सुरू होत असलेल्या 5G तंत्रज्ञानाला अँड्रॉइड १० सपोर्ट देत असून यामुळे अनेक पटींनी वाढलेल्या इंटरनेट स्पीडचा आनंद अॅप्स व गेम्सवर सहज घेता येईल!
• Live Caption : या सुविधेमुळे फोनमध्ये कुठेही ऑडिओ/व्हिडिओ सुरू असताना त्याच्या कॅप्शन्स पाहता येतील! https://youtu.be/YL-8Xfx6S5o
• Smart Reply in notifications : नोटिफिकेशन्समध्ये स्मार्ट रिप्लायची सोय जी मशीन लर्निंगचा वापर करून नोटिफिकेशनला अपेक्षित रिप्लाय स्वतःहून सुचवेल!
• Dark Theme : अँड्रॉइड १० मध्ये प्रथमच डार्क मोड थीमचा पूर्ण फोनमध्ये वापर करता येणार असून यामुळे डोळ्यांवरचा ताण कमी होईल आणि बॅटरीसुद्धा वाचेल!
• Gesture navigation : यामुळे नॅविगेशन बार गायब होणार असून केवळ जेश्चर (वेगवेगळे स्वाईप) आधारित नॅविगेशन वापराव लागेल.
• प्रायव्हसी : अलीकडे डेटा प्रायव्हसीवरून सुरू असलेल्या चर्चेला पर्याय म्हणून गूगलने अँड्रॉइड १० मध्ये बरेच नवे पर्याय जोडले आहेत जे आपल्याला डेटावर नियत्रण मिळवून देतील. यामध्ये प्रमुख पाऊल म्हणजे कोणत्या अॅपला कोणती परवानगी द्यायची याचं नियंत्रण. शिवाय लोकेशन, डिव्हाईस ट्रॅकिंगसाठीसुद्धा नवे पर्याय!
• Digital Wellbeing वर सुद्धा आणखी जास्त लक्ष देण्यात आलं असून फोकस मोडद्वारे आपल्याला फोन वापरण्यामधून विश्रांती घेण्यास, कोणत्या अॅपवर किती वेळ घालवला हे पाहण्यास मदत होईल.

The post अँड्रॉइड १० उपलब्ध : 5G सपोर्ट, डार्क थीम सारख्या नव्या सोयींची जोड appeared first on MarathiTech - मराठीटेक.