Ubisoft ने आज जाहीर केलेल्या माहितीनुसार त्यांच्या रेनबो सिक्स सीज (Rainbow Six Siege) ची मोबाइल आवृत्ती Rainbow Six आता फोन्सवर उपलब्ध होणार आहे. Rainbow Six Siege ही खूप लोकप्रिय ऑनलाइन मल्टीप्लेयर गेम अजूनही लाखों गेमर्स ही गेम खेळत आहेत.
ही गेम तिच्या पीसी/कॉन्सोल आवृत्तीप्रमाणेच असणार असून 5v5 अटॅक आणि डिफेंस मोड आणि त्यांच्यासोबत विविध गॅजेट्स, ड्रोन्स, एक्स्पलोझिव्ह असं सर्वकाही पाहायला मिळेल.
पब्जीने आणलेल्या पब्जी मोबाइलच्या यशानंतर कॉन्सोल/पीसी गेम्स फोनवर उपलब्ध करून देण्यात कॉल ऑफ ड्यूटी, एपेक्स लेजन्ड्स आणि आता रेनबो सिक्सचा समावेश झाला आहे.
ही गेम iOS व अँड्रॉइड दोन्हीकडे मोफत उपलब्ध होणार आहे. या गेमचा व्हिडिओ प्रकाशित करण्यात आला आहे मात्र ही गेम नेमकी कधी डाउनलोड करता येणार ते अजून सांगितलेलं नाही. त्यामुळे सध्यातरी तुम्ही त्यांच्या वेबसाइटवर फक्त नोंदणी करून ठेऊ शकता.
https://www.ubisoft.com/en-gb/game/rainbow-six/mobile
