एयरटेल त्यांच्या सर्व ग्राहकांसाठी आणखी एक ऑफर आणली असून या अंतर्गत त्यांच्या प्रिपेड, पोस्टपेड, ब्रॉडब्रॅंड आणि डीटीएच युजर्सना ४००० रुपये किंमतीचं अडोबी एक्सप्रेस प्रीमियम १२ महिन्यांसाठी मोफत वापरता येणार आहे! अडोबी एक्सप्रेस ही अडोबी कंपनीचं फोटो एडिटिंग, इमेज क्रिएशन, सोशल मीडिया पोस्ट्स, इमेजेस, व्हिडिओ तयार करण्यासाठीचं ॲप आहे. यामध्ये अनेक AI सुविधासुद्धा आहेत.
या प्रीमियम प्लॅनमध्ये तुम्हाला AI ने इमेजेस तयार करण्याची सोय, बॅनर्स सोशल मीडिया पोस्ट्स तयार करता येतील. एका क्लिकवर व्हिडिओ बनवता येतील. फोटोमधील बॅकग्राउंड काढता येईल. 350000+ टेंप्लेट, 250 AI Credits दरमहा, 200M+ स्टॉक फोटोज, ३०००० फॉन्ट आणि 100GB क्लाऊड स्टोरेज मिळेल!
एयरटेलची ऑफर Claim कशी करायची ?
- Airtel Thanks App डाउनलोड करून उघडा. तुमच्या एयरटेल फोन नंबर वापरुन लॉगिन करा.
- आता Manage Services विभागात जाऊन Claim OTTs & More वर टॅप करा
- आता आलेल्या पर्यायांमध्ये Adobe Express Premium वर टॅप करा
- आता टॅप केल्यावर अडोबीची वेबसाइट उघडेल तिथे तुमचा ईमेल आयडी टाकून अकाऊंट तयार करा.
- Redeem प्रक्रिया झालेली दिसेल
- आता पुन्हा Airtel Thanks मध्ये गेल्यावर तिथे त्याची वैधता दिसेल.
- https://www.adobe.com/in/express लिंक वर जाऊन Adobe Express डाउनलोड करू शकता.
- Adobe Express उघडल्यावर Step 4 मध्ये दिलेला Email ID आणि पासवर्ड टाइप करून लॉगिन करा.
२९ जानेवारी २०२६ पासून २८ जानेवारी २०२७ दरम्यान कधीही तुम्ही ही ऑफर Claim करू शकता
Claim केल्यापासून १२ महिने ही ऑफर तुमच्या एयरटेल नंबरला उपलब्ध असेल. मात्र तुम्ही त्या सर्व १२ महिन्यांमध्ये एयरटेलचा रीचार्ज करून सिम ॲक्टिव ठेवावं लागेल.
होय तुम्ही डेस्कटॉप ब्राऊजर, आयफोन, अँड्रॉइड फोन अशा कोणत्याही ब्राऊजरअसलेल्या उपकरणावर ही सेवा वापरू शकता.
एयरटेलने काही महिन्यांपूर्वीच त्यांचा सर्व ग्राहकांना Perplexity Pro चं सबस्क्रिप्शन मोफत दिलं होतं. मात्र नंतर मधूनच त्यांनी ग्राहकांना त्यांचे कार्ड डिटेल्स जोडण्यास सांगितले त्यामुळे नंतर अनेकांनी त्या सेवेचा वापर थांबवला. सध्या भारतीयांना मोफत AI सेवा उपलब्ध करून देण्यामध्ये आता आणखी एका कंपनीची भर पडली आहे.
