.jpg)
न्यूयॉर्क-Aug 21, 2012 आयफोनसारखे जबरदस्त मोबाईल बनविणारी अॅपल ही जगातील सगळ्यात मोठी भाग भांडवल असलेली कंपनी ठरली आहे. अॅपलचे शेअर सोमवारी २.६ टक्क्यांनी वर गेले त्याचबरोबर कंपनीचे भागभांडवल ६२० अब्ज अमेरिकन डॉलरच्या घरात गेले. अशीच उसळी १९९९ मध्ये मायक्रोसॉफ्ट कॉर्पच्या शेअरनी घेत सर्वात मोठी बनण्याचा विक्रम केला होता.
एस अॅड पी डाऊ जोन्सच्या आकडेवारीनुसार, सोमवारी अॅपल कंपनीचे शेअर ६६५.१५ अब्ज अमेरिकन डॉलरच्या पातळीवर बंद झाले होते. याचबरोबर अॅपलने एकूण बाजाराच्या भांडवलात ६२३.५ अब्ज अमेरिकन डॉलरचे आकडा पार केला. हा आकडा १९९९मध्ये मायक्रोसॉफ्टने ६२०.८ अब्ज अमेरिकन डॉलरपेक्षा अधिक आहे. याआधी अॅपल कंपनीने मागच्या वर्षी मोस्ट व्हॅल्यूबल हा किताब मिळवला होता.
शेअर बाजारातील तज्ज्ञांनी सांगितले की, कंपनीच्या शेअरचे भाव येत्या काही दिवसांत आणखी वाढतील. ३८ स्टॉक विश्लेषकांनी अॅपल कंपनीच्या भाग भांडवलामध्ये ७४५.८० अब्ज डॉलर एवढी वाढ होईल, असे सांगितले आहे. अॅपलनंतर जगातील सगळ्यात मोठ्या भागभांडवलाची कंपनी एक्सन मोबिल कॉर्प आहे.
