सध्या गूगल प्ले स्टोअरवर लाखो अॅप्स उपलब्ध आहेत. विविध गोष्टींसाठी हजारो पर्याय आपणासमोर असताना अनेक चांगले पर्याय पाहायचे राहून जातात यासाठीच आम्ही काही अॅपची यादी सोबतच त्याबद्दल थोडी माहिती या लेखामध्ये घेऊन आलो आहोत.

होय आता तुमच्या फोनवरून पाठवत असलेले संदेश जे सध्या नेहमीच्या मेसेजिंग अॅप मधून पाठवता ते कम्प्युटरवरून  सुद्धा पाठवता येतील! हल्ली व्हॉटसअॅप सारख्या मेसेजिंग सेवांमुळे एसएमएसचा वापर कमी झाला असला तरी महत्वाचे संदेश, कंपन्यांचे संदेश एसएमएस द्वारेच पाठवले जातात. आता हेच संदेश आपण आपल्याला आपल्या फोन क्रमांकावर येताच आपल्या कम्प्युटर (डेस्कटॉप/लॅपटॉप) वर सुद्धा पाहू शकतो आणि तेथूनच रिप्लायसुद्धा देऊ शकतो!       
गूगल सध्या रिच कम्युनिकेशन सर्व्हिस (RCS) या अधिक सुधारित मेसेजिंग साठी प्रयत्न करत आहे. त्यासाठीच GIF फाइल पाठवणे, स्मार्ट रिप्लाय, लिंक प्रिव्हयू अशा सोयी सुद्धा उपलब्ध करून दिल्या आहेत.

यासाठी तुमच्याकडे गूगलचं मेसेजिंग अॅप असायला हवं (काही फोन्समध्ये आधीपासूनच असेल नसेल तर प्ले स्टोअरवरून डाऊनलोड करू शकता लिंक : Android Messages on Google Play

त्यानंतर डेस्कटॉपवर क्रोम/ इतर ब्राऊजरमध्ये खालील प्रमाणे कृती करा आणि तुमच्या फोन व कम्प्युटर मध्ये सर्व मेसेज sync होतील…!       
अधिकृत माहिती : Android Messages on Web

search terms android messages web how to use view reply phone messages in computer desktop laptop

मोबाइल बँकिंग हा व्यवहार करण्याचा नवा मार्ग असून यामुळे रोख रक्कम जवळ बाळगण्याची किंवा साध्या कामासाठी बँकेमध्ये फेर्‍या मारण्याची गरज उरणार नाही. आता ही सुविधा जवळपास प्रत्येक प्रमुख बंकेमध्ये उपलब्ध असून मोबाइल अॅप्सद्वारे, एसएमएस द्वारे किंवा USSD द्वारेसुद्धा बँकिंगसाठी पर्याय उपलब्ध झाले आहेत. याबद्दल आपण एसबीआय एसएमएस बँकिंगची प्रक्रिया पाहूया…

मोबाइल एसएमएस बँकिंगसाठी नोंदणीची प्रक्रिया :
१. प्रथम खालील प्रमाणे एक SMS तुमच्या फोनवरून पाठवायचा आहे.
<MBSREG>  हा एसएमएस 9223440000 या क्रमांकावर पाठवा. तुम्हाला एक एसएमएस येईल ज्यामध्ये एक यूजरआयडी व एमपीन दिलेला असेल.
२. आता सर्वात आधी तो आलेला एमपीन (MPIN) बदलावा लागेल.
त्यासाठी SMPIN <user id> <old  pin> <new pin>  असा मेसेज 9223440000 या क्रमांकावर पाठवा.
उदा. जर तुमचा userid abc123 व mpin 654987 असेल आणि तुम्हाला नवा mpin 654321 असा लावायचा आहे तर खालीलप्रमाणे पाठवावा लागेल…
SMPIN abc123 654987 654321
३. यानंतर खात्री करण्यासाठी SACCEPT <user id> <new pin> हा मेसेज 9223440000 या क्रमांकावर पाठवा.
उदा.  SACCEPT abc123 654321
४. हा मेसेज पाठवल्यानंतर तुम्हाला पिन बदलल्याचा मेसेज येईल. त्यामध्येच पुढील नोंदणीची कृती ATM मध्ये जाऊन करायची आहे. यासाठी तुमचा मोबाइल व एटीएम कार्ड घेऊन जवळच्या एटीएम केंद्रावर जा.
आता ह्याला तीन पर्याय उपलब्ध आहेत. तुम्हाला सोयिस्कर वाटणारा पर्याय निवडा.
a. एटीएममध्ये जाऊन
b. नेटबँकिंगद्वारे ऑनलाइन वेबसाइटद्वारे
c. बँकेच्या शाखेमध्ये जाऊन
 
आम्ही पर्याय a उदारहरणादाखल देत आहोत.
५. आता एटीएम मशीनमध्ये नेहमीप्रमाणे कार्ड टाका, एटीएम पिन टाका.
६. आता मोबाइल बँकिंग (Mobile Banking) हा पर्याय निवडा
७. आता Registration हा पर्याय निवडा. आता तुमचा मोबाइल क्रमांक टाका
८. मोबाइल बँकिंगसाठी नोंदणी झाल्याचा एसएमएस बँकतर्फे मिळेल!

ही प्रक्रिया स्टेट बँक ऑफ इंडियासाठी असून इतर बँकांनी सुद्धा ही सुविधा उपलब्ध केली असून तुम्ही त्या त्या बँकबद्दल माहिती त्यांच्या वेबसाइटवर सहज पाहू शकता. जसे की axis बँकसाठी axis bank sms banking असा गूगल सर्च करा.
ह्याच सेवा SBI Freedom सारख्या अॅप्सद्वारे सुद्धा उपलब्ध आहे. म्हणजेच पर्याय अनेक उपलब्ध आहेत. आपण आपल्या सोयीनुसार कोणत्याही मार्गाने व्यवहार करू शकतो.

इतर महत्वाचे लेख :
◾ कॅशलेस अर्थव्यवस्था आणि नवे पर्याय !

सोशल नेटवर्किंगच्या दुनियेत ‘ फेसबुक ‘ खालोखाल लोकप्रिय असणाऱ्या ‘ ट्विटर ‘ ची जादू लवकरच ‘ डेटा कनेक्शन ‘ विना अनुभवणे सहज शक्य होणार आहे. त्यामुळे ‘ एंट्री लेव्हल ‘ सेगमेंटमधील मोबाइलवरही ‘ट्विटर ‘ च्या ‘ टेक्स्ट मेसेजिंग ‘ सेवेचा आनंद घेता येणार आहे. सर्वसामान्य मोबाइल ग्राहकांनाही ही सेवा उपलब्ध व्हावी, यासाठी ‘ ट्विटर ‘ ने सिंगापूरस्थित ‘ यूटोपिया मोबाइल ‘ नामक स्टार्टअप कंपनीसमवेत करार केला आहे. 

‘ यूटोपिया मोबाइल ‘ ने यापूर्वी ‘ फेसबुक ‘ शीही अशाच प्रकारचा करार केला होता. ‘ यूटोपिया ‘ चे सहसंस्थापक आणि सीईओ सुमेश मेनन यांनी दिलेल्या माहितीनुसार ‘ट्विटर ‘ ची ही सेवा पुढील वर्षीच्या पहिल्या तिमाहीत सुरू होईल. साध्या मोबाइलवर एक कोड नंबर डायल करून यूजरना या सेवेचा लाभ घेता येईल. सध्या जगभरातील १.१० कोटी यूजर ‘ यूटोपिया ‘ च्या ‘फोनट्विश सेवे ‘ च्या माध्यमातून ‘ डेटा कनेक्शन ‘शिवाय ‘ फेसबुक ‘ आणि ‘ गुगल टॉक ‘ सेवेचा आनंद घेत आहेत, असेही मेनन यांनी नमूद केले. 

‘ अनस्ट्रक्चर्ड सप्लिमेंटरी सर्व्हिस डेटा ‘ अर्थात ‘ यूएसएसडी ‘ नामक टेलिकॉम प्रोटोकॉलच्या माध्यमातून ‘यूटोपिया ‘ तर्फे ही सेवा सामान्य मोबाइलमधारकांना प्रदान करण्यात येणार आहे. ‘ यूएसएसडी ‘ चा अंतर्भावर असणाऱ्या साध्या मोबाइलधारकांना ‘ ट्विटर ‘ चा वापर करता येईल. पण, त्यांना होमपेजवरील छायाचित्रे, व्हिडिओ आणि अन्य प्रकारची ग्राफिक्स पाहता येणार नसल्याचेही मेनन म्हणाले. 

विकसनशील राष्ट्रांमधील प्रत्येकी दहा मोबाइलधारकांमध्ये ८ मोबाइलधारक पॉकेट डेटा वापरत नाहीत. त्यामुळे अशा मोबाइलधारकांना विना इंटरनेट सोशल नेटवर्किंगचा आनंद घेता येण्यासाठी ‘ यूटोपिया ‘ प्रयत्नशील असल्याचेही मेनन म्हणाले. जगभरात सोशल नेटवर्किंगच्या संपर्कात राहणाऱ्यांच्या संख्येत मोठी वाढ होत आहे. विशेषतः ​विकसनशील राष्ट्रांमध्ये हे प्रमाण अधिक आहे. या राष्ट्रांमधील तरुणवर्ग डोळ्यासमोर ठेवून अशाप्रकारच्या सुविधा देण्याकडे कंपनीचा कल असल्याचेही त्यांनी स्पष्ट केले. आशिया, आफ्रिका आणि दक्षिण अमेरिका आदी खंडांमधील तरुणाईचा सोशल नेटवर्किंगकडे कल अधिक असल्याचेही ते म्हणाले.