गेल्या आठवड्यात शायोमीने Mi Super Bass Wireless Headphones १५ जुलै पासून अॅमेझॉन प्राईम डे निमित्ताने सादर होतील असं जाहीर केलं होतं. त्यानुसार काल सुरू झालेल्या प्राइम डे मध्ये हे हेडफोन्स भारतात उपलब्ध झाले आहेत. या हेडफोन्सची किंमत १७९९ असणार आहे. बेसकडे खास लक्ष दिलेल्या या हेडफोनमध्ये 40mm डायनॅमिक ड्रायव्हर आहे. हे हेडफोन्स वायर्ड किंवा वायरलेस दोन्ही प्रकारे वापरता येतात. यामध्ये Bluetooth 5.0, वॉइस असिस्टंटचा समावेश असून २० तासांची बॅटरी लाईफ आहे!
मी सुपर बेस वायरलेस हेडफोन्समध्ये 400mAh बॅटरी असून याद्वारे एक चार्जमध्ये ३०० गाणी वायरलेस मोडमध्ये ऐकता येतील! याला पूर्ण चार्ज करण्यास २ तास लागतील. त्यासाठी याला एक MicroUSB पोर्ट देण्यात आला आहे. याच्या 40mm drivers मुळे गाणी किंवा साऊंडचा बेस उत्तम राहील. हेडफोन्सचं वजन 150 ग्रॅम्स आहे.
