ही कंपनी आता फोन्स बनवत नाही हे दर्शवण्यासाठी नव्या लोगोची निर्मिती! जुनी नोकिया कंपनी आता नेटवर्क आणि क्लाऊड क्षेत्रात उत्पादने आणि सेवा पुरवते.

काही दिवसांपूर्वी मोबाइल वर्ल्ड कॉंग्रेस (MWC) मध्ये त्यांनी हा नवा बदल जाहीर केला आहे. नोकिया हा एकेकाळी सर्वात यशस्वी फोन ब्रॅंड होता मात्र काळानुरूप स्वतःमध्ये बदल न केल्याने त्यांना त्यांचा फोन बनवणारा विभाग विकुन टाकावा लागला. २०१४ मध्ये मायक्रोसॉफ्टने नोकियाचा फोन बिझनेस विकत घेतला. मात्र त्यांनासुद्धा तो चालवता आला नाही.

२०१६ मध्ये हा नोकिया नावाचा ब्रॅंड HMD Global या कंपनीने विकत घेतला आणि नोकिया मोबाइल या नावाने अँड्रॉइड स्मार्टफोन्स बाजारात आणले.

मात्र अजूनही लोकांना मूळ नोकिया कंपनी फोन कंपनी आहे असं वाटत असल्याचं नोकियाच्या प्रमुखांनी सांगितलं असून यामुळेच हा लोगो बदल करण्यात आला आहे. सध्या ही कंपनी जगभरात नेटवर्क, 5G, डेटा सेंटर, सेक्युरिटी, सॉफ्टवेअर सेवा पुरवत आहे.

The post नोकियाचा कंपनीचा नवा लोगो appeared first on MarathiTech - मराठीटेक.

इंन्स्टाग्रामने बऱ्याच दिवसांनी त्यांच्या एकूण रंगसंगती मध्ये बदल केला असून यामध्ये त्यांनी नवा लोगो, नवा फॉन्ट आणि इतर ब्रॅंड एलिमेंट्सचा समावेश केला आहे. नवा लोगो थोड्या वेगळ्या gradient मध्ये तयार करण्यात आला असून हा App लोगो सोबत इतर स्टोरी, क्रिएट मोड अशा ठिकाणीही वापरला जाईल.

नव्या लोगोसोबत त्यांनी Instagram Sans हा नवा फॉन्टसुद्धा आणला असून हा फॉन्ट वेगवेगळ्या टाइपसाठी अनेक भाषांना सपोर्ट करतो. जगभरात कुठेही तो पाहता आला पाहिजे असा यामागे प्रमुख उद्देश असल्याचं मेटातर्फे सांगण्यात आलं आहे.

लवकरच इंन्स्टाग्रामवर टिकटॉकप्रमाणे फीडमध्ये फुलस्क्रीन कंटेंट दाखवण्यास सुरुवात केली जाणार आहे. याची चाचणी सुरू झाली असून येत्या काही दिवसात हा बदल सर्वांना दिसू लागेल.

The post इंन्स्टाग्रामचा नवा लोगो, नवा फॉन्ट आणि इतर डिझाईनमध्ये काही नव्या गोष्टी! appeared first on MarathiTech - मराठीटेक.

गूगल क्रोम या जगातील सर्वाधिक वापरल्या जाणाऱ्या ब्राऊजरची शंभरावी आवृत्ती आजपासून उपलब्ध होत असून गूगलच्या या ब्राऊजरने अल्पावधीत गाठलेलं अव्वल स्थान अजूनही टिकवून ठेवलं आहे. या आवृत्तीमध्ये या निमित्ताने काही विशेष फीचर जोडण्यात आलेलं नाही मात्र त्यांचा नवा लोगो आता आणखी नव्या उपकरणांवर उपलब्ध झाला आहे.

गूगल क्रोम प्रथम सप्टेंबर २००८ मध्ये Beta आवृत्तीमध्ये सादर करण्यात आलं होतं. आता तब्बल १३.५ वर्षांनी याची १०० वी आवृत्ती आली आहे आणि त्याकाळी प्रसिद्ध असलेल्या इंटरनेट एक्सप्लोरर, फायरफॉक्स अशा सर्वांना मागे टाकत गेली कित्येक वर्षं हा ब्राऊजर प्रथम स्थानी विराजमान आहे! सोपा सहज इंटरफेस, वेगवान पेज लोडिंग, सुरक्षित असा हा पर्याय लगेचच लोकप्रिय झाला होता.

गूगल क्रोमचा हा नवा लोगो तब्बल ८ वर्षांनी बदलण्यात आला आहे. याबद्दल फेब्रुवारी मध्ये माहिती देण्यात आली होती. नव्या लोगोला आता आणखी फ्लॅट डिझाईनमध्ये रूपांतरित करण्यात आलं असून हा लोगो प्रत्येक ओएसवर त्या त्या ओएसला साजेशा स्वरूपात दिसेल. उदा. मॅकवर देण्यात आलेलं थोडंसं 3D डिझाईन!

अँड्रॉइडवर Chrome 100 मध्ये आणखी ठिकाणी त्यांचं नवं Material You डिझाईन पाहायला मिळेल.

हे अपडेट मिळवण्यासाठी तुमच्या ब्राऊजरमध्ये जाऊन उजव्या कोपऱ्यात तीन डॉट्स > Help > About Google Chrome वर जा आणि क्रोम अपडेट होऊ लागेल. फोनवर अपडेट करण्यासाठी प्ले स्टोअर किंवा ॲप स्टोअरमधून अपडेट करा. “chrome://whats-new/” या URL वर गेल्यास नव्या क्रोममधील सोयी दिसतील.

गूगल क्रोम डेव्हलपर्सनी या निमित्ताने #100CoolWebMoments या हॅशटॅग अंतर्गत developer.chrome.com/100/ या वेबसाइटवर गूगल क्रोमचा आजपर्यंतचा प्रवास मांडला आहे! सोबत या काळात संबंधित क्षेत्रात घडलेल्या विशेष गोष्टीसुद्धा येथे दिसतील!

मराठीटेकवरचा पहिला लेखसुद्धा गूगल क्रोमबद्दलच होता! 🙂

The post गूगल क्रोमची १०० वी आवृत्ती नव्या लोगोसह उपलब्ध! appeared first on MarathiTech - मराठीटेक.

गूगलने आज जाहीर केलेल्या माहितीनुसार त्यांच्या G Suite या सेवेचं नवं नाव आता गूगल वर्कस्पेस (Google Workspace) असं असणार आहे. यामधील जवळपास सर्व ऑफिस ॲप्सचा लोगो बदलून नव्याने डिझाईन करण्यात आला आहे. उदा. Gmail, Docs, Meet, Sheets आणि कॅलेंडर यांमध्ये नवे बदल करण्यात आले आहेत. या सेवा एकमेकांशी जोडलेल्या असून त्यांचा एकत्रित वापर करता येतो हे अधोरेखित करण्याच्या दृष्टीने हा बदल करण्यात आला असल्याचं सांगण्यात येत आहे.

गूगल वर्कस्पेस उपलब्ध करून देत असतानाच्या याच्या किंमती सुद्धा कमी करण्यात आल्या आहेत. आता Business Starter पॅक ₹१२५ दरमहा, Business Standard पॅक ६७२ दरमहा आणि Business Plus पॅकची ₹१२६० दरमहा अशी असणार आहे. या सर्व प्लॅन्समध्ये Gmail, Drive, Meet, Calendar, Chat, Docs, Sheets, Slides, Keep, Sites, Forms, Currents या सेवा मिळतील.

Google Workspace : https://workspace.google.com/

नव्या गूगल वर्कस्पेसबाबत माहिती देणारा व्हिडिओ : https://youtu.be/bE31y5HbukA

यामध्ये प्रमुख जाणवेल असा बदल म्हणजे जीमेल (Gmail) या लोकप्रिय ईमेल सेवेचा नवा लोगो. इतकी वर्षं खऱ्या पत्राच्या लिफाफ्याप्रमाणे असलेला हा लोगो आता गूगलच्या लोगोमधील रंग घेऊन तयार करण्यात आलेल्या M प्रमाणे दिसेल. यामुळे हा नवा लोगो Google Maps, Google Photos, Chrome यांच्या डिझाईन प्रमाणे दिसेल. इतर आयकॉन्सचा फार कोणी विचार करणार नाही मात्र जीमेलच्या लोगो बदलाबाबत आरडाओरड होणार हे नक्की!

Search Terms : Google rebrands G Suite as Google Workspace alongwith new logos for Gmail, Drive, Calendar

The post Gmail चा नवा लोगो : G Suite चं नवं नाव आहे Google Workspace! appeared first on MarathiTech - मराठीटेक.

गूगलने आजवर त्यांच्या लोकप्रिय मोबाइल ऑपरेटिंग सिस्टिमच्या विविध आवृत्त्यांची नावे डेझर्ट्सवरून ठेवली होती. उदा. कपकेक, डोनट, फ्रोयो(2.0), जिंजरब्रेड(2.3), हनीकोंब (3.0), आईसक्रीम सँडविच(4.0), जेली बीन(4.1), किटकॅट(4.4), लॉलीपॉप(5.0), मार्शमेलो(6.0), नुगट(7.0), ओरीओ(8.0) आणि पाय(9.0) मात्र आता येणाऱ्या नव्या आवृत्तीसाठी ही गोष्ट बदलणार आहे. काही महिन्यांपूर्वी जाहीर झालेल्या Android Q चं अधिकृत नाव आता Android 10 असं असणार आहे. याबद्दल आज गूगलतर्फे अधिकृत माहिती देण्यात आली आहे.

आज अँड्रॉइड फोन्ससोबत टीव्ही, लॅपटॉप, टॅब्लेट, कार्स, स्मार्टघड्याळे अशा अनेक उपकरणामध्ये जोडलेली असते. सध्या तब्बल २५० कोटी उपकरणामध्ये अँड्रॉइड अॅक्टिव आहे! नाव देण्याच्या पद्धतीमध्ये बदल करण्याबाबत गूगल अशी माहिती दिली आहे की जगात सर्वच ठिकाणी या नावांमागे असणारा उद्देश पोहचत नव्हता ज्यामुळे अनेकांना व्हर्जन्सविषयी संभ्रम निर्माण व्हायचा. कोणतं नाव असलेली ऑपरेटिंग सिस्टिम नवी आहे हे कळण्यास अवघड जात होतं. म्हणून आता अंक वापरुनच ऑपरेटिंग सिस्टिम आवृत्तीला नाव दिलं जाईल. ज्याची सुरुवात Android Q पासून होत असून आता याचं अधिकृत नाव Android 10 असं असणार आहे.

Next evolution of Android : https://youtu.be/l2UDgpLz20M

अँड्रॉइडच्या लोगो व ब्रॅंडच्या ओळखीमध्येसुद्धा २०१४ पासून बदल करण्यात आला नव्हता. मात्र आता अँड्रॉइडसाठी सुद्धा नवा लोगो तयार करण्यात आला आहे. अँड्रॉइड रोबॉटवरून प्रेरणा घेत हा नवा लोगो बनवल्याचं सांगण्यात येत आहे. अँड्रॉइड लोगोचा रंगसुद्धा हिरव्यापासून बदलून काळा करण्यात आला आहे. ज्यामुळे लोगो पाहणं आणि समजणं सोपं होईल!

सध्या गूगलचा हा अँड्रॉइडबद्दलचा निर्णय अनेकांना आवडला नाही असंच दिसतय सध्या ट्विटरवर #Android10 ट्रेंडसुद्धा पहायला मिळतोय. तिथे तुम्ही यूजर्सच्या प्रतिक्रिया वाचू शकता.

The post अँड्रॉइड Q चं नवं नाव अँड्रॉइड १० : अँड्रॉइडसाठी नवा लोगो सादर! appeared first on MarathiTech - मराठीटेक.