गूगलने मे महिन्यात जाहीर केल्यानुसार आज त्यांचे नवे पिक्सल फोन्स सादर केले आहेत. विशेष म्हणजे बऱ्याच वर्षांच्या प्रतिक्षेनंतर प्रथमच गूगलचे मुख्य सिरीजमधील पिक्सल फोन्स भारतात उपलब्ध होणार आहेत. आज झालेल्या मेड बाय गूगल कार्यक्रमात याची घोषणा करण्यात आली. यासोबत Google Pixel Tablet, Pixel Watch सुद्धा सादर करण्यात आले आहेत.
दोन्ही फोन्समध्ये Magic Eraser नावाची सोय आहे ज्याद्वारे फोटोमधील नको असलेल्या व्यक्ती किंवा वस्तु एका क्लिकवर काढून टाकण्याची सोय आहे. कॅमेराच्या बाबतीत तर गूगलने पिक्सलला सर्वोत्तम बनवलं आहेच. माणसांच्या त्वचेचे रंग विनाकारण गोरा करणाऱ्या फोन कॅमेराऐवजी आहे असे रंग टिपण्यासाठी गूगलने यावेळी खास प्रयत्न केले आहेत. Clear Calling नावाच्या सोयीद्वारे बॅकग्राऊंड नॉईस म्हणजे आपल्या आजूबाजूचा आवाज कमी केला जाईल.
गूगलच्या या नव्या Pixel 7 & 7 Pro मध्ये त्यांचा स्वतःचा Tensor G2 नावाचा प्रोसेसर असेल. Pixel 7 मध्ये 6.3″ FHD+ AMOLED 90Hz डिस्प्ले, 4355mAh बॅटरी, 30W फास्ट चार्जिंग, USB Type C 3.2, 50MP Wide + 12MP Ultrawide कॅमेरा सेटप, फ्रंट कॅमेरा 10.8MP अशा सुविधा दिल्या आहेत.
7 Pro मध्ये 6.7″ FHD+ AMOLED 120Hz डिस्प्ले, 5000mAh बॅटरी, 30W फास्ट चार्जिंग, USB Type C 3.2, 50MP Wide + 48MP Telephoto + 12MP Ultrawide कॅमेरा सेटप, फ्रंट कॅमेरा 10.8MP अशा सुविधा दिल्या आहेत.
भारतात या फोनची किंमत ₹५९९९९ आणि ₹८४९९९ अशी ठेवली असून प्रि ऑर्डर करणाऱ्या ग्राहकांना अनेक ऑफर्स दिलेल्या आहेत. ऑफर्स लावून यांची किंमत अनुक्रमे ₹४९९९९ आणि ₹६९९९९ अशी होते. दोन्ही फोन आता फ्लिपकार्टवर प्रि ऑर्डरसाठी उपलब्ध झाले असून १३ ऑक्टोबरपासून सर्वाना मिळण्यास सुरुवात होईल.
Pixel 7 Pro Specs
डिस्प्ले : 6.7″ FHD+ AMOLED display 120Hz refresh rate, HDR10+ Corning Gorilla Glass Victus
प्रोसेसर : Google Tensor
रॅम : 12GB LPDDR5
स्टोरेज : 128GB/256GB/512GB UFS3.1
कॅमेरा : 50MP Wide + 48MP Telephoto + 12MP Ultrawide
फ्रंट कॅमेरा : 10.8MP
बॅटरी : 5000mAh 30 watt Fast Charging Wired
ऑपरेटिंग सिस्टम : Android 13
इतर : In-display fingerprint scanner, 5G, Wi-Fi 6E, Bluetooth 5.2, GOS, NFC and USB type-C 3.2 Gen 2
किंमत : 12GB+128GB ₹84999
Search Terms : Google Pixel 7 Pixel 7 Pro India Launch Price on Flipkart Pre Order Offers
