अडोबीने आपल्या प्रमुख क्रिएटिव्ह आणि प्रोडक्टिव्हिटी टूल्स Adobe Photoshop, Adobe Express आणि Adobe Acrobat यांचा ChatGPT मध्ये थेट समावेश केला आहे. या मोठ्या अपडेटमुळे ChatGPT वापरकर्त्यांना त्यांच्या प्लॅटफॉर्मवरच फोटोशॉपमधील काही सोयी वापरता येणार आहेत तेसुद्धा मोफत!

या नव्या इंटिग्रेशनमुळे बेसिक फोटो एडिटिंग, डिझाईन्स आणि डॉक्युमेंट एडिटिंग ChatGPT मध्येच करता येईल.

ChatGPT मध्ये फोटोशॉप कसं वापरायचं ?

1. ChatGPT वर जा त्यानंतर डाव्या कोपऱ्यात खाली तुमच्या प्रोफाइलवर क्लिक करून Settings मध्ये जा
2. आता आलेल्या स्क्रीनवर Apps & Connectors निवडा
3. आता Browse Apps मधून Adobe Photoshop सिलेक्ट करा
4. त्यानंतर आलेल्या स्क्रीनवरील मेसेज वाचून Connect वर क्लिक करा.
5. आता तुम्ही जिथे ChatGPT सोबत चॅट करता तिथे खाली असलेल्या + वर क्लिक करून More > Adobe Photoshop सिलेक्ट करा
6. आता तुम्हाला एडिट करायची असेल ती फाइल अपलोड करा आणि तुम्हाला हवा असलेला बदल ChatGPT ला सांगा.

Photoshop आता ChatGPT मध्ये फोटोशॉपच्या मदतीने आता तुम्ही:

• विशिष्ट फोटो भाग सुधारू शकता
• ब्राइटनेस, कॉन्ट्रास्ट, एक्सपोजर बदलू शकता
• इफेक्ट्स लावू शकता
• बॅकग्राऊंड काढून टाकू शकता.
• याचं सर्व नियंत्रण स्लायडर्ससहित ChatGPT मध्ये मिळते, ज्यामुळे एडिटिंग सोपं होईल.

ChatGPT मध्ये फोटोशॉपसाठी उपलब्ध prompts

• Blur background.
• Make my image look creative with effects
• Remove background
• Make colors more vibrant
• Pop subject
• Apply an effect or adjustment to the background
• Apply an effect or adjustment to a specific part of the image

या नवीन Adobe टूल्स सर्व ChatGPT वापरकर्त्यांसाठी पूर्णपणे मोफत उपलब्ध आहेत. Photoshop, Adobe Express आणि Acrobat ChatGPT च्या: डेस्कटॉप, वेब, iOS वर उपलब्ध आहेत. Android साठी तूर्तास फक्त Adobe Express चाच सपोर्ट आहे. Photoshop व Acrobat लवकरच Android च्या ChatGPT ॲपवर येत आहेत.

अर्थात हे पूर्ण फोटोशॉप सॉफ्टवेअर नाही. अगदी मर्यादित सोयी याद्वारे देण्यात आल्या आहेत. शिवाय आपल्याला आणखी पर्याय हवे असतील तर Adobe Photoshop Web कडे जा असा मेसेजसुद्धा दिसतो. थोडक्यात छोटं एडिटिंग व इफेक्टस् असतील तर ते याद्वारे करता येईल. त्यापेक्षा आणखी पर्याय हवे असतील तर फॉटोशॉप वेब वर जा आणि त्यापेक्षाही आणखी सोयी हव्या असतील तर नेहमीचं फोटोशॉप सॉफ्टवेअर वापरा.

अधिक माहितीसाठी संदर्भ : https://blog.adobe.com/en/publish/2025/12/10/edit-photoshop-chatgpt

The post अडोबी फोटोशॉप आता ChatGPT मध्ये उपलब्ध! appeared first on MarathiTech - मराठीटेक.

OpenAI ने भारतीय वापरकर्त्यांसाठी मोठी घोषणा केली आहे. ChatGPT Go हा पेड प्लॅन आता भारतात एक वर्षासाठी मोफत उपलब्ध होणार आहे. साधारणपणे या प्लॅनची किंमत ₹३९९ प्रति महिना (म्हणजे वर्षाला जवळपास ₹४७८८) असते, पण आता भारतीय युजर्सना तो पूर्णपणे फ्री मिळणार आहे.

ChatGPT Go मध्ये काय काय मिळणार?

ChatGPT Go हा OpenAI चा त्यांचा सर्वात स्वस्त सबस्क्रिप्शन प्लॅन आहे. हा प्लॅन फ्री व्हर्जनपेक्षा खूप जास्त सुविधा देतो

• जास्त मेसेज लिमिट मिळते(फ्री व्हर्जनपेक्षा दहा पट जास्त मेसेजेस)
• अधिक लवकर उत्तरे मिळतील
• अधिक इमेज जनरेशन (AI इमेजेस तयार करण्याची सुविधा)
• अधिक फाईल अपलोड करून त्यावर काम करण्याची सोय
• GPT-5 या लेटेस्ट मॉडेलचा वापर करता येणार

OpenAI ने नुकताच डेव्हलपर्ससाठी DevDay Exchange Bengaluru हा त्यांचा भारतातील पहिला मोठा कार्यक्रम आयोजित केला. त्याच निमित्ताने भारतीय युजर्ससाठी ही ऑफर जाहीर करण्यात आली आहे. भारत हा OpenAI साठी सर्वात वेगाने वाढणारा बाजार आहे. भारतीय युजर्सचा उत्साह लक्षात घेऊन ही ऑफर देण्यात आली आहे.

ऑफर कशी मिळवायची?

• ४ नोव्हेंबर २०२५ पासून ही ऑफर सुरू झाली आहे
• नवीन आणि आधीचे दोन्ही युजर्स ही ऑफर ॲक्टिव्हेट करू शकतात
• ChatGPT ॲप किंवा वेबसाईटवर लॉगिन केल्यावर वरील प्रमाणे बॅनर आलेला दिसेल किंवा वर Upgrade for free बटन दिसेल त्यावर क्लिक करा
• आता Go प्लॅन निवडला की तो आपोआप फ्री दिसेल.
• त्यानंतर तुम्हाला तुमचे Credit/Debit कार्ड डिटेल्स किंवा UPI (PhonePe, GPay, etc) मार्फत AutoPay सेटप करावं लागेल.
• हे करताना पैसे जाणार नाहीत मात्र १२ महिने पूर्ण होण्याच्या काही दिवस आधी AutoPay बंद करायला विसरू नका.

Login to chatgpt.com > Click Upgrade for Free > Add Payment Details > ChatGPT Go Activated

भारतामध्ये AI चा वापर झपाट्याने वाढतोय. अशा वेळी OpenAI ने ChatGPT Go मोफत करून भारतीय युजर्सना एक मोठी संधी दिली आहे. ज्यांना AI च्या प्रीमियम फीचर्सचा अनुभव घ्यायचा आहे, गेले काही दिवस AI कंपन्या भारतीय ग्राहकांना त्यांच्याकडे वळवण्यासाठी बरेच प्रयत्न करत आहेत. अर्थात यासाठीचा सर्वोत्तम मार्ग म्हणजे भारतीयांना ती गोष्ट मोफत उपलब्ध करून देणे.

आधी Perplexity Pro + Airtel ऑफर त्यानंतर Google Gemini ने विद्यार्थ्याना एक वर्ष मोफत सेवा जाहीर केली आणि आता ChatGPT GO. यानंतर Jio ने सुद्धा गूगलसोबत भागीदारी करत १८ महिने Google Gemini Pro मोफत देणार असल्याचं सांगितलं आहे!

The post ChatGPT Go प्रीमियम प्लॅन आता भारतात एक वर्ष मोफत उपलब्ध! appeared first on MarathiTech - मराठीटेक.

OpenAI ने आज काही वेळापूर्वी त्यांचा स्वतःचा ब्राऊजर जाहीर केला असून याचं नाव ChatGPT Atlas (चॅटजीपीटी ॲटलस) असं असेल. हा AI आधारित ब्राऊजर असून ChatGPT अंतर्भूत आहे. आज फक्त macOS वर उपलब्ध झाला असून विंडोज, iOS आणि अँड्रॉइडवर नंतर उपलब्ध होणार आहे.

ChatGPT Atlas हा AI आधारित वेब ब्राउझर आहे ज्यामुळे आपण एखादी लिंक किंवा इमेज आधी कॉपी करून मग त्याबद्दल ChatGPT ला त्यांच्या वेबसाइट/ॲपवर जाऊन मग प्रश्न विचारतो त्याऐवजी थेट ब्राऊजरसोबत जोडलेला असल्यामुळे ब्राउझरमधूनच ChatGPT मधील सोयी वापरता येतील. तुम्ही पाहत असलेली वेबसाइट अभ्यासून ChatGPT त्यावरून मदत करू शकतो.

आपण ChatGPT ला या ब्राऊजरमध्ये अमुक एखाद्या वेबसाईटवर माझ्यासाठी काही ठरविक वस्तू Cart मध्ये ॲड करून खरेदी कर असं सांगू शकतो! त्यानुसार त्या त्या प्रॉडक्ट पेजवर जाऊन आपण संगीतल्याप्रमाणे आणि आधी दिलेल्या माहितीनुसार तो आपल्यावतीने त्या वस्तूंची खरेदी पार पाडेल! आपण पाहत असलेल्या कोणत्याही वेबसाइटवरील कंटेंटचा सारांश मागू शकतो, वस्तूंची तुलना करायला सांगू शकतो किंवा डेटा असेल तर त्याचा अभ्यास करून प्रश्न विचारू शकतो! ईमेलमधील टेक्स्ट हायलाइट क्रेन, कॅलेंडरमध्ये invite तयार करणे, डॉक्युमेंटमधील काही बदल असं बरंच काही करता येतं…

अशा प्रकारच्या ब्राऊजिंगला Agent Mode किंवा Agentic Browsing म्हणतात ज्यामध्ये आपण आपल्या शब्दांत ChatGPT ला आपल्याला करायचं असलेलं काम सांगायचं त्याबद्दल एखादा प्रश्न विचारेल आणि दिलेल्या उत्तरानुसार आपल्या वतीने ChatGPT स्वतः त्या वेबसाइटवर जाऊन ती कृती करेल. सध्या ज्या गोष्टी आपल्याला ChatGPT च्या त्यांच्या वेबसाइट/ॲपवर जाऊन कराव्या लागायच्या त्या आता थेट ब्राऊजरमधूनच एका क्लिकवर बाजूला साइडबार मध्ये होताना दिसतील!

ChatGPT Atlas Download Link (Only for macOS) https://chatgpt.com/atlas

ChatGPT Atlas मधील काही खास सोयी खालीलप्रमाणे

• आपण सांगितलेल्या गोष्टीसाठी आपण उघडलेल्या सर्व टॅब्ज आणि वेबसाइट्सचा एकत्रित अभ्यास करून माहिती देऊ शकेल!
• दिलेली माहिती आणि उघडलेल्या वेबसाइट्सचा योग्य मेळ घालून गोष्टी automate करू शकेल.
• एजंट मोड (Agent Mode) ब्राउझरमध्ये तुमचं काम थेट ChatGPT ला द्यायचं झालं तर Agent Mode मदत करेल उदाहरणार्थ, तुम्हाला एखादी पार्टी आयोजित करायची असेल तर ChatGPT Atlas मध्ये अमुक अमुक वस्तू शोध, कार्टमध्ये भर आणि ऑर्डर दे किंवा एखादी फ्लाइट/हॉटेल शोधून बुक कर अशी कामं ते ऑनलाइन स्वतः करून देऊ शकतो.
• गोपनीयतेसाठी अनेक पर्याय उपलब्ध.
• ब्राउझर मेमरी अशी सुविधा आहे म्हणजे तुमचे शोध, पाहिलेले पेजेस, केलेलं काम लक्षात ठेऊन त्या माहितीचा उपयोग करून ChatGPT तुम्हाला पुढे मदत करू शकतो.
• ब्राउझर मेमरी वापरणं ही तुमची संमतीने होते. तुम्ही पाहिलेली पेजेस, सर्चचा इतिहास, हे सर्व ब्राउझरमध्ये वगळू शकता किंवा Incongnito मोडमध्ये शोधू शकता. तसेच कोणत्या साइट्सवर ChatGPT ला पाहता येईल हे तुम्ही निवडू शकता.
• AI द्वारे टॅब मॅनेजमेंट करता येईल!

Atlas ब्राऊजरसुद्धा सध्या उपलब्ध असलेल्या गूगल क्रोम, मायक्रोसॉफ्ट एज, Brave, सफारी अशा ब्राऊजर्स प्रमाणे Chromium वापरुनच तयार केलेला आहे त्यामुळे गूगल क्रोमसाठी उपलब्ध असलेल्या Extensions सारख्या सर्व सोयी यामध्येही मिळतीलच.

ChatGPT च्या Agent Mode मध्ये अजूनही काही धोके आहेत असं स्वतः OpenAI ने सांगितलं आहे. तुमच्या वतीने काम करताना साध्या चुका करण्याव्यतिरिक्त, एजंट लपलेल्या चुकीच्या सूचनांनाही बळी पडू शकतात. अशा सूचना वेबपेज किंवा ईमेलसारख्या ठिकाणी लपविल्या जाऊ शकतात, ज्यांचा उद्देश ChatGPT एजंटच्या अपेक्षित वर्तनावर नियंत्रण मिळवणे असतो. यामुळे तुम्ही लॉग इन केलेल्या साइट्समधील माहिती चोरी जाणे किंवा तुम्ही नको असलेल्या कृती केल्या जाण्याची शक्यता निर्माण होऊ शकते. ही अडचण Atlas, Comet अशा सर्वच Agentic Browsers मध्ये असणार आहे.

याची नव्या ब्राऊजरची घोषणा झाल्यावर त्यांची स्पर्धा ब्राऊजर विश्वात सध्याचा राजा असलेल्या गूगल क्रोमसोबत असल्यामुळे गूगलची मालकी असलेल्या Alphabet कंपनीचे शेयर्स ३.४ टक्क्यानी कोसळले आहेत (अर्थात काही वेळातच सावरलेसुद्धा) ! गूगलसुद्धा Gemini मार्फत अशा सोयी गूगल क्रोममध्ये आणत आहे आणि Perplexity ने काही दिवसांपूर्वीच Comet ब्राऊजर आणला आहे जो या नव्या ChatGPT Atlas प्रमाणेच काम करतो. आता या सगळ्यांच्या स्पर्धेत कोण जिंकतो हे पुढे समजेलच..

The post आता ChatGPT चा Atlas नावाचा स्वतःचा ब्राऊजर : गूगल क्रोमचा नवा स्पर्धक? appeared first on MarathiTech - मराठीटेक.

OpenAI ने भारतासाठी खास स्वस्त ChatGPT Go हा सबस्क्रिप्शन प्लॅन सुरू केला आहे. या नव्या प्लॅनची किंमत ३९९ इतकीच असणार आहे. यासोबतच भारतीय युजर्सना आता ChatGPT च्या सगळ्या सबस्क्रिप्शनचे पेमेंट भारतीय रुपयांत UPI द्वारे करता येणार आहे.

• ChatGPT Go किंमत: फक्त ₹399 प्रति महिना, हे ChatGPT Plus (₹1,999) व Pro (₹19,900) च्या तुलनेत खूपच स्वस्त आहे.
• या नवीन प्लॅनमध्ये युजर्सना फ्री व्हर्जनच्या तुलनेत दहा पट मेसेज व इमेज जनरेशन आणि दुप्पट मेमरी मिळते.
• UPI द्वारे थेट पेमेंटचा पर्याय, ज्यामुळे क्रेडिट/डेबिट कार्डशिवाय सबस्क्रिप्शन खरेदी शक्य.
• सगळ्या प्लॅन्सच्या किंमती आता रुपयात दिसतील.

या प्लॅनमध्ये काय मिळणार?

• Extended access to GPT-5: Enjoy more usage of our flagship model.
• Extended access to image generation: Create more images for work or play.
• Extended access to file uploads: Analyze and work with more documents, spreadsheets, and other files.
• Extended access to advanced data analysis: Use tools like Python for data exploration and problem-solving more often.
• Longer memory for more personalized responses: Keep conversations flowing with a larger context window.
• Access to projects, tasks, and custom GPTs: Organize your work, track progress, and build personalized AI tools with more flexibility.

नवा प्लॅन कोणासाठी उपयुक्त?

• विद्यार्थी, फ्रीलान्सर, वेब डेव्हलपर, ग्राफीक डिझायनर, AI वापरकर्ते, ज्यांना अधिक क्षमतांची गरज आहे पण प्रीमियम प्लॅन नको.
• या प्लॅनमुळे ज्यांचा नॉर्मल युजर्सपेक्षा जास्त पण प्रो युजर्सपेक्षा कमी वापर आहे त्यांना नक्कीच फायदा होईल.
• भारतातील मोठ्या युजर बेस मिळवण्यासाठी OpenAI ने हा प्लॅन प्रथम भारतात आणला असून पुढे तो जगभर मिळणार आहे.

या प्लॅनबद्दल अधिक माहिती : https://help.openai.com/en/articles/11989085-what-is-chatgpt-go

OpenAI काही दिवसांपूर्वीच ChatGPT मध्ये GPT 5 आणलं असून त्यामधील आपोआप आपल्या गरजेनुसार मॉडेल सिलेक्ट होण्याची सोय या प्लॅन्समध्येही मिळणार आहेच. GPT-5 ही OpenAI ची अत्याधुनिक भाषा मॉडेलची नवी आवृत्ती आहे, जी पूर्वीच्या GPT-4 पेक्षा अधिक बुद्धिमान, वेगवान आणि अचूक आहे. यामध्ये अधिक नैसर्गिक, सुसंगत आणि संदर्भानुसार संवाद साधण्याची क्षमता आहे. मोठ्या प्रमाणावर डेटा प्रोसेसिंग, कोड जनरेशन, मल्टी-लँग्वेज सपोर्ट आणि कस्टम ट्यूनिंग करता येईल.

The post ChatGPT चा खास भारतीयांसाठी नवा स्वस्त प्लॅन : ChatGPT Go appeared first on MarathiTech - मराठीटेक.

तंत्रज्ञानाच्या प्रगतीमुळे डिजिटल आर्ट आणि ॲनिमेशनच्या क्षेत्रात मोठे बदल होत आहेत. आर्टिफिशियल इंटेलिजन्स (AI) वर आधारित इमेज जनरेशन तंत्रज्ञान यामध्ये मोठी क्रांती घडवत आहे. ChatGPT च्या OpenAI ने काल उपलब्ध करून दिलेल्या 4o Image Generation तंत्रज्ञानाने सर्वांनाच आश्चर्यचकित केलं आहे. त्यांचं हे नवं टूल सोशल मीडियावर एका दिवसातच प्रचंड लोकप्रिय झालं आहे. विशेषतः Ghibli शैलीतील कलाकृती तसेच अत्यंत खऱ्यासारख्या दिसणाऱ्या प्रतिमा तयार करण्यासाठी याचा मोठ्या प्रमाणावर वापर केला जातोय.

हे इमेज जनरेशन ChatGPT मध्येच प्रॉम्प्ट वापरुन तयार करता येईल. ही सोय सध्या फ्री युजर्सना उपलब्ध नाही थोड्या वेळाने उपलब्ध होईल.

आपण एखाद्या वस्तुची इमेज अपलोड केली आणि यापासून आपल्याला अमुक प्रकारची जाहिरात करून दाखव असा प्रॉम्प्ट दिला की लगेचच योग्य टेक्स्टसह इमेजेस तयार करून मिळत आहेत. याची गुणवत्तासुद्धा आधीपेक्षा अनेक पटींनी चांगली आहे.

4o इमेज जनरेशनचे सर्वात मोठे वैशिष्ट्य म्हणजे त्याची उच्च दर्जाच्या वास्तववादी प्रतिमा तयार करण्याची क्षमता. यामध्ये AI च्या मदतीने सजीव आणि स्पष्ट प्रतिमा तयार केल्या जातात, ज्या पूर्वीच्या तंत्रज्ञानाच्या तुलनेत अधिक नैसर्गिक दिसतात. हे तंत्रज्ञान विविध प्रकारच्या कलाकृती सहजपणे निर्माण करू शकते. सध्याच्या AI टूल्सच्या तुलनेत यामध्ये मजकूर(टेक्स्ट) असलेल्या इमेजेस अधिक चांगल्या प्रकारे तयार करता येणार आहेत. पूर्वी AI ने तयार केलेल्या इमेजेसमध्ये टेक्स्ट विचित्र दिसायचा. मात्र आता या नव्या 4o Image Generation मुळे कलाकार आणि डिजिटल क्रिएटर्स याला मोठ्या प्रमाणावर वापरू शकतात.

यामध्ये Ghibli स्टाईलमध्ये प्रतिमा तयार करण्याची खासियत आहे. जपानी ॲॲनिमेशन स्टुडिओ Ghibli यांची सौंदर्यपूर्ण कलाकृती अनेक लोकांना आवडते. या स्टाईलमध्ये रंगसंगती साधी आणि पात्रांचे हावभाव स्पष्ट असतात. 4o च्या मदतीने हीच जादू काही सेकंदात डिजिटल स्वरूपात निर्माण करता येते. त्यामुळे सोशल मीडियावर या स्टाईलमधील प्रतिमा मोठ्या प्रमाणावर व्हायरल होत आहेत.

4o मध्ये प्रगत टेक्स्ट-टू-इमेज प्रणाली आहे, ज्यामुळे केवळ काही शब्दांमध्ये सांगितलेली कल्पना सुंदर कलाकृतीमध्ये बदलली जाते. पूर्वी अशा प्रतिमा तयार करण्यासाठी तासन् तास मेहनत घ्यावी लागायची, पण आता AI काही सेकंदांतच सुंदर प्रतिमा तयार करू शकते.

सोशल मीडियावर या तंत्रज्ञानाचा मोठ्या प्रमाणावर वापर होतो आहे. Instagram आणि Pinterest वर Ghibli स्टाईलमधील इमेजेस मोठ्या प्रमाणावर शेअर केल्या जात आहेत. कलाकार आणि डिजिटल क्रिएटर्स आपले काम लोकांसमोर मांडण्यासाठी या तंत्रज्ञानाचा उपयोग करत आहेत. TikTok आणि Instagram Reels वर तर लोक आपल्या फोटोला Ghibli स्टाईलमध्ये बदलून व्हिडिओ तयार करत आहेत. त्यामुळे हा ट्रेंड आणखी वेगाने वाढतो आहे.

मीम कल्चरमध्येही 4o चा मोठा प्रभाव दिसून येतो. AI ने तयार केलेल्या कलाकृती वापरून मीम्स, कथा आणि फॅन-आर्ट मोठ्या प्रमाणावर शेअर केल्या जात आहेत. हे तंत्रज्ञान केवळ मनोरंजनापुरते मर्यादित राहणार नाही तर चित्रपट, गेम डेव्हलपमेंट आणि ॲनिमेशन क्षेत्रासाठी देखील अत्यंत महत्त्वाचे ठरणार आहे.

भविष्यात हे तंत्रज्ञान आणखी सुधारले जाईल आणि कलाकार, कंटेंट क्रिएटर्स तसेच ब्रँड्ससाठी अधिक प्रभावी ठरेल. काही जणांनी आता हळूहळू का होईना ग्राफिक डिझायनर्सची जागा AI घेऊ शकेल अशी शक्यता व्यक्त केली जात आहे.

अधिक माहितीसाठी लिंक : https://openai.com/index/introducing-4o-image-generation

The post OpenAI चं 4o इमेज जनरेशन : सोशल मीडियावर Ghibli आर्टची लोकप्रियता appeared first on MarathiTech - मराठीटेक.