Tag: Social

फेसबुक हे व्यक्त होण्याचं साधन झालं आहे. वैयक्तिक आणि आजूबाजूला घडणाऱ्या घडामोडींवर इथे मत दिलं जातं. त्या मतांमध्ये जाणवतो तारतम्याचा ...

व्हॉटसअॅप नाही असे स्मार्टफोन युजर फारच कमी असतील . पण प्रत्येकाकडे व्हॉटसअॅप आहे ,मग आपल्याकडे त्यापेक्षा वेगळे काही तरी असले पाहिजे असे अनेकांना वाटते . व्हॉटसअॅपला पर्याय असलेले अनेक अॅप उपलब्ध आहेत . अशाच काही अॅप्सविषयी ...  वायबर अॅप वायबर अॅप हे व्हॉटसअप सारखेच आहे . यात आपल्याला एका कोडद्वारे रजिस्टर करता येतेआणि ते आपल्या फोनवर मेसेजद्वारे मिळते . फोनमधले कॉन्टॅक्ट्स स्वत : शोधून हे अॅपआपल्याला मित्र - परिवाराशी जोडते . हे अॅप तुमच्या फोनमधील अॅड्रेस बुकमधील अन्य कॉन्टॅक्ट्सआधीपासूनच वायबरवर जोडलेले आहेत का , ते तपासून पाहते . या अॅपचे वैशिष्ट्य म्हणजे , याअॅपद्वारे तुम्हाला इंटरनेटचा वापर करून फोन करता येतो तोही फ्री . यात ३जी आणिवायफायमध्ये सर्वात उतम व्हॉइस क्वालिटीमध्ये कॉल करता येतो .  वुई - चॅट हे चीनमधील सर्वात लोकप्रिय मेसेजिंग अॅप आहे . यामध्ये रजिस्टर करण्याची प्रक्रिया ही व्हॉटसअॅपसारखीच आहे . कारण यातही प्रोसेस आपल्या मोबाइल नंबर एंटर करण्याची आहे . त्यानंतरएक फॉलोअप मेसेज मिळतो , ज्यात तुमचा व्हेरिफिकेशन कोड असतो . यामध्ये तुम्हाला तुमचेफेसबुक आणि इतर ईमेल अकाउंट्स कनेक्ट करून अधिक लोकांशी जोडणे सोपे होते . या अॅपचीअन्य आकर्षणे म्हणजे शेअरिंग पिक्चर्स , काँटॅक्ट्स , युजरचे करेक्ट लोकशन आणि व्हिडिओ चॅट.  चॅट - ऑन चॅट - ऑन हे सॅमसंग कंपनीने तयार केलेले अॅप आहे . हे अॅप एक बेसिक मेसेजिंग अॅप मानलेजाते . यात कॉलिंग फीचर्स उपलब्ध नाहीत . हे अॅप सॅमसंगचे असले , तरी हे सगळ्या मोबाइलप्लॅटफॉर्म्सवर उपलब्ध आहे . या अॅपच्या नोंदणीसाठी सॅमसंग अकाउंटचा वापर करता येतो किंवाही प्रक्रिया वगळून डायरेक्ट नाव आणि नंबर रजिस्टरकरून हे अॅप वापरता येते . हे अॅप तुमच्याफोनमधले ऑनबोर्ड काँटक्ट्स स्वतः चेक करून या अॅपचे इतर यूजर्स शोधते . या अॅपद्वारेआपल्याला फक्त चॅट - ऑन यूजर्सशी चॅट करता येते .  किक मेसेंजर किक मेसेंजरमध्ये आपल्याला आपल्या ई - मेल आयडीद्वारे रजिस्टर करून एक युनिक यूजरनेमनिवडता येते . या अॅपमध्ये यूजर आयडीने इतर लोक आपल्याला शोधू शकतात . हे अॅप ईझी टूयूज आहे आणि ऑन टाइम मेसेज पण पाठवते . या अॅपमध्येही कॉलिंग फीचर्स उपलब्ध नाहीत .पण हे अॅप विविध मोबाइल ऑपरेटिंग सिस्टमवर वापरता येते .  लाइव्ह प्रोफाइल लाइव्ह प्रोफाइल हे अॅप ईमेल अकाउंटद्वारे रजिस्टर करता येते . तुमचा फोन नंबर या अॅपमध्येदाखल केल्याने दुसऱ्या यूजर्सना तुम्हाला शोधता येते . प्रत्येक अकाउंटला एक लाइव्ह प्रोफाइल पीनदिला जातो , जो आपल्याला आपल्या मित्रांशी शेअर करता येतो . या अॅपमध्ये तुम्हाला कॉलिंगफीचर्स उपलब्ध नाहीत . पण मेसेजिंगद्वारे पिक्चर्स , व्हिडिओस शेअर करून किंवा ग्रुप चॅटनेसंवाद साधता येतो .  स्काइप स्काइपमध्ये तुमच्या माइक्रोसॉफ्ट अकाउंटमधून साइन इन करून तुमचा मेसेंजर मिळवता येतो ,ज्यात हॉटमेल आणि आउटलुकच्या काँटॅक्ट्सना एकत्र आणता येते . या अॅपद्वारे तुम्हाला तुमच्याखूप जुन्या फ्रेण्ड्ससोबत कनेक्टेड राहता येते . स्काइप हे अस अॅप आहे , ज्यात आपल्याला फ्रीकॉल व टेक्स्ट मेसेज करता येतात , पण फक्त स्काइप यूजर्ससोबत . परंतु तुम्हाला हव्याअसलेल्या युजर्सना अप्रुव्ह करून तुम्हाला त्याच्याशी संवाद साधता येतो . हे अॅप त्याच्यारिलायेबिलिटी आणि स्टेबिलिटीसाठी प्रसिद्ध आहे .  काको टॉक मेसेंजर हे अॅप तुमचा फोन नंबर डिटेक्ट करून तुम्हाला मेसेजद्वारे ४ डिजिट व्हेरिफिकशन कोड मेसेजपाठवते . ही प्रोसेस संपल्यावर ते आपल्या काँटॅक्ट्समधील युजर्सना शोधते . या अॅपमध्ये तुम्हालापिक्चर्स , ऑडियो नोट्स , कॅलंडर आणि काँटॅक्ट इन्फर्मेशन शेअर करता येते . या अॅपचे वैशिष्ट्यम्हणजे , याद्वारे तुम्हाला इंटरनेटचा वापर करून फ्री कॉलही करता येतो . हे वायबार अॅपसारखेचआहे .  फेसबुक मेसेंजर हे अॅप तुम्हाला तुमच्या फ्रेंडसशी चॅट करण्यात मदत करते . या अॅपचे इंटरफेस चांगले आहे . पण हे अॅप अतिशय स्लो आहे . यामधून तुम्हाला केवळ तुमच्या फेसबुक फ्रेंडशीच चॅट करता येऊ शकते. यामुळे हे वॉटस अॅपसाठी पर्याय न ठरता ते त्याच्यासोबत वापरता येणारे एक अॅप असू शकते .  लाइन अॅप लाइन अॅप तुमचा फोन नंबर त्याच्या डेटाबेसशी जोडते , ज्यामुळे तुम्हाला तुमच्या फोन काँटॅक्ट्समधील लाइन यूजर्सशी सहज संवाद साधता येतो . या अॅपमध्ये रजिस्ट्रिंग प्रोसेस वायबरसारखीच आहे आणि या अॅपचे मुख्य वैशिष्ट्य म्हणजे तुम्हाला पीसी किव्हा मॅक - ओएस द्वारेही रिप्लाय करता येतो . मेसेजिंगच्या व्यतिरिक्त तुम्हाला लाइन यूजर्सशी इंटरनेटचा वापर करून फ्रीफोन करता येतो .  ग्रूप - मी ग्रूप - मी हे नाव ऐकून तुम्हाला कळलच असेल की हे अॅप ग्रूप चॅटसाठी खूप उपयुक्त आहे . हे अॅप व्हॉटसअपसारखे आहे , ज्यात आपल्याला एका कोडद्वारे रजिस्टर करता येते आणि ते आपल्या फोनवर मेसेजद्वारे मिळते . या अॅपचे वैशिष्ट्य म्हणजे , तुम्हाला ग्रुप चॅट मेसेजिंगद्वारेही संवाद साधता येतो . म्हणजेच तुमच्या मित्रांमधील कोणाकडे ३जी कनेक्शन नसेल ,तरीही त्याला या ग्रुप चॅटमधील मेसेज मिळतील आणि तेही फक्त काही ठराविक फी मोबाइल ऑपरेटरला देऊन. अमेरिकेतील व्यक्तींना मेसेज पाठवण्यासाठी प्रत्येक मेसेजसाठी पैसे आकारले जातात . >> पराग मयेकर 

सोशल नेटवर्किंग साइट्स . रोज एकदा तरी व्हिजिटकेल्याशिवाय कुणाचे पानही हलत नसेल , इतके त्याचे महत्त्व . फ्रेंडलिस्ट वाढवण्याची इच्छा आणि चॅटिंगकेल्याशिवाय चैन न पडणे , हे या साइट वापरणाऱ्यांचे वैशिष्ट्य . आताच्या काळात कुणीही या साइट्सचे महत्त्वनाकारणार नाही . अमेरिकेत मात्र नुकत्याच केलेल्या एका संशोधनात ही दुनिया आभासीच असल्याच्या मुद्द्यावरशिक्कामोर्तब करण्यात आले . अण्णा हजारे यांची चळवळ , इजिप्तमधील नागरी चळवळ बऱ्यापैकी यशस्वीहोण्यामागे सोशल नेटवर्किंग साइट्सही कारणीभूत होत्या , असा दावा अनेकांनी केला . या दाव्याला धक्कापोहोचविणारे संशोधन तिथे झाले आहे . कुठलीही संकटकालीन परिस्थिती ( भूकंप , पूर इत्यादी ), मोठ्याप्रमाणावरील नागरी चळवळी यांमध्ये सोशल नेटवर्किंग साइट्स परिणामकारक ठरत नाहीत , असे हे संशोधनसांगते . उलट अशा प्रकारच्या साइट्सचा वापर अपेक्षित मदतकार्याला किंवा चळवळीला मारकच ठरतो , असाही दावा करण्यात आला आहे .  अमेरिकेतील ' डिफेन्स अॅडव्हान्स्ड् रिसर्च प्रोजेक्ट एजन्सी ' ने २००९मध्ये हा प्रयोग केला . या प्रयोगातीलनिष्कर्षावरून संशोधकांनी सोशल नेटवर्किंग साइट्सच्या परिणामकारकतेवर भाष्य केले आहे . नेटवर्किंगसाइट्सचा वापर आणि त्याची प्रत्यक्षातील परिणामकारकता या प्रयोगात तपासण्यात आली . साइटच्यावापरामुळे एखाद्या संकटकालीन परिस्थितीत प्रत्यक्ष किती जण मदतीला आले एखादी चळवळ प्रत्यक्षात कितीमोठ्या प्रमाणात फोफावली , हे तपासण्यात आले . त्यासाठी एक अनोखा प्रयोग करण्यात आला . चाळीस हजारडॉलरचे पारितोषिक त्यासाठी ठेवण्यात आले . अमेरिकेमध्ये वेगवेगळ्या अशा दहा ठिकाणी ' वेदर बलून्स 'ठेवण्यात आले . कमीत कमी वेळात ते शोधून काढायचे होते . या प्रयोगामध्ये ' मॅसॅच्युसेट्स इन्स्टिट्यूट ऑफटेक्नॉलॉजी ' ( एमआयटी ) विजेती ठरली . त्यांना त्यासाठी नऊ तास लागले .  विजेत्यांना वृत्तपत्रे , रेडिओ , टीव्ही या पारंपरिक संवादाच्या साधनांशिवाय , केवळ सोशल नेटवर्किंगसाइट्सच्या वापराने हे बलून लवकर शोधता आले असते ; पण तसे झाले नाही . विजेत्या स्पर्धकांकडे केवळसोशल नेटवर्क होते म्हणून ते जिंकले नाहीत , तर त्यांनी ते नेटवर्क परिणामकारकरित्या उपयोगात आणले .त्यांच्या नेटवर्कच्या परिणामकारक उपयोगामध्ये साइट्स फारशा कामी आल्या नाहीत . कामी आले , ते त्यांनीप्रत्यक्ष जोडलेले नेटवर्क आणि ते वापरण्याचे त्यांच्याकडे असलेले कसब . त्यामुळे काही ठराविक परिस्थितीमध्येचसोशल नेटवर्किंग साइट्सचा वापर परिणामकारक ठरतो , असा निष्कर्ष अंतिमतः काढण्यात आला .  सोशल नेटवर्किंग साइट्समुळे नागरी उठावांना चालना मिळते , असा दावा करणाऱ्यांना या संशोधनाने चोखउत्तर दिले आहे . वेगळ्या शब्दात सांगायचे झाल्यास साइट्सचा वापर प्रचारासाठी होऊ शकतो ; पण याप्रचाराचा परिणाम प्रत्यक्षात शंभर टक्के दिसेलच , असे मात्र नाही . 

इंटरनेटचे दर आवाक्यात आल्याने आणि स्पर्धेमुळेमोबाइलच्या , विशेषतः फीचर फोनच्या किमती कमी झाल्याआहेत . त्यामुळे अनेक तरुणांच्या हातात अशा प्रकारचे फोन दिसू लागले आहेत . साहजिकच एवढा मोठा ग्राहकवर्ग कशाला हातातून सोडायचा ? नफा थोडा कमी झाला , तरी चालेल . मात्र , दीर्घकालीन ग्राहक मिळतील या हेतूने कंपन्यांनीदेखील स्वस्तातइंटरनेट प्लॅन उपलब्ध करून दिले आहेत . सोशल नेटवर्किंगचा वापर हा आता नेटवर्किंगपुरता राहिलेला नाही .विशेषतः तरुणांमध्ये अशा साइटची ' क्रेझ ' वाढली आहे . काही प्रमाणात वरिष्ठही त्यातून सुटलेले नाहीत . त्यामुळेएखादी गोष्ट शेअर झाल्याने पंचाईत होईल का , याचीही फारशी काळजी घेतली जात नाही . आयुष्यात घडेल तीगोष्ट ( अपवाद ) मग ती खासगी असो किंवा सार्वजनिक स्वरूपाची ; ती शेअर करण्याची हौस वाढत चालली आहे .त्यावरील अनेक कॉमेंटही अंगाशी येण्याची शक्यता नाकारली जात नसतानाही ' क्रेझी किया रे ' असेच काहीसेसोशल नेटवर्किंगबाबत झालेले आहे . आज बायकोने अमूक एक भाजी केली होती , असेच सोशल नेटवर्किंगसाइटवर शेअर झाले होते . अर्थात , त्याला सर्वच पातळीवरून कॉमटेंरूपी फोडणीचा तडका मिळाला . अखेरपंचाईत झाली . सोशल नेटवर्किंगवरून कोणती गोष्ट शेअर करावी याचे भान हरपून जात असल्याचे यातून पुढे येतआहे . ब्रिटनमध्ये सोशल नेटवर्किंगवरून शेअर केल्या जाणाऱ्या गोष्टींबाबत पाहणी करण्यात आली . सोशल नेटवर्किंगसाइटवरून शेअर होणारे फोटो हा तरुणांच्या काळजीचा विषय बनला आहे . त्यांनी याबाबत मोठी चिंता व्यक्तकेली आहे . आपले अनाकर्षक फोटो अपलोड होणार नाहीत ना , हीच काळजी त्यांना अधिक लागली आहे . एकाताज्या पाहणीनुसार दहापैकी चार तरुणांना याबाबत भीती वाटत आहे . स्वतःचे अनाकर्षक फोटो आपले मित्रअपलोड , तर करणार नाहीत ना याची काळजी महिलांमध्ये सर्वाधिक आहे . ब्रिटनमध्ये फेसबुकचा वापर सरासरीएक तास वीस मिनिटे केला जातो . मात्र , त्यापेकी दहा टक्के जणांचा वापर हा दिवसाला आठ तासांहून अधिक आहे. एकाच ड्रेसमधील फोटो दोन वेळा प्रसिद्ध झाल्यास अॅपिअरन्सवर परिणाम होण्याची भीती २५ टक्क्यांहूनअधिक जणांना वाटत आहे ; तसेच एखाद्या कार्यक्रमाचे निमंत्रण नसल्यास मित्र सोशल नेटवर्किंग साइटवरत्याबद्दल चर्चा करत असल्यास नैराश्य येते , वा आपण लोकप्रिय नसल्याची खंत वाटते . सोशल नेटवर्किंगमुळे नवीपिढी चिकित्सक होत चालली आहे , असे मानसोपचारतज्ज्ञ ग्राहम जोन्स यांनी नमूद केले आहे . त्यामुळेतरुणांमध्ये वाढलेल्या या सोशोमेनियाचे प्रमाण कमी व्हायला हवे .